ᔮᓱᐊᑉ ᐊᒡᓚᖏᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔫᓯᐱᐅᑉ ᑭᖑᕚᖏᑦ ᒪᕐᕉᐃᖑᓚᐅᕐᒪᑕ, ᒫᓇᓯᒃᑯᑦ ᐃᕗᕅᒥᒃᑯᓪᓗ; ᒨᓯᓯᓕ ᓄᓇᒥᒃ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ, ᐃᒡᓗᒐᓴᖕᓂᒡᓕ ᑐᓂᔭᐅᓚᐅᕐᐳᑦ ᓄᓇᖃᕐᕕᒃᓴᖏᓐᓂᒃ ᐆᒪᔪᖁᑎᖏᑕᓗ ᐃᓂᒃᓴᖏᓐᓂᒃ.

ᔮᓱᐊᑉ ᐊᒡᓚᖏᑦ 14:4 Iomraidhean Croise

ᒨᓯᓯ ᓯᕗᓪᓖᑦ 41:51

ᔫᓯᐱᐅᓪᓗ ᐊᑦᓯᕐᐹ ᐊᖓᔪᒃᓯᖅ ᒫᓇᓯᒥᒃ, ᐅᖃᕐᓗᓂ, “ᒎᑎᐅᑉ ᐳᐃᒍᕐᑎᓚᐅᕐᒪᖓ ᐅᖁᒤᓐᓇᕐᑐᒃᑰᕐᓂᕆᓚᐅᕐᑕᓐᓂᒃ ᐊᑖᑕᒪᓗ ᐃᓚᖏᓐᓂᒃ ᑕᒤᓐᓂᒃ.”

ᒨᓯᓯ ᓯᕗᓪᓖᑦ 41:52

ᐂᑉᐸᖓᓕ ᐊᑦᓯᕐᐹ ᐃᕗᕅᒥᒃ, ᐅᖃᕐᓗᓂ, “ᒎᑎᐅᑉ ᐅᓄᕐᓯᑎᒻᒪᖓ ᕿᑐᕐᖏᐅᕐᑎᑦᓱᓂᖓᓗ ᐃᓱᐊᖏᑦᑐᕐᓯᐅᕐᕕᓐᓂ.”

ᒨᓯᓯ ᓯᕗᓪᓖᑦ 46:20

ᔫᓯᐱᓗ ᐃᕐᓂᕐᑖᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ ᒫᓇᓯᒥᒃ ᐃᕗᕅᒥᒥᒡᓗ, ᐊᓯᓇᒃᑯᑦ, ᐸᑎᐱᐊᕋᐅᑉ ᑐᓂᕐᕈᓯᕐᑎᑦᓯᔨᐅᔫᑉ ᐆᓂᒥᐅᑕᐅᑉ ᐸᓂᖓᒍᑦ ᕿᑐᕐᖓᕐᑖᕆᓚᐅᕐᑕᖏᑦ.

ᒨᓯᓯ ᓯᕗᓪᓖᑦ 48:1

ᑕᒪᑐᒪ ᑭᖑᓂᖓᒍᑦ ᔫᓯᐱ ᐅᖃᐅᑦᔭᐅᕗᖅ, “ᑕᑯᒋᑦ, ᐊᑖᑍᑦ ᖃᓂᒪᓕᕐᐳᖅ”; ᑕᕝᕙ ᐃᕐᓃᖕᓂ ᒪᕐᕉᒃ ᐃᓚᒋᓪᓗᒋᒃ, ᒫᓇᓯ ᐃᕗᕅᒥᓗ ᐅᐸᒍᑎᕗᑦ.

ᒨᓯᓯ ᓯᕗᓪᓖᑦ 48:5

“ᒫᓐᓇᓗ ᐃᕐᓃᒃᑭᒃ ᒪᕐᕉᒃ, ᐄᑦᔨᑉᑎᐅᑉ ᓄᓇᖓᓂ ᐃᕐᓂᕐᑖᕆᓚᐅᕐᑖᒃᑭᑦ ᑕᒪᐅᓐᖓᓚᐅᕐᑎᓐᓇᖓ, ᓇᖕᒥᓂᕆᓕᕐᐹᒃᑲᒃ; ᐃᕗᕅᒥ ᒫᓇᓯᓗ ᓇᖕᒥᓂᕆᓂᐊᓕᕐᐹᒃᑲᒃ, ᕉᐱᓂᑐᑦ ᓯᒥᐅᓂᑐᓪᓗ.

ᒨᓯᓯ ᓯᕗᓪᓖᑦ 48:6

ᐃᕐᓂᕐᑖᕆᔪᒫᕐᑕᑎᓪᓕ ᑖᒃᑯᐊᒃ ᑭᖑᕐᖓᓂ ᓇᖕᒥᓂᕐᑖᕆᔪᒫᕐᐸᑎᑦ; ᑍᔭᐅᔪᒫᕐᐳᓪᓗ ᖃᑕᓐᖑᑎᖏᑎᑐᑦ ᑭᖑᕐᖑᑦᔨᔪᒃᓴᐅᖁᓪᓗᒋᑦ ᑖᒃᑯᖕᓇᓐᖓᑦ.

ᑯᕉᓂᑲ ᐂᑉᐸᖏᑦ 30:1

ᕼᐃᓯᑬᐊᓗ ᑎᓕᓯᕗᖅ ᐃᓴᕆᐊᓕᒥᐅᓕᒫᓄᑦ ᔫᑕᒥᐅᓕᒫᓄᓪᓗ, ᑎᑎᕋᕐᓗᓂᓗ ᐃᕗᕅᑎᒥᐅᓄᑦ ᒫᓇᓯᒃᑯᓐᓄᓪᓗ, ᕾᖁᓪᓗᒋᑦ ᐊᑕᓂᐅᑉ ᐃᒡᓗᖓᓄᑦ ᔨᕉᓴᓕᒧᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖁᓪᓗᒋᑦ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓄᑦ.

ᒨᓯᓯ ᓯᑕᒪᖏᑦ 26:28

ᔫᓯᐱᐅᑉ ᐃᕐᓂᖏᓐᓂ ᐃᓚᒌᑦ, ᒫᓇᓯᐅᑉ: ᐃᕗᕅᒥᐅᓪᓗ ᐃᓚᖏᑦ ᐅᑯᐊᖑᕗᑦ.

ᔮᓱᐊᑉ ᐊᒡᓚᖏᑦ 16:4

ᔫᓯᐱᐅᑉ ᑭᖑᕚᖏᑦ, ᐃᕗᕅᑎᐅᓪᓗ ᒫᓇᓯᐅᓪᓗ ᑭᖑᕚᖏᑦ, ᓄᓇᑖᕐᐳᑦ ᑖᒃᑯᓂᖓ ᑭᖑᕐᖑᑎᓕᕐᓗᒍ.