ᔮᓱᐊᑉ ᐊᒡᓚᖏᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᐅᑉ ᓵᖓᓂ ᐊᖑᑏᑦ 40,000ᓮᑦ ᐅᓇᑕᕐᓂᕐᒧᑦ ᐊᑐᐃᓐᓇᐅᓚᐅᕐᐳᑦ ᐃᑳᕐᓗᑎᒡᓗ ᓇᑎᕐᓇᒧᑦ ᔨᕆᑰᑉ ᖃᓂᒋᔮᓄᑦ.

ᔮᓱᐊᑉ ᐊᒡᓚᖏᑦ 4:13 Iomraidhean Croise

ᐊᑕᓃᑦ ᐂᑉᐸᖏᑦ 25:5

ᑲᐅᓪᑎᐊᒥᐅᓪᓕ ᐅᓇᑕᕐᑎᖁᑎᖏᓐᓄᑦ ᐊᖓᔪᖅᑳᕐᔪᐊᖅ ᔨᑎᑬᐊ ᐅᓇᑕᕐᑎᖁᑎᖏᓪᓗ ᒪᓕᒃᑕᐅᒐᒥᒃ ᐊᖑᔭᐅᓪᓗᑎᒃ ᑎᒍᔭᐅᕗᑦ ᔨᕆᑰᑉ ᓴᓂᐊᓂ; ᐅᓇᑕᕐᑎᖁᑎᖏᓪᓗ ᓇᒧᑐᐃᓐᓇᖅ ᐊᑦᑎᕐᐳᑦ.

ᒨᓯᓯ ᐂᑉᐸᖏᑦ 13:18

ᒎᑎᐅᓪᓕ ᐃᓄᐃᑦ ᑕᓯᐅᓚᐅᕐᐰᑦ ᐃᓄᖃᖏᑦᑐᒃᑯᑦ ᓂᒍᕈᑎᓪᓗᓂᒋᑦ ᐃᒪᖅ ᐊᐅᐸᓗᒃᑕ ᑐᕌᕐᓗᒍ. ᐃᓴᕆᐊᓕᒥᐅᓪᓗ ᑕᐸᐅᓐᖓᓚᐅᕐᐳᑦ ᐄᑦᔨᑉᑎᐅᑉ ᓄᓇᖓᓂᑦ ᐊᓂᓪᓗᑎᒃ ᐅᓇᑕᕐᓂᕐᒧᑦ ᐅᐸᓗᖎᔭᕈᓐᓇᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 39:5

ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᒪᓕᒃᑲᒥᑦᔪᒃ ᔨᑎᑬᐊ ᐊᖑᕚᑦ ᔨᕆᑰᑉ ᓇᑎᕐᓈᖑᓂᖓᓂ, ᑎᒍᒐᒥᑦᔪᒡᓗ ᐋᑉᐹᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕆᑉᓚᒦᑎᓪᓗᒍ ᕼᐊᒫᑎᐅᑉ ᓄᓇᖓᓂ ᔨᑎᑬᐊᓗ ᑐᖁᑕᒃᓴᐅᖁᕚᑦ.

ᔨᕆᒤᐊᐅᑉ ᐊᒡᓚᖏᑦ 52:8

ᑲᐅᓪᑎᐊᒥᐅᓪᓕ ᐅᓇᑕᕐᑐᒃᓴᖁᑎᖏᑕ ᔨᑎᑬᐊᒃᑯᑦ ᒪᓕᒃᑲᒥᑦᔪᒃ, ᐊᖑᕚᑦ ᔨᕆᑰᑉ ᓇᑎᕐᓇᕐᔪᐊᖓᓂ, ᔨᑎᑬᐊᐅᓪᓗ ᐅᓇᑕᕐᑎᖁᑎᖏᑦ ᑕᕝᕙᓂ ᐊᕕᒃᑐᕐᓗᑎᒃ ᓇᒧᑐᐃᓐᓇᖅ ᕿᒫᕗᑦ, ᕿᒤᓪᓗᑎᒃ ᐊᖓᔪᖅᑳᒥᖕᓂᒃ.

ᒨᓯᓯ ᓯᑕᒪᖏᑦ 32:17

ᐅᕙᒍᓪᓕ ᐅᓇᑕᐅᑎᓂᒃ ᐊᑐᕐᓂᐊᕐᐳᒍᑦ ᐸᕐᓇᒃᓯᒪᓗᑕ, ᐃᓴᕆᐊᓕᒥᐅᑦ ᐃᓚᒋᓗᒋᑦ ᐃᓂᒃᓴᖏᓐᓄᑦ ᑎᑭᓚᐅᖏᓐᓂᖏᓐᓂ; ᕿᑐᕐᖓᕗᓪᓕ ᐃᒡᓗᒐᓴᖕᓂ ᐊᕙᓗᓕᐅᕐᓯᒪᔪᓂ ᐃᓂᖃᕐᓂᐊᕐᐳᑦ ᑖᒫᓂᕐᒥᐅᑦ ᐱᓪᓗᒋᑦ.

ᐃᐱᓯᒥᐅᓄᑦ 6:11

ᒎᑎᐅᑉ ᐅᓇᑕᕐᑐᒃᓴᖁᑎᖓᑕ ᐊᓐᓄᕌᖏᑦ ᑕᒪᕐᒥᒃ ᐊᑎᓕᕐᓯᐅᒃ, ᓵᑖᓇᓯᐅᑉ ᐱᖏᑦᓯᕐᑐᕐᑑᑉ ᐅᐃᕕᕆᒃᓯᓂᖏᓐᓄᑦ ᓲᖑᖁᓪᓗᓯ.

ᒨᓯᓯ ᑕᓪᓕᒪᖏᑦ 3:18

“ᐊᒻᒪᑦᑕᐅᖅ ᑍᑦᓱᒪᓂᑦᓮᓐᓇᖅ ᐅᖃᐅᑦᔨᓚᐅᕆᕗᖓ ᑖᒃᑯᓂᖓ ᐃᒤᓕᔪᓂᒃ: ‘ᐊᑕᓂᐅᑉ ᒎᑎᑦᑕ ᑕᒪᑐᒥᖓ ᓄᓇᒥᒃ ᑐᓂᓯᕕᒋᓯᒪᖕᒪᓯ ᔪᐊᕐᑕᓂᐅᑉ ᑰᖓᑕ ᑕᓕᕐᐱᐊᓃᑦᑐᒥᒃ ᐃᓕᑦᓯᓐᓄᑦ ᓄᓇᒋᔭᐅᖁᓪᓗᒍ. ᒫᓐᓇᓕ ᐊᖑᑎᑦ ᐅᓇᑕᕈᓐᓇᕐᑐᖁᑎᓯ ᐅᓇᑕᐅᑎᒃᓴᓂᒃ ᓇᒃᓴᕐᓗᑎᒃ ᑎᓕᓕᕐᓯᐅᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᐃᓴᕆᐊᓕᒥᐅᖑᖃᑎᓯ ᐅᐸᒡᓗᒋᑦ ᐃᑲᔪᕆᐊᓕᕐᓯᒋᒃ, ᐃᑲᔪᕐᓂᐊᕋᑦᓯᐅᒃ ᓄᓇᑖᕋᓱᐊᓕᕐᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 4:12

ᕉᐱᓂᐅᑉ ᑭᖑᕚᖏᑦ, ᒑᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑦᑕ ᐊᕝᕙᖏᑦ ᑖᒃᑯᐊ ᐅᓇᑕᐅᑎᓖᑦ ᐃᑳᖅᑳᓚᐅᕐᐳᑦ ᐊᑐᐃᓐᓇᐅᓪᓗᑎᒃ ᐅᓇᑕᕐᓂᕐᒧᑦ, ᒨᓯᓯᐅᑉ ᑍᒫᒃ ᐅᖃᐅᑎᓚᐅᕐᓯᒪᖕᒪᒋᑦ.

ᔮᓱᐊᑉ ᐊᒡᓚᖏᑦ 4:14

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐅᐱᓐᓇᕐᓯᑎᓚᐅᕐᐹ ᔮᓱᐊ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ; ᐃᒃᐱᒋᔭᐅᑦᓯᐊᓚᐅᕐᐳᕐᓗ ᐃᓅᓯᖓᑕ ᐃᓱᐊ ᑎᑭᓪᓗᒍ, ᑍᒫᑦᓮᓐᓇᖅ ᒨᓯᓯᒥᒃ ᐃᒃᐱᒍᓱᑦᓯᐊᓚᐅᕐᓂᕐᒥᑐᑦ.

ᔮᓱᐊᑉ ᐊᒡᓚᖏᑦ 5:10

ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 20:1

ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.