ᔮᓱᐊᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᓂᐊᕐᐸᑎᑦ ᐊᒡᔭᕐᓯᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᓂᒃ, ᑰᖕᒧᑦ ᔪᐊᕐᑕᓂᒧᑦ ᑎᑭᑐᐊᕈᑎᒃ, ᔪᐊᕐᑕᓂᐅᑉ ᓯᓈᓂ ᐅᑕᕿᖁᓪᓗᒋᑦ ᓇᖏᕐᓗᑎᒃ.”

ᔮᓱᐊᑉ ᐊᒡᓚᖏᑦ 3:8 Iomraidhean Croise

ᐊᑕᓃᑦ ᐂᑉᐸᖏᑦ 2:6

ᐃᓔᑦᔭᐅᑉ ᐊᒻᒪ ᐅᖃᐅᑎᓕᕆᕚ, “ᑕᒫᓂᒋᑦ, ᐊᑕᓂᐅᑉ ᑰᖕᒧᑦ ᔪᐊᕐᑕᓂᓕᐊᖁᖕᒪᖔ.” ᐃᓔᓴᐅᑉ ᑭᐅᕚ, “ᐊᑕᓂᖅ ᐃᓅᖕᒪᑦ, ᐃᕝᕕᓪᓗ ᐃᓅᓂᕐᓂ, ᕿᒪᖕᓂᐊᓐᖏᓚᒋᑦ.” ᑕᕝᕙ ᑕᒪᕐᒥᒃ ᐱᓱᖃᑎᒌᓕᕐᐴᒃ.

ᑯᕉᓂᑲ ᐂᑉᐸᖏᑦ 29:15

ᑖᒃᑯᐊ ᑲᑎᕐᓱᐃᓚᐅᕐᐳᑦ ᖃᑕᓐᖑᑎᒥᖕᓂᒃ, ᐃᒻᒥᖕᓂᒡᓗ ᐃᑦᔪᕐᓁᑎᑉᐳᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒡᓗᑎᒃ ᐃᑎᓚᐅᕐᐳᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᐅᑉ ᐃᒡᓗᖓᓂᒃ ᓴᓗᒻᒪᕐᓮᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 29:27

ᕼᐃᓯᑬᐊᐅᓪᓗ ᑎᓕᕔᑦ ᑐᓂᕐᕈᓯᖁᓪᓗᒋᑦ ᐃᑯᐊᓪᓚᒋᐊᓕᖕᓂᒃ ᑐᓂᕐᕈᓯᕐᕕᖕᒥ. ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ ᐱᒋᐊᕐᒪᑕ, ᐊᑕᓂᕐᒧᑦ ᐃᓐᖏᕐᓂᖅ ᐱᒋᐊᕆᕗᑦ, ᑎᑦᑐᓚᐅᑏᓪᓗ, ᓂᑦᔭᐅᑏᓪᓗ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐃᓴᕆᐊᓕᒥᐅᓄᑦ ᐱᖁᑎᖏᑦ ᐱᒋᐊᕐᑎᑕᐅᒋᕗᑦ.

ᑯᕉᓂᑲ ᐂᑉᐸᖏᑦ 29:30

ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:28

ᐃᓔᐊᓯᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᑕ ᐃᓚᖓᑦ, ᔨᕼᐅᐃᐊᑕ ᓴᓐᐸᓪᓛᑎᐅᑉ ᕼᐅᕈᓁᑎᐅᑉ ᓂᖓᐅᒋᓚᐅᕐᒪᒍ; ᑍᒤᒻᒪᑦ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐸᕋ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:26

ᐊᑕᓂᐅᑉ ᐱᐅᓕᒃᓯᓂᒃᓴᖓ ᐅᑕᖅᑭᐊᕆᓗᒍ ᐱᐅᓂᕐᓴᐅᕗᖅ ᓂᐰᑦᑑᓗᓂ.

ᔮᓱᐊᑉ ᐊᒡᓚᖏᑦ 3:17

ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.

ᔮᓱᐊᑉ ᐊᒡᓚᖏᑦ 3:3

ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ.

ᔮᓱᐊᑉ ᐊᒡᓚᖏᑦ 3:7

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐃᓄᖕᓄᑦ ᐃᓴᕆᐊᓕᒥᐅᓄᑦ ᐅᐱᒋᔭᐅᑎᑦᓯᐊᕐᓂᐊᕐᐸᒋᑦ ᐊᖏᔪᕈᕐᑎᑕᐅᓗᑎᑦ, ᖃᐅᔨᓂᐊᕐᒪᑕ ᐃᓕᖕᓂ ᓇᔫᑎᓂᓐᓂᒃ ᒨᓯᓯᒥ ᓇᔫᑎᓂᕆᓚᐅᕐᑕᑦᑐᑦ.

ᔮᓱᐊᑉ ᐊᒡᓚᖏᑦ 3:9

ᔮᓱᐊᓗ ᐅᖃᓕᕐᐳᖅ ᐃᓄᖕᓄᑦ, “ᒪᐅᖓ ᕾᒋᑦᓯ, ᑐᓴᕐᓗᓯᓗ ᐊᑕᓂᐅᑉ ᒎᑎᑦᓯ ᐅᖃᐅᓯᖏᓐᓂᒃ.”

ᔮᓱᐊᑉ ᐊᒡᓚᖏᑦ 4:11

ᐊᑭᐊᓃᑦᑐᐃᓐᓇᐅᓕᕐᒪᑕᓗ, ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ ᐃᑳᓕᓚᐅᕐᐳᑦ ᐃᓄᐃᑦ ᑕᑯᓐᓇᕐᑎᓪᓗᒋᑦ.