ᔮᓱᐊᑉ ᐊᒡᓚᖏᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 5:1 Iomraidhean Croise

ᒨᓯᓯ ᓯᕗᓪᓖᑦ 12:6

ᐂᑉᕋᒻᑯᑦ ᖄᖏᓚᐅᕐᐳᑦ ᓄᓇᒧᑦ ᓯᑭᒻᒥᒃ ᐊᑎᓕᖕᒧᑦ, ᓇᐹᕐᑐᖅ ᐆᒃ ᒨᕆᒦᑦᑐᖅ ᑎᑭᓪᓗᒍ. ᑍᑦᓱᒪᓂ ᑬᓇᓂᒥᐅᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ.

ᒨᓯᓯ ᓯᕗᓪᓖᑦ 48:22

ᓱᓕᓗ ᑐᓂᓯᕕᒋᕙᒋᑦ ᐊᖓᔪᑎᑦ ᑐᓂᓯᕕᒋᓇᒋᑦ ᖃᖅᑲᐅᑉ ᐊᑭᓐᓇᖓ ᐃᓕᖕᓄᑦ ᑐᓂᕙᕋ, ᐱᑖᕆᓚᐅᕐᑕᕋ ᐊᕐᓵᕐᓯᑦᔪᑎᒋᓪᓗᒍ ᐊᒧᕅᑎᑦ ᑭᖑᕚᖏᓐᓂᑦ ᓴᕕᒡᔪᐊᓐᓄᑦ ᐱᑎᒃᓯᓐᓄᓪᓗ.”

ᓴᒧᐃᓕ ᐂᑉᐸᖏᑦ 21:2

(ᒋᐱᐅᓁᑎᒥᐅᑦ ᐃᓴᕆᐊᓕᒥᐅᑕᐅᖏᒻᒪᑕ; ᐅᓄᖏᑦᑐᑦ ᐊᒧᕅᑎᓂ ᐊᒥᐊᒃᑰᓯᒪᕗᑦ; ᐃᓴᕆᐊᓕᒥᐅᓄᓪᓕ ᐊᖏᕐᕕᐅᓯᒪᓚᐅᕐᐳᑦ ᓴᐳᒻᒥᔭᐅᓂᐊᕐᓂᕋᕐᑕᐅᓪᓗᑎᒃ, ᓴᐅᓕᐅᓪᓕ ᐊᓯᕈᓚᐅᕐᐰᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ ᐃᓱᒫᓗᒍᑎᖃᕐᓂᕐᓴᐅᓪᓗᓂ.)

ᐊᑕᓃᑦ ᓯᕗᓪᓖᑦ 10:5

ᑕᑯᓪᓗᓂᓗ ᓂᕿᓂᒃ ᓵᒧᑦ ᐊᑐᐃᓐᓇᕈᕐᑎᑕᐅᔪᓂᒃ, ᐊᖓᔪᖅᑳᖁᑎᖏᑕᓗ ᐃᓂᖏᓐᓂᒃ, ᐊᖏᕐᓯᒪᓂᖏᓐᓂᒡᓗ ᐊᖓᔪᖅᑳᕐᔪᐊᒃᑰᕕᖓᑕ ᐃᖅᑲᓁᔭᕐᑎᖏᓐᓂᒃ, ᐃᖅᑲᓁᔭᕐᑎᖏᑕᓗ ᐊᓐᓄᕌᖏᓐᓂᒃ, ᐱᔨᖏᑕᓗ ᓂᕆᕕᒡᔪᐊᓂᕐᒥ ᑐᓐᓂᕐᓮᔨᖏᓐᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᕐᓂᖏᓐᓂᒃ ᑐᒃᓯᐊᕐᕕᒡᔪᐊᒥ, ᐊᖏᔪᒥᒃ ᑕᑕᒥᓐᓂᐊᓚᐅᕐᐳᖅ ᑕᒪᒃᑯᐊ ᐱᔪᑎᒋᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᐃᓐᖏᕈᑎᑦ 135:11

ᓮᕼᐆᓂ, ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ, ᐋᒡᓗ, ᐹᓴᓂᒃᑯᑦ ᐊᖓᔪᖅᑳᕐᔪᐊᖓᑦ, ᑬᓇᓂᐅᓪᓗ ᐊᖓᔪᖅᑳᕐᔪᐊᖃᕐᕕᓕᒫᖏᓐᓂᒃ,

ᒨᓯᓯ ᐂᑉᐸᖏᑦ 23:28

ᐅᐃᒻᒪᖕᓇᕐᑐᐊᓗᖕᒧᑦ ᓇᓗᓕᕐᓇᕐᑐᒧᓪᓗ ᑎᑭᑕᐅᑎᓐᓂᐊᕐᐸᒃᑲ, ᑕᒪᑐᒧᖓᓗ ᕼᐃᕔᑎᒥᐅᑦ ᓄᓇᒥᖕᓂᑦ ᐊᐅᓪᓚᕐᑎᑕᐅᓂᐊᕐᐳᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᕿᒪᒃᓯᓗᑎᒃ ᐃᓕᑦᓯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 41:5

ᐃᒪᐅᑉ ᓯᓈᓂᒥᐅᑦ ᑕᑯᓚᐅᕐᐳᑦ ᓯᕘᕋᓕᕐᓗᑎᒡᓗ, ᓄᓇᕐᔪᐊᑉ ᑭᒡᓕᖓᓃᑦᑐᑦ ᓴᔪᓕᕐᐳᑦ; ᖃᒡᓕᒋᐊᕐᓗᑎᒡᓗ ᕾᓚᐅᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 16:3

ᐅᖃᐅᑎᓗᒋᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒧᑦ: ᐱᒋᐊᕐᕕᖃᕐᐳᑎᑦ ᐃᓅᓕᕐᓯᒪᓪᓗᑎᓪᓗ ᑬᓇᓂᐅᑉ ᓄᓇᖓᓂ; ᐊᑖᑍᑦ ᐊᒧᕅᑎᐅᖕᒪᑦ, ᐊᓈᓁᓪᓗ ᕼᐃᑍᑎᒥᐅᑕᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 21:7

ᐊᐱᕆᔭᐅᒍᕕᑦ ᖃᓄᐃᒻᒪᑦ ᕿᒃᓵᖕᓂᕐᒧᑦ ᐊᓂᕐᓴᐅᒥᖕᒪᖔᕐᐱᑦ, ᐅᖃᕐᑐᒃᓴᐅᕗᑎᑦ, ‘ᑐᓴᕐᑕᐅᔭᕆᐊᓕᖕᓂᒃ ᐱᑦᔪᑎᖃᕐᐳᖓ. ᑐᓴᕐᑕᐅᓕᕈᑎᒃ ᐆᒻᒪᑎᖏᑦ ᑲᑉᐱᐊᓱᓕᕈᒫᕐᐳᑦ ᑲᑉᐱᐊᓱᖕᓂᕐᒧᑦ ᑕᓕᖏᑦ ᓄᑮᕈᑎᔪᒫᕐᐳᑦ, ᓴᐱᕐᓇᕐᑐᕐᔪᐊᒧᓪᓗ ᑎᑭᐅᑎᓗᑎᒃ ᓂᐅᖏᓪᓗ ᓴᓐᖐᓕᔪᒫᕐᐳᑦ ᐃᒥᕐᑎᑐᑦ. ᑕᑯᒋᑦ, ᑎᑭᓕᕐᐳᖅ ᓇᓪᓕᐅᑎᓂᐊᕐᓗᓂᓗ,’ ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 5:6

ᑮᓇᖓᑕ ᑕᐅᑦᑐᐊ ᖃᑯᕐᓯᕗᖅ, ᑲᑉᐱᐊᓱᒻᒪᕆᓕᕐᓗᓂ ᓰᖅᑯᖏᒡᓗ ᓴᔪᒃᐴᒃ, ᓂᐅᖏᒃ ᓄᑮᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 2:9

“ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ.

ᒨᓯᓯ ᓯᑕᒪᖏᑦ 13:29

ᐊᒪᓕᑬᑎᑦ ᓄᓇᖃᕐᐳᑦ ᓯᕿᓂᐅᑉ ᓇᓛᓂ ᓂᒋᑉᒥ; ᕼᐃᑍᑎᑦ, ᔨᐳᓮᑎᑦ, ᐊᒧᕅᑎᓪᓗ ᓄᓇᖃᕐᐳᑦ ᖃᖅᑲᓂ; ᑬᓇᓂᒥᐅᑦ ᓄᓇᖃᕐᐳᑦ ᐃᒪᐅᑉ ᓯᓈᓂ ᑰᓪᓗ ᔪᐊᕐᑕᓂᐅᑉ ᓯᓈᓂ.”

ᔮᓱᐊᑉ ᐊᒡᓚᖏᑦ 17:12

ᒫᓇᓯᐅᓪᓕ ᑭᖑᕚᖏᑦ ᓄᓇᖃᕐᑐᓂᒃ ᐃᒡᓗᒐᓴᓕᖕᓂᒃ ᓯᖏᑦᓯᔪᓐᓇᓚᐅᓐᖏᓚᑦ; ᑍᒤᒻᒪᑦ ᑬᓇᓂᒥᐅᑦ ᓄᓇᕾᓐᓇᓚᐅᕐᐳᑦ ᓄᓇᒥᖕᓂ.

ᔮᓱᐊᑉ ᐊᒡᓚᖏᑦ 17:18

ᖃᖅᑲᔮᑦ ᐱᑖᕆᓂᐊᕐᐸᓯ, ᓇᐹᕐᑐᓕᐊᓘᒐᓗᐊᕐᑎᓪᓗᒍ, ᓇᐹᕐᑐᖏᑦ ᓇᑲᑎᕐᓗᒋᑦ ᐲᔭᕐᓂᐊᕐᐸᓯ, ᓄᓇᑖᕆᓗᒍᓗ ᐃᓱᐊᓂᑦ ᐃᓱᐊᓄᑦ; ᑬᓇᓂᒥᐅᑦ ᓯᖏᓐᓂᐊᕐᐸᓯ, ᓴᕕᕋᔭᖕᓂᒃ ᐊᒃᓴᓗᐊᓕᖕᓂᒃ ᑲᓕᒐᖃᕋᓗᐊᕐᑎᓪᓗᒋᑦ, ᐃᓄᖏᓪᓗ ᓲᖑᔫᒐᓗᐊᕐᑎᓪᓗᒋᑦ.”

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᔮᓱᐊᑉ ᐊᒡᓚᖏᑦ 3:16

ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.

ᔮᓱᐊᑉ ᐊᒡᓚᖏᑦ 3:17

ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᐃᓗᐊᕐᓮᔩᑦ ᐊᒡᓚᖏᑦ 11:23

ᑍᒤᒻᒪᑦ ᐊᑕᓂᐅᑉ, ᐃᓴᕆᐊᓕᒥᐅᑦ ᒎᑎᖓᑦᑕ, ᓯᖏᓚᐅᕐᐰᑦ ᐊᒧᕅᑎᒥᐅᑦ ᐃᓄᖁᑎᓂ ᐃᓴᕆᐊᓕᒥᐅᑦ ᓵᖓᓐᓂ; ᑖᒃᑯᓂᖓ ᓵᓚᖃᕈᒪᓕᕐᐱᓰ?

ᐃᓗᐊᕐᓮᔩᑦ ᐊᒡᓚᖏᑦ 3:3

ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 4:2

ᐊᑕᓂᐅᑉ ᓵᓚᐅᑎᓚᐅᕐᐰᑦ ᔮᐱᓂᒧᑦ, ᑬᓇᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓚᑦᓯᕕᖃᕐᑐᒧᑦ ᐃᒡᓗᒐᓴᒡᓂ ᕼᐂᔭᒥ. ᐅᓇᑕᕐᑐᒃᓴᖁᑎᖓᑕ ᐊᖓᔪᖅᑳᕆᓚᐅᕐᑕᖓ ᓯᓰᕋ, ᐊᖏᕐᕋᖃᓚᐅᕐᑐᖅ ᕼᐊᕈᓯᑎ-ᕼᐊᒍᔨᒻᒥ.

ᓴᒧᐃᓕ ᓯᕗᓪᓖᑦ 25:37

ᐅᓪᓛᓐᖑᕐᑎᓪᓗᒍ ᓁᐳᓕ ᐋᖓᔮᕈᓐᓃᕐᒪᑦ, ᓄᓕᐊᖓᑕ ᑕᒪᒃᑯᓂᖓ ᐱᓂᐊᕐᓂᐅᓚᐅᕐᑐᓂᒃ ᐅᖃᐅᑎᖕᒪᒍ, ᐆᒻᒪᓯᕗᖅ ᓄᑭᖃᕈᓐᓃᕐᓗᓂ ᐅᔭᕋᒃᑎᑐᑦ.