ᔮᓱᐊᑉ ᐊᒡᓚᖏᑦ 22:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐊᑕᓂᕐᒥᒃ ᐊᑭᕋᕐᑐᕐᓂᐊᓐᖏᓚᒍᑦ, ᒪᓕᒍᓐᓁᕐᓂᐊᕐᓇᒍᓗ ᒫᓐᓇ ᑐᓂᕐᕈᓯᕐᕕᓕᐅᕐᓂᑦᑎᓐᓄᑦ ᐃᑯᐊᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᓂᐊᖂᔭᒃᓴᒧᑦ ᑐᓂᕐᕈᑎᓂᒃ ᐅᕝᕙᓘᓐᓃᑦ ᑐᓂᕐᕈᓯᑐᐃᓐᓇᕐᓂᕐᒧᑦ, ᑐᓂᕐᕈᓯᕐᕕᖕᒥᒃ ᓴᓇᓂᐊᓐᖏᓚᒍᑦ ᐊᑕᓂᐅᑉ ᒎᑎᑦᑕ ᑐᓂᕐᕈᓯᕐᕕᖓᑕ ᑐᐱᕐᒦᑦᑑᑉ ᐊᓯᐊᓂᒃ!”

ᔮᓱᐊᑉ ᐊᒡᓚᖏᑦ 22:29 Iomraidhean Croise

ᒨᓯᓯ ᓯᕗᓪᓖᑦ 44:17

ᑖᓐᓇᓕ ᐅᖃᕐᐳᖅ, “ᑕᒪᓐᓇ ᑍᒤᓕᐅᕐᓂᖅ ᐅᕙᓐᓂᑦ ᐅᖓᓯᒡᓕ! ᑖᓐᓇ ᑭᓯᐊᓂ ᐊᖑᑦ ᐃᒥᐅᑎᒥᒃ ᓇᓂᓯᕕᐅᔪᖅ ᐅᕙᓐᓄᑦ ᓯᐊᓛᕐᑕᕆᔭᐅᓂᐊᕐᐳᖅ; ᐃᓕᑦᓯᓕ ᐃᓱᒫᓗᖏᓪᓗᓯ ᐊᐅᓪᓚᓕᕆᑦᓯ ᐅᑎᕐᓗᓯ ᐊᑖᑕᑦᓯᓐᓄᑦ.”

ᒨᓯᓯ ᓯᕗᓪᓖᑦ 44:7

ᑖᒃᑯᐊᓗ ᐅᖃᕐᐳᑦ ᑖᑦᓱᒧᖓ, “ᓱᖕᒪᑦ ᐊᖓᔪᖅᑳᕗᑦ ᑍᒤᑦᑐᓂᒃ ᐅᖃᐅᓯᒃᓴᖃᕐᐹ? ᐅᑯᐊ ᐱᔨᑎᑦ ᑍᒤᓕᐅᕐᓂᐅᓴᖏᒻᒪᕆᒃᑐᑦ!

ᐊᑕᓃᑦ ᓯᕗᓪᓖᑦ 21:3

ᓁᐹᑦᓕ ᑭᐅᕗᖅ ᐂᕼᐊᑉᒧᑦ, “ᐊᑕᓂᖅ ᐅᕙᓐᓂᒃ ᓱᒋᐊᕐᓯᒐᔭᕐᐳᖅ ᑐᓂᒐᔭᕈᒃᑭᑦ ᓯᕗᓕᕕᓂᓐᓂᑦ ᐱᑖᕆᓯᒪᔭᓐᓂᒃ.”

ᐊᑕᓃᑦ ᐂᑉᐸᖏᑦ 18:22

ᓱᓕ ᐅᖃᕐᓗᓂ, “ᐅᕝᕙᓗ ᐅᖃᐅᑎᓂᐊᕐᐱᖓ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᒃᓴᖃᕐᓂᕋᕐᓗᑎᑦ? ᐊᖓᔪᖅᑳᕐᔪᐊᖅ ᕼᐃᓯᑬᐊ ᐲᔧᓚᐅᓐᖏᓛᖅ ᐊᑕᓂᕐᒧᑦ ᑐᒃᓯᐊᕐᕕᐅᕙᒃᑐᓂᒃ, ᔫᑕᒥᐅᑦ ᔨᕉᓴᓕᒥᐅᓪᓗ ᐅᖃᐅᑎᓪᓗᓂᒋᑦ ᔨᕉᓴᓕᒻ ᑐᓂᕐᕈᓯᕐᕕᖁᑎᖓᓂ ᑭᓯᐊᓂ ᑐᒃᓯᐊᖃᑦᑕᕐᓂᐊᓕᕐᓂᕋᕐᓗᓂᒋᑦ?

ᑯᕉᓂᑲ ᐂᑉᐸᖏᑦ 32:12

ᕼᐃᓯᑬᐊ ᑖᓐᓇᑦᓮᓐᓇᐅᓐᖏᓛᖅ ᑐᒃᓯᐊᕐᕕᖕᓂᒃ ᑐᓂᕐᕈᓯᕐᕕᖕᓂᒡᓗ ᐲᔧᓚᐅᕐᑐᖅ ᔫᑕᒥᐅᑉ ᔨᕉᓴᓕᒥᐅᓪᓗ ᑎᓕᓚᐅᕐᐰᑦ ᐅᖃᕐᓗᓂ, “ᑐᒃᓯᐊᕐᕕᖃᕐᑐᒃᓴᐅᕗᓯ ᐊᑕᐅᓯᕐᒥᒃ ᑐᓂᕐᕈᓯᕐᕕᖕᒥᒃ ᑕᕝᕙᓂᓗ ᐃᑯᐊᓪᓔᓗᓯ ᑐᓂᕐᕈᓯᖃᑦᑕᕐᓗᓯ”?

ᕉᒪᒥᐅᓄᑦ 3:6

ᑍᒤᑦᓱᓐᓇᓐᖏᓚᖅ! ᖃᓄᕐᓕ ᒎᑎᐅᑉ ᓯᓚᕐᔪᐊᕐᒥᐅᑦ ᐃᖅᑲᕐᑐᕋᔭᕐᐰᑦ?

ᕉᒪᒥᐅᓄᑦ 6:2

ᑍᒤᑦᑐᓐᓇᖏᑦᑐᖅ! ᐅᕙᒍᑦ ᐊᔪᕐᓂᕐᒧᑦ ᑐᖁᓯᒪᔪᒍᑦ, ᓱᓕ ᐃᓅᔪᒃᓴᐅᒋᕕᑖ ᐊᔪᕐᓂᕐᒥ?

ᕉᒪᒥᐅᓄᑦ 9:14

ᖃᓄᕐᓕ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐱᓂᐊᕐᓂᖓ ᐸᓯᔭᒃᓴᐅᓂᖃᕐᐹ? ᑍᒤᖏᒻᒪᕆᒃᐳᖅ!

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᔮᓱᐊᑉ ᐊᒡᓚᖏᑦ 22:23

ᐊᑕᓂᕐᒥᒃ ᓈᓚᖏᓪᓗᑕ ᑐᓂᕐᕈᓯᕐᕕᓕᐅᓚᐅᕈᑦᑕ; ᐅᕝᕙᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᒃᓴᒥᒡᓗ ᓂᐊᖂᔭᒃᓴᒥᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᓯᕐᓂᕐᒥᒃ, ᐊᑕᓂᐅᑉ ᓇᖕᒥᓂᖅ ᐊᑭᒋᐊᕐᑕᒃᓴᕆᕚᑎᒍᑦ.

ᔮᓱᐊᑉ ᐊᒡᓚᖏᑦ 22:26

ᑍᒤᒻᒪᑦ ᑐᓂᕐᕈᓯᕐᕕᓕᐅᓚᐅᕐᐳᒍᑦ ᐃᑯᐊᓚᑎᑦᓯᓂᕐᒧᑦ ᑐᓂᕐᕈᓯᕐᕕᐅᖏᑦᑐᒥᒃ ᑐᓂᕐᕈᓯᕐᕕᒃᓴᐅᖏᑦᑐᒥᒡᓗ,

ᔮᓱᐊᑉ ᐊᒡᓚᖏᑦ 22:28

ᐃᓱᒪᓚᐅᕋᑦᑕ ᑍᒤᑦᑐᖃᕋᔭᕐᐸᑦ ᑕᕝᕙ ᑭᖑᕚᕗᑦ ᐅᖃᕈᓐᓇᖁᓪᓗᒋᑦ, ‘ᑕᑯᒋᑦ! ᓯᕗᓕᕗᑦ ᑐᓂᕐᕈᓯᕐᕕᓕᐅᓚᐅᕐᐳᑦ ᐊᑕᓂᐅᑉ ᑐᓂᕐᕈᓯᕐᕕᖓᑕ ᐊᑦᔨᖓᓂᒃ, ᓴᓇᔭᐅᓚᐅᓐᖏᓚᕐᓕ ᐃᑯᐊᓚᑦᓯᓂᕐᒧᑦ ᑐᓂᕐᕈᓯᕐᕕᐅᖅᑯᓪᓗᒍ ᐅᕝᕙᓘᓐᓃᑦ ᑐᓂᕐᕈᓯᕐᓂᕐᒧᑦ, ᓇᓗᓁᒃᑯᑕᒃᓴᐅᖁᓪᓗᒍᓕ ᐅᕙᑦᑎᓐᓄᑦ ᐃᓕᑦᓯᓐᓄᓪᓗ.’

ᔮᓱᐊᑉ ᐊᒡᓚᖏᑦ 22:30

ᑐᓂᕐᕈᓯᕐᑎᑦᓯᔨ ᐱᓂᕼᐋᔅ ᐊᖑᑏᓪᓗ ᓯᕗᓕᕐᑏᑦ ᓄᓇᖃᑎᒌᓄᑦ, ᑭᖑᕚᕇᓪᓗ ᐊᖓᔪᖅᑳᖏᑦ ᒪᓕᓚᐅᕐᑐᑦ ᑐᓴᕋᒥᒃ ᐃᓄᖕᓂᑦ ᕉᐱᓂᐅᑉ, ᒑᓪᓗ ᒫᓇᓯᐅᓪᓗ ᑭᖑᕚᖏᑕ ᐅᖃᐅᓯᖏᓐᓂᒃ, ᓈᒻᒪᒃᓴᓕᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 24:16

ᑕᕝᕙ ᐃᓄᐃᑦ ᑭᐅᕗᑦ ᐅᖃᕐᓗᑎᒃ, “ᐅᕙᒍᓪᓕ ᐊᑕᓂᖅ ᕿᒪᓚᐅᕐᓯᒪᓂᐊᓐᖏᓚᕗᑦ ᐱᔨᑦᓯᓕᕐᓂᐊᓐᖏᓚᒍᓪᓗ ᒎᑎᐅᑉ ᐊᓯᖏᓐᓂᒃ;

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.