ᔮᓱᐊᑉ ᐊᒡᓚᖏᑦ 15:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ.

ᔮᓱᐊᑉ ᐊᒡᓚᖏᑦ 15:8 Iomraidhean Croise

ᓴᒧᐃᓕ ᐂᑉᐸᖏᑦ 5:18

ᐱᓕᔅᑍᓂᒥᐅᓪᓕ ᑎᑭᓐᓇᒥᒃ ᓇᕐᓴᒥ ᕆᐰᒻᒥ ᓯᐊᒻᒪᖓᓕᓚᐅᕐᐳᑦ.

ᓴᒧᐃᓕ ᐂᑉᐸᖏᑦ 5:22

ᑭᖑᓂᐊᒍᓪᓕ ᐱᓕᔅᑍᓂᒥᐅᑦ ᐅᑎᓚᐅᕆᕗᑦ, ᓇᓂᑐᐃᓐᓈᓕᕐᓗᑎᒡᓗ ᕆᐰᒻ ᓇᕐᓴᖓᓂ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᑯᕉᓂᑲ ᓯᕗᓪᓖᑦ 11:4

ᑍᕕᑎᓗ ᐃᓴᕆᐊᓕᒥᐅᓕᒫᓪᓗ ᔨᕉᓴᓕᒧᐊᕐᐳᑦ, ᑍᔭᐅᔪᒥᒃ ᔨᐳᓯᒥᒃ, ᔨᐳᓮᑎᒥᐅᓄᑦ ᓄᓇᖃᑐᓄᑦ ᑕᕝᕙᓂ.

ᑯᕉᓂᑲ ᐂᑉᐸᖏᑦ 28:3

ᐃᑯᐊᓪᓔᓚᐅᕐᐳᕐᓗ ᑎᐱᑦᓯᐊᕆᒃᑐᓂᒃ ᕼᐃᓇᒻ ᐃᕐᓂᖓᑕ ᓇᕐᓴᖓᓂ ᐊᑎᓕᖕᒥ, ᐃᕐᓂᓂᓗ ᐃᑯᐊᓪᓚᒃᐰᑦ ᑐᓂᕐᕈᓯᐅᑎᒋᓪᓗᒋᑦ, ᑕᒪᓐᓇ ᓇᕐᕈᓇᕐᓂᕋᕐᑕᐅᔪᖅ ᐱᓂᐊᕐᓂᕆᓚᐅᕐᐹ ᐃᓅᖃᑎᒌᒡᔪᐊᑦ ᐱᐅᓯᖏᑦ ᒪᓕᒡᓗᒋᑦ ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 11:30

ᔭᓄᐊᒥᓗ, ᐊᑑᓚᒥᓗ, ᖃᓂᒋᔭᓂᓗ ᓄᓇᓕᐅᔪᓂ, ᓚᑮᓯᒥᓗ ᖃᓂᒋᔮᓂᓗ ᐱᕈᕐᓰᕕᖕᓂ, ᐊᔨᑲᒥᓗ ᖃᓂᒋᔭᓂᓗ ᓄᓇᓕᐅᔪᓂ. ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᐊᕐᓯᐸᒥᑦ ᕼᐃᓇᒥᐅᑉ ᓇᕐᓴᖓᓄᑦ ᑎᑭᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 17:5

ᐊᑦᔨᖃᕈᒫᕐᐳᑦ ᓂᐊᖂᔭᒃᓴᓂᒃ ᓇᐸᔪᓂᒃ ᓇᑲᑎᕆᔨᒧᑦ ᓇᑲᑎᕐᑕᐅᔪᓂᒃ, ᑕᓕᕐᒥᖕᓄᓪᓗ ᓂᐊᖂᔭᒃᓮᑦ ᓄᕗᖏᓐᓂᒃ ᐲᔭᕐᑕᐅᔪᓂᒃ, ᐊᒥᐊᒃᑯᕐᓗᑯᑎᑐᓪᓗ ᐊᔪᕐᓴᕐᑐᓂᑦ ᓄᐊᑕᐅᔪᓂᒃ ᕆᐰᒥᐅᑦ ᓇᕐᓴᖓᓂ.

ᔨᕆᒤᐊᐅᑉ ᐊᒡᓚᖏᑦ 19:14

ᔨᕆᒤᐊ ᑐᐱᑎᒥᓐᖔᕐᓗᓂ ᐅᑎᓕᕆᕗᖅ, ᐊᑕᓂᐅᑉ ᐅᖃᖁᔭᖓᓂᒃ ᐅᖃᓪᓚᓚᐅᕐᓗᓂ, ᐊᒻᒪ ᐊᑕᓂᐅᑉ ᐃᒡᓗᖓᓂ ᐃᓄᖕᓄᑦ ᐅᖃᓪᓚᓕᕆᕗᖅ:

ᔨᕆᒤᐊᐅᑉ ᐊᒡᓚᖏᑦ 19:2

ᐱᓐ ᕼᐃᓇᐅᑉ ᓇᕐᓴᖓᓄᐊᕐᓂᐊᕐᐳᑎᑦ ᐃᑎᕐᑕᕐᕕᒃᑯᑦ ᐹᑦᓴᑎᒥᒃ ᐊᑎᖃᕐᑐᒃᑯᑦ ᐊᓂᓗᓯ, ᑍᑲᓂᓗ ᐅᖃᐅᓯᕆᖁᔭᒃᑲ ᐅᖃᐅᓯᕆᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 19:6

ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᓄᓇ ᐊᑎᖃᕐᑎᑕᐅᔪᓐᓃᕐᕕᒃᓴᖓ ᑐᐱᑎᒥᒃ, ᐅᕝᕙᓘᓐᓃᑦ ᐱᓐ ᕼᐃᓇᒥᐅᑦ ᓇᕐᓴᖓᓂᒃ, ᑍᔭᐅᓕᕈᒫᕐᐳᕐᓕ ᓇᕐᓴᒥᒃ ᑐᖁᕅᕕᖕᒥᒃ.

ᔮᓱᐊᑉ ᐊᒡᓚᖏᑦ 15:63

ᔫᑕᐅᓪᓕ ᐃᓄᖏᑦ ᓯᖏᑦᓯᔪᓐᓇᓚᐅᓐᖏᓚᑦ ᔨᐳᓮᑎᒥᐅᓂᒃ, ᓄᓇᖃᕐᑐᓂᒃ ᔨᕉᓴᓕᒥ, ᑍᒤᒻᒪᑦ ᔨᐳᓮᑎᒥᐅᑦ ᓄᓇᖅᑲᑎᖃᕐᐳᑦ ᔫᑕᐅᑉ ᐃᓄᖏᓐᓂᒃ ᓱᓕ ᐅᓪᓗᒥ.

ᔮᓱᐊᑉ ᐊᒡᓚᖏᑦ 18:16

ᑕᕝᕙᓐᖓᑦ ᑕᐅᓄᖓ ᖃᖅᑲᐅᑉ ᓇᑎᕐᓇᖓᓄᑦ ᓄᓇ ᑭᒡᓕᖃᕐᐳᖅ ᐅᔭᐅᒪᔪᒧᑦ ᕼᐃᓇᒻ ᓇᕐᓴᖓᓄᑦ, ᕆᐰᒻ ᓇᕐᓴᖓᑕ ᐅᓐᓄᐊᓪᓗᐊᖓᑕ ᐃᓱᐊᓄᑦ, ᐅᓪᓗᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᕼᐃᓇᒻ ᓇᕐᓴᖓᒍᑦ, ᔨᐳᓮᑎᑦ ᐱᖑᖓᑕ ᐅᓪᓗᓪᓗᐊᖓᑕ ᓇᓛᒍᑦ, ᑕᐅᓄᖓ ᐊᒻᒧᐊᒃᓯᒪᓪᓗᓂ ᐃᓐ-ᕈᒋᐅᓪ ᓇᓛᓄᑦ.

ᔮᓱᐊᑉ ᐊᒡᓚᖏᑦ 18:28

ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 1:21

ᐱᓐᔭᒥᓂᐅᓪᓕ ᑭᖑᕚᖏᑕ ᓵᓚᒋᓚᐅᓐᖏᓔᑦ ᔨᐳᓮᑎᑦ ᓄᓇᖃᕐᑐᑦ ᔨᕉᓴᓕᒥ, ᔨᐳᓮᑎᓪᓗ ᓄᓇᖃᖃᑕᐅᕗᑦ ᐱᓐᔭᒥᓂᐅᑉ ᑭᖑᕚᖏᓐᓂ ᐅᓪᓗᒥᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 1:8

ᔫᑕᐅᑉ ᐃᓄᖏᑦ ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ, ᓵᓚᒋᓪᓗᒍᓗ. ᐃᓄᖏᓪᓗ ᑐᖁᓪᓗᒋᑦ, ᐃᒡᓗᒐᓴᖏᓪᓗ ᐃᑯᐊᓪᓚᒃᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 19:10

ᐊᖑᓪᓕ ᑖᓐᓇ ᐅᓐᓄᐊᒥ ᑕᕝᕙᓃᒃᑲᓐᓂᕈᒪᓐᖏᓚᖅ; ᐊᐅᓪᓚᕐᓗᑎᒡᓗ, ᑎᑭᓐᓇᒥᒃ ᔨᐳᓯᐅᑉ ᐊᑭᐊᓄᑦ (ᑖᓐᓇ ᔨᕉᓴᓕᒻ). ᓯᐅᑎᖅᑯᕐᑐᔪᖁᑎᖃᓚᐅᕐᐳᖅ ᒪᕐᕉᖕᓂᒃ ᐃᒃᓯᕙᕕᓖᖕᓂᒃ, ᓄᓕᐊᒃᑲᓐᓂᓂ ᐃᓚᒋᓪᓗᒍ.