ᔮᓱᐊᑉ ᐊᒡᓚᖏᑦ 14:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑍᑦᓱᒪ ᕼᐃᐸᕋᓐ ᑍᔭᐅᓚᐅᕐᐳᖅ ᑭᕆᐊᑦ-ᐊᕋᐸᐅᑉ ᐃᒡᓗᒐᓴᖏᓐᓂᒃ; ᑖᓐᓇ ᐋᕐᐸ ᐱᔪᓐᓇᕐᓂᕐᐹᖑᓚᐅᕐᑐᖅ ᐊᓇᑭᒥᐅᓂᑦ. ᑭᖑᓂᖓᒍᑦ ᑕᒪᓐᓇ ᓄᓇ ᐅᓇᑕᕐᕕᐅᖏᑦᓯᐊᓕᓚᐅᕐᐳᖅ.

ᔮᓱᐊᑉ ᐊᒡᓚᖏᑦ 14:15 Iomraidhean Croise

ᒨᓯᓯ ᓯᕗᓪᓖᑦ 23:2

ᓵᕋᓗ ᑐᖁᓚᐅᕐᐳᖅ ᓄᓇᒥ ᑭᕆᐊᑦ-ᐊᕋᐸᒥ (ᑍᔭᐅᔪᖅ ᕼᐃᐸᕋᓐᒥᒃ) ᑬᓇᓂᒥ, ᐂᑉᕋᕼᐋᒻᓗ ᐅᐸᒃᓗᒍ ᕿᒃᓵᒍᑎᒋᕚ ᓵᕋ ᕿᐊᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 37:14

ᐅᖃᐅᑎᕚᓗ, “ᑍᒃᑯᓄᓐᖓᓚᐅᕆᑦ, ᑕᑯᔭᕐᑐᕐᓗᑎᑦ ᐊᖓᔪᑎᑦ ᓰᐱᖁᑎᕗᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ; ᐅᑎᕈᕕᑦ ᑐᓴᕐᑎᑦᓱᒫᕋᕕᖓ.” ᑕᕝᕙᓐᖓᑦ ᕼᐃᐸᕋᓂᐅᑉ ᓇᕐᓴᖓᓂᑦ ᑎᓕᖕᒪᒍ, ᓯᑭᒻᒧᐊᓕᕐᐳᖅ.

ᑯᕉᓂᑲ ᓯᕗᓪᓖᑦ 6:4

ᐃᓕᓯᕆ ᐃᕐᓂᕐᑖᕐᐳᖅ ᐱᓂᕼᐋᓯᒥᒃ, ᐱᓂᕼᐊᔅ ᐃᕐᓂᕐᑖᕐᐳᖅ ᐊᐱᓱᐊᒥᒃ;

ᓂᕼᐃᒤᐊᐅᑉ ᐊᒡᓚᖏᑦ 11:25

ᐃᓄᐃᑦ ᐅᓄᕐᑐᑦ ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᕈᕐᓰᕕᖁᑎᖏᑕ ᖃᓂᒋᔭᖓᓂ, ᔫᑕᐅᑉ ᑭᖑᕚᖏᑕ ᐃᓚᖏᑦ ᓄᓇᖃᓚᐅᕐᐳᑦ ᑭᕆᐊᑦ-ᐊᕋᐸᒥ ᖃᓂᒋᔭᓂᓗ ᓄᓇᓕᐅᔪᓂ, ᑎᐴᓂᒥᓗ ᖃᓂᒋᔮᓂᓗ ᓄᓇᓕᐅᔪᓂ, ᔨᑲᐱᔨᐅᓪᒥᓗ ᖃᓂᒋᔭᓂᓗ ᓄᓇᓕᐅᔪᓂ;

ᔮᓱᐊᑉ ᐊᒡᓚᖏᑦ 11:23

ᑕᕝᕙ ᔮᓱᐊᑉ ᓄᓇᓕᒫᖅ ᓄᓇᑖᕆᓚᐅᕐᐹ, ᑍᒫᒃ ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ; ᔮᓱᐊᓪᓗ ᐃᓴᕆᐊᓕᒥᐅᓄᑦ ᓇᖕᒥᓂᕐᑖᕆᔭᐅᑎᓚᐅᕐᐹ, ᐊᕕᒃᑐᕐᑕᐅᑎᓪᓗᒍᓗ ᑭᖑᕙᕇᓄᑦ. ᑭᖑᓂᖓᒍᓪᓗ ᐅᓇᑕᕈᓐᓃᑍᓐᓇᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 14:14

ᕼᐃᐸᕋᓐᓗ ᓱᓕ ᐅᓪᓗᒥ ᓄᓇᒋᔭᐅᕗᖅ ᑬᓚᐱᐅᑉ ᑭᖑᕚᖏᓐᓄᑦ ᔨᐳᓂᐊᐅᑉ ᐃᕐᓂᖓᓄᑦ ᑍᔭᐅᔪᖅ ᑭᓂᔧᑦᒥᒃ ᑖᒃᑯᓄᖓ ᑭᖑᕐᖑᑎᔭᐅᖁᓪᓗᒍ, ᓱᓕᑦᓯᐊᕐᑐᒥᒃ ᓈᓚᓚᐅᕐᓂᖓᓄᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ.

ᔮᓱᐊᑉ ᐊᒡᓚᖏᑦ 15:13

ᐊᑕᓂᐅᑉ ᔮᓱᐊᒥᒃ ᐱᖁᔨᓂᖓ ᒪᓕᒡᓗᒍ, ᔫᑕᐅᑉ ᓄᓇᖁᑎᖓᑕ ᐃᓚᖓ ᑐᓂᔭᐅᕗᖅ ᑬᓚᐱᒧᑦ ᔨᐳᓂᐊᐅᑉ