ᔮᓱᐊᑉ ᐊᒡᓚᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.

ᔮᓱᐊᑉ ᐊᒡᓚᖏᑦ 3:16 Iomraidhean Croise

ᒨᓯᓯ ᓯᕗᓪᓖᑦ 14:3

ᑖᒃᑯᐊᓕᒫᓪᓗ ᐃᒻᒥᖕᓄᑦ ᑕᐱᕇᓕᓪᓗᑎᒃ ᐅᓇᑕᕆᐊᓚᐅᕐᐳᑦ ᓇᕐᓴᒥ ᓯᑎᒥᒥᒃ ᐊᑎᓕᖕᒥ, ᒫᓐᓇᓕ ᑍᔭᐅᓕᕐᑐᒥᒃ ᐃᒪᕐᒥᒃ ᑕᕆᐅᕐᒥᒃ.

ᐊᑕᓃᑦ ᓯᕗᓪᓖᑦ 4:12

ᐹᓇ, ᐊᕼᐃᓗᑎᐅᑉ ᐃᕐᓂᖓ: ᐊᖓᔪᖅᑳᖑᑎᓪᓗᒍ ᑖᓇᒃᒧᑦ ᐃᒡᓗᒐᓴᖕᓄᑦ, ᒥᒋᑐᒧᓗ, ᐱᑦ-ᓰᓐ ᖃᓂᒋᔭᓖᒫᖓᓄᑦ ᔭᕆᑕᐅᑉ ᓄᓇᖓᑕ ᖃᓂᒋᔭᖓᓄᑦ ᑎᑭᓪᓗᒍ, ᔨᔭᕆᐅᑉ ᐊᑖᓃᑦᑐᒧᑦ ᑎᑭᓪᓗᒍ, ᐊᒻᒪ ᑕᕝᕙᓐᖓᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᖅ ᐊᐱᐅᓪ-ᒥᕼᐅᓚ ᑎᑭᓪᓗᒍ, ᑕᐅᓄᖓ ᔫᒃᒥᐊᒥᐅᑉ ᐊᑭᐊᓄᑦ ᑎᑭᓪᓗᒍ.

ᐊᑕᓃᑦ ᓯᕗᓪᓖᑦ 7:46

ᔪᐊᕐᑕᓂᐅᑉ ᓇᕐᓴᕐᔪᐊᖓᓂ ᐊᖓᔪᖅᑳᕐᔪᐊᑉ ᑕᒪᒃᑯᐊ ᐱᔭᕇᕐᓯᒪᔪᓕᒫᑦ, ᐃᓕᔭᐅᑎᑉᐰᑦ ᓴᑰᑎᐅᑉ ᔭᕆᑕᐅᓪᓗ ᐊᑯᓐᓂᖓᓂ.

ᐃᓐᖏᕈᑎᑦ 114:3

ᐃᒪᕐᐱᒃ ᑕᒪᑐᒥᖓ ᑕᑯᒐᒥ ᕿᒪᒃᓯᕗᖅ, ᑰᒃ ᔪᐊᕐᑕᓂ ᑰᒍᓐᓃᓚᐅᕐᐳᖅ.

ᐃᓐᖏᕈᑎᑦ 114:5

ᓱᖕᒪᑦ, ᐃᒪᕐᐱᐅᔪᑎᑦ ᕿᒪᒃᓯᓚᐅᕐᐲᑦ? ᔪᐊᕐᑕᓂᐅᓪᓗ ᑰᖓ, ᓱᖕᒪᑦ ᑰᒍᓐᓃᓚᐅᕐᐱᑦ?

ᐃᓐᖏᕈᑎᑦ 29:10

ᐊᑕᓂᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᕗᖅ ᐃᒪᕐᔪᐊᑦ ᖄᒥᓯᒪᔪᑦ ᖁᓛᓂ, ᐊᑕᓂᕐᓗ ᐃᒃᓯᕙᓂᐊᕐᐳᖅ ᐊᖓᔪᖅᑳᕐᔪᐊᖑᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 33:7

ᐃᒪᕐᔪᐃᑦ ᐃᒪᖏᑦ ᑲᑎᕐᓱᕐᐰᑦ ᐊᑕᐅᓯᕐᒧᑦ; ᐃᑎᔪᕐᔪᐊᓪᓗ ᐱᖁᑎᖃᕐᕕᖕᓄᑦ ᐃᓕᕔᑦ.

ᐃᓐᖏᕈᑎᑦ 66:6

ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ; ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ. ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.

ᐃᓐᖏᕈᑎᑦ 74:15

ᐃᒥᖅ ᓄᓇᒥᑦ ᑰᒃᑐᖅ ᑰᓕᕐᑎᑉᐸᑦ ᖄᒥᓕᕐᓗᓂ; ᑰᒑᓗᐃᑦ ᓴᓐᖏᔪᑦ ᓴᓗᐊᕐᑎᑉᐸᑎᑦ.

ᐃᓐᖏᕈᑎᑦ 77:19

ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ, ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ, ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.

ᐃᓐᖏᕈᑎᑦ 78:13

ᐃᒪᕐᕕᒃ ᐊᕕᓚᐅᕐᐹ, ᑕᒪᐅᓇᓗ ᑕᓯᐅᕐᓗᒋᑦ ᐊᓂᒍᐃᑎᓚᐅᕐᐰᑦ; ᐃᒪᕐᓗ ᕿᑲᕐᑎᓚᐅᕐᐹ ᓇᖏᕐᑐᑐᑦ ᐳᕐᑐᓯᓯᒪᓪᓗᓂ.

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᒨᓯᓯ ᐂᑉᐸᖏᑦ 14:22

ᐃᓴᕆᐊᓕᒥᐅᑦ ᐃᒪᐅᖅᑲᐅᔫᒐᓗᐊᒃᑯᑦ ᐃᑳᓕᕐᐳᑦ ᓴᓗᐊᖓᑦᓯᐊᕐᑐᒃᑰᕐᓗᑎᒃ. ᐃᒫᓗᒡᓗ ᐊᑭᓐᓇᓕᐅᑎᓯᒪᕗᖅ ᐊᕙᑖᑦᑎᒍᑦ ᐃᒡᓗᒃᑐᑦ.

ᒨᓯᓯ ᐂᑉᐸᖏᑦ 14:29

ᐃᓴᕆᐊᓕᒥᐅᓪᓕ ᐱᓱᒃᐳᑦ ᓄᓇᒃᑯᑦ ᓴᓗᐊᒪᑦᓯᐊᕐᑐᒃᑯᑦ ᐃᒪᐅᑉ ᐃᓚᕕᓂᕋᓗᐊᖓᒍᑦ. ᐃᒫᓗᒡᓗ ᐊᑭᓐᓇᓕᐅᑎᓯᒪᓚᐅᕐᐳᖅ ᐃᒡᓗᒃᑐᑦ ᐊᕙᑖᓐᓂ.

ᒨᓯᓯ ᐂᑉᐸᖏᑦ 15:8

ᐃᒪᖅ ᓱᐱᒐᕕᐅᒃ ᐊᕕᒃᐳᖅ ᐊᑭᓐᓇᑎᑐᑦ ᑍᒤᓕᕐᓗᓂ, ᐃᒪᖅ ᐳᕐᑐᓯᕗᖅ ᐃᓐᓈᕈᕐᑎᑐᑦ; ᐃᒪᕐᔪᐊᓪᓗ ᐃᑎᓂᖓ ᓯᑎᔪᑎᑐᑦ ᐊᐅᓚᔪᓐᓃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 47:8

ᐅᖃᐅᑎᕚᖓᓗ, “ᑕᒪᓐᓇ ᑰᒃᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᐊᕋᐸᐅᑉ ᓇᕐᓴᖓᓄᑦ; ᑕᓯᕐᔪᐊᕐᒧᑦ ᑐᖁᖓᔪᒧᑦ ᑎᑭᐅᓯᒪᕗᖅ, ᑕᓯᕐᔪᐊᒧᑦ ᑎᑭᓐᓇᒥ ᑕᕆᐅᖑᔪᓐᓃᕐᑎᑦᓯᓪᓗᓂ ᐃᒥᑦᓯᐊᕙᕈᕐᑎᑦᓯᕗᖅ.

ᓇᕼᐅᒥᐅᑉ ᐊᒡᓚᖏᑦ 1:4

ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ; ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.

ᕼᐊᐸᑲᐅᑉ ᐊᒡᓚᖏᑦ 3:8

ᐊᑕᓃᖅ, ᑰᖕᒧᑦ ᓂᓐᖓᒃᑎᑕᐅᕖᑦ? ᐃᒪᕕᖕᒧᑦ ᓂᓐᖓᕕᒡᔪᐊᕐᑎᑕᐅᕖᑦ? ᓄᕗᔧᑦ ᖄᖏᑎᒍᑦ ᐃᑭᒪᒐᕕᑦ; ᓯᓚᕐᓂᕐᓗᐃᓪᓗ ᓄᕗᔭᑦ ᕿᒧᒃᓯᐅᑎᒋᕙᑎᑦ ᐊᒃᓴᓗᐊᓕᒃᑎᑐᑦ, ᑕᒪᒃᑯᑎᒎᓇᕐᓗ ᓵᓚᖃᕐᑎᑦᓯᓪᓗᑎᑦ ᐃᓄᖁᑎᖕᓂᒃ.

ᒨᓯᓯ ᓯᑕᒪᖏᑦ 34:3

ᓯᕿᓂᖓᑕ ᑭᒡᓕᖓᓂᑦ ᐱᒋᐊᕐᓗᒍ ᐃᓄᖃᖏᑦᑑᑉ ᔨᓐ ᑭᒡᓕᖓᓂᑦ ᐄᑐᒥᐅᑉ ᑭᒡᓕᖓ ᐊᑐᐊᕐᓗᒍ; ᑕᕝᕙ ᓯᕿᓂᖓᓂ ᓄᓇᐅᑉ ᑭᒡᓕᖓ ᑎᑭᓯᒪᓂᐊᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᐃᒪᕐᔪᐊᖅ ᑕᕆᐅᑉ ᐃᓱᐊ ᑎᑭᓪᓗᒍ:

ᒨᓯᓯ ᑕᓪᓕᒪᖏᑦ 1:1

ᐅᑯᐊ ᐅᖃᐅᓰᑦ ᒨᓯᓯᐅᑉ ᐅᖃᐅᓯᕕᓂᖏᑦ ᐃᓴᕆᐊᓕᒥᐅᓄᑦ ᑍᑦᓱᒪᓂ ᐃᓄᖃᖏᑦᑐᒦᑎᓪᓗᒋᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ, ᐊᕋᐸᒥ ᓲᐸᐅᑉ ᖃᓂᒋᔮᓂ, ᐸᕌᓂᐅᓪᓗ ᑐᐱᐅᓪ ᐊᑯᓐᓂᖓᓂ, ᐊᒻᒪ ᓔᐸᓂ, ᕼᐊᔨᕌᑎᐅᓪᓗ, ᑎᔭᕼᐊᑉ ᐊᑯᓐᓂᖏᓐᓃᓪᓗᑎᒃ.

ᒨᓯᓯ ᑕᓪᓕᒪᖏᑦ 3:17

ᓴᐅᒥᐊᓃᑦᑐᕐᓕ ᓄᓇᑖᕆᔭᖓᑦᑕ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐱᒋᐊᕐᕕᖃᕆᕗᖅ ᔪᐊᕐᑕᓂᐅᑉ ᑰᖓᓄᑦ ᑎᑭᐅᒪᓪᓗᒍ, ᓯᓂᕆᑎᒥᑦ ᑕᓯᕐᒥᑦ ᐱᒋᐊᕐᓗᓂ ᑕᓕᕐᐱᐊᒍᑦ ᑕᐅᓄᖓ ᐃᒪᕐᒧᑦ ᑕᕆᐅᕐᒧᑦ ᑎᑭᐅᒪᓪᓗᓂ ᓯᑭᓂᐅᑉ ᓇᓛᓃᑦᑐᒧᑦ ᑕᓕᕐᐱᐊᓄᓪᓗ ᐱᔅᒐᐅᑉ ᖃᖅᑲᖓᑕ ᑭᒡᓕᖓᓄᑦ ᑎᑭᐅᒪᓪᓗᓂ.

ᔮᓱᐊᑉ ᐊᒡᓚᖏᑦ 12:3

ᐅᑯᐊᓗ ᔪᐊᕐᑕᓂᐅᑉ ᑰᖓ ᓯᓂᕆᑎᐅᑉ ᑕᓯᖓᓂᑦ ᐱᒋᐊᕐᓗᒍ ᓯᕿᓂᕐᒧᑦ ᐱᑦ-ᔨᓯᒫᔅ ᑎᑭᓪᓗᒍ, ᑕᓯᐅᑉ ᑕᕆᐅᑉ ᓯᕿᓂᖓᑕ ᓄᐃᕕᐊᓃᑦᑐᒧᑦ, ᖃᖅᑲᐅᑉ ᐱᔅᒐᐅᑉ ᐅᕕᖓᓂᖓᑕ ᑭᒡᓕᖓᓄᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 15:2

ᓯᕿᓂᐅᑉ ᓇᓛᓃᑦᑐᖅ ᐱᒋᐊᕐᓯᒪᕗᖅ ᐃᒪᕐᒥᑦ ᑕᕆᐅᕐᒥᑦ, ᕿᓐᖑᐊᓂᑦ ᓯᕿᓂᐅᑉ ᓇᓛᓄᐊᖓᓪᓗᓂ.

ᔮᓱᐊᑉ ᐊᒡᓚᖏᑦ 16:7

ᔭ-ᓄᐊᒥᑦ ᑕᐅᓄᖓ ᐊᑕᕌᔅᒧᑦ ᓈᕋᒧᓪᓗ, ᓵᓐᖓᓪᓗᓂ ᔨᕆᑯᒧᑦ, ᐃᓱᖃᕐᓗᓂ ᔪᐊᕐᑕᓂᐅᑉ ᑰᖓᓄᑦ.

ᔮᓱᐊᑉ ᐊᒡᓚᖏᑦ 3:13

ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᖏᖃᑎᖏᖕᓂᐅᑉ ᐃᒃᓯᕐᕕᖁᑎᖓᓂᒃ ᐊᑕᓂᐅᔫᑉ ᓄᓇᕐᔪᐊᕐᒥᐅᓕᒫᓄᑦ ᐱᖓᓂᒃ ᐃᑎᒐᖏᑦ ᐃᒫᓄᑦ ᐊᒃᑐᑐᐊᕐᐸᑕ ᔪᐊᕐᑕᓂᐅᑉ ᑰᖓ ᓄᖅᑲᕐᓂᐊᕐᐳᖅ, ᑲᖏᐊᓂᓪᓗ ᑰᒃᑐᑦ ᓄᖅᑲᖓᓗᑎᒃ ᐊᑕᐅᓯᕐᒧᑦ ᑲᑎᓐᓂᐊᕐᐳᑦ.”

ᔮᓱᐊᑉ ᐊᒡᓚᖏᑦ 4:22

ᐅᖃᐅᑎᔪᒫᕐᐸᓯ, ‘ᐃᓴᕆᐊᓕᒥᐅᑦ ᐃᑳᓚᐅᕐᓯᒪᖕᒪᑕ ᔪᐊᕐᑕᓂᐅᑉ ᑰᖓᒍᑦ ᓄᓇᒃᑯᑦ ᓴᓗᐊᒪᔪᒃᑯᑦ.’

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 7:22

ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.