ᔮᓱᐊᑉ ᐊᒡᓚᖏᑦ 24:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᑕᑯᒋᑦ, ᐅᓇ ᐅᔭᕋᒃ ᓇᓗᓁᒃᑯᑕᐅᕗᖅ ᐅᕙᑦᑎᓐᓄᑦ; ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐅᕙᑦᑎᓐᓄᑦ ᑐᓴᓚᐅᕋᑦᑎᒍ ᐅᖃᐅᓯᕆᑎᓪᓗᓂᒋᑦ, ᑍᒤᒻᒪᑦ ᓇᓗᓁᒃᑯᑕᐅᓂᐊᕐᐳᖅ ᐃᓕᑦᓯᓐᓄᑦ, ᓱᓕᖏᑦᑐᒥᒃ ᐱᔨᑦᓯᓕᖁᓇᓯ ᒎᑎᑦᓯᓐᓂᒃ.”

ᔮᓱᐊᑉ ᐊᒡᓚᖏᑦ 24:27 Iomraidhean Croise

ᔫᐱᐅᑉ ᐊᒡᓚᖏᑦ 31:23

ᒎᑎᒧᑦ ᐊᑭᒋᐊᕐᑕᐅᓂᖅ ᓯᕘᕋᒋᒐᒃᑯ, ᐊᔪᖏᑦᑐᕐᔪᐊᖑᓂᖓᓗ ᓵᓐᖓᔪᒪᒐᔭᕐᓇᒍ.

ᔫᐱᐅᑉ ᐊᒡᓚᖏᑦ 31:28

ᑕᒪᓐᓇ ᐊᔪᕐᓂᐅᒐᔭᕐᐳᖅ ᓱᒋᐊᕐᑕᐅᑦᔪᑎᒃᓴᐅᓗᓂ ᐃᖅᑲᕐᑐᐃᔨᒧᑦ, ᒎᑎᒧᑦ ᕿᓚᖕᒦᑦᑐᒧᑦ ᓱᓕᖏᑦᑐᒥᒃ ᐱᓇᓱᐊᕐᓂᐅᖕᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᕼᐊᐸᑲᐅᑉ ᐊᒡᓚᖏᑦ 2:11

ᐊᕙᓗᕐᔪᐊᑦ ᐅᔭᕋᖏᑦ ᓂᓪᓕᕈᒫᕐᐳᑦ, ᕿᔫᓂᖏᑕᓗ ᓴᐅᓂᖏᑦ ᑭᐅᓗᑎᒃ ᑖᒃᑯᓂᖓ.

ᒨᓯᓯ ᓯᑕᒪᖏᑦ 11:20

ᑕᖅᑭᓕᒫᒥᒡᓕ, ᓱᕐᓗᑦᓯᓐᓂᑦ ᓂᕿ ᐊᓂᐊᓕᕐᐸᑦ ᑭᓯᐊᓂ, ᐃᓕᑦᓯᓗ ᐊᕆᐅᒍᑦᓯᐅᒃ, ᐊᑕᓂᖅ ᐊᑯᓐᓇᑦᓯᓐᓃᑦᑐᖅ ᓇᕐᕈᒋᓚᐅᕋᑦᓯᐅᒃ, ᓵᖓᓂᓗ ᕿᐊᓪᓗᓯ ᐅᖃᕐᓗᓯᓗ, ‘ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᐱᑕ?’”

ᒫᑎᐅᓯᐅᑉ ᐊᒡᓚᖏᑦ 10:33

ᑭᓇᑐᐃᓐᓇᕐᓕ ᐃᓄᖕᓄᑦ ᐅᖃᐅᓯᖃᖏᑉᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᐅᖃᐅᓯᕆᓛᓐᖏᓐᓂᕙᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.”

ᓘᑲᓯᐅᑉ ᐊᒡᓚᖏᑦ 19:40

ᔩᓱᓯᐅᑉ ᑭᐅᕔᑦ, “ᐅᖃᐅᑎᕙᑦᓯ, ᑖᒃᑯᐊ ᓂᐸᖏᕋᓗᐊᕐᐸᑕ, ᒪᒃᑯᐊ ᐅᔭᕅᑦ ᕾᒐᓛᓕᕐᓂᐊᕐᐳᑦ.”

ᒨᓯᓯ ᑕᓪᓕᒪᖏᑦ 30:19

ᕿᓚᒃ ᓄᓇᓗ ᑕᒪᑐᒥᖓ ᓂᕈᐊᕆᔭᑦᓯᓐᓂᒃ ᖃᐅᔨᒪᖁᕚᒃᑲᒃ ᐅᓪᓗᒥ ᒪᓂᑦᔨᒐᒪ ᐃᓕᑦᓯᓐᓄᑦ ᐃᓅᓯᕐᒥᒃ ᑐᖁᒥᒡᓗ, ᓇᓪᓕᐊᓐᓂᑐᐃᓐᓇᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᓱᒋᐊᕐᓯᓂᖓᓂᒡᓗ, ᑍᒤᒻᒪᑦ ᐃᓅᓯᕐᒥᒃ ᓂᕈᐊᕆᑦᓯ, ᑭᖑᕚᒃᓴᓯᓗ ᐃᓅᖁᓪᓗᓯ.

ᒨᓯᓯ ᑕᓪᓕᒪᖏᑦ 31:19

“ᒫᓐᓇᓕ ᑍᒤᒻᒪᑦ, ᐅᓇ ᐃᓐᖏᕈᓯᖅ ᑎᑎᕋᕐᑕᒃᓴᕆᕙᑦ, ᐃᓕᓐᓂᐊᕐᑎᑦᓯᑦᔪᑎᒋᓗᒍᓗ ᐃᓴᕆᐊᓕᒥᐅᓄᑦ; ᓇᓗᓁᕐᓯᓂᐊᕐᒪᑦ ᑖᒃᑯᓂᖓ ᓈᒻᒪᒃᓴᖏᓐᓂᓐᓂᒃ.

ᒨᓯᓯ ᑕᓪᓕᒪᖏᑦ 31:21

ᑕᕝᕙ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᑎᓄᓪᓗ ᐅᓄᕐᑐᓄᑦ ᑎᑭᑕᐅᔪᒫᕐᐳᑦ, ᑖᑦᓱᒪ ᐃᓐᖏᕈᓯᐅᑉ ᓵᓐᖓᔪᒫᕐᐰᑦ ᓇᓗᓁᕐᓯᓗᓂ ᑖᒃᑯᓂᖓ ᑖᓐᓇ ᐳᐃᒍᕐᑕᐅᓂᐊᖏᒻᒪᑦ ᑭᖑᕚᖏᑕ ᖃᓂᖏᓐᓂᑦ ᖃᐅᔨᒪᒐᒪ ᖃᓄᐃᓕᐅᕋᓱᐊᕐᑕᖏᑦ ᐋᖅᑭᒃᐸᓪᓕᐊᖕᒪᑕ, ᓱᓕ ᑎᑭᑎᓚᐅᖏᒃᑲᓗᐊᕐᓗᑎᒃ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑐᓂᓂᐊᕐᓂᕋᕐᓗᒍ ᑖᒃᑯᓄᖓ.”

ᒨᓯᓯ ᑕᓪᓕᒪᖏᑦ 31:26

“ᐅᑯᐊ ᐱᖁᔧᑦ ᐊᒡᓚᒃᓯᒪᔪᑦ, ᑎᒍᓗᒋᑦ ᐃᓕᔭᒃᓴᕆᕙᓯ ᐊᑕᓂᐅᑉ ᒎᑎᑦᓯ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᑕ ᓴᓂᐊᓄᑦ, ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 32:1

“ᕿᓚᐅᔪᑎᑦ ᑐᓵᓚᐅᕆᑦ, ᐅᖃᓪᓚᖕᓂᐊᕋᒪ; ᓄᓇᕐᔪᐊᕐᓗ ᖃᓂᕐᒪ ᐅᖃᐅᓯᖏᓐᓂᒃ ᑐᓵᓚᐅᕐᓕ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᔮᓱᐊᑉ ᐊᒡᓚᖏᑦ 22:34

ᕉᐱᓂᐅᑉ ᒑᓪᓗ ᐃᓄᖏᑦ ᐅᖃᕐᐳᑦ, “ᐅᓇ ᑐᓂᕐᕈᓯᕐᕕᒃ ᓇᓗᓁᒃᑯᑕᐅᕗᖅ ᐅᕙᑦᑎᓐᓄᑦ ᐃᓕᑦᓯᓐᓄᓪᓗ ᐊᑕᓂᖅ ᒎᑎᐅᖕᒪᑦ.” ᑍᒤᒻᒪᑦ ᐊᑎᕐᑖᕐᑕᐅᕗᖅ “ᓇᓗᓁᕐᓯᕕᖕᒥᒃ.”

ᔮᓱᐊᑉ ᐊᒡᓚᖏᑦ 24:28

ᑕᕝᕙ ᑭᖑᕐᖓᒍᑦ ᔮᓱᐊᑉ ᐃᓄᐃᑦ ᐊᐅᓪᓚᖁᓕᕐᐰᑦ, ᐊᑐᓂᑦ ᐊᖏᕐᕋᕐᐳᑦ ᓄᓇᒥᖕᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:8

ᐱᓂᐊᕐᓂᑎᑦ ᖃᐅᔨᒪᕙᒃᑲ. ᑕᑯᒋᑦ, ᓯᕗᓂᕐᓃᑦᑐᒥᒃ ᐅᒃᑯᐊᒥᒃ ᐅᒃᑯᐃᕈᑎᓚᐅᕐᐸᒋᑦ, ᑭᓇᒧᓪᓘᓐᓃᑦ ᐅᒃᑯᐊᕐᑕᐅᓂᐊᖏᑦᑐᒥᒃ; ᖃᐅᔨᒪᕙᒋᑦ ᒥᑭᔪᒥᒃ ᐱᔪᓐᓇᕐᓂᖃᕋᕕᑦ, ᐅᖃᐅᓯᕋᓗ ᐱᓯᒤᓐᓇᕐᐸᑦ ᐊᑎᕋᓗ ᒥᓯᐊᕈᑎᒋᓯᒪᓇᒍ.

ᓴᒧᐃᓕ ᓯᕗᓪᓖᑦ 7:12

ᑕᕝᕙ ᓴᒧᐃᓕ ᐅᔭᕋᖕᒥᒃ ᑎᒍᓯᓪᓗᓂ ᐃᓕᕚ ᒥᔅᐸᐅᑉ ᔨᓴᓇᐅᓪᓗ ᐊᑯᓐᓂᖓᓄᑦ, ᐊᑦᓯᕐᐹᓗ ᐃᐱᓂᓯᕆᒥᒃ ᐅᖃᕐᓗᓂ, “ᑕᒪᐅᖓ ᑎᑭᓪᓗᒍ ᐊᑕᓂᐅᑉ ᐃᑲᔪᓚᐅᕐᐹᑎᒍᑦ.”