ᔮᓱᐊᑉ ᐊᒡᓚᖏᑦ 5:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.

ᔮᓱᐊᑉ ᐊᒡᓚᖏᑦ 5:10 Iomraidhean Croise

ᓴᒧᐃᓕ ᐂᑉᐸᖏᑦ 15:28

ᐅᕙᖓᓕ, ᐅᑕᖅᑭᓂᐊᕐᐳᖓ ᑰᑉ ᐃᑳᕐᕕᖏᓐᓂ ᐃᓄᖃᔪᐃᑦᑐᒥ ᐃᓕᖕᓂᑦ ᑐᓴᓚᐅᖏᓐᓂᓐᓂ.”

ᒨᓯᓯ ᐂᑉᐸᖏᑦ 12:11

ᐃᒫᒃ ᑕᕝᕙ ᓂᕆᔭᒃᓴᕆᕙᓯ, ᕿᑎᑦᓯᒍᑦ ᑕᑦᓯᕈᓯᕐᓯᒪᔪᒃᓴᐅᕗᓯ ᐃᑎᒐᒍᓯᕐᓯᒪᓗᓯᓗ, ᐊᔭᐅᑉᐱᐊᓯᓗ ᑎᒍᒥᐊᕐᓗᒋᑦ; ᑐᐊᕕᕐᓗᓯ ᓂᕆᔪᒃᓴᐅᕗᓯ. ᑕᒪᓐᓇ ᐊᑕᓂᐅᑉ ᖄᖏᕐᑕᐅᕕᒃᓯᐅᑎᒋᖕᒪᒍ.

ᒨᓯᓯ ᐂᑉᐸᖏᑦ 12:18

ᑕᖅᑭᐅᑉ ᓯᕗᓪᓕᕐᐹᖓᑕ ᐅᓪᓗᖓᑕ 14ᖓᓐᓂᑦ ᐅᓐᓄᒥᑦ ᐱᒋᐊᕐᓗᓯ, ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᖃᑦᑕᕐᑐᒃᓴᐅᕗᓯ, ᐅᓪᓗᑦ 21ᖓᑦᑕ ᐅᓐᓄᖓᓄᑦ ᑎᑭᓪᓗᒍ.

ᒨᓯᓯ ᐂᑉᐸᖏᑦ 12:6

ᑭᓯᐊᓂᓕ ᓇᔪᕐᑎᒋᔭᒃᓴᕆᕙᓯ ᑕᖅᑭᐅᑉ ᑕᒪᑐᒪ ᐅᓪᓗᖓᑕ 14ᖓᑦ ᑎᑭᓪᓗᒍ, ᐊᑕᐅᑦᓯᒃᑯᒃ ᐃᓴᕆᐊᓕᒥᐅᑦ ᑲᑎᒪᔪᑦ ᓄᕐᕋᐅᔭᖁᑎᒥᖕᓂᒃ ᑐᖁᑦᓯᔪᒃᓴᐅᕗᑦ ᐅᓐᓄᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 39:5

ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᒪᓕᒃᑲᒥᑦᔪᒃ ᔨᑎᑬᐊ ᐊᖑᕚᑦ ᔨᕆᑰᑉ ᓇᑎᕐᓈᖑᓂᖓᓂ, ᑎᒍᒐᒥᑦᔪᒡᓗ ᐋᑉᐹᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕆᑉᓚᒦᑎᓪᓗᒍ ᕼᐊᒫᑎᐅᑉ ᓄᓇᖓᓂ ᔨᑎᑬᐊᓗ ᑐᖁᑕᒃᓴᐅᖁᕚᑦ.

