ᔮᓱᐊᑉ ᐊᒡᓚᖏᑦ 24:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᔮᓱᐊᑉ ᐊᒡᓚᖏᑦ 24:15 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 35:2

ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᑯᕉᓂᑲ ᓯᕗᓪᓖᑦ 1:14

ᔨᐳᓮᑎᒥᐅᓪᓗ, ᐊᒧᕅᑎᒥᐅᑦ, ᒋᕐᒐᓮᑎᒥᐅᑦ,

ᐃᓐᖏᕈᑎᑦ 101:2

ᓯᓚᑐᑦᓯᐊᕐᓗᖓ ᓈᒻᒪᓈᑦᓯᐊᕐᓗᖓᓗ ᐃᓅᔪᒪᕗᖓ. ᖃᖓ ᐅᕙᓐᓄᑦ ᕾᓂᐊᕐᐲᑦ? ᐃᓅᔪᒪᕗᖓ ᐆᒻᒪᑎᒃᑯᑦ ᓱᓕᑦᓯᐊᕐᑐᒦᓪᓗᖓ ᐊᖏᕐᕋᓐᓂ;

ᐃᓐᖏᕈᑎᑦ 119:106

ᐊᖏᒻᒪᕆᒃᓗᖓ ᐅᖃᕐᓯᒪᕗᖓ ᐊᑐᕈᒪᓪᓗᖓ, ᓈᓚᒍᒪᓂᕋᕐᓗᖓ ᐊᑐᕐᑕᐅᖁᔭᕐᓂᒃ ᓇᓛᒎᕐᑐᓂᒃ.

ᒨᓯᓯ ᐂᑉᐸᖏᑦ 23:2

ᐃᓄᒋᐊᖕᓂᕐᓮᑦ ᐅᓄᕐᓂᕐᓴᐅᓂᑐᐃᓐᓇᖏᓐᓄᑦ ᒪᓕᒃᓴᕐᑐᒃᓴᐅᓐᖏᓚᓯ ᓈᒻᒪᖏᑦᑐᒧᑦ ᐱᓇᓱᐊᕐᐸᑕ; ᐅᕝᕙᓘᓐᓃᑦ ᓇᓗᓁᕐᓯᓕᕐᐸᑕ ᐃᓅᖃᑎᒧᑦ ᓈᒻᒪᓈᖏᑦᑐᒥᒃ ᐱᓇᓱᐊᓕᕐᓗᑎᒃ;

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᐂᑉᐸᖏᑦ 34:15

ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᑖᓂᐊᓕᐅᑉ ᐊᒡᓚᖏᑦ 3:18

ᓴᐳᑎᖏᒃᑲᓗᐊᕐᐸᑎᒍᑦ, ᐊᖓᔪᖅᑳᕐᔪᐊᖅ, ᖃᐅᔨᒪᖁᕙᑦᑎᒋᑦ, ᒎᑎᑎᑦ ᐱᔨᑦᓯᕈᒪᖏᓐᓇᑦᑎᒍ, ᐃᓄᓐᖑᐊᕐᓗ ᒎᓗ ᓴᓇᔭᐅᑎᓚᐅᕐᑍᑦ ᑐᒃᓯᐊᕐᕕᒋᔪᒪᓐᖏᓚᕗᑦ.”

ᒨᓯᓯ ᐱᖓᔪᖏᑦ 14:42

ᐅᔭᕅᑦ ᐊᓯᖏᓐᓂᒃ ᑭᖑᕝᕕᕐᓗᒋᑦ ᐅᔭᕅᑦ ᐲᔭᕐᑕᐅᔪᑦ, ᐅᔭᕋᕈᕐᑎᓯᒪᔪᒥᒃ ᓄᑖᒥᒃ ᐃᒡᓘᑉ ᐃᓗᐊ ᕿᑯᕐᑕᐅᔭᕆᐊᖃᕐᐳᖅ.

ᒤᑲᐅᑉ ᐊᒡᓚᖏᑦ 4:5

ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᐃᓅᒐᓗᐊᕐᐸᑕ, ᐅᕙᒍᓪᓕ ᐃᓅᓂᐊᕐᐳᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 13:7

ᖃᓂᒋᔭᑦᓯᓐᓂ ᐊᕙᑎᑦᓯᓐᓃᑦᑐᑦ ᒎᑎᒋᔭᖏᓐᓄᑦ, ᐅᕝᕙᓘᓐᓃᑦ ᐅᖓᓯᒋᔭᑦᓯᓐᓂᑦ ᒎᑎᒋᔭᐅᔪᓄᑦ ᓄᓇᕐᔪᐊᓪᓗ ᐃᓱᐊᓂᑦ ᐃᓱᐊᓄᑦ ᑎᑭᓪᓗᒍ,

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᔮᓱᐊᑉ ᐊᒡᓚᖏᑦ 24:16

ᑕᕝᕙ ᐃᓄᐃᑦ ᑭᐅᕗᑦ ᐅᖃᕐᓗᑎᒃ, “ᐅᕙᒍᓪᓕ ᐊᑕᓂᖅ ᕿᒪᓚᐅᕐᓯᒪᓂᐊᓐᖏᓚᕗᑦ ᐱᔨᑦᓯᓕᕐᓂᐊᓐᖏᓚᒍᓪᓗ ᒎᑎᐅᑉ ᐊᓯᖏᓐᓂᒃ;

ᐃᓗᐊᕐᓮᔩᑦ ᐊᒡᓚᖏᑦ 6:10

ᐅᖃᐅᑎᓚᐅᕐᐸᑦᓯ, ‘ᐅᕙᖓ ᐊᑕᓂᐅᕗᖓ ᒎᑎᓯ; ᐊᒧᕅᑎᑦ ᒎᑎᖏᓐᓂᒃ, ᐅᐱᒋᔭᖃᓕᕐᑐᒃᓴᐅᓐᖏᓚᓯ ᑖᒃᑯᐊ ᓄᓇᖏᓐᓂ ᒫᓐᓇ ᓄᓇᖃᓕᕐᑐᓯ.’ ᑭᓯᐊᓂᓕ ᓂᐱᓐᓂᒃ ᑐᓴᕐᑑᔮᓚᐅᓐᖏᓚᓯ.”