ᔮᓱᐊᑉ ᐊᒡᓚᖏᑦ 22:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᒫᓐᓇᓕ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ, ᒥᕐᖑᐃᕐᓯᕐᕕᖕᒥᒃ ᑐᓂᓚᐅᕐᐰᑦ ᐃᓴᕆᐊᓕᒥᐅᖑᖃᑎᓯ; ᑕᒪᓐᓇ ᐊᖏᕈᑎᒋᓯᒪᖕᒪᒍ ᑖᒃᑯᓄᖓ; ᑍᒤᒻᒪᑦ, ᐊᖏᕐᕋᓕᕆᑦᓯ ᓄᓇᒧᑦ ᓇᖕᒥᓂᕐᑖᕆᓚᐅᕐᑕᑦᓯᓐᓄᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖓᓄᑦ ᓄᓇᒧᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 22:4 Iomraidhean Croise

ᑯᕉᓂᑲ ᓯᕗᓪᓖᑦ 22:18

“ᐊᑕᓂᐅᑉ ᒎᑎᓯ ᐃᓚᒋᓐᖏᓛᓰ? ᐅᓇᑕᕐᑕᐅᑎᖏᒻᒪᓯ ᐊᕙᑎᓕᒫᑦᓯᓐᓃ? ᑕᒫᓂ ᓄᓇᖃᕐᑐᑦ ᑐᓂᓚᐅᕐᒪᒋᑦ ᐅᕙᑦᑎᓐᓄᑦ; ᓄᓇᓗ ᒪᓂᓚᐅᕐᒪᒍ ᐊᑕᓂᐅᑉ ᓵᖓᓂ ᐃᓄᖁᑎᒥᓄᓪᓗ.

ᒨᓯᓯ ᐂᑉᐸᖏᑦ 33:14

ᐊᑕᓂᖅ ᐅᖃᕐᐳᖅ, “ᐅᕙᖓ ᐱᖃᑎᒋᓂᐊᕐᐸᒋᑦ, ᓵᓚᖃᕐᑎᓐᓂᐊᕐᐸᒋᓪᓗ.”

ᒨᓯᓯ ᓯᑕᒪᖏᑦ 32:18

ᐊᖏᕐᕋᑦᑎᓐᓄᑦ ᐅᑎᕐᓂᐊᓐᖏᓚᒍᑦ ᐃᓴᕆᐊᓕᒥᐅᓕᒫᑦᓯᐊᑦ ᓄᓇᑖᕆᓂᐊᕐᑕᒥᖕᓂᒃ ᐱᓚᐅᖏᓐᓂᖏᓐᓂ.

ᒨᓯᓯ ᑕᓪᓕᒪᖏᑦ 12:9

ᓄᓇᒧᑦ ᐊᑕᓂᐅᑉ ᒎᑎᑦᓯ ᑐᓂᔪᒪᓯᒪᔭᖓᓄᑦ ᓱᓕ ᑎᑭᐅᑎᓚᐅᖏᓐᓇᑦᓯ, ᑕᕝᕙᓂ ᓄᓇᖃᓕᕈᑦᓯ ᐃᓱᒫᓗᖏᓪᓗᓯ ᐃᓅᔪᓐᓇᓛᕋᑦᓯ.

ᒨᓯᓯ ᑕᓪᓕᒪᖏᑦ 29:8

ᓄᓇᖏᓪᓗ ᓄᓇᑖᕆᓚᐅᕐᐸᕗᑦ, ᐊᕕᒃᑕᐅᑎᓪᓗᒋᓪᓗ ᑭᖑᕚᕇᓄᑦ ᕉᐱᓂᒃᑯᓐᓄᑦ, ᒑᑎᒃᑯᓐᓄᓪᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᓐᓄᑦ.

ᒨᓯᓯ ᑕᓪᓕᒪᖏᑦ 3:20

ᐃᓴᕆᐊᓕᒥᐅᖑᖃᑎᓯ ᐃᑲᔪᓚᐅᕐᓯᐅᒃ ᓄᓇᑖᕋᓱᐊᕐᓂᖏᓐᓂ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᔪᐊᕐᑕᓂᐅᑉ ᑰᖓᑕ ᓴᐅᒥᐊᓃᑦᑐᒥᒃ ᓄᓇᑖᑦᓯᐊᓚᐅᖏᓐᓂᓕᒫᖏᓐᓂ ᐊᒻᒪᓗ ᑕᒫᓂ ᐅᓇᑕᕆᐊᖃᕈᓐᓁᓚᐅᖏᓐᓂᖏᓐᓂ, ᐃᓕᑦᓯᓐᓄᑦ ᑍᒫᒃ ᐱᓇᓱᐊᕇᓚᐅᕐᒪᑦ ᑕᒪᑐᒥᖓ ᓄᓇᒥᒃ ᓇᔪᓕᕐᑕᑦᓯᓐᓂᒃ. ᑕᒪᑐᒪᓕ ᑭᖑᓂᖓᒍᑦ ᑕᒪᓐᓇ ᐊᓂᒍᕐᐸᑦ ᑕᒪᐅᖓ ᐃᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᓐᓄᑦ ᐅᑎᕈᓐᓇᕐᓯᓛᕆᕗᓯ.’

ᐄᑉᕈᐃᓄᑦ 4:8

ᔮᓱᐊᓪᓕ ᐃᓄᐃᑦ ᑕᕾᕐᓯᕐᕕᖕᒧᐊᕐᑎᓚᐅᕐᐸᒋᑦ, ᒎᑎ ᐅᖃᒃᑲᓐᓂᕋᔭᓚᐅᓐᖏᓚᖅ ᐅᓪᓗᒃᑲᓐᓂᐅᔪᒫᕐᑐᒥᒃ.

ᔮᓱᐊᑉ ᐊᒡᓚᖏᑦ 1:15

ᓄᓇᖃᓕᕐᐸᑕ ᑭᓯᐊᓂ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᑕ ᓇᓛᓂ ᒎᑎᐅᑉ ᑐᓂᓚᐅᕐᑕᖓᓂᒃ ᑖᒃᑯᓄᖓ ᐃᓕᑦᓯᓐᓄᓪᓗ; ᓄᓇᑖᕈᒫᕆᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᑖᒃᑯᓄᖓ, ᑕᕝᕙ ᐅᑎᕈᒫᕐᐳᓯ ᓄᓇᖁᑎᑦᓯᓐᓄᑦ ᓄᓇᑖᕆᓗᒍᓗ ᓄᓇ ᑕᒪᓐᓇ ᒨᓯᓯᐅᑉ ᐊᑕᓂᐅᑉ ᐱᔨᖓᑕ ᑐᓂᓚᐅᕐᑕᖓ ᔪᐊᕐᑕᓂᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ.”

ᔮᓱᐊᑉ ᐊᒡᓚᖏᑦ 12:6

ᑖᒃᑯᐊᒃ ᐊᖓᔪᖅᑳᕐᔪᐊᑦ ᒨᓯᓯᐅᑉ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ; ᒨᓯᓯ ᐊᑕᓂᐅᑉ ᐱᔨᖓ ᓄᓇᑖᕐᑎᑦᓯᓚᐅᕐᐳᖅ ᑕᒪᑐᒥᖓ ᕉᐱᓂᐅᑉ ᑭᖑᕚᖏᓐᓂᒃ, ᒑᑎᐅᓪᓗ ᑭᖑᕚᖏᓐᓂᒃ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓂᒃ, ᓄᓇᒥᒃ ᑕᒪᑐᒥᖓ ᓇᖕᒥᓂᖃᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 13:15

ᒨᓯᓯᐅᑉ ᑐᓂᓚᐅᕐᐹ ᓄᓇᐅᑉ ᐃᓚᖓ ᕉᐱᓂᐅᑉ ᑭᖑᕚᖏᓐᓄᑦ ᓇᖕᒥᓂᕐᑖᕆᔭᐅᑯᓪᓗᒍ.

ᔮᓱᐊᑉ ᐊᒡᓚᖏᑦ 13:8

ᕉᐱᓂᐅᑉ ᑭᖑᕚᖏᑦ ᒑᑎᐅᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓄᓇᑖᕇᓚᐅᕐᓯᒪᖕᒪᑕ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᒪᒋᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓂ ᓄᓇᑖᕐᓯᒪᖕᒪᑕ.

ᔮᓱᐊᑉ ᐊᒡᓚᖏᑦ 22:3

ᐊᑕᐅᓯᐊᕐᓗᓯᓘᓐᓃᑦ ᐃᓴᕆᐊᓕᒥᐅᖑᖃᑎᑦᓯᓐᓂᒃ ᕿᒤᓚᐅᓐᖏᓚᓯ ᑖᒃᑯᓇᓂ ᐅᓪᓗᒐᓵᓗᖕᓂ, ᐅᓪᓗᒥᒧᑦ ᑎᑭᓪᓗᒍ, ᑲᒪᑦᓯᐊᓚᐅᕐᐳᓯᓕ ᓈᓚᑦᓯᐊᕐᓗᓯᓗ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓯᒪᔭᖏᓐᓂᒃ.