ᔮᓱᐊᑉ ᐊᒡᓚᖏᑦ 6:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᔮᓱᐊᓕ ᐅᖃᕐᐳᖅ ᐊᖑᑏᖕᓄᑦ ᒪᕐᕉᖕᓄᑦ ᓄᓇᒥᒃ ᖃᐅᔨᓴᕆᐊᓚᐅᕐᑑᖕᓄᑦ, “ᐂᓕᕆᑦᓯᒃ ᐊᖑᓐᓂᐊᕐᑎᐅᑉ ᐃᒡᓗᖓᓄᑦ, ᑕᒪᐅᓐᖓᐅᑎᓗᒍᓗ ᐃᓚᓕᒫᖏᓪᓗ, ᑍᒫᒃ ᐊᖏᕐᕕᒋᓚᐅᕋᑦᓯᐅᒃ.”

ᔮᓱᐊᑉ ᐊᒡᓚᖏᑦ 6:22 Iomraidhean Croise

ᓴᒧᐃᓕ ᐂᑉᐸᖏᑦ 21:2

(ᒋᐱᐅᓁᑎᒥᐅᑦ ᐃᓴᕆᐊᓕᒥᐅᑕᐅᖏᒻᒪᑕ; ᐅᓄᖏᑦᑐᑦ ᐊᒧᕅᑎᓂ ᐊᒥᐊᒃᑰᓯᒪᕗᑦ; ᐃᓴᕆᐊᓕᒥᐅᓄᓪᓕ ᐊᖏᕐᕕᐅᓯᒪᓚᐅᕐᐳᑦ ᓴᐳᒻᒥᔭᐅᓂᐊᕐᓂᕋᕐᑕᐅᓪᓗᑎᒃ, ᓴᐅᓕᐅᓪᓕ ᐊᓯᕈᓚᐅᕐᐰᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ ᐃᓱᒫᓗᒍᑎᖃᕐᓂᕐᓴᐅᓪᓗᓂ.)

ᓴᒧᐃᓕ ᐂᑉᐸᖏᑦ 21:7

ᔫᓇᑕᓂᒃᑯᒡᓕ ᐊᖏᖃᑎᒌᒍᑎᒋᓚᐅᕐᓯᒪᔭᖓᓄᑦ ᐃᒻᒥᖕᓄᑦ, ᑍᕕᑎᐅᑉ ᑐᖁᑕᐅᑎᓚᐅᓐᖏᓛ ᔫᓇᑕᓂᐅᑉ ᐃᕐᓂᖓ ᒥᐱᐳᓴᑎ, ᓴᐅᓕᐅᑉ ᐃᕐᖑᑕᖓ.

ᐃᓐᖏᕈᑎᑦ 15:4

ᐱᐅᖏᑦᑐᓕᐅᕐᑎᒥᒡᓗ ᖁᕕᐊᒋᔭᖃᖏᑦᑐᖅ, ᐅᐱᒍᓱᒃᑐᖅ ᒎᑎᒥᒃ ᓯᕘᕋᔪᓂᒃ, ᐊᖏᕈᑎᒥᓂᒃ ᑲᔪᓯᑎᑦᓯᕙᒃᑐᖅ, ᐊᓯᑦᔩᕙᒐᓂᓗ ᐃᒻᒥᓄᑦ ᐋᓐᓂᕐᓇᕋᓗᐊᕐᐸᑦ,

ᐃᓯᑭᐊᓕᐅᑉ ᐊᒡᓚᖏᑦ 17:13

ᐊᖓᔪᖅᑳᕐᔪᐊᓪᓗ ᕿᑐᕐᖓᖏᑕ ᐃᓚᖓᓐᓄᑦ ᐊᖏᖃᑎᒌᒍᑎᓕᐅᓚᐅᕐᐳᖅ ᐅᖃᕕᖕᓂᒃᑯᑦ. ᐊᖓᔪᖅᑳᐅᓂᖏᓪᓗ ᓄᓇᒥ ᐊᐅᓪᓚᕈᑎᓚᐅᕆᕔᑦ,

ᐃᓯᑭᐊᓕᐅᑉ ᐊᒡᓚᖏᑦ 17:16

“ᐅᕙᖓ ᐆᒪᓪᓗᖓ ᒎᑎᐅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᑖᓐᓇ ᐊᖏᖃᑎᒌᒍᑎᓕᐊᒥᓂᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓯᖁᒥᑦᓯᓚᐅᕐᒪᑦ ᐊᖓᔪᖅᑳᕐᔪᐊᖑᑎᑦᓯᔨᒥᓂᒃ, ᑖᓐᓇ ᐹᐱᓘᓂᒥ ᑐᖁᔪᒫᕐᐳᖅ.

ᐄᑉᕈᐃᓄᑦ 11:31

ᐅᒃᐱᕐᓂᑯᑦ ᕅᕼᐋᐱ ᐊᖑᓐᓂᐊᕐᑎ ᑐᖁᑕᐅᖃᑕᐅᓚᐅᓐᖏᓚᖅ ᒎᑎᒥᒃ ᓈᓚᖏᑦᑐᑦ ᑐᖁᑕᐅᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᕐᓯᒪᔪᖁᑎᖏᓐᓂᒃ ᑐᓐᖓᓱᒃᑎᑦᓯᓚᐅᕐᓂᖓᓄᑦ.

ᔮᓱᐊᑉ ᐊᒡᓚᖏᑦ 6:17

ᐃᒡᓗᒐᓴᖕᓃᑦᑐᓕᒫᑦ ᐊᓯᕈᕐᑕᐅᓂᐊᕐᐳᑦ ᑐᓂᕐᕈᑕᐅᔪᑎᑐᑦ ᐊᑕᓂᕐᒧᑦ; ᕅᕼᐊᐱᑐᐊᖅ ᐊᖑᓐᓂᐊᕐᑎ ᐃᒡᓗᒥᐅᖃᑎᖏᓪᓗ ᐱᐅᓕᔭᐅᔪᒃᓴᐅᕗᑦ, ᑖᓐᓇ ᐃᔨᕐᓯᓯᒪᓚᐅᕐᒪᑦ ᖃᐅᔨᓴᕆᐊᕐᑎᑕᑦᑎᓐᓂᒃ.

ᔮᓱᐊᑉ ᐊᒡᓚᖏᑦ 6:23

ᑍᒤᒻᒪᑦ ᐃᓅᓱᒃᑑᒃ ᓄᓇᒥᒃ ᖃᐅᔨᓴᕆᐊᓚᐅᕐᑑᒃ ᐂᒃᓯᓚᐅᕐᐴᒃ ᕅᕼᐊᐱᒥᒃ, ᐊᑖᑕᖓᓂᒃ ᐊᓈᓇᖓᓂᒃ ᐊᓂᖏᓪᓗ ᐃᓚᓕᒫᖏᓪᓗ; ᐱᔨᑲᑖᖏᓪᓗ ᐂᑎᓚᐅᕐᐰᑦ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᖓᑕ ᓴᓂᐊᓄᑦ.

ᔮᓱᐊᑉ ᐊᒡᓚᖏᑦ 9:15

ᔮᓱᐊ ᐊᖏᖃᑎᖃᓚᐅᕐᐳᖅ ᐃᓚᓐᓈᕆᔪᒪᓪᓗᒋᑦ, ᑐᖁᑕᐅᖁᓇᒋᓪᓗ; ᐃᓴᕆᐊᓕᒥᐅᓪᓗ ᓯᕗᓕᕐᑎᖏᑦ ᐊᖏᒻᒪᕆᓚᐅᕐᐳᑦ ᐃᓚᓐᓈᖃᕈᒪᓪᓗᑎᒃ ᑖᒃᑯᓂᖓ.

ᐃᓗᐊᕐᓮᔩᑦ ᐊᒡᓚᖏᑦ 1:25

ᑕᕝᕙ ᖃᐅᔨᑎᑉᐰᑦ ᐃᒡᓗᒐᓴᖕᓄᑦ ᐃᑎᕐᑕᕐᕕᖓᓂᒃ, ᐃᑎᕋᒥᒃ ᐃᓄᖏᑦ ᓴᕕᒡᔪᐊᒧᑦ ᑐᖁᑉᐰᑦ ᐃᒡᓗᒐᓴᖕᓃᑦᑐᓕᒫᑦ, ᑭᓯᐊᓂᓕ ᑖᓐᓇ ᐊᖑᑦ ᐃᓚᓕᒪᖏᓪᓗ ᖃᓄᐃᓕᓇᒋᑦ.