ᔮᓱᐊᑉ ᐊᒡᓚᖏᑦ 18:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙᓐᖓᑦ ᑕᐅᓄᖓ ᖃᖅᑲᐅᑉ ᓇᑎᕐᓇᖓᓄᑦ ᓄᓇ ᑭᒡᓕᖃᕐᐳᖅ ᐅᔭᐅᒪᔪᒧᑦ ᕼᐃᓇᒻ ᓇᕐᓴᖓᓄᑦ, ᕆᐰᒻ ᓇᕐᓴᖓᑕ ᐅᓐᓄᐊᓪᓗᐊᖓᑕ ᐃᓱᐊᓄᑦ, ᐅᓪᓗᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᕼᐃᓇᒻ ᓇᕐᓴᖓᒍᑦ, ᔨᐳᓮᑎᑦ ᐱᖑᖓᑕ ᐅᓪᓗᓪᓗᐊᖓᑕ ᓇᓛᒍᑦ, ᑕᐅᓄᖓ ᐊᒻᒧᐊᒃᓯᒪᓪᓗᓂ ᐃᓐ-ᕈᒋᐅᓪ ᓇᓛᓄᑦ.

ᔮᓱᐊᑉ ᐊᒡᓚᖏᑦ 18:16 Iomraidhean Croise

ᓴᒧᐃᓕ ᐂᑉᐸᖏᑦ 17:17

ᐊᐱᐊᑕᐅᑉ ᐃᕐᓂᖓ ᔫᓇᑕᓂ ᔭᑑᑭᐅᓪᓗ ᐃᕐᓂᖓ ᐊᕼᐂᒫᔅ ᐅᑕᕿᓚᐅᕐᐴᒃ ᐃᓐ-ᕈᒋᓕᐅᑉ ᑰᖓᓂ, ᔨᕉᓴᓕᐅᑉ ᖃᓂᒋᔭᖓᓂ, ᑕᑯᔭᐅᔪᒪᖏᓐᓇᒥᒃ ᐃᑎᕐᑎᓪᓗᒋᒃ ᐃᒡᓗᒐᓴᖕᓄᑦ; ᐱᔨᒧᑦ ᐊᕐᓇᒧᑦ ᐅᐸᒃᑕᐅᖏᓐᓇᖃᑦᑕᓚᐅᕐᐴᒃ ᐅᖃᐅᑎᔭᐅᕙᒡᓗᑎᒡᓗ ᖃᓄᐃᑉᐸᓪᓕᐊᓕᕐᓂᖏᓐᓂᒃ, ᑖᒃᑯᐊᒃᑕᐅᖅ ᐅᖃᕆᐊᕐᑐᖃᑦᑕᓚᐅᕐᐴᒃ ᑍᕕᑎᒧᑦ.

ᓴᒧᐃᓕ ᐂᑉᐸᖏᑦ 5:18

ᐱᓕᔅᑍᓂᒥᐅᓪᓕ ᑎᑭᓐᓇᒥᒃ ᓇᕐᓴᒥ ᕆᐰᒻᒥ ᓯᐊᒻᒪᖓᓕᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 1:9

ᐊᑐᓁᔭ ᑐᓂᕐᕈᓯᕐᐳᖅ ᓰᐱᓂᒃ, ᐃᒻᒧᒃᓯᐅᒐᕐᓂᒡᓗ, ᓄᕐᕋᕐᓂᒡᓗ ᖁᐃᒃᑎᑦᓯᐊᕆᓯᒪᔪᓂᒃ, ᓄᓇᒥ ᖁᒡᓗᒋᐊᕐᔪᐊᑉ ᐅᔭᕋᖓᓂ ᐊᑎᓕᖕᒥ, ᐃᓐ-ᕈᒋᐅᑉ ᖃᓂᒋᔭᖓᓂ. ᕾᖁᔨᓪᓗᓂ ᖃᑕᓐᖑᑎᓕᒫᒥᓂᒃ ᐊᖓᔪᖅᑳᕐᔪᐊᑉ ᐃᕐᓂᖏᓐᓂᒃ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᓐᓂᒃ ᔫᑕᒥᐅᑕᓂᒃ,

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᑯᕉᓂᑲ ᓯᕗᓪᓖᑦ 14:9

ᐱᓕᔅᑍᓂᒥᐅᓪᓕ ᓇᕐᓴᒧᑦ ᕆᐰᒻᒧᑦ ᑎᑭᓐᓇᒥᒃ ᐊᕐᓵᕐᑎᕆᕗᑦ ᓇᔪᓕᕐᓗᒍᓗ.

ᑯᕉᓂᑲ ᐂᑉᐸᖏᑦ 28:3

ᐃᑯᐊᓪᓔᓚᐅᕐᐳᕐᓗ ᑎᐱᑦᓯᐊᕆᒃᑐᓂᒃ ᕼᐃᓇᒻ ᐃᕐᓂᖓᑕ ᓇᕐᓴᖓᓂ ᐊᑎᓕᖕᒥ, ᐃᕐᓂᓂᓗ ᐃᑯᐊᓪᓚᒃᐰᑦ ᑐᓂᕐᕈᓯᐅᑎᒋᓪᓗᒋᑦ, ᑕᒪᓐᓇ ᓇᕐᕈᓇᕐᓂᕋᕐᑕᐅᔪᖅ ᐱᓂᐊᕐᓂᕆᓚᐅᕐᐹ ᐃᓅᖃᑎᒌᒡᔪᐊᑦ ᐱᐅᓯᖏᑦ ᒪᓕᒡᓗᒋᑦ ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 19:11

ᐅᖃᐅᑎᓗᒋᓪᓗ, ‘ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ᑍᒫᒃ ᑕᕝᕙ ᐃᓅᖃᑎᒌᒡᔪᐊᑦ ᐃᒡᓗᒐᓴᒡᔪᐊᓪᓗ ᓯᖁᒥᑦᓱᒫᕐᐸᒃᑲ ᑖᑦᓱᑐᓇᖅ ᒪᕐᕋᐅᔭᕐᑎᑐᑦ ᓯᖁᒥᑕᐅᔪᑎᑐᑦ ᐋᖅᑭᒃᓱᒐᒃᓴᐅᔪᓐᓃᕐᓗᑎᒡᓗ ᑍᒤᑦᓱᒫᕐᐳᑦ. ᑐᐱᑎᒥ ᐃᓗᕕᕐᓯᔪᒫᕐᐳᑦ ᐊᓯᐊᓂ ᐃᓗᕕᕐᓯᕕᒃᓴᖃᕈᓐᓃᕈᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 19:2

ᐱᓐ ᕼᐃᓇᐅᑉ ᓇᕐᓴᖓᓄᐊᕐᓂᐊᕐᐳᑎᑦ ᐃᑎᕐᑕᕐᕕᒃᑯᑦ ᐹᑦᓴᑎᒥᒃ ᐊᑎᖃᕐᑐᒃᑯᑦ ᐊᓂᓗᓯ, ᑍᑲᓂᓗ ᐅᖃᐅᓯᕆᖁᔭᒃᑲ ᐅᖃᐅᓯᕆᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 19:6

ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᓄᓇ ᐊᑎᖃᕐᑎᑕᐅᔪᓐᓃᕐᕕᒃᓴᖓ ᑐᐱᑎᒥᒃ, ᐅᕝᕙᓘᓐᓃᑦ ᐱᓐ ᕼᐃᓇᒥᐅᑦ ᓇᕐᓴᖓᓂᒃ, ᑍᔭᐅᓕᕈᒫᕐᐳᕐᓕ ᓇᕐᓴᒥᒃ ᑐᖁᕅᕕᖕᒥᒃ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᔮᓱᐊᑉ ᐊᒡᓚᖏᑦ 15:63

ᔫᑕᐅᓪᓕ ᐃᓄᖏᑦ ᓯᖏᑦᓯᔪᓐᓇᓚᐅᓐᖏᓚᑦ ᔨᐳᓮᑎᒥᐅᓂᒃ, ᓄᓇᖃᕐᑐᓂᒃ ᔨᕉᓴᓕᒥ, ᑍᒤᒻᒪᑦ ᔨᐳᓮᑎᒥᐅᑦ ᓄᓇᖅᑲᑎᖃᕐᐳᑦ ᔫᑕᐅᑉ ᐃᓄᖏᓐᓂᒃ ᓱᓕ ᐅᓪᓗᒥ.

ᔮᓱᐊᑉ ᐊᒡᓚᖏᑦ 18:28

ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 1:21

ᐱᓐᔭᒥᓂᐅᓪᓕ ᑭᖑᕚᖏᑕ ᓵᓚᒋᓚᐅᓐᖏᓔᑦ ᔨᐳᓮᑎᑦ ᓄᓇᖃᕐᑐᑦ ᔨᕉᓴᓕᒥ, ᔨᐳᓮᑎᓪᓗ ᓄᓇᖃᖃᑕᐅᕗᑦ ᐱᓐᔭᒥᓂᐅᑉ ᑭᖑᕚᖏᓐᓂ ᐅᓪᓗᒥᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 1:8

ᔫᑕᐅᑉ ᐃᓄᖏᑦ ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ, ᓵᓚᒋᓪᓗᒍᓗ. ᐃᓄᖏᓪᓗ ᑐᖁᓪᓗᒋᑦ, ᐃᒡᓗᒐᓴᖏᓪᓗ ᐃᑯᐊᓪᓚᒃᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 19:10

ᐊᖑᓪᓕ ᑖᓐᓇ ᐅᓐᓄᐊᒥ ᑕᕝᕙᓃᒃᑲᓐᓂᕈᒪᓐᖏᓚᖅ; ᐊᐅᓪᓚᕐᓗᑎᒡᓗ, ᑎᑭᓐᓇᒥᒃ ᔨᐳᓯᐅᑉ ᐊᑭᐊᓄᑦ (ᑖᓐᓇ ᔨᕉᓴᓕᒻ). ᓯᐅᑎᖅᑯᕐᑐᔪᖁᑎᖃᓚᐅᕐᐳᖅ ᒪᕐᕉᖕᓂᒃ ᐃᒃᓯᕙᕕᓖᖕᓂᒃ, ᓄᓕᐊᒃᑲᓐᓂᓂ ᐃᓚᒋᓪᓗᒍ.