ᔮᓱᐊᑉ ᐊᒡᓚᖏᑦ 24:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᔮᓱᐊᓪᓕ ᐃᓄᐃᑦ ᐅᖃᐅᑎᕔᑦ, “ᐊᑕᓂᕐᒥᒡᓕ ᐱᔨᑦᓯᕈᓐᓇᕐᓂᐊᓐᖏᓚᓯ; ᐃᑦᔪᕐᓁᑦᑑᓪᓗᓂ ᒎᑎᐅᖕᒪᑦ; ᓯᖕᓇᑐᔫᓪᓗᓂ ᒎᑎᐅᕗᖅ; ᐃᓱᒪᒋᔪᓐᓁᕐᓂᐊᓐᖏᓛᓯᓗ ᐊᔪᕐᑐᓕᓂᑦᓯᓐᓂᑦ ᐊᔪᕐᓂᑦᓯᓐᓂᓪᓗ.

ᔮᓱᐊᑉ ᐊᒡᓚᖏᑦ 24:19 Iomraidhean Croise

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐃᓐᖏᕈᑎᑦ 99:3

ᐊᑏᑦ ᐊᖏᔪᕐᔪᐊᖅ ᐊᔪᖏᑦᑐᕐᔪᐊᕐᓗ ᓂᕐᑐᕐᑕᐅᓚᐅᕐᓕ ᐃᑦᔪᕐᓁᑦᑑᖕᒪᑦ.

ᐃᓐᖏᕈᑎᑦ 99:5

ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ; ᑐᒃᓯᐊᕆᑦᓯ ᐃᑎᒐᖏᑕ ᐃᑯᕐᕋᖓᓂ! ᑖᓐᓇ ᐃᑦᔪᕐᓁᑦᑑᖕᒪᑦ.

ᐃᓐᖏᕈᑎᑦ 99:9

ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 23:21

ᑖᓐᓇ ᑲᒪᒋᑦᓯᐊᕐᓯᐅᒃ ᐅᖃᐅᓯᖓᓗ ᓈᓚᒡᓗᒍ, ᐊᑭᕋᕐᑐᕐᓂᐊᕋᓯᐅᒃ, ᑎᓕᓯᒪᒐᒃᑯ, ᐊᑭᕋᕐᑐᕈᑦᓯᐅᒃ ᐊᔪᕐᑐᓕᓂᓯ ᐃᓱᒪᒋᔪᓐᓁᕐᓂᐊᖏᒻᒪᒋᑦ.

ᒨᓯᓯ ᐂᑉᐸᖏᑦ 34:14

“ᒎᑎᒋᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᖓ ᐊᑕᓂᐅᔪᖓ, ᐊᓯᓐᓂᒃ ᑲᒪᒋᔭᐅᖁᔨᖏᓐᓇᒪ ᓯᖕᓇᑐᔫᓪᓗᖓᓗ.

ᒨᓯᓯ ᐂᑉᐸᖏᑦ 34:7

ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓄᐃᑦ ᒥᑭᒡᓕᑎᕐᑎᑕᐅᕗᑦ, ᐊᖑᑎᓪᓗ ᐊᑐᓂᑦ ᓱᓇᐅᔪᓐᓃᕐᑎᑕᐅᓪᓗᑎᒃ; ᑍᒤᒻᒪᑦ ᐳᐃᒍᕐᑍᓕᒃᑭᑦ!

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 30:11

ᐊᖅᑯᒻᒥᑦ ᐊᒡᕔᕆᑦᓯ, ᐊᖅᑯᑕᐅᕙᒃᑐᖅ ᐊᑐᕈᓐᓃᕐᓗᒍ, ᑐᓴᕐᑎᑦᓯᓂᐊᕋᓯ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᓂᒃ ᐅᕙᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 30:15

ᐊᑕᓂᖅ ᒎᑎ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐃᒫᒃ ᐅᖃᕐᐳᖅ, “ᐅᕙᓐᓄᑦ ᐅᑎᕈᑦᓯ ᓮᓕᓇᕐᑐᒦᓪᓗᓯ ᐱᐅᓕᔭᐅᒐᔭᕐᐳᓯ; ᓂᐰᑦᑑᓂᖅ ᖁᓚᖏᓐᓂᕐᓗ ᐱᔪᓐᓇᕐᓂᕆᓂᐊᕐᐸᓯ.” ᑭᓯᐊᓂᓕ ᑍᒤᑦᑐᒪᓚᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 5:16

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ ᐊᖏᒡᓕᑎᑕᐅᔪᒫᕐᐳᖅ ᐃᖅᑲᕐᑐᐃᑦᓯᐊᕐᓂᒃᑯᑦ, ᒎᑎᓗ ᐃᑦᔪᕐᓁᑦᑐᖅ ᐃᒻᒥᓂᒃ ᓴᖅᑭᑎᑦᓱᒫᕐᐳᖅ ᐃᑦᔪᕐᓁᓐᓂᕐᒥ ᓇᓛᒎᕐᓂᕐᒥᓗ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐱᖓᔪᖏᑦ 11:44

ᐊᑕᓂᐅᒐᒪ ᒎᑎᓯ; ᐃᓕᑦᓯᓐᓂᒃ ᑐᓂᓕᕆᑦᓯ ᐃᑦᔪᕐᓁᓕᕐᓗᓯᓗ, ᐅᕙᖓ ᐃᑦᔪᕐᓁᓐᓇᒪ. ᐃᓕᑦᓯᓐᓂᒃ ᓴᓗᒤᓕᕐᑎᓐᓂᐊᕋᓯ ᐆᒪᔪᐃᑦ ᐹᕐᖑᕐᑐᑦ ᓄᓇᒥ ᐱᑦᔪᑎᒋᓗᒋᑦ.

ᒨᓯᓯ ᐱᖓᔪᖏᑦ 11:45

ᐅᕙᖓ ᐊᑕᓂᐅᒐᒪ ᐄᑦᔨᑉᑎᒥᑦ ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ; ᑍᒤᒻᒪᑦ ᐃᑦᔪᕐᓁᒋᑦᓯ, ᐅᕙᖓ ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 19:2

“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ.

ᒨᓯᓯ ᐱᖓᔪᖏᑦ 20:26

ᐃᓕᑦᓯᓐᓂᒃ ᐃᑦᔪᕐᓁᑎᒋᑦᓯ ᐅᕙᖓ ᐊᑕᓂᐅᒐᒪ ᐃᑦᔪᕐᓁᑦᑐᖅ. ᐃᓅᖃᑎᒌᒡᔪᐊᓂᑦ ᑎᒍᓚᐅᕋᑦᓯ ᓇᖕᒥᓂᕆᔪᒪᓪᓗᓯ.

ᒨᓯᓯ ᐱᖓᔪᖏᑦ 20:7

ᐃᓕᑦᓯᓐᓂᒃ ᐃᑦᔪᕐᓁᑎᓐᓂᐊᕆᑦᓯ, ᐅᕙᖓ ᐊᑕᓂᐅᒐᒪ ᒎᑎᓯ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᕼᐊᐸᑲᐅᑉ ᐊᒡᓚᖏᑦ 1:13

ᐃᔩᒃᑭᒃ ᐃᑦᔪᕐᓁᓗᐊᕐᐴᒃ ᐱᐅᖏᑦᑐᒥᒃ ᑕᑯᓐᓇᕆᐊᒃᓴᖅ, ᐱᐅᖏᑦᑐᓕᔪᓂᒡᓗ ᑕᑯᓐᓇᕈᓐᓇᕐᓇᒃ. ᓱᖕᒪᓪᓕ ᐅᒃᐱᓂᖃᖏᑦᑐᑦ ᑕᑯᓐᓇᕐᐱᒌᑦ, ᓱᖕᒪᓪᓗ ᓂᐱᖃᓐᖏᓚᑎᑦ ᐱᐅᖏᑦᑐᓕᔪᑦ ᓵᓚᖃᓕᕐᑎᓪᓗᒋᑦ ᐃᒻᒥᖕᓂᑦ ᐃᓱᐊᕐᓂᕐᓴᐅᔪᓂᒃ?

ᒫᑎᐅᓯᐅᑉ ᐊᒡᓚᖏᑦ 6:24

“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.

ᔮᓱᐊᑉ ᐊᒡᓚᖏᑦ 24:18

ᓄᓇᑖᕐᐸᓪᓕᐊᓕᕐᑎᓪᓗᑕᓗ ᐊᑕᓂᐅᑉ ᓄᓇᓕᓕᒫᑦ ᓯᖏᓚᐅᕐᐰᑦ ᓯᕗᓂᑦᑎᓐᓂ, ᐊᒧᕅᒥᐅᓪᓗ ᑕᒫᓂ ᓄᓇᖃᕐᑐᑦ ᐱᖃᑕᐅᓪᓗᑎᒃ; ᑍᒤᒻᒪᑦ ᐅᕙᒍᑦᑕᐅᖅ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ, ᑖᓐᓇ ᒎᑎᒋᒐᑦᑎᒍ.”

ᔮᓱᐊᑉ ᐊᒡᓚᖏᑦ 24:23

ᔮᓱᐊᑉ ᐅᖃᐅᑎᕔᑦ, “ᑍᒤᒻᒪᑦ ᐃᓅᖃᑎᒋᓐᖏᑕᑦᑕ ᒎᑎᖏᑦ ᐊᑯᓐᓇᑦᓯᓐᓃᑦᑐᑦ ᐲᔭᓕᕐᓯᐅᒃ, ᓇᓗᓁᕐᓯᓕᕆᑦᓯᓗ ᐆᒻᒪᑎᑦᓯᒍᑦ ᓱᓕᑦᓯᐊᕐᓂᑦᓯᓐᓂᒃ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.”

ᕉᑎᐅᑉ ᐅᓂᒃᑲᐅᓯᓂᖓ 1:15

ᑕᕝᕙ ᓁᐅᒥᐅᑉ ᐅᖃᐅᑎᕚ, “ᑕᑯᒋᑦ ᐆᐸ ᐃᓅᖃᑎᒥᓄᑦ ᒎᑎᒋᔭᒥᓄᓪᓗ ᐅᑎᓯᕗᖅ; ᐅᑎᖃᑎᒋᓕᕈᒃ.”

ᓴᒧᐃᓕ ᓯᕗᓪᓖᑦ 3:14

ᑍᒤᒻᒪᑦ ᐊᖏᒻᒪᕆᒃᐳᖓ ᓇᓗᓁᕐᓯᓪᓗᖓ ᐃᓔᑉ ᐃᓚᖏᓐᓄᑦ; ᐃᓔᑉ ᐃᓚᖏᑕ ᐱᐅᖏᑦᑐᓕᓂᖏᑦ ᐲᕐᑕᐅᓂᐊᓐᖏᓚᑦ ᑐᖁᑦᓯᓗᓂ ᑐᓂᕐᕈᓯᕐᓂᒃᑯᑦ ᑐᓂᕐᕈᓯᕐᓃᑦ ᐊᓯᖏᑎᒍᓪᓘᓐᓃᑦ ᐃᓱᖃᖏᑦᑐᒧᑦ.”

ᓴᒧᐃᓕ ᓯᕗᓪᓖᑦ 6:20

ᐱᑦ-ᓯᒥᔅᓯᐅᑉ ᐃᓄᖏᑦ ᐅᖃᓚᐅᕐᐳᑦ, “ᑭᓇ ᓇᖏᕈᓐᓇᕐᐹ ᐊᑕᓂᐅᑉ ᐃᑦᔪᕐᓁᑦᑑᑉ ᒎᑎᐅᑉ ᓵᖓᓂ? ᓇᒧᑦ ᐊᐅᓪᓚᕐᑎᑦᓱᓐᓇᕐᐸᕘᑦ ᐅᕙᑦᑎᓐᓂᒃ ᕿᒪᕉᑎᖁᓪᓗᒍ?”