ᔮᓱᐊᑉ ᐊᒡᓚᖏᑦ 6:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᔮᓱᐊᑉ ᐊᒡᓚᖏᑦ 6:18 Iomraidhean Croise

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:18

ᓯᓚᑐᓂᖅ ᐱᐅᓂᕐᓴᐅᕗᖅ ᐅᓇᑕᐅᑎᓂᑦ, ᐱᐅᖏᑦᑐᓕᔪᕐᓕ ᐊᑕᐅᓯᖅ ᐊᓯᕈᐃᕗᖅ ᐱᐅᔪᓂᒃ ᐅᓄᕐᑐᓂᒃ.

ᔫᓇᐅᑉ ᐊᒡᓚᖏᑦ 1:12

ᔫᓇᐅᓪᓗ ᐅᖃᐅᑎᕔᑦ: “ᑎᒍᓯᓐᖓ ᐃᒋᓪᓗᖓᓗ ᐃᒫᓄᑦ ᐃᒪᖅ ᐅᕐᓱᐊᓕᖁᓪᓗᒍ ᐃᓕᑦᓯᓐᓄᑦ; ᖃᐅᔨᒪᒐᒪ ᐅᕙᖓ ᐱᑦᔪᑎᒋᓪᓗᖓ ᐊᖅᑯᓇᕐᓯᐅᕐᑐᐊᓘᑎᑕᐅᒐᑦᓯ.”

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᒨᓯᓯ ᑕᓪᓕᒪᖏᑦ 13:17

ᓇᓪᓕᐊᓐᓂᒡᓘᓐᓃᑦ ᓄᖑᑕᐅᔪᒃᓴᐅᑎᓪᓗᒍ ᓱᒋᐊᕐᑕᐅᖁᔭᐅᔪᒥᒃ ᓇᖕᒥᓂᒃᓴᕆᔪᒪᓗᒍ ᑎᒍᓯᔪᒃᓴᐅᓐᖏᓚᑎᑦ ᐊᑕᓂᖅ ᓂᓐᖓᖕᓂᕐᔪᐊᒥᓂᑦ ᓴᖑᖁᓪᓗᒍ, ᓂᑲᒋᓗᓯᓗ. ᐃᓚᑦᓱᒋᓕᕐᓂᐊᕐᒪᓯ, ᐃᓄᒐᓴᒡᔪᐊᓐᖑᕐᑎᓪᓗᓯᓗ, ᑍᒫᒃ ᐊᖏᕈᑎᖃᕐᓯᒪᖕᒪᑦ ᓯᕗᓕᕕᓂᑦᓯᓐᓄᑦ,

ᒨᓯᓯ ᑕᓪᓕᒪᖏᑦ 23:10

ᐊᖑᓪᓕ ᐅᒃᐱᕐᓂᒃᑯᑦ ᓴᓗᒪᔪᓐᓃᕐᓂᕋᕐᑕᐅᒃᐸᑦ ᓯᓐᓇᒃᑐᕐᓗᓂ ᐅᓐᓄᐊᒃᑯᑦ ᒪᕿᓯᒪᓂᕐᒥᓄᑦ, ᑖᓐᓇ ᑕᖕᒫᕐᓯᒪᕕᐅᑉ ᓯᓚᑖᓄᐊᕐᑐᒃᓴᐅᕗᖅ ᐅᑎᕆᐊᖃᕈᓐᓃᕐᓗᓂ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᔮᓱᐊᑉ ᐊᒡᓚᖏᑦ 7:1

ᐃᓴᕆᐊᓕᒥᐅᑉ ᑎᒍᓯᔪᖃᓚᐅᕐᐳᑦ ᐱᔭᐅᖁᔭᐅᖏᑦᑐᓂᒃ; ᐊᖑᑦ ᐂᑲᓐᒥᒃ ᐊᑎᓕᒃ ᑳᕐᒥᐅᑉ ᐃᕐᓂᖓ, ᑳᕐᒥ ᐃᕐᓂᕆᔭᐅᕗᖅ ᔭᑉᑍᒧᑦ, ᔭᑉᑍ ᐃᕐᓂᕆᔭᐅᕗᖅ ᔨᕋᒧᑦ, ᔫᑕᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᐂᑲᓐ ᐊᑕᓂᕐᒧᑦ ᑐᓂᔭᐅᓯᒪᔪᓂᒃ ᑎᒍᓯᓚᐅᕐᒪᑦ; ᐊᑕᓂᖅ ᓂᓐᖓᐅᑦᔨᓚᐅᕐᐳᖅ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 7:13

ᒪᑭᓕᕆᑦ! ᐃᓄᐃᑦ ᐃᑦᔪᕐᓁᓕᑎᓕᒃᑭᑦ, ᐅᖃᐅᑎᓗᒋᓪᓗ, ‘ᖃᐅᒃᐸᑦ ᐃᑦᔪᕐᓁᓕᕐᑎᑦᑐᒃᓴᐅᕗᓯ; ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᑍᒫᒃ ᐅᖃᕐᒪᑦ, “ᐱᖁᑎᓂᒃ ᐱᓯᒪᒐᑦᓯ ᐊᓯᕈᕐᑕᐅᖁᓚᐅᕐᑕᓐᓂᒃ! ᐃᓴᕆᐊᓕᒥᐅᑦ; ᐊᑭᒪᔪᓐᓇᕐᓂᐊᓐᖏᓐᓇᑦᓯ ᐊᑭᕋᑦᓯᓐᓂᒃ ᐱᖁᔭᐅᓚᐅᖏᑦᑐᓂᒃ ᐱᓯᒪᓂᓯ ᑕᒪᓐᓇ ᑲᒪᒋᔭᐅᓚᐅᖅᑳᕐᑎᓐᓇᒍ.”

ᔮᓱᐊᑉ ᐊᒡᓚᖏᑦ 7:15

ᑖᓐᓇᓗ ᓇᓗᓁᕐᑕᐅᔪᖅ ᐱᐅᖏᑦᑐᒥᒃ ᐱᖁᑎᓂᒃ ᐱᓯᒪᔪᖅ ᐃᑭᑕᐅᔪᒃᓴᐅᕗᖅ, ᐃᓚᒌᑦ ᐃᓚᒋᓗᒋᑦ ᐱᖁᑎᓕᒫᖏᓪᓗ, ᑖᓐᓇ ᐊᔪᕐᑐᓕᑎᑦᓯᖕᒪᑦ ᐃᓴᕆᐊᓕᒥᐅᓂᒃ ᓯᖁᒥᑦᑎᓯᒪᓪᓗᓂᓗ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ, ᑲᓐᖑᓇᕐᑐᒦᑎᑦᓯᓪᓗᓂᓗ ᐃᓴᕆᐊᓕᒥᐅᓂᒃ.’”

ᔮᓱᐊᑉ ᐊᒡᓚᖏᑦ 7:25

ᑕᕝᕙ ᔮᓱᐊᑉ ᐅᖃᐅᑎᕚ, “ᖃᓄᐃᒻᒪᑦ ᐱᐅᖏᑦᑐᒥᒃ ᐅᕙᑦᑎᓐᓄᑦ ᐱᑎᑦᓯᓚᐅᕐᐲᑦ? ᐊᑕᓂᐅᑉ ᒫᓐᓇ ᐱᐅᖏᑦᑐᒥᒃ ᐱᑎᓐᓂᐊᓕᕐᐹᑎᑦ.” ᐃᓴᕆᐊᓕᒥᐅᓕᒫᓪᓗ ᐅᔭᕋᖕᓄᑦ ᒥᓪᓗᕐᐹ ᑐᖁᓪᓗᒍ; ᐃᑭᓪᓗᒋᓪᓗ ᐃᓚᖏᑦ ᐱᖁᑎᖏᓪᓗ.

ᔪᐊᓇᓯ ᓯᕗᓪᓖᑦ 5:21

ᕿᑐᕐᖔᑯᓗᒃᑲ, ᒎᑎᐅᖏᑦᑐᓂᒃ ᒎᑎᖃᕋᓱᐊᕐᑍᓕᒋᑦᓯ.

ᓴᒧᐃᓕ ᓯᕗᓪᓖᑦ 15:9

ᓴᐅᓕᐅᓪᓕ ᐃᓚᖏᑕᓗ ᐋᒑᒡ ᑐᖁᓐᖏᓛ, ᓰᐱᓪᓗ ᐱᐅᓂᕐᐹᖏᑦ, ᐃᒻᒧᒃᓯᐅᒊᓪᓗ, ᖁᐃᒃᓯᓴᕐᓯᒪᔪᓪᓗ ᓰᐱᐅᑉ ᓄᕐᕋᖏᑦ, ᐊᓯᖏᓪᓗ ᐱᐅᔫᑏᑦ, ᐊᓯᕈᕈᒪᓚᐅᓐᖏᓔᑦ; ᐊᓯᖏᓪᓕ ᐱᐅᖏᑦᑐᑦ ᐊᑑᑎᒃᓴᖃᖏᑦᑐᓪᓗ ᐊᓯᕈᕐᐰᑦ.