ᐃᓯᑭᐊᓕᐅᑉ ᐊᒡᓚᖏᑦ 12:3

“ᑍᒤᒻᒪᑦ ᐃᓅᑉ ᐃᕐᓂᖓ, ᓇᒃᓴᕐᓂᐊᕐᑕᕐᓂᒃ ᐴᖅᑬᓕᕆᑦ ᐅᓪᓘᓂᖓᓂ ᐊᐅᓪᓚᓕᕆᑦ ᐊᐅᓪᓚᕈᑦᔭᐅᓕᕐᑐᑐᑦ, ᐃᓄᐃᑦ ᑕᑯᓐᓇᕐᑎᓪᓗᒋᑦ; ᐊᐅᓪᓚᓕᕈᕕᑦ ᓄᓇᑦᓯ ᐊᓯᐊᓄᑦ ᐊᐅᓪᓚᕈᑦᔭᐅᓕᕐᑐᑎᑐᑦ ᓄᓇᑦᓯᓐᓂᑦ ᐱᓂᐊᕐᐳᑎᑦ ᑕᑯᓐᓈᕐᑎᓪᓗᒋᑦ. ᐃᒻᒪᖄ ᑐᑭᓯᓂᐊᕐᐳᑦ, ᐊᑭᕋᕐᑐᕐᑎᐅᒐᓗᐊᕐᓗᑎᒃ ᑭᖑᕚᖑᖃᑎᒌᑦ.

ᒨᓯᓯ ᐱᖓᔪᖏᑦ 23:5

ᖄᖏᕐᑕᐅᕕᒃ, ᐱᒋᐊᓲᖑᕗᖅ ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ ᐅᓪᓗᐃᑦ 14ᖓᓂ ᑕᖅᑮᓪᓗ ᓯᕗᓪᓕᕐᐹᖓᓂ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᔮᓱᐊᑉ ᐊᒡᓚᖏᑦ 4:19

ᐃᓄᐃᑦ ᐃᑳᓚᐅᕐᐳᑦ ᑰᖕᒥᒃ ᔪᐊᕐᑕᓂᒥᒃ ᑕᖅᑭᐅᑉ ᓯᕗᓪᓕᕐᐹᖓᑕ ᐅᓪᓗᖓᑕ 10ᖓᓂ, ᑕᖕᒫᕐᓗᑎᒡᓗ ᒋᐅᓪᒐᐅᓪᒧᑦ ᔨᕆᑰᑉ ᓄᓇᖓᑕ ᑭᒡᓕᖓᓄᑦ ᓯᕿᓂᖓᑕ ᓄᐃᕕᐊᑕ ᓇᓛᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 5:11

ᖃᐅᑎᓪᓗᒍ ᖄᖏᕐᑕᐅᕕᒃ ᐊᓂᒍᕐᑎᓪᓗᒍ, ᑕᕝᕙᓂ ᐅᓪᓗᒥ ᓯᕗᓪᓕᕐᐹᒥ, ᓂᕆᓕᓚᐅᕐᐳᑦ ᑬᓇᓂᒥ ᐱᕈᕐᑐᕕᓂᕐᓂᒃ, ᓂᐊᖂᔭᒥᒃ ᐆᓯᒪᔪᒥᒃ ᓂᐊᖂᔭᒥᒡᓗ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᓪᓗᒥ ᑕᕝᕙᓂᑦᓮᓐᓇᖅ.

ᔮᓱᐊᑉ ᐊᒡᓚᖏᑦ 9:6

ᔮᓱᐊᓪᓗ ᑕᖕᒫᕐᓯᒪᕕᖓᓄᑦ ᒋᐅᓪᒐᐅᓪᒧᑦ ᐂᕗᑦ, ᐅᖃᕐᓗᑎᒡᓗ ᔮᓱᐊᒧᑦ ᐃᓴᕆᐊᓕᒥᐅᓄᓪᓗ, “ᐅᖓᓯᒃᑐᒥᑦ ᓄᓇᒥᑦ ᐱᕗᒍᑦ; ᐊᖏᖃᑎᖃᕈᒪᒐᑦᑕ ᐃᓕᑦᓯᓐᓂᒃ.”

ᓴᒧᐃᓕ ᓯᕗᓪᓖᑦ 7:16

ᐊᕐᕌᒍᑕᒫᑦ ᐂᖃᑦᑕᓚᐅᕐᐳᖅ ᓄᓇᓕᖕᓄᑦ ᐱᑎᓕᒧᑦ, ᒋᐅᓪᒐᐅᓪᒧᑦ, ᒥᔅᐸᒧᓪᓗ; ᑖᒃᑯᓇᓂᓗ ᐊᑲᐅᖏᑦᔪᑕᐅᔪᑦ ᐋᖅᑭᒃᓱᖃᑦᑕᓚᐅᕐᐰᑦ.