ᔮᓱᐊᑉ ᐊᒡᓚᖏᑦ 23:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.

ᔮᓱᐊᑉ ᐊᒡᓚᖏᑦ 23:7 Iomraidhean Croise

ᐊᑕᓃᑦ ᐂᑉᐸᖏᑦ 17:12

ᐊᑕᓂᐅᓪᓗ ᐱᖁᔭᖓᓂᒃ ᑍᒤᓕᐅᓂᕐᒧᑦ ᓯᖁᒥᑦᓯᓚᐅᕐᐳᑦ, ᐅᖃᐅᑎᓯᒪᓚᐅᕐᒪᒋᑦ, ᒎᑎᓐᖑᐊᓄᑦ ᑐᒃᓯᐊᕐᕕᖃᕐᑐᒃᓴᐅᖏᓐᓂᖏᓐᓂᒃ.

ᐊᑕᓃᑦ ᐂᑉᐸᖏᑦ 5:18

ᐊᑕᓂᕐᒧᑦ ᐃᓱᒪᒋᔪᓐᓁᕐᑕᐅᔪᓐᓇᕈᒪᕗᖓ, ᐊᖓᔪᖅᑳᕐᔪᐊᕋ ᐱᖃᑎᒋᓗᒍ ᒎᑎᓐᖑᐊᑉ ᕆᒪᓇᐅᑉ ᐃᒡᓗᖓᓄᑦ ᐂᒍᓐᓄᒃ ᑐᒃᓯᐊᕆᐊᕐᑐᕐᓗᓄᑦ, ᐊᒡᒐᒃᑲ ᑎᒍᒃᐸᒋᑦ ᓰᖅᑯᕆᐊᖃᕋᒪ ᕆᒪᓇᐅᑉ ᒎᑎᓐᖑᐊᑉ ᐃᒡᓗᖓᓂ, ᑐᒃᓯᐊᕐᐳᖓ ᐊᑕᓂᕐᒧᑦ ᐃᓱᒪᒋᔪᓐᓁᕐᕕᐅᔪᒪᓪᓗᖓ.”

ᑯᕉᓂᑲ ᐂᑉᐸᖏᑦ 7:19

ᐊᓚᕐᓂᐊᕈᕕᓪᓕ ᕿᒤᓗᑎᓪᓗ ᐱᓂᐊᕐᓂᐅᖁᔭᓐᓂᒃ ᐱᖁᔭᓐᓂᒡᓗ ᐃᓕᖕᓄᑦ ᑐᓂᓯᒪᔭᓐᓂᒃ, ᒎᑎᓐᖑᐊᓄᓪᓗ ᓵᓪᓗᑎᑦ ᑐᒃᓯᐊᕐᕕᖃᓕᕐᓂᐊᕈᕕᑦ,

ᐃᓐᖏᕈᑎᑦ 16:4

ᒎᑎᓂᒡᓕ ᐊᓯᖏᓐᓂᒃ ᒎᑎᖃᕐᑐᑦ ᖁᕕᐊᓱᖏᑦᔪᑎᒃᓴᖃᕈᒫᕐᐳᑦ ᐅᓄᕐᑐᓂᒃ; ᑐᓂᕐᕈᑎᖏᓐᓂᒃ ᐊᐅᖑᔪᓂᒃ ᐃᒥᕐᐸᒃᑕᖏᓐᓂᒃ ᑐᓂᕐᕈᓯᕈᒪᓐᖏᓚᖓ, ᒎᑎᓐᖑᐊᖏᑕᓘᓐᓃᑦ ᐊᑎᖏᑦ ᑍᔪᒪᓐᖏᓚᒃᑲ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 23:13

“ᑕᒪᒃᑯᐊ ᐃᓕᑦᓯᓐᓄᑦ ᐅᖃᐅᓯᕆᔭᓕᒫᒃᑲ ᓈᓚᒃᓯᒋᒃ; ᐊᓯᓐᓂᒃ ᒎᑎᐅᓂᕅᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᓂᐊᕋᓯᓗ ᑍᒤᑦᑐᓂᒃ, ᐊᑎᖏᓐᓂᒃ ᐊᒡᓛᑦ ᐅᖃᕐᑐᖃᕐᑐᒃᓴᐅᓐᖏᓚᖅ ᖃᓂᑦᓯᒍᑦ.”

ᒨᓯᓯ ᐂᑉᐸᖏᑦ 23:33

ᓄᓇᒋᔭᑦᓯᓐᓂ ᓄᓇᖅᑲᑎᒋᔭᒃᓴᕆᓐᖏᓚᓯ, ᑖᒃᑯᓇᓐᖓᑦ ᐊᔪᕐᑐᓕᑎᑕᐅᖁᓇᓯ ᐅᕙᓐᓄᑦ; ᒎᑎᓐᖑᐊᖏᓐᓂᒃ ᑐᒃᓯᐊᕐᕕᖃᓕᕈᑦᓯ, ᑕᒪᓐᓇ ᖁᓚᕐᓇᒋᑦᓯᐊᕐᑐᒥᒃ ᐃᓕᑦᓯᓐᓄᑦ ᓂᒐᕐᑎᑦᓯᔪᑎᑎᑐᑦ ᑍᒤᓐᓂᐊᕐᐳᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:14

ᐱᐅᖏᑦᑐᑦ ᐊᖅᑯᓯᓂᖓᓄᑦ ᐃᑎᕐᑍᓕᒋᑦ, ᐱᐅᖏᑦᑐᓪᓗ ᐊᑐᕐᑕᖓᑦᑎᒍᑦ ᐃᓅᑦᑍᓕᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 2:17

ᐰᓕᐅᑉ ᐊᑎᖓᓂᒃ ᐅᖃᖃᑦᑕᕈᓐᓃᕐᑎᑦᓱᒫᕐᐸᕋ, ᐊᑎᖓᓗ ᐅᖃᕐᑕᐅᖃᑦᑕᕈᓐᓃᕈᒫᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᒨᓯᓯ ᓯᑕᒪᖏᑦ 32:38

ᓂᐴᒥ ᐰᓕ-ᒥᐅᓂᒥᓗ (ᑖᒃᑯᐊ ᐊᑎᖏᑦ ᐊᓯᓐᖑᕐᑎᑕᐅᓚᐅᕐᑐᑦ) ᓯᑉᒪᒥᒡᓗ; ᐊᑎᕐᑖᕐᑎᑦᓯᓚᐅᕐᐳᑦ ᐃᒡᓗᒐᓴᒡᔪᐊᓂᒃ ᓴᓇᔭᒥᖕᓂᒃ.

ᒨᓯᓯ ᓯᑕᒪᖏᑦ 33:55

ᓄᓇᖃᕐᑐᑐᕾᓪᓕ ᓄᓇᒥᑦ ᐊᐅᓪᓚᕐᑎᓐᓂᐊᖏᒍᑦᓯᒋᒃ ᐃᓕᑦᓯᓐᓂᑦ, ᑖᒃᑯᐊ ᐊᐅᓪᓚᕐᑎᓐᖏᑕᓯ ᑕᕝᕙ ᑕᑯᓐᓇᕐᑕᑦᓯᓐᓄᑦ ᐃᓗᐊᖏᑦᔪᑕᐅᓂᐊᕐᐳᑦ ᓴᓂᕋᑦᓯᒍᓪᓗ ᑲᐱᖃᑦᑕᕐᑐᑎᑐᑦ ᑍᒤᓐᓂᐊᒃᐳᓯ, ᑖᒃᑯᐊ ᐃᓕᑦᓯᓐᓂᒃ ᐅᐃᒪᓵᕆᓂᐊᕐᒪᑕ ᓄᓇᒥ ᐃᓂᒋᔭᑦᓯᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 6:14

ᒎᑎᒋᔭᐅᔪᓂᒃ ᑖᑦᓱᒪ ᐊᓯᐊᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᓇᓪᓕᐊᓐᓂᒡᓘᓐᓃᑦ ᖃᓂᒋᔭᑦᓯᓐᓂ ᓄᓇᖃᕐᑐᓄᑦ ᒎᑎᒋᔭᐅᔪᓂᒃ.

ᔮᓱᐊᑉ ᐊᒡᓚᖏᑦ 23:12

ᑲᔪᓯᑦᓯᐊᖏᒃᑯᑦᓯ, ᐃᓅᖃᑎᒌᑦᔪᐊᓄᓪᓗ ᐊᒥᐊᒃᑰᔪᓄᑦ ᐃᓚᓕᐅᑎᓗᓯ ᐂᑉᐸᕐᑖᕐᑐᕈᑦᓯ, ᐂᑉᐸᕐᑖᕐᕆᔭᐅᓗᓯ ᐃᓕᑦᓯᓗ ᐊᒥᐊᒃᑰᔪᓂᑦ ᐊᕐᓇᓂᒃ ᐂᑉᐸᕐᑖᕐᓂᐊᕈᑦᓯ,

ᔮᓱᐊᑉ ᐊᒡᓚᖏᑦ 23:8

ᐊᑕᓂᕐᒥᒡᓕ ᒎᑎᑦᓯᓐᓂᒃ ᓴᒃᑯᐃᑦᑍᓕᔪᒃᓴᐅᕗᓯ, ᐅᓪᓗᒥᒧᑦ ᑎᑭᓪᓗᒍ ᑍᒤᓯᒪᒐᑦᓯ.