ᔮᓱᐊᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᑎᕐᑕᕐᕕᒡᓕ ᐅᒃᑯᐊᕐᓂᐊᓕᕐᑎᓪᓗᒍ, ᐊᐅᓪᓚᓚᐅᕐᐴᒃ ᓯᕿᓂᖅ ᓂᐱᓕᕐᑎᓪᓗᒍ, ᓇᒧᓐᖓᓚᐅᕐᒪᖔᑕ ᖃᐅᔨᒪᖏᑦᑐᖓ; ᒫᓐᓇ ᑐᐊᕕᕐᓗᓯ ᒪᓕᒃᓴᕈᑦᓯᒋᑦ, ᐊᖑᔪᓐᓇᕐᐸᓯ.”

ᔮᓱᐊᑉ ᐊᒡᓚᖏᑦ 2:5 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:19

ᑕᕝᕙ ᑖᕐᓯᕙᓪᓕᐊᓕᕐᒪᑦ ᔨᕉᓴᓕᐅᑉ ᐃᑎᕐᑕᕐᕕᖏᓐᓂ ᓴᐸᑎᐅᓂᐊᓕᕐᑎᓪᓗᒍ, ᑎᓕᓯᓚᐅᕐᐳᖓ ᐃᑎᕐᑕᕐᕕᐅᑉ ᐅᒃᑯᐊᖏᑦ ᐅᒃᑯᐊᕐᑕᐅᖁᓪᓗᒋᑦ ᓴᐸᑎ ᐊᓂᒍᓚᐅᖏᓐᓂᖓᓂ ᐅᒃᑯᐃᕐᑍᓕᖁᓪᓗᒋᓪᓗ. ᐱᔨᒪᓗ ᐃᓚᖏᓐᓂᒃ ᑎᓕᓯᓚᐅᕐᐳᖓ ᐃᑎᕐᑕᕐᕕᖕᒦᖁᓪᓗᒋᑦ, ᓇᓪᓕᐊᓐᓂᒡᓘᓐᓃᑦ ᓱᓇᑐᐃᓐᓇᕐᒥᒃ ᐃᑎᕈᑦᔨᔪᖃᖁᓇᒍ ᓴᐸᑎᐅᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 60:11

ᑍᒤᒻᒪᑦ ᐃᑎᕐᑕᕐᕕᖁᑎᓯ ᐅᒃᑯᐃᓐᖔᖏᓐᓇᓕᕈᒫᕐᐳᑦ; ᐅᒃᑯᐊᕐᑕᐅᕙᒍᓐᓃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ; ᐃᓅᖃᑎᒌᒡᔪᐊᑦ ᐊᒡᓗᐃᑦᔪᑎᒥᖕᓂᒃ ᕾᑦᓯᖃᑦᑕᖁᓪᓗᒋᑦ ᐃᓕᑦᓯᓐᓄᑦ, ᐊᖓᔪᖅᑳᕐᔪᐊᖏᓪᓗ ᑭᖑᓕᕇᒡᓗᑎᒃ ᕾᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᐃᓯᑭᐊᓕᐅᑉ ᐊᒡᓚᖏᑦ 47:12

ᑰᓪᓗ ᓰᓇ, ᐊᑦᔨᒌᖏᑦᑐᓂᒃ ᓇᐹᕐᑐᖃᕈᒫᕐᐳᖅ ᐊᑭᓕᕇᓂᒃ, ᓂᕿᒃᓴᖃᕐᕕᐅᔪᒫᕐᑐᓂᒃ. ᐅᖃᐅᔭᖏᑦ ᑐᖁᓕᔪᐃᑦᑑᔪᒫᕐᐳᑦ ᐱᕈᕐᑐᐃᕈᑎᔪᓐᓇᖏᓪᓗᑎᒡᓗ, ᑕᖅᑭᑕᒫᓪᓕ ᓄᑖᓂᒃ ᐸᐅᕐᖓᕐᑖᖃᑦᑕᕈᒫᕐᐳᑦ, ᐃᒪᖃᕐᑎᑕᐅᒐᒥᒃ ᑐᒃᓯᐊᕐᕕᒡᔪᐊᕐᒥᑦ ᑰᒃᑐᒧᑦ. ᐱᕈᕐᑐᖏᑦ ᓂᕿᒃᓴᐅᔪᒫᕐᐳᑦ, ᐅᖃᐅᔭᖏᓪᓗ ᐃᓅᓕᓴᐅᑎᐅᔪᒫᕐᐳᑦ ᐋᖅᑭᒃᑕᐅᓇᕐᑑᓗᑎᒃ.”

ᔮᓱᐊᑉ ᐊᒡᓚᖏᑦ 2:4

ᐊᕐᓇᐅᓪᓕ ᐊᖑᑏᒃ ᒪᕐᕉᒃ ᐃᔨᕐᑎᓚᐅᕐᐰᒃ; ᐅᖃᕐᓗᓂᓗ, “ᐊᖑᑎᓂᒃ ᕾᔪᖃᓚᐅᕐᑑᒐᓗᐊᖅ, ᑭᓯᐊᓂᓕ ᖃᐅᔨᒪᓚᐅᓐᖏᓚᒃᑲ ᓇᓂᒥᐅᑕᐅᖕᒪᖔᑎᒃ.

ᔮᓱᐊᑉ ᐊᒡᓚᖏᑦ 2:6

ᕅᕼᐊᐱᐅᓪᓕ ᐃᔨᕐᓯᒪᓚᐅᕐᐰᒃ ᐊᖑᑏᒃ ᐃᒡᓘᑉ ᖄᖓᓄᑦ, ᐱᕈᕐᑐᓄᑦ ᐃᕕᒃᓱᒐᕐᓄᓪᓗ ᓴᐅᓯᒪᓪᓗᒋᒃ ᐃᒡᓘᑉ ᖄᖓᓃᑦᑐᖁᑎᒥᓄᑦ.

ᔮᓱᐊᑉ ᐊᒡᓚᖏᑦ 2:7

ᑕᕝᕙ ᐊᖑᑏᑦ ᒪᓕᒃᓴᕐᒪᑕ ᔪᐊᕐᑕᓂᐅᑉ ᑰᖓᑕ ᓇᓛᓄᑦ, ᐃᑎᕐᑕᕐᕕᐅᑉ ᐅᒃᑯᐊᖓ ᐅᒃᑯᐊᕐᑕᐅᕗᖅ, ᐊᖑᑏᓪᓗ ᕿᓂᓚᐅᕐᐳᑦ ᔪᐊᕐᑕᓂᐅᑉ ᑰᖓ ᑎᑭᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:25

ᐃᑎᕐᑕᕐᕕᖏᓪᓗ ᐅᒃᑯᐊᓚᐅᕐᓯᒪᓂᐊᓐᖏᓚᑦ ᐅᓪᓗᒃᑯᑦ; ᑕᕝᕙᓂᓗ ᐅᓐᓄᐊᖃᕈᒫᕋᓂ;

ᓴᒧᐃᓕ ᓯᕗᓪᓖᑦ 19:14

ᓴᐅᓕᐅᑉ ᐅᖃᕆᐊᕐᑐᕐᑎᑕᖏᑦ ᕾᖕᒪᑕ ᑍᕕᑎᒥᒃ ᐂᒃᓯᕋᓱᒃᑐᑦ, ᒦᑲᐅᑉ ᐅᖃᐅᑎᕔᑦ, “ᑍᕕᑎ ᖃᓂᒪᕗᖅ.”