ᔮᓱᐊᑉ ᐊᒡᓚᖏᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᔮᓱᐊ ᔨᕆᑰᑉ ᓴᓂᐊᓃᓪᓗᓂ, ᑕᑯᓴᕋᒥ ᑕᑯᕗᖅ ᐊᖑᒻᒥᒃ ᓇᖏᕐᑐᒥᒃ, ᓯᕗᕋᕐᒥᓂ ᓴᕕᒡᔪᐊᒥᓂᒃ ᑎᒍᒥᐊᕐᑐᒥᒃ; ᔮᓱᐊᑉ ᐅᐸᒃᓗᒍ ᐊᐱᕆᕚ, “ᐅᓇᑕᕐᑐᒃᓴᖁᑎᒋᕙᑦᑎᒌᑦ ᐅᕝᕙᓗ ᐊᑭᕋᑦᑎᓐᓂᒥᐅᑕᐅᕕᑦ?”

ᔮᓱᐊᑉ ᐊᒡᓚᖏᑦ 5:13 Iomraidhean Croise

ᒨᓯᓯ ᓯᕗᓪᓖᑦ 18:1

ᐊᑕᓂᕐᓗ ᓴᖅᑭᑉᐳᖅ ᐂᑉᕋᕼᐋᒻᒧᑦ ᓇᐹᕐᑐᖃᕐᑐᒥ ᐆᒃᓂᒃ ᑍᔭᐅᔪᓂ ᒪᒻᕆᒥᒃ, ᐃᒃᓯᕙᑎᓪᓗᒍ ᑐᐱᖓᑕ ᐹᖓᓂ ᐅᓪᓘᑉ ᐅᖅᑰᓂᕐᐹᖓ ᓇᓪᓕᐅᑎᓯᒪᑎᓪᓗᒍ.

ᒨᓯᓯ ᓯᕗᓪᓖᑦ 18:2

ᑕᑯᓴᕋᒥᓗ ᑕᑯᕗᖅ, ᐊᖑᑎᓂᒃ ᐱᖓᓱᓂᒃ ᓇᖏᕐᑐᓂᒃ ᖃᓂᒋᔭᒥᓂ; ᑖᒃᑯᐊᓗ ᑕᑯᑐᐊᕋᒥᒋᑦ, ᐅᓪᓚᒃᓯᕗᖅ ᑐᐱᕐᒥᓂᑦ ᐸᕐᕆᐊᕐᓗᒋᑦ, ᐅᑯᓪᓗᓂᓗ ᑮᓇᓂ ᓄᓇᒧᑦ ᐊᒃᑐᕐᑎᓪᓗᒍ,

ᒨᓯᓯ ᓯᕗᓪᓖᑦ 28:16

ᔧᑯ ᐃᖅᑯᒻᒪᕋᒥ ᐅᖃᓕᕐᐳᖅ, “ᓱᓕᔪᒥᒃ ᐊᑕᓂᖅ ᒫᓃᑉᐳᖅ ᓇᔪᕐᑕᓐᓂ; ᖃᐅᔨᓐᓂᓐᖏᓚᕋᓘᓐᓃᑦ.”

ᒨᓯᓯ ᓯᕗᓪᓖᑦ 33:1

ᔧᑰᓪᓗ ᕿᓂᕋᒥ ᑕᐅᕗᖓ, ᑕᑯᒋᑦ, ᐄᓴ ᑕᑯᕚ ᑎᑭᓕᕐᑐᖅ, ᐃᓚᖃᕐᓗᓂ 400ᓂᒃ ᐊᖑᑎᓂᒃ, ᑍᒤᒻᒪᑦ ᕿᑐᕐᖓᓂ ᐊᒡᒍᕐᐰᑦ ᓕᐊᑉ ᕿᑐᕐᖓᖏᑦ, ᕅᒋᓕᐅᓪᓗ, ᒪᕐᕉᒡᓗ ᐱᔩᒃ ᕿᑐᕐᖓᖏᑦ.

ᒨᓯᓯ ᓯᕗᓪᓖᑦ 33:5

ᐄᓴᓗ ᑕᑯᓴᕋᒥ ᑕᑯᕗᖅ ᐊᕐᓇᓂᒃ ᕿᑐᕐᖓᖏᓐᓂᒡᓗ, ᐊᐱᕆᓪᓗᓂᓗ, “ᐅᑯᐊᓕ ᑭᓇᒃᑯᑦ ᐃᓚᒋᔭᑎᑦ?” ᔧᑰᑉ ᑭᐅᕚ, “ᐅᑯᐊ ᒎᑎᐅᑉ ᐱᑦᓯᐊᕐᓂᕐᒥᓄᑦ ᐱᔨᖕᓄᑦ ᑐᓂᓯᒪᔭᖏᑦ.”

ᑯᕉᓂᑲ ᓯᕗᓪᓖᑦ 12:22

ᖃᐅᑕᒫᑦ ᐊᖑᑏᑦ ᑍᕕᑎᒧᑦ ᐃᓚᓕᐅᑎᕙᓪᓕᐊᖏᓐᓇᓚᐅᕐᐳᑦ ᐃᑲᔪᕆᐊᕐᓗᑎᒃ, ᐊᔪᖏᑦᑐᕐᔪᐊᖑᓪᓗᑎᒃ ᐅᓄᕐᓯᔪᐊᓘᓚᐅᕐᐳᑦ ᐅᓇᑕᕐᑐᒃᓴᕐᔪᐊᖑᓕᕐᓗᑎᒃ, ᒎᑎᐅᑉ ᐅᓇᑕᕐᑐᒃᓴᖁᑎᖏᑎᑐᑦ.

ᑯᕉᓂᑲ ᓯᕗᓪᓖᑦ 21:27

ᐊᑕᓂᐅᓪᓗ ᐂᖏᓕ ᐅᖃᐅᑎᖕᒪᒍ, ᓴᕕᒡᔪᐊᓂ ᐃᓕᕚ ᐴᖓᓄᑦ.

ᑯᕉᓂᑲ ᓯᕗᓪᓖᑦ 21:30

ᑍᕕᑎᓕ ᑍᑯᓐᖓᕈᓐᓇᓚᐅᓐᖏᓚᖅ ᒎᑎᒥᒃ ᐊᐱᕐᓱᕆᐊᕐᑐᕐᓗᓂ, ᑲᑉᐱᐊᓱᓚᐅᕋᒥ ᐊᑕᓂᐅᑉ ᐂᖏᓕᖓᑕ ᓴᕕᒡᔪᐊᖓᓂᒃ.

ᒨᓯᓯ ᐂᑉᐸᖏᑦ 23:23

ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑖᑦᓱᒪ ᑕᓯᐅᕐᓂᐊᕐᐹᓯ ᐊᒧᕅᑎᒥᐅᓄᑦ, ᕼᐃᑍᑎᒥᐅᓄᓪᓗ, ᐱᕆᔧᑎᒥᐅᓄᓪᓗ, ᑬᓇᓂᒥᐅᓄᓪᓗ, ᕼᐃᕔᑎᓄᓪᓗ, ᔨᐳᓮᑎᒥᐅᓄᓪᓗ, ᑖᒃᑯᐊᓗ ᓄᖑᑎᓐᓂᐊᕐᐸᒃᑲ.

ᑖᓂᐊᓕᐅᑉ ᐊᒡᓚᖏᑦ 10:5

ᖁᒻᒧᑦ ᑕᑯᓴᕋᒪ, ᑕᑯᕗᖓ ᐊᖑᒻᒥᒃ ᓇᖏᕐᑐᒥᒃ, ᐊᓐᓄᕌᓯᒪᔪᖅ ᖃᓪᓗᓈᕐᑕᓂᒃ ᕿᑎᕈᓯᕐᓯᒪᓪᓗᓂᓗ ᒎᓗᒥᒃ ᐱᐅᓂᕐᐹᒥᒃ ᐆᐸᔾᒥᐅᑕᕐᒥᒃ.

ᑖᓂᐊᓕᐅᑉ ᐊᒡᓚᖏᑦ 8:3

ᖁᒻᒧᑦ ᕿᕕᐊᕋᒪ, ᑕᑯᕗᖓ ᓰᐱᒥᒃ ᐊᖑᓴᓪᓗᕐᒥᒃ ᒪᕐᕉᖕᓂᒃ ᓇᒡᔪᖃᕐᑐᒥᒃ, ᑰᑉ ᓴᓂᐊᓂ ᓇᖏᕐᑐᒥᒃ, ᓇᒡᔪᖏᒡᓗ ᑕᑭᔪᐊᓘᕗᒃ: ᓇᒡᔪᖓᑕ ᐂᑉᐸᖓ ᐃᒡᓗᐊᓂᑦ ᑕᑭᓂᕐᓴᐅᕗᖅ ᑭᖑᓪᓕᐅᓪᓗᓂᓗ ᑎᑭᐅᑎᕗᖅ.

ᓴᑲᕅᐊᐅᑉ ᐊᒡᓚᖏᑦ 1:8

ᐅᓐᓄᐊᒃᑯᑦ ᑕᑯᑎᑕᐅᓪᓗᖓ, ᑕᑯᕗᖓ ᐂᖏᓕᒥᒃ ᕿᒻᒥᕐᔪᐊᒥ ᐊᐅᐸᕐᑐᒥ ᐃᑭᒪᔪᒥᒃ, ᓄᖅᑲᖓᓪᓗᓂᓗ ᓇᐹᕐᑐᐃᑦ ᒨᕐᑐᓂᒃ ᐊᑎᖃᕐᑐᑦ ᓇᕐᓴᒦᑐᑦ ᐊᑯᓐᓂᖓᓐᓂ, ᑐᓄᐊᓃᑦᑐᖃᕆᕗᖅ ᕿᒻᒥᕐᔪᐊᓂᒃ ᐊᓯᖏᓐᓂᒃ, ᕿᒻᒥᕐᔪᐊᓂᒃ ᐊᐅᐸᕐᑐᓂᒃ, ᕿᒻᒥᕐᔪᐊᓂᒡᓗ ᖁᑦᔪᕐᓂᒃ, ᕿᒻᒥᕐᔪᐊᓂᒡᓗ ᐅᑭᓕᕆᐊᓂᒃ.

ᒨᓯᓯ ᓯᑕᒪᖏᑦ 22:23

ᓯᐅᑎᖅᑯᕐᑐᔫᑉ ᐊᑕᓂᐅᑉ ᐂᖏᓕᑯᑎᖓ ᐊᖅᑯᑎᖓᓂ ᓇᖏᕐᑐᖅ ᑕᑯᒐᒥᐅᒃ ᓴᕕᒡᔪᐊᒥᒃ ᑎᒍᒥᐊᕐᑐᖅ, ᓯᐅᑎᖅᑯᕐᑐᔪᖅ ᐊᒡᕖᕐᓗᓂ ᓴᖑᕗᖅ ᓄᓇᒧᑦ ᐱᕈᕐᓰᕕᖕᒧᑦ ᐂᓕᕐᓗᓂ. ᐸᓛᒻ ᓯᐅᑎᖅᑯᕐᑐᔪᖅ ᐊᓇᐅᕚ ᐊᖅᑯᑎᒧᑦ ᐅᑎᖁᓪᓗᒍ.

ᒨᓯᓯ ᓯᑕᒪᖏᑦ 22:31

ᑕᕝᕙ ᐊᑕᓂᐅᑉ ᐸᓛᒻ ᐃᔨᖏᒃ ᐅᐃᑎᑉᐹᒃ, ᑕᑯᓪᓗᓂᓗ ᐊᑕᓂᐅᑉ ᐂᖏᓕᖓᓂᒃ ᐊᖅᑯᒻᒥ ᓇᖏᕐᑐᒥᒃ ᓴᕕᒡᔪᐊᒧᑦ ᐅᕐᓕᕐᓗᓂ ᑎᒍᒥᐊᕐᑕᒥᓄᑦ; ᑕᕝᕙ ᓂᐊᖁᓂ ᐅᑯᕚ ᓄᓇᒧᓪᓗ ᐹᒻᒪᒡᓗᓂ ᑮᓇᓂ ᒪᓂᖅᑲᒧᑦ ᑐᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 1:10

ᑖᒃᑯᐊ ᕿᓚᖕᒧᑦ ᓱᓕ ᐋᕐᓗᖓᑎᓪᓗᒋᑦ ᖁᒻᒧᐊᒃᑎᑕᐅᕕᒋᔭᖓᓄᑦ, ᑕᑯᒋᑦ, ᐊᖑᑏᒃ ᒪᕐᕉᒃ ᖃᑯᕐᑖᖕᓂᒃ ᐊᓐᓄᕌᓖᒃ ᑖᒃᑯᐊ ᓴᓂᐊᓂ ᓇᖏᓕᕐᐴᒃ,

ᔮᓱᐊᑉ ᐊᒡᓚᖏᑦ 6:2

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᔨᕆᑯ ᐃᓕᑦᓯᓐᓄᑦ ᑐᓂᓯᒪᕙᕋ, ᐊᖓᔪᖅᑳᕐᔪᐊᖓᓪᓗ ᐅᓇᑕᕐᑐᒃᓴᖁᑎᖏᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:13

ᑖᒃᑯᐊᓗ ᐊᑯᓐᓂᖓᓃᑦᑐᖃᕐᐳᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᑐᒥᒃ, ᑕᑭᔪᒥᒃ ᐊᓐᓄᕌᕐᓯᒪᔪᒥᒃ ᒎᓗᒥᒡᓗ ᑕᑦᓯᐅᔭᖅᑲᕐᓗᓂ ᓴᒡᕕᖕᒥᒍᑦ.

ᐃᓗᐊᕐᓮᔩᑦ ᐊᒡᓚᖏᑦ 13:11

ᐊᓱᐃᓛᒃ ᒪᓄᐊ ᓂᑯᕕᓪᓗᓂ ᓄᓕᐊᒥᓂᒃ ᒪᓕᒃᐳᖅ, ᐊᖑᒻᒧᐊᕋᒥᒡᓗ ᐅᖃᐅᑎᕚ, “ᑖᓐᓇᐅᕖᑦ ᐊᖑᑦ ᐅᖃᓚᐅᕐᑐᖅ ᐊᕐᓇᒧᑦ ᐆᒧᖔ?” ᑖᓐᓇ ᐅᖃᕐᐳᖅ, “ᑖᓐᓇᐅᕗᖓ.”

ᐃᓗᐊᕐᓮᔩᑦ ᐊᒡᓚᖏᑦ 13:22

ᒪᓄᐊᓗ ᓄᓕᐊᒥᓄᑦ ᐅᖃᕐᐳᖅ, “ᑐᖁᓂᐊᓕᕐᐳᒍᒃ, ᒎᑎᒥᒃ ᑕᑯᓚᐅᕋᓐᓄᒃ!”