ᔮᓱᐊᑉ ᐊᒡᓚᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᔨᕆᑯ ᐃᓕᑦᓯᓐᓄᑦ ᑐᓂᓯᒪᕙᕋ, ᐊᖓᔪᖅᑳᕐᔪᐊᖓᓪᓗ ᐅᓇᑕᕐᑐᒃᓴᖁᑎᖏᓪᓗ.

ᔮᓱᐊᑉ ᐊᒡᓚᖏᑦ 6:2 Iomraidhean Croise

ᓴᒧᐃᓕ ᐂᑉᐸᖏᑦ 5:19

ᑍᕕᑎᓗ ᐊᑕᓂᕐᒥᒃ ᐊᐱᕐᓱᓚᐅᕐᐳᖅ, “ᐅᓇᑕᕆᐊᕈᓐᓇᕐᐳᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᖅ ᑭᐅᕗᖅ, “ᐊᑏ ᐅᓇᑕᕆᐊᓕᕆᑦ; ᓵᓚᖃᕐᑎᓐᓂᐊᕐᐸᒋᑦ ᐱᓕᔅᑍᓂᒥᐅᓂᒃ.”

ᓂᕼᐃᒤᐊᐅᑉ ᐊᒡᓚᖏᑦ 9:24

ᓵᓚᖃᕐᓂᒃᑯᑦ ᓄᓇᑖᓚᐅᕐᐳᑦ ᑬᓇᓂᐅᑉ ᓄᓇᖓᓂᒃ; ᐃᓄᐃᓪᓗ ᓄᓇᓖᑦ ᓯᖏᑕᐅᑎᓚᐅᕐᐸᑎᑦ, ᐃᓄᖁᑎᑎᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓚᐅᕐᐸᑎᑦ ᐃᓱᒤᓐᓇᕐᕆᖁᓪᓗᒋᑦ ᐃᓄᖕᓂᒃ ᐊᖓᔪᖅᑳᕐᔪᐊᓂᒡᓗ ᑬᓇᓂᒥ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᑖᓂᐊᓕᐅᑉ ᐊᒡᓚᖏᑦ 5:18

“ᐊᖓᔪᖅᑳᕐᔪᐊᖅ, ᒎᑎᐅᑉ ᖁᑦᓯᖕᓂᕐᐹᑉ ᐊᑖᑍᑦ ᓂᐱᑯᓁᓴ ᑐᓂᓯᕕᒋᓚᐅᕐᐹ ᐊᖓᔪᖅᑲᐅᓂᕐᒥᒃ, ᐊᖏᔪᕐᔫᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᐱᐅᒋᔭᐅᒻᒪᕆᖕᓂᕐᒥᒡᓗ.

ᒨᓯᓯ ᑕᓪᓕᒪᖏᑦ 7:24

ᐊᖓᔪᖅᑳᕐᔪᐊᖏᓪᓗ ᐃᓕᑦᓯᓐᓄᑦ ᑐᓂᓂᐊᕐᐰᑦ, ᑕᕝᕙ ᑐᖁᓐᓂᐊᕐᐸᓯ, ᐳᐃᒍᕐᑕᐅᓂᐊᕐᐳᓪᓗ ᓄᓇᕐᔪᐊᕐᒥᐅᓄᑦ. ᓇᓪᓕᐊᓐᓄᓪᓘᓐᓃᑦ ᓄᖅᑲᕐᑎᑕᐅᔪᓐᓇᕐᓂᐊᓐᖏᓚᓯ; ᑕᒪᒃᑯᓂᖓ ᓄᖒᑦᓯᓚᐅᖏᓐᓂᑦᓯᓐᓂ.

ᔮᓱᐊᑉ ᐊᒡᓚᖏᑦ 12:9

ᐃᓴᕆᐊᓕᒥᐅᑦ ᓵᓚᖃᓚᐅᕆᕗᑦ ᐊᖓᔪᖅᑳᕐᔪᐊᓂᒃ ᐃᒡᓗᒐᓴᖕᓂᒡᓗ, ᔨᕆᑯᒥᐅᓂᒃ, ᐂᒥᐅᓂᒃ, ᐱᑎᓕᐅᑉ ᖃᓂᒋᔭᖓᓃᑦᑐᓂᒃ;

ᔮᓱᐊᑉ ᐊᒡᓚᖏᑦ 2:24

ᔮᓱᐊᓗ ᐅᖃᐅᑎᓪᓗᒍ, “ᓱᓕᓪᓚᕆᒃᑐᒥᒃ ᐊᑕᓂᐅᑉ ᑐᓂᓚᐅᕐᐹᑎᒍᑦ ᓄᓇᓕᒫᒥᒃ; ᐃᓄᓕᒫᓪᓗ ᓄᓇᖃᕐᑐᑦ ᑍᑲᓂ ᓴᐱᓕᕐᓗᑎᒃ ᐅᕙᑦᑎᓐᓂᒃ.”

ᔮᓱᐊᑉ ᐊᒡᓚᖏᑦ 2:9

ᐅᖃᐅᑎᓪᓗᒋᓪᓗ, “ᖃᐅᔨᒪᕗᖓ ᐊᑕᓂᐅᑉ ᓄᓇ ᐃᓕᑦᓯᓐᓄᑦ ᑐᓂᓚᐅᕐᒪᒍ, ᐃᓕᑦᓯᓐᓂᒃ ᑲᑉᐱᐊᓱᖕᓂᕐᔪᐊᖃᓕᕋᑦᑕ, ᓄᓇᓕᓕᒫᓪᓗ ᐃᓕᑦᓯᓐᓂᒃ ᓯᕘᕋᓕᕐᓗᑎᒃ.

ᔮᓱᐊᑉ ᐊᒡᓚᖏᑦ 20:1

ᐊᑕᓂᐅᑉ ᔮᓱᐊ ᐅᖃᐅᑎᕚ ᐅᖃᕐᓗᓂ,

ᔮᓱᐊᑉ ᐊᒡᓚᖏᑦ 6:1

ᔨᕆᑰᓪᓕ ᐅᒃᑯᐊᖏᑦ ᐅᒃᑯᐊᕐᓯᒪᓚᐅᕐᐳᒃ ᐊᓂᕕᖏᑦ ᐃᑎᕐᕕᖏᓪᓗ ᐃᓴᕆᐊᓕᒥᐅᑦ ᐃᑎᖁᓇᒋᑦ; ᐃᑎᕐᑐᖃᕈᓐᓇᓚᐅᓐᖏᓚᕐᓗ ᐊᓂᔪᖃᕈᓐᓇᕋᓂᓗ ᐃᒡᓗᒐᓴᖕᓂᑦ.

ᔮᓱᐊᑉ ᐊᒡᓚᖏᑦ 6:3

ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ, ᖃᐅᑕᒫᑦ ᑬᕙᓪᓚᖃᑦᑕᕐᓗᒋᑦ ᐅᓪᓗᓂᒃ ᐱᖓᓲᔪᕐᑐᓂᒃ.

ᔮᓱᐊᑉ ᐊᒡᓚᖏᑦ 8:1

ᐊᑕᓂᖅ ᐅᖃᕐᐳᖅ ᔮᓱᐊᒧᑦ, “ᐅᓇᑕᕐᑐᒃᓴᓕᒫᑦ ᐃᓚᒋᓗᒋᑦ ᐂᒨᓕᕆᑦᓯ; ᑲᑉᐱᐊᓱᒃᑍᓕᒋᑦᓯ ᓴᐱᕐᑍᓕᓗᓯᓗ, ᓵᓚᖃᕐᑎᓐᓂᐊᕐᐸᒋᑦ ᐂᑉ ᐊᖓᔪᖅᑳᕐᔪᐊᖓᓂᒃ, ᐃᓄᖁᑎᖏᓐᓂᒡᓗ, ᐃᒡᓗᒐᓴᖏᑦ ᓄᓇᖁᑎᖏᓪᓗ ᐱᓂᐊᕐᐸᓯ.

ᐃᓗᐊᕐᓮᔩᑦ ᐊᒡᓚᖏᑦ 11:21

ᐊᑕᓂᐅᓪᓕ, ᐃᓴᕆᐊᓕᐅᑦ ᒎᑎᖓᑕ ᓵᓚᖃᕐᑎᓚᐅᕐᐰᑦ ᓮᕼᐆᓂᒥᒃ ᐅᓇᑕᕐᑐᒃᓴᖏᓐᓂᒡᓗ; ᑖᒃᑯᓂᖓᓗ ᓵᓚᖃᓚᐅᕐᐳᑦ. ᑍᒤᒻᒪᑦ ᐃᓴᕆᐊᓕᒥᐅᑦ ᓄᓇᑖᕆᓚᐅᕐᐹᑦ ᐋᒧᕅᑎᒥᐅᑦ ᓄᓇᖁᑎᓕᒫᖓᑦ. ᐊᒧᕅᑎᑦ ᓄᓇᖃᕐᕕᒋᓚᐅᕐᑕᖓᑦ.

ᐃᓗᐊᕐᓮᔩᑦ ᐊᒡᓚᖏᑦ 11:24

ᓄᓇᖁᑎᑖᕆᔪᒪᓐᖏᓚᓯᐅᒃ ᑭᒨᓯᐅᑉ ᒎᑎᓐᖑᐊᑦᓯ ᓄᓇ ᑐᓃᓚᐅᕐᑕᖓ ᐃᓕᑦᓯᓐᓄᑦ? ᐅᕙᒍᓪᓕ ᐱᓯᒤᓐᓇᕐᓂᐊᕆᕙᕗᑦ ᐊᑕᓂᐅᑉ, ᒎᑎᑦᑕ ᐊᕐᓵᕐᓯᑦᔪᑎᒋᓚᐅᕐᑕᖓ ᐅᕙᑦᑎᓐᓄᑦ ᑐᓂᓪᓗᒍ.