ᔮᓱᐊᑉ ᐊᒡᓚᖏᑦ 18:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.

ᔮᓱᐊᑉ ᐊᒡᓚᖏᑦ 18:28 Iomraidhean Croise

ᓴᒧᐃᓕ ᐂᑉᐸᖏᑦ 21:14

ᓴᐅᓕᐅᓪᓗ ᔫᓇᑕᓂᐅᓪᓗ ᓴᐅᓂᖏᑦ ᐃᓗᕕᕐᑕᐅᓚᐅᕐᐳᑦ ᓴᐅᓕᐅᑉ ᐊᑖᑕᖓᑕ ᑭᓯᐅᑉ ᐃᓗᕕᖃᕐᕕᖓᓄᑦ, ᓄᓇᓕᖕᓂ ᔨᓚᒥ ᐱᓐᔭᒥᓂᐅᑉ ᓄᓇᖓᓂ, ᐊᖓᔪᖅᑳᕐᔪᐊᑉ ᑎᓕᓯᑦᔪᑎᒋᔭᖓᓂᒃ ᐊᑐᕐᓗᑎᒃ ᐱᓇᓱᐊᓚᐅᕐᐳᑦ. ᑕᒪᑐᒪ ᑭᖑᓂᐊᒍᑦ ᒎᑎᐅᑉ ᑐᒃᓯᐊᕐᓂᖏᓐᓂᒃ ᑭᐅᓚᐅᕐᐰᑦ ᓄᓇᖓ ᐱᓪᓗᒍ.

ᓴᒧᐃᓕ ᐂᑉᐸᖏᑦ 23:29

ᕼᐃᓕᑉ ᐹᓇᐅᑉ ᐃᕐᓂᖓ ᓂᑐᐸᕼᐊᒥᐅᑕᖅ, ᐃᑍ ᕆᐰᑉ ᐃᕐᓂᖓ ᒋᐱᐊᒥᐅᑕᖅ ᐱᓐᔭᒥᓂᐅᑉ ᑭᖑᕚᖏᓐᓂᑦ,

ᓴᒧᐃᓕ ᐂᑉᐸᖏᑦ 5:6

ᐊᖓᔪᖅᑳᕐᔪᐊᕐᓗ ᑍᕕᑎ ᐃᓚᖏᓪᓗ ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ ᔨᐳᓮᑎᒃᑯᓐᓂᒃ, ᑕᕝᕙᓂ ᓄᓇᖃᕐᑐᓂᒃ, ᑖᒃᑯᐊ ᐅᖃᓚᐅᕐᐳᑦ ᑍᕕᑎᒧᑦ, “ᑕᕝᕗᖓ ᐃᑎᓚᐅᕐᓯᒪᑦᔮᖏᑦᑐᑎᑦ, ᑕᐅᑐᖏᑦᑐᓂᑦ ᑐᓯᐊᑦᑐᓂᓪᓗ ᐅᓂᒃᓯᒪᑎᑕᐅᔪᓐᓇᕐᐳᑎᑦ.” ᐃᓱᒪᖃᓚᐅᕋᒥᒃ, “ᑍᕕᑎ ᐅᕗᖓ ᐃᑎᕈᓐᓇᓐᖏᓚᖅ.”

ᓴᒧᐃᓕ ᐂᑉᐸᖏᑦ 5:8

ᑍᑦᓱᒪᓂ ᐅᓪᓗᒥ ᑍᕕᑎᐅᑉ ᐃᓄᖁᑎᓂ ᐅᖃᐅᑎᓚᐅᕐᐰᑦ, “ᑭᓇᒃᑰᑦ ᐆᒥᓱᖃᑎᒋᕙᒃᑲ ᔨᐳᓮᑎᓂᒃ; ᑐᖁᑦᓱᒪᓪᓗᒋᓪᓗ? ᐊᑏ ᐃᑎᓚᐅᕆᑦᓯ ᐃᒥᐅᑉ ᐊᖅᑯᑎᖓᒍᑦ ᐅᓇᑕᕆᐊᕐᓗᒋᑦ ᑕᐅᑐᖏᑦᑐᑦ ᑐᓯᐊᑦᑐᓪᓗ.” ᑍᒤᒻᒪᑦ ᐃᒫᒃ ᐅᖃᐅᓯᕐᑕᖃᕐᐳᖅ, “ᑕᐅᑐᖏᑦᑐᑦ ᑐᓯᐊᑦᑐᓪᓗ ᐃᑎᕐᓂᐊᓐᖏᓚᑦ ᐊᑕᓂᐅᑉ ᐃᒡᓗᖓᓄᑦ.”

ᑯᕉᓂᑲ ᓯᕗᓪᓖᑦ 8:28

ᑖᒃᑯᐊ ᐊᑖᑕᖏᑕ ᐃᓚᖏᓐᓂ ᐊᖓᔪᖅᑳᖑᕗᑦ ᑭᖑᕚᕇᑦ ᒪᓕᒡᓗᒋᑦ. ᔨᕉᓴᓕᒥ ᓄᓇᓖᑦ.

ᐂᓮᐊᓯᐅᑉ ᐊᒡᓚᖏᑦ 10:29

ᑰᒐᓛᓕᒃ ᓇᕐᓴᖅ ᐃᑳᕐᓗᒍ, ᒋᐸᒧᑦ ᑕᖕᒫᕐᐳᖅ. ᕌᒪᒥᐅᑦ ᑲᑉᐱᐊᓱᖕᓂᕐᒧᑦ ᓴᔪᓕᕐᐳᑦ, ᒋᐱᐊᒥᐅᓪᓗ ᓴᐅᓕᐅᑉ ᓄᓇᖓᓂᒥᐅᑦ ᕿᒪᒃᓯᕗᑦ.

ᔨᕆᒤᐊᐅᑉ ᐊᒡᓚᖏᑦ 6:1

ᐃᓕᑦᓯ ᐱᓐᔭᒥᓂᒧᑦ ᑭᖑᕚᕆᔭᐅᔪᓯ, ᔨᕉᓴᓕᒥᑦ ᕿᒫᓕᕆᑦᓯ, ᑎᑦᑐᓚᐅᓪᓗ ᓂᓪᓕᕐᑎᓯᐅᒃ ᓄᓇᒥ ᑎᑯᐊᒥ! ᖃᐅᔨᑦᔪᑎᒃᓴᒥᒡᓗ ᑕᑯᒃᓴᐅᑎᑦᓯᓕᕆᑦᓯ ᐱᑦ-ᕼᐊᑭᕆᒻᑯᓐᓄᑦ; ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ ᓴᖅᑭᑦᑐᖃᓕᕐᒪᑦ ᐊᓯᕈᕐᑕᐅᓇᕐᑐᒥᒃ.

ᕼᐆᓯᐊᑉ ᐊᒡᓚᖏᑦ 10:9

“ᐃᓴᕆᐊᓕ, ᐊᔪᕐᑐᓕᓯᒪᕗᑎᑦ ᒋᐱᐊᑉ ᐅᓪᓗᖏᓐᓂᑦ ᐱᒋᐊᕐᓗᑎᑦ, ᑕᕝᕙᓂᓗ ᑲᔪᓯᕗᑦ ᓱᓕ. ᐅᓇᑕᕐᓂᒃᑯᑦ ᒋᐱᐊᒻ ᓵᓚᐅᓂᐊᓐᖏᓛᑦ?

ᒨᓯᓯ ᓯᑕᒪᖏᑦ 26:38

ᐱᓐᔭᒥᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᐲᓚ, ᐃᓚᒌᑦ ᑍᔭᐅᕗᑦ ᐲᓔᑎᓂᒃ; ᐊᓯᐱᐅᓪ, ᐃᓚᒌᑦ ᑍᔭᐅᕗᑦ ᐊᓯᐱᓔᑎᓂᒃ; ᐊᕼᐂᕋᒻ, ᐃᓚᒌᑦ ᑍᔭᐅᕗᑦ ᐊᕼᐂᕋᒤᑎᓂᒃ;

ᒨᓯᓯ ᓯᑕᒪᖏᑦ 26:54

ᑭᖑᕚᖑᖃᑎᒌᑦ ᐃᓄᒋᐊᖕᓂᕐᓮᑦ ᐊᖏᔪᒥᒃ ᓄᓇᒥᒃ ᐱᑖᕆᐊᖃᕐᐳᑦ, ᑭᖑᕚᖑᖃᑎᒌᓪᓗ ᐅᓄᖏᓐᓂᕐᓮᑦ ᓄᓇᒥᒃ ᒥᑭᓐᓂᕐᓴᒥᒃ ᐱᑖᕆᐊᖃᕐᐳᑦ. ᐊᑐᓂᑦ ᓄᓇᖁᑎᑖᕐᓗᑎᒃ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᓂᖏᑦ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 33:54

ᓄᓇ ᐊᕕᒃᑐᕆᐊᖃᕐᐸᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓗᒍ ᐱᑖᕆᔭᐅᑎᓪᓗᒍᓗ ᐃᓚᑦᓯᓐᓄᑦ; ᐃᓚᒌᑦ ᐅᓄᕐᓂᕐᓮᑦ ᐊᖏᓂᕐᓴᒥᒃ ᓄᓇᑯᑎᑖᕆᐊᖃᕐᐳᑦ, ᐃᓚᒌᓪᓗ ᐅᓄᖏᓐᓂᕐᓮᑦ ᒥᑭᓂᕐᓴᒥᒃ ᓄᓇᖁᑎᑖᕐᓗᑎᒃ; ᓄᓇᖁᑎᑖᕆᓂᐊᕐᑕᒥᖕᓂᒃ ᐃᓚᒌᑦ ᓄᓇᖃᕆᐊᖃᕐᐳᑦ. ᓄᓇᖁᑎᑖᕆᐊᖃᕐᐳᓯ ᓯᕗᓕᕕᓂᑦᓯ ᑭᖑᕚᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 15:63

ᔫᑕᐅᓪᓕ ᐃᓄᖏᑦ ᓯᖏᑦᓯᔪᓐᓇᓚᐅᓐᖏᓚᑦ ᔨᐳᓮᑎᒥᐅᓂᒃ, ᓄᓇᖃᕐᑐᓂᒃ ᔨᕉᓴᓕᒥ, ᑍᒤᒻᒪᑦ ᔨᐳᓮᑎᒥᐅᑦ ᓄᓇᖅᑲᑎᖃᕐᐳᑦ ᔫᑕᐅᑉ ᐃᓄᖏᓐᓂᒃ ᓱᓕ ᐅᓪᓗᒥ.

ᔮᓱᐊᑉ ᐊᒡᓚᖏᑦ 15:8

ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ.

ᔮᓱᐊᑉ ᐊᒡᓚᖏᑦ 18:16

ᑕᕝᕙᓐᖓᑦ ᑕᐅᓄᖓ ᖃᖅᑲᐅᑉ ᓇᑎᕐᓇᖓᓄᑦ ᓄᓇ ᑭᒡᓕᖃᕐᐳᖅ ᐅᔭᐅᒪᔪᒧᑦ ᕼᐃᓇᒻ ᓇᕐᓴᖓᓄᑦ, ᕆᐰᒻ ᓇᕐᓴᖓᑕ ᐅᓐᓄᐊᓪᓗᐊᖓᑕ ᐃᓱᐊᓄᑦ, ᐅᓪᓗᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᕼᐃᓇᒻ ᓇᕐᓴᖓᒍᑦ, ᔨᐳᓮᑎᑦ ᐱᖑᖓᑕ ᐅᓪᓗᓪᓗᐊᖓᑕ ᓇᓛᒍᑦ, ᑕᐅᓄᖓ ᐊᒻᒧᐊᒃᓯᒪᓪᓗᓂ ᐃᓐ-ᕈᒋᐅᓪ ᓇᓛᓄᑦ.

ᔮᓱᐊᑉ ᐊᒡᓚᖏᑦ 18:27

ᕆᑭᒻ, ᐃᕐᐱᐅᓪ, ᑕᕋᓚ,

ᔮᓱᐊᑉ ᐊᒡᓚᖏᑦ 19:1

ᑭᖑᓪᓕᕐᒥᒃ ᓇᓚᐅᑕᐅᕗᑦ ᐃᓚᒌᑦ ᓯᒥᐅᓂᐅᑉ ᑭᖑᕚᖏᑦ, ᓄᓇᖁᑎᖓ ᐊᒃᑐᐊᕗᖅ ᔫᑕᐅᑉ ᑭᖑᕚᖏᑕ ᓄᓇᖁᑎᖓᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 1:21

ᐱᓐᔭᒥᓂᐅᓪᓕ ᑭᖑᕚᖏᑕ ᓵᓚᒋᓚᐅᓐᖏᓔᑦ ᔨᐳᓮᑎᑦ ᓄᓇᖃᕐᑐᑦ ᔨᕉᓴᓕᒥ, ᔨᐳᓮᑎᓪᓗ ᓄᓇᖃᖃᑕᐅᕗᑦ ᐱᓐᔭᒥᓂᐅᑉ ᑭᖑᕚᖏᓐᓂ ᐅᓪᓗᒥᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 19:10

ᐊᖑᓪᓕ ᑖᓐᓇ ᐅᓐᓄᐊᒥ ᑕᕝᕙᓃᒃᑲᓐᓂᕈᒪᓐᖏᓚᖅ; ᐊᐅᓪᓚᕐᓗᑎᒡᓗ, ᑎᑭᓐᓇᒥᒃ ᔨᐳᓯᐅᑉ ᐊᑭᐊᓄᑦ (ᑖᓐᓇ ᔨᕉᓴᓕᒻ). ᓯᐅᑎᖅᑯᕐᑐᔪᖁᑎᖃᓚᐅᕐᐳᖅ ᒪᕐᕉᖕᓂᒃ ᐃᒃᓯᕙᕕᓖᖕᓂᒃ, ᓄᓕᐊᒃᑲᓐᓂᓂ ᐃᓚᒋᓪᓗᒍ.

ᓴᒧᐃᓕ ᓯᕗᓪᓖᑦ 10:26

ᓴᐅᓕᓗ ᐊᖏᕐᕋᒥᓄᑦ ᐊᖏᕐᕋᕆᕗᖅ ᒋᐱ-ᐊᒧᑦ, ᐊᖑᑏᓪᓗ ᓯᕘᕋᖏᑦᑐᑦ ᐃᓚᒋᓪᓗᒋᑦ ᑖᒃᑯᐊ ᒎᑎᐅᑉ ᐆᒻᒪᑎᖏᑦ ᐊᒃᑐᓚᐅᕐᒪᒋᑦ.