ᔮᓱᐊᑉ ᐊᒡᓚᖏᑦ 24:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᔮᓱᐊᑉ ᐃᓴᕆᐊᓕᒥᐅᑦ ᑭᖑᕚᕇᓕᒫᑦ ᑲᑎᖁᕔᑦ ᓯᑭᒻᒧᑦ ᕾᖁᕔᓪᓗ ᐊᖓᔪᖅᑳᑦ, ᓯᕗᓕᕐᑏᑦ, ᐃᓱᒪᓕᐅᕐᑏᑦ, ᐊᖓᔪᖅᑲᐅᑏᓪᓗ ᐃᓴᕆᐊᓕᒥᐅᓂ; ᑲᑎᕗᓪᓗ ᒎᑎᐅᑉ ᓇᔪᕐᑕᖓᓄᑦ.

ᔮᓱᐊᑉ ᐊᒡᓚᖏᑦ 24:1 Iomraidhean Croise

ᒨᓯᓯ ᓯᕗᓪᓖᑦ 12:6

ᐂᑉᕋᒻᑯᑦ ᖄᖏᓚᐅᕐᐳᑦ ᓄᓇᒧᑦ ᓯᑭᒻᒥᒃ ᐊᑎᓕᖕᒧᑦ, ᓇᐹᕐᑐᖅ ᐆᒃ ᒨᕆᒦᑦᑐᖅ ᑎᑭᓪᓗᒍ. ᑍᑦᓱᒪᓂ ᑬᓇᓂᒥᐅᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ.

ᒨᓯᓯ ᓯᕗᓪᓖᑦ 35:4

ᑍᒤᒻᒪᑦ ᔧᑯ ᑐᓂᕚᑦ ᑕᒤᓐᓂᒃ ᐃᓅᖃᑎᑐᖃᕆᓐᖏᑕᖏᑕ ᒎᑎᓐᖑᐊᖏᓐᓂᒃ ᐱᒋᔭᒥᖕᓂᒃ, ᓯᐅᑎᒥᐅᑕᓂᒡᓗ ᐊᑐᕐᑕᒥᖕᓂᒃ; ᑖᒃᑯᐊᓗ ᔧᑰᑉ ᓴᐅᕔᑦ ᓄᓇᒧᑦ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓯᑭᒻᒥᐅᑉ ᖃᓂᒋᔮᓄᑦ.

ᐊᑕᓃᑦ ᓯᕗᓪᓖᑦ 12:1

ᕆᕼᐅᐳᐊᒻ ᓯᑭᒻᒧᐊᕐᐳᖅ, ᐃᓄᓕᒫᑦ ᐃᓴᕆᐊᓕᒥᐅᑦ ᓯᑭᒻᒧᐊᕆᕗᑦ ᑖᑦᓱᒥᖓ ᐊᖓᔪᖅᑳᕐᔪᐊᓐᖑᕐᑎᑦᓯᔭᕐᑐᕐᓗᑎᒃ.

ᐊᑕᓃᑦ ᐂᑉᐸᖏᑦ 23:1

ᐊᖓᔪᖅᑳᕐᔪᐊᑉ ᔫᓮᐊᐅᑉ ᔫᑕᒥᐅᑉ ᐊᖓᔪᖅᑳᓕᒫᖏᑦ ᔨᕉᓴᓕᒥᐅᓪᓗ ᑲᑎᖃᑎᒋᔪᒪᕔᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 10:33

ᑍᒤᒻᒪᑦ ᑕᕝᕔᓐᓇᖅ ᕾᖁᔭᐅᖁᓕᓚᐅᕐᐸᒋᑦ, ᖁᔭᓕᕗᒍᑦ ᕾᔪᓐᓇᕋᕕᑦ, ᒫᓐᓇ ᑍᒤᒻᒪᑦ ᐅᕙᓃᑉᐳᒍᑦ ᒎᑎᐅᑉ ᓵᖓᓂ, ᑐᓴᕈᒪᓪᓗᑕ ᐊᑕᓂᐅᑉ ᐅᖃᐅᓯᕆᔭᐅᖁᔭᖏᓐᓂᒃ ᐊᖅᑯᑎᒋᔭᐅᓗᑎᑦ.”

ᒨᓯᓯ ᑕᓪᓕᒪᖏᑦ 29:9

ᑍᒤᒻᒪᑦ ᑲᒪᑦᓯᐊᕐᓗᓯ ᐊᖏᖃᑎᒌᒍᑕᐅᓯᒪᔫᑉ ᓇᓗᓁᕐᓯᒪᓂᓕᒫᖏᑦ ᓈᓚᒋᐊᖃᕐᐸᓯ, ᐱᔪᓐᓇᑦᓯᐊᖁᓪᓗᓯ ᐃᓘᓐᓈᒍᑦ ᐱᓇᓱᐊᕐᑕᑦᓯᒍᑦ.

ᔮᓱᐊᑉ ᐊᒡᓚᖏᑦ 20:7

ᑍᒤᒻᒪᑦ ᑭᑎᔅ ᒐᓕᓕᐊᒦᑦᑐᖅ ᓴᓂᕐᕙᒃᑕᐅᕗᖅ ᖃᖅᑲᓃᑦᑐᖅ ᓈᑉᑕᓕᒥ, ᓯᑭᒻᓗ ᐃᕗᕅᑎᐅᑉ ᖃᖅᑲᖏᓐᓃᑦᑐᖅ; ᑭᕆᐊᑦ-ᐊᕋᐸᓗ ᑖᓐᓇ ᕼᐃᐸᕋᓐ, ᔫᑕᐅᑉ ᖃᖅᑲᖏᓐᓃᑦᑐᖅ.

ᔮᓱᐊᑉ ᐊᒡᓚᖏᑦ 23:2

ᑍᒤᒻᒪᑦ ᔮᓱᐊᑉ ᐃᓴᕆᐊᓕᒥᐅᓕᒫᑦ ᕾᖁᕔᑦ, ᐊᖓᔪᖅᑳᖏᑦ, ᓯᕗᓕᕐᑎᖏᓪᓗ, ᐃᓱᒪᓕᐅᕐᑎᖏᑦ, ᐱᓇᓱᐊᕐᑎᐅᔪᓪᓗ ᐃᓄᖕᓄᑦ, ᐅᖃᐅᑎᓪᓗᒋᓪᓗ, “ᐃᓄᑐᖃᐅᓕᕋᒪ ᒫᓐᓇ;

ᐃᓗᐊᕐᓮᔩᑦ ᐊᒡᓚᖏᑦ 20:26

ᑕᕝᕙ ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᐅᓇᑕᕐᑐᒃᓮᑦ ᐂᕗᑦ ᐱᑎᓕᒧᑦ ᕿᐊᓪᓗᑎᒡᓗ; ᑍᑲᓂ ᐃᒃᓯᕙᕗᑦ ᐊᑕᓂᐅᑉ ᓵᖓᓂ ᓂᕆᑦᑍᓕᓪᓗᑎᒃ ᐅᓐᓄᒃ ᑎᑭᓪᓗᒍ. ᑐᓂᕐᕈᓯᓚᐅᕐᐳᑦ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᓂᒡᓗ ᐃᑯᐊᓚᒋᐊᓕᖕᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ ᐊᑕᓂᐅᑉ ᓵᖓᓂ.

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”