ᔮᓱᐊᑉ ᐊᒡᓚᖏᑦ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᖑᑏᒡᓗ ᐅᖃᕐᐴᒃ ᑖᑦᓱᒧᖓ, “ᒎᑎᐅᑉ ᑐᖁᓪᓕᑎᒍᒃ ᐅᖃᐅᓯᑦᑎᓐᓂᒃ ᐊᑐᖏᒃᑯᓐᓄᒃ! ᐅᖃᐅᓯᖃᕐᓂᐊᓐᖏᑐᐊᕈᕕᑦ ᐱᓇᓱᐊᕐᓂᕆᔭᑦᑎᓐᓂᒃ, ᑕᕝᕙ ᐃᓕᖕᓄᑦ ᐱᑦᓯᐊᕐᓂᐊᕐᐳᒍᒃ ᑲᔪᓯᑦᓯᐊᕐᓗᓄᒡᓗ ᐊᖏᕈᑎᒋᔭᑦᑎᓐᓂᒃ ᐊᑕᓂᐅᑉ ᑐᓂᒃᐸᑎᒍᑦ ᓄᓇᒥᒃ ᑕᒪᑐᒥᖓ.”

ᔮᓱᐊᑉ ᐊᒡᓚᖏᑦ 2:14 Iomraidhean Croise

ᒨᓯᓯ ᓯᕗᓪᓖᑦ 24:49

ᒫᓐᓇᓕ, ᐊᖓᔪᖅᑳᕋ ᐱᓂᐊᕕᒋᔪᒪᒍᑦᓯᐅᒃ ᐅᐱᒋᓗᒍ ᓱᓕᑦᓯᐊᕐᕕᒋᓗᒍᓗ, ᐅᖃᐅᑎᓚᐅᕐᓯᓐᖓ; ᑍᒤᖏᑉᐸᓪᓗ, ᐅᖃᑦᓯᐊᕐᓗᓯ, ᑕᕝᕙ ᓴᖑᓂᐊᕐᐳᖓ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.”

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᓴᒧᐃᓕ ᐂᑉᐸᖏᑦ 2:5

ᑕᕝᕙ ᑍᕕᑎ ᐅᖃᕆᐊᕐᑐᕐᑎᑦᓯᕗᖅ ᔭᐲᓯ-ᒋᓖᑎᒥᐅᓄᑦ, ᐅᖃᐅᑎᓗᒋᓪᓗ: “ᐊᑕᓂᐅᑉ ᓮᒻᒪᕐᑎᓪᓕᓯ, ᐅᐱᒍᓱᑦᓯᐊᕐᓂᑦᓯᓐᓂᒃ ᐊᖓᔪᖅᑳᕐᔪᐊᑦᓯᓐᓄᑦ ᓴᐅᓕᒧᑦ ᓴᖅᑭᑎᑦᓯᒐᑦᓯ, ᑖᑦᓱᒥᖓ ᐃᓗᕕᕐᓯᓂᑦᓯᓐᓄᑦ!

ᓴᒧᐃᓕ ᐂᑉᐸᖏᑦ 2:6

ᒫᓐᓇᓕ ᐊᑕᓂᐅᑉ ᓇᒡᓕᖕᓂᕐᒥᓂᒃ ᐱᑦᓯᐊᕐᓂᕐᒥᓂᒡᓗ ᓴᖅᑭᑎᑦᓯᕕᒋᓕᓯ! ᐅᕙᖓᓗ ᐱᑦᓯᐊᕐᕕᒋᓂᐊᕐᐸᑦᓯ ᑍᒫᒃ ᐱᓂᐊᕐᓂᕆᓚᐅᕐᑕᓯ ᐱᓪᓗᒍ.

ᓴᒧᐃᓕ ᐂᑉᐸᖏᑦ 9:1

ᑍᕕᑎᓗ ᐅᖃᕐᐳᖅ, “ᓴᐅᓕᐅᑉ ᐃᓚᖏᓐᓂᒃ ᐊᒥᐊᒃᑯᑕᖃᓐᖏᓛᖅ? ᐱᑕᖃᑐᐊᕐᐸᑦ ᐱᑦᓯᐊᕐᕕᖃᕈᒪᒐᒪ ᔫᓇᑕᓂ ᐱᓪᓗᒍ.”

ᐊᑕᓃᑦ ᓯᕗᓪᓖᑦ 20:39

ᐊᖓᔪᖅᑳᕐᔪᐊᖅ ᐊᖅᑯᓵᓕᕐᒪᑦ, ᐊᖓᔪᖅᑳᕐᔪᕐᒧᑦ ᕾᒐᓛᕐᓗᓂ ᐅᖃᕐᐳᖅ, “ᐱᔩᑦ ᐅᓇᑕᕐᑐᓃᓚᐅᕐᐳᖅ, ᑕᑯᒋᓪᓗ, ᐅᓇᑕᕐᑎ ᕾᓪᓗᓂ ᐅᕙᓐᓄᑦ ᐊᖑᒻᒥᒃ ᕾᑦᓯᓚᐅᕐᐳᖅ, ᐅᖃᕐᓗᓂᓗ, ‘ᐅᓇ ᐊᖑᑦ ᑲᒪᒋᒍᒃ; ᕿᒪᒃᓯᑐᐊᕐᐸᑦ, ᐃᓅᓯᖓ ᐃᓅᓯᕐᓄᑦ ᐊᑭᓕᕐᑕᐅᔪᒃᓴᐅᕗᖅ, ᐅᕝᕙᓘᓐᓃᑦ ᐊᑭᓖᔪᒃᓴᐅᕗᑎᑦ ᓯᐅᓪᕕᕆᒥᒃ ᐊᑕᐅᓯᕐᒥᒃ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:22

ᐱᐅᖏᑦᑐᓂᒃ ᐱᓂᐊᕈᒪᔪᑦ ᐊᔪᕐᑐᓕᓐᖏᓛᑦ? ᐱᐅᔪᓂᒃ ᐱᓂᐊᕈᒪᔪᑦ ᐃᑲᔪᕐᑎᒃᓴᕐᓯᕗᑦ ᑕᕝᕙᓃᖏᓐᓇᕐᓂᐊᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:24

ᐃᓚᓐᓈᖃᕐᑐᖃᕐᐳᖅ ᐃᓚᓐᓇᕆᔭᐅᓐᖑᐊᕐᑐᓂᒃ, ᐃᓚᓐᓈᖃᓪᓚᕆᒃᑐᕐᓕ ᖃᑕᓐᖑᑎᒥᑦ ᖃᓂᓐᓂᕐᓴᐅᔪᓐᓇᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:7

ᓮᒪᓇᕐᑐᒦᑉᐳᑦ ᐃᓅᖃᑎᒥᖕᓂᒃ ᓂᑲᒍᓱᒃᑐᑦ, ᒎᑎᒧᑦ ᓂᑲᒋᔭᐅᔪᒪᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 23:22

ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐊᓂᑎᓕᕋᒥᐅᒃ, ᐅᖃᕐᐳᖅ, ᐃᓅᓱᒃᑐᒧᑦ, “ᓇᒧᑐᐃᓐᓇᖅ ᐅᖃᕐᑍᓕᒋᑦ ᑕᒪᑐᒥᖓ ᐅᕙᓐᓄᑦ ᐅᖃᕐᓂᕋᕐᓗᑎᑦ.”

ᔮᓱᐊᑉ ᐊᒡᓚᖏᑦ 2:13

ᐊᖏᕐᕕᒋᓯᓐᖓ ᐊᑖᑕᒐ ᐊᓈᓇᒐᓗ ᖃᑕᓐᖑᑎᒃᑲᓗ ᐃᓚᓕᒫᒃᑲᓗ ᓴᐳᑎᔭᐅᖁᓪᓗᒋᑦ ᑐᖁᒥᑦ.”

ᔮᓱᐊᑉ ᐊᒡᓚᖏᑦ 2:15

ᕅᕼᐊᐱ ᐊᖏᕐᕋᖃᓚᐅᕐᐳᖅ ᐃᒡᓗᒐᓮᑦ ᐊᕙᓗᐊᓂ, ᑍᒤᒻᒪᑦ ᐃᒐᓛᒃᑯᑦ ᐊᖅᑲᕐᑎᓚᐅᕐᐰᒃ ᐊᒃᓱᓈᒃᑯᑦ ᓂᖏᑎᓪᓗᒋᒃ.

ᔮᓱᐊᑉ ᐊᒡᓚᖏᑦ 6:17

ᐃᒡᓗᒐᓴᖕᓃᑦᑐᓕᒫᑦ ᐊᓯᕈᕐᑕᐅᓂᐊᕐᐳᑦ ᑐᓂᕐᕈᑕᐅᔪᑎᑐᑦ ᐊᑕᓂᕐᒧᑦ; ᕅᕼᐊᐱᑐᐊᖅ ᐊᖑᓐᓂᐊᕐᑎ ᐃᒡᓗᒥᐅᖃᑎᖏᓪᓗ ᐱᐅᓕᔭᐅᔪᒃᓴᐅᕗᑦ, ᑖᓐᓇ ᐃᔨᕐᓯᓯᒪᓚᐅᕐᒪᑦ ᖃᐅᔨᓴᕆᐊᕐᑎᑕᑦᑎᓐᓂᒃ.

ᔮᓱᐊᑉ ᐊᒡᓚᖏᑦ 6:22

ᔮᓱᐊᓕ ᐅᖃᕐᐳᖅ ᐊᖑᑏᖕᓄᑦ ᒪᕐᕉᖕᓄᑦ ᓄᓇᒥᒃ ᖃᐅᔨᓴᕆᐊᓚᐅᕐᑑᖕᓄᑦ, “ᐂᓕᕆᑦᓯᒃ ᐊᖑᓐᓂᐊᕐᑎᐅᑉ ᐃᒡᓗᖓᓄᑦ, ᑕᒪᐅᓐᖓᐅᑎᓗᒍᓗ ᐃᓚᓕᒫᖏᓪᓗ, ᑍᒫᒃ ᐊᖏᕐᕕᒋᓚᐅᕋᑦᓯᐅᒃ.”

ᔮᓱᐊᑉ ᐊᒡᓚᖏᑦ 6:25

ᔮᓱᐊᓪᓕ ᕅᕼᐊᐱ ᐊᑖᑕᖓᑕᓗ ᐃᓚᓕᒫᖏᑦ ᐃᓅᑎᓚᐅᕐᐰᑦ; ᖃᐅᔨᓴᕆᐊᕐᑐᓂᒃ ᔨᕆᑯᒧᑦ ᐃᔨᕐᓯᓚᐅᕐᒪᑦ. ᑖᑦᓱᒪᓗ ᑭᖑᕚᖏᑦ ᐅᓪᓗᒥᒧᑦ ᓱᓕ ᐃᓅᕗᑦ ᐃᓴᕆᐊᓕᒥ.

ᓴᒧᐃᓕ ᓯᕗᓪᓖᑦ 20:8

ᑍᒤᒻᒪᑦ ᑕᒪᓐᓇ ᐱᑦᓯᐊᕐᓗᑎᑦ ᐱᓇᓱᐊᕈᒃ ᐱᑦᔪᑎᒋᓗᖓ, ᐱᔩᑦ ᐊᖏᕈᑎᒋᓯᒪᒐᕕᐅᒃ ᐊᑕᓂᕐᒧᑦ. ᐸᓯᔭᒃᓴᐅᒍᒪᓕ, ᐃᕝᕕᑦ ᓇᖕᒥᓂᖅ ᑐᖁᑕᒃᓴᕆᕙᕐᒪ; ᓱᖕᒪᑦ ᐊᑖᑕᖕᓄᐊᕈᑎᔭᒃᓴᕆᕕᖓ ᑐᖁᑕᐅᔭᕐᑐᕐᑎᓪᓗᖓ?”