ᔮᓱᐊᑉ ᐊᒡᓚᖏᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.

ᔮᓱᐊᑉ ᐊᒡᓚᖏᑦ 3:17 Iomraidhean Croise

ᐊᑕᓃᑦ ᐂᑉᐸᖏᑦ 2:8

ᐃᓔᑦᔭᐅᑉ ᐅᓕᓂ ᐲᕐᐹ, ᐃᒧᓚᐅᕐᓗᒍ, ᐃᒪᖅ ᑖᑦᓱᒧᖓ ᑏᒐᕐᐹ, ᑎᒐᕐᒪᒍᓗ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᕐᐸᕐᒪᑦ ᑖᒃᑯᐊᒃ ᐃᒤᕐᓯᓐᓂᖓᒍᑦ ᓴᓗᐊᖓᔪᒃᑯᑦ ᑰᑉ ᐊᑭᐊᓄᑦ ᐃᑳᕐᐴᒃ.

ᐃᓐᖏᕈᑎᑦ 66:6

ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ; ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ. ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᒨᓯᓯ ᐂᑉᐸᖏᑦ 14:22

ᐃᓴᕆᐊᓕᒥᐅᑦ ᐃᒪᐅᖅᑲᐅᔫᒐᓗᐊᒃᑯᑦ ᐃᑳᓕᕐᐳᑦ ᓴᓗᐊᖓᑦᓯᐊᕐᑐᒃᑰᕐᓗᑎᒃ. ᐃᒫᓗᒡᓗ ᐊᑭᓐᓇᓕᐅᑎᓯᒪᕗᖅ ᐊᕙᑖᑦᑎᒍᑦ ᐃᒡᓗᒃᑐᑦ.

ᒨᓯᓯ ᐂᑉᐸᖏᑦ 14:29

ᐃᓴᕆᐊᓕᒥᐅᓪᓕ ᐱᓱᒃᐳᑦ ᓄᓇᒃᑯᑦ ᓴᓗᐊᒪᑦᓯᐊᕐᑐᒃᑯᑦ ᐃᒪᐅᑉ ᐃᓚᕕᓂᕋᓗᐊᖓᒍᑦ. ᐃᒫᓗᒡᓗ ᐊᑭᓐᓇᓕᐅᑎᓯᒪᓚᐅᕐᐳᖅ ᐃᒡᓗᒃᑐᑦ ᐊᕙᑖᓐᓂ.

ᐂᓮᐊᓯᐅᑉ ᐊᒡᓚᖏᑦ 25:8

ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.

ᒨᓯᓯ ᓯᑕᒪᖏᑦ 33:51

“ᑭᖑᕚᖑᖃᑎᒌᑦ ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐃᒫᒃ, ‘ᔪᐊᕐᑕᓂ ᐃᑳᕈᑦᓯᐅᒃ ᓄᓇᒧᓪᓗ ᑬᓇᓂᒧᑦ ᑎᑭᒃᑯᑦᓯ,

ᐄᑉᕈᐃᓄᑦ 11:29

ᐅᒃᐱᕐᓂᑯᑦ ᐃᓴᕆᐊᓕᒥᐅᑦ ᐃᑳᕈᓐᓇᓚᐅᕐᐳᑦ ᐃᒪᒃᑯᑦ ᐊᐅᐸᓗᒃᑕᒃᑯᑦ ᓄᓇᑐᑦ ᐸᓂᕐᑐᒃᑯᑦ ᐃᖏᕐᕋᔪᑎᑐᑦ; ᐄᑦᔨᑉᑎᒥᐅᑦᑕᐅᖅ ᐆᒃᑐᕋᓱᐊᓚᐅᕋᓗᐊᕐᐳᑦ, ᐃᒪᕐᔪᐊᕐᒥᓕ ᐃᐱᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 4:1

ᐃᓅᖃᑎᒌᒡᔪᐊᓕᒫᑦ ᐃᑳᕇᕐᒪᑕ ᔪᐊᕐᑕᓂᐅᑉ ᑰᖓᓂᒃ, ᐊᑕᓂᖅ ᐅᖃᕐᐳᖅ ᔮᓱᐊᒧᑦ,

ᔮᓱᐊᑉ ᐊᒡᓚᖏᑦ 4:10

ᑐᓂᕐᕈᓯᕐᑎᑦᓯᔩᑦ ᓇᖏᓚᐅᕐᐳᑦ ᔪᐊᕐᑕᓂᒥ ᑰᑉ ᕿᑎᐊᓂ ᐱᔭᕇᓚᐅᖅᑳᕐᑎᓐᓇᒋᑦ ᐊᑕᓂᐅᑉ ᑎᓕᑦᔪᑎᒋᓚᐅᕐᑕᖓᓂᒃ ᔮᓱᐊᒧᑦ, ᑕᒪᓐᓇ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᒪᒍ ᔮᓱᐊᒧᑦ. ᐃᓄᐃᑦ ᑐᐊᕕᓚᐅᕐᐳᑦ ᑰᖕᒥᒃ ᐃᑳᕐᓗᑎᑦ.

ᔮᓱᐊᑉ ᐊᒡᓚᖏᑦ 4:11

ᐊᑭᐊᓃᑦᑐᐃᓐᓇᐅᓕᕐᒪᑕᓗ, ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ ᐃᑳᓕᓚᐅᕐᐳᑦ ᐃᓄᐃᑦ ᑕᑯᓐᓇᕐᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 4:22

ᐅᖃᐅᑎᔪᒫᕐᐸᓯ, ‘ᐃᓴᕆᐊᓕᒥᐅᑦ ᐃᑳᓚᐅᕐᓯᒪᖕᒪᑕ ᔪᐊᕐᑕᓂᐅᑉ ᑰᖓᒍᑦ ᓄᓇᒃᑯᑦ ᓴᓗᐊᒪᔪᒃᑯᑦ.’

ᔮᓱᐊᑉ ᐊᒡᓚᖏᑦ 4:3

ᐱᖁᒃᑭᑦ ᑎᒍᓯᖁᓗᒋᑦ ᐅᔭᕋᖕᓂᒃ 12ᓂᒃ ᐊᑕᐅᓯᕐᒥᒃ ᐊᑐᓂᑦ ᔪᐊᕐᑕᓂᐅᑉ ᑰᖓᓂᑦ ᐱᔪᓂᒃ, ᑐᓂᕐᕈᓯᕐᑎᑦᓯᔩᑦ ᑰᖕᒥᑦ ᓇᖏᕐᕕᒋᔭᖓᓐᓂᑦ, ᑖᒃᑯᐊᓗ ᐅᔭᕅᑦ ᓇᒃᓴᕐᑕᐅᖁᓪᓗᒋᑦ ᐃᓕᔭᐅᓗᑎᒡᓗ ᐅᓐᓄᒃ ᑕᖕᒫᕐᓯᒪᕕᒋᓂᐊᕐᑕᖏᓐᓄᑦ.”

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.