ᔮᓱᐊᑉ ᐊᒡᓚᖏᑦ 14:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑍᒤᓚᐅᕐᓂᓐᓄᑦ ᒨᓯᓯᐅᑉ ᐊᖏᕐᕕᒋᓚᐅᕐᐹᖓ ᐅᓪᓗᒥ ᑍᑲᓂ, ᐅᖃᕐᓗᓂ, ‘ᓱᓕᑦᓯᐊᕐᑐᒥᒃ ᓄᓇ ᐱᓱᒃᕕᒋᓚᐅᕐᑍᑦ ᕿᑐᕐᖓᑎᓪᓗ ᑭᖑᕐᖑᑎᔪᒫᓕᕐᐸᓯ ᐃᓱᖃᖏᑦᑐᒧᑦ, ᐊᑕᓂᕐᒥᒃ ᒎᑎᖕᓂᒃ ᓱᓕᑦᓯᐊᕐᓗᑎᑦ ᒪᓕᑦᓯᐊᓚᐅᕋᕕᑦ.’

ᔮᓱᐊᑉ ᐊᒡᓚᖏᑦ 14:9 Iomraidhean Croise

ᐃᓐᖏᕈᑎᑦ 37:9

ᐱᐅᖏᑦᑐᓕᓂᕐᒥᒃ ᐱᓂᐊᕐᓂᖃᕐᑐᑦ ᐊᕕᑕᐅᔪᒫᕐᒪᑕ; ᐊᑕᓂᕐᒥᒡᓕ ᐅᑕᖅᑭᔪᑦ, ᓄᓇᒥᒃ ᑭᖑᕐᖑᑦᔨᔪᒫᕐᐳᑦ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᑕᓪᓕᒪᖏᑦ 1:36

ᑬᓚᐱ ᑭᓯᒥ ᔨᐳᓂᐊᐅᑉ ᐃᕐᓂᖓ; ᓄᓇᒧᑦ ᑖᑦᓱᒧᖓ ᐃᑎᕐᓂᐊᕐᐳᖅ, ᑖᓐᓇ ᐅᕙᓐᓂᒃ ᒪᓕᒃᑐᑑᓯᒪᖕᒪᑦ, ᓄᓇ ᑕᒪᓐᓇ ᐅᐸᒃᓯᒪᓚᐅᕐᑕᖓ ᑖᑦᓱᒧᖓ ᑐᓂᓂᐊᕐᐸᕋ, ᑖᑦᓱᒪᓗ ᑭᖑᕚᖏᓐᓄᑦ.’

ᒨᓯᓯ ᑕᓪᓕᒪᖏᑦ 11:24

ᓄᓇᓕᒫᕐᓗ ᐱᓱᒡᕕᒋᔭᓯ ᑕᒪᕐᒥᒃ ᓄᓇᑖᕆᓂᐊᕐᐸᓯ; ᓄᓇᒋᔭᓯᓗ ᑭᒡᓕᖃᕐᓂᐊᕐᐳᖅ ᓯᕿᓂᐅᑉ ᓇᓛᓂᑦ ᐃᓄᖃᖏᑦᑐᒥᑦ ᐱᒋᐊᕐᓗᒍ ᓕᐸᓇᓂᐅᑉ ᖃᖅᑲᖏᓐᓄᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑎᑭᓪᓗᒍ, ᑰᒑᓗᖕᒥᓪᓗ ᐃᕗᕅᑎᒥᑦ ᐱᒋᐊᕐᓗᒍ ᓯᕿᓂᐅᑉ ᓄᐃᕕᐊᓂᑦ ᒥᑎᑎᕆᓂᐊᒧᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓃᑦᑐᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 1:3

ᒨᓯᓯ ᐊᖏᕐᕕᒋᓚᐅᕋᒃᑯ ᐃᒫᒃ, ᑐᓂᔪᒫᕐᐸᒃᑲ ᐃᓄᖁᑎᒃᑲ ᓄᓇᒥᒃ ᐱᓱᒃᕕᒋᔭᖏᓐᓂᒃ.

ᔮᓱᐊᑉ ᐊᒡᓚᖏᑦ 14:10

ᒫᓐᓇᓕ ᑕᑯᓕᕆᑦ, ᐊᕐᕌᒍᑦ 45 ᐊᓂᒍᕐᓯᒪᓕᕐᐳᑦ ᐊᑕᓂᖅ ᑍᒫᒃ ᐅᖃᓚᐅᕐᓯᒪᖕᒪᑦ ᒨᓯᓯᒧᑦ, ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖃᔪᐃᑦᑐᒃᑰᕐᑎᓪᓗᒋᑦ ᐊᑕᓂᖅ ᐊᖏᓚᐅᕐᓯᒪᕗᖅ, ᐃᓅᑎᒻᒪᖓ ᑍᒪᓐᖓᒥᑦ; ᒫᓐᓇᓕ ᑕᑯᓕᓐᖓ, 85ᓂᒃ ᐊᕐᕌᒍᖃᓕᕐᑐᖓ.

ᐃᓗᐊᕐᓮᔩᑦ ᐊᒡᓚᖏᑦ 1:20

ᒨᓯᓯᐅᑉ ᐱᖁᔨᓂᕆᓚᐅᕐᑕᖓ ᒪᓕᒡᓗᒍ ᕼᐃᐸᕋᓐ ᑐᓂᔭᐅᓚᐅᕐᐳᖅ ᑬᓚᐱᒧᑦ, ᓵᓚᖃᓚᐅᕐᒪᑦ ᐊᐅᓪᓚᕐᑎᑦᓯᓪᓗᓂ ᐱᖓᓱᐃᓂᒃ ᐃᓚᒌᓂᒃ ᐊᓇᑭᐅᑉ ᑭᖑᕚᖏᓐᓂᒃ.