ᔮᓱᐊᑉ ᐊᒡᓚᖏᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ.

ᔮᓱᐊᑉ ᐊᒡᓚᖏᑦ 3:3 Iomraidhean Croise

ᓴᒧᐃᓕ ᐂᑉᐸᖏᑦ 6:13

ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᐊᒡᔭᕐᓯᔪᑦ ᐱᖓᓲᔪᕐᑐᓂᒃ ᐊᓪᓗᕋᓗᐊᕐᑎᓪᓗᒋᑦ ᑍᕕᑎᐅᑉ ᓄᖅᑲᕐᑎᑉᐰᑦ, ᑐᓂᕐᕈᓯᓚᐅᕐᐳᕐᓗ ᐊᑕᓂᕐᒧᑦ ᐃᒻᒧᒃᓯᐅᒐᕐᒥᒃ ᓄᕐᕋᕐᒥᒡᓗ ᖁᐃᒃᓯᓴᕐᑕᐅᓯᒪᔪᒥᒃ.

ᓴᒧᐃᓕ ᐂᑉᐸᖏᑦ 6:3

ᐂᔭᐅᓚᐅᕐᐳᖅ ᐊᐱᓇᑕᐅᑉ ᐊᖏᕐᕋᖓᓂᑦ ᐱᖑᕐᒦᑦᑐᒥᑦ, ᐃᓕᓪᓗᒍᓗ ᐊᒃᓴᓗᐊᓕᖕᒧᑦ ᓄᑖᒧᑦ; ᐆᔭᓗ ᐊᕼᐂᐅᓗ ᐊᐱᓇᑕᐅᑉ ᐃᕐᓂᖏᒃ, ᐊᐅᓚᑦᓯᓚᐅᕐᐴᒃ ᐊᒃᓴᓗᐊᓕᖕᒥᒃ ᓅᑕᐅᓕᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 8:3

ᑖᒃᑯᐊ ᐊᖓᔪᖅᑳᓕᒫᑦ ᐃᓴᕆᐊᓕᒥᐅᓄᑦ ᑲᑎᖕᒪᑕ, ᐃᒃᓯᕐᕕᒃ ᑐᓂᕐᕈᓯᕐᑎᑦᓯᔨᓄᑦ ᑭᕕᒃᑕᐅᕗᖅ.

ᔨᕆᒤᐊᐅᑉ ᐊᒡᓚᖏᑦ 33:18

ᓕᕔᒃᑯᓐᓂᓪᓗ ᑐᓂᕐᕈᓯᕐᑎᑦᓯᔪᒃᓴᓂᒃ ᐱᑕᕾᓐᓇᕈᒫᕐᐳᖅ ᐆᓯᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᔭᐅᔪᒃᓴᓂᒡᓗ ᑐᓂᕐᕈᓯᖃᑦᑕᕐᓂᐊᕐᑐᓂᒃ ᐃᓱᖃᖏᑦᑐᒧᑦ.”

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 8:19

ᐱᖁᔭᓂᒃ ᐃᓕᓮᔨᐅᑉ ᔩᓱᓯ ᐅᐸᒃᐹ, ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᒪᓕᖕᓂᐊᕐᐸᒋᑦ ᓇᒧᑐᐃᓐᓇᖅ ᐂᒐᓗᐊᕈᕕᑦ.”

ᒨᓯᓯ ᑕᓪᓕᒪᖏᑦ 31:25

ᐱᔭᕇᕋᒥᒋᑦ, ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ ᐅᖃᕐᐳᖅ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ,

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.

ᔮᓱᐊᑉ ᐊᒡᓚᖏᑦ 3:4

ᑕᒫᓃᓚᐅᕐᓯᒪᖏᓐᓇᑦᓯ, ᑖᒃᑯᓇᓐᖓᑦ ᖃᐅᔨᑎᑕᐅᓂᐊᕐᐳᓯ ᓇᐅᒃᑰᕆᐊᖃᕐᒪᖔᑦᓯ, ᑭᓯᐊᓂᓕ ᖃᒡᓕᔭᕆᐊᖃᕐᓂᐊᓐᖏᓚᓯ ᑖᓐᓇ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ, ᑭᖑᓂᖓᓂ 1,000 ᖃᓂᒋᔮᓂ ᐃᑎᒐᖕᓂᒃ ᓯᕕᑐᓂᖃᕐᓗᓯ ᒪᓕᖕᓂᐊᕐᐳᓯ.”

ᔮᓱᐊᑉ ᐊᒡᓚᖏᑦ 3:6

ᑐᓂᕐᕈᓯᕐᑎᑦᓯᔩᓪᓗ ᔮᓱᐊᑉ ᐅᖃᐅᑎᕔᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᑎᒍᓗᓯᐅᒃ, ᓯᕗᓪᓕᐅᓗᓯ ᐃᓄᖕᓂᑦ ᐱᓱᓕᕆᑦᓯ.” ᑕᕝᕙ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓇᒃᓴᕐᓗᒍ ᐱᓱᓕᕐᐳᑦ, ᐃᓄᐃᑦ ᓯᕗᓂᖓᓐᓂ.

ᔮᓱᐊᑉ ᐊᒡᓚᖏᑦ 3:8

ᑐᓂᕐᕈᓯᕐᑎᑦᓯᔩᑦ ᐅᖃᐅᑎᓂᐊᕐᐸᑎᑦ ᐊᒡᔭᕐᓯᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᓂᒃ, ᑰᖕᒧᑦ ᔪᐊᕐᑕᓂᒧᑦ ᑎᑭᑐᐊᕈᑎᒃ, ᔪᐊᕐᑕᓂᐅᑉ ᓯᓈᓂ ᐅᑕᕿᖁᓪᓗᒋᑦ ᓇᖏᕐᓗᑎᒃ.”

ᔮᓱᐊᑉ ᐊᒡᓚᖏᑦ 4:10

ᑐᓂᕐᕈᓯᕐᑎᑦᓯᔩᑦ ᓇᖏᓚᐅᕐᐳᑦ ᔪᐊᕐᑕᓂᒥ ᑰᑉ ᕿᑎᐊᓂ ᐱᔭᕇᓚᐅᖅᑳᕐᑎᓐᓇᒋᑦ ᐊᑕᓂᐅᑉ ᑎᓕᑦᔪᑎᒋᓚᐅᕐᑕᖓᓂᒃ ᔮᓱᐊᒧᑦ, ᑕᒪᓐᓇ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᒪᒍ ᔮᓱᐊᒧᑦ. ᐃᓄᐃᑦ ᑐᐊᕕᓚᐅᕐᐳᑦ ᑰᖕᒥᒃ ᐃᑳᕐᓗᑎᑦ.

ᔮᓱᐊᑉ ᐊᒡᓚᖏᑦ 6:6

ᑕᕝᕙ ᔮᓱᐊᑉ ᓈᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔩᑦ ᕾᖁᕐᓗᒋᑦ ᐅᖃᐅᑎᕔᑦ, “ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᐊᒡᔭᕐᓗᒍ, ᓯᕗᓕᖃᕐᑐᒃᓴᐅᕗᓯ 7ᓂᒃ ᑐᓂᕐᕈᓯᕐᑎᑦᓯᔨᓂᒃ ᑎᑦᑐᓚᐅᓯᔭᕐᑐᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᓴᒧᐃᓕ ᓯᕗᓪᓖᑦ 6:15

ᓕᕔᑏᓪᓗ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐲᓚᐅᕐᐹᑦ ᐃᒃᓯᕐᕕᒡᓗ ᒎᓗᓂᒃ ᓴᓇᓐᖑᐊᕐᓯᒪᔪᓂᒃ ᐃᓗᓕᓕᒃ ᐱᖃᓯᐅᑎᓪᓗᒍ, ᐅᔭᕋᒡᔪᐊᓪᓗ ᖄᖓᓄᑦ ᐃᓕᕔᑦ; ᑕᕝᕙ ᐱᑦ-ᓯᒥᔅᓯᐅᑉ ᐃᓄᖏᑦ ᐃᑯᐊᓚᑦᓯᓪᓗᑎᒃ ᑐᓂᕐᕈᓯᓚᐅᕐᐳᑦ ᑐᖁᑦᓯᓪᓗᑎᒡᓗ ᑐᓂᕐᕈᓯᕐᓗᑎᒃ ᐅᓪᓗᒥ ᑕᕝᕙᓂ ᐊᑕᓂᕐᒧᑦ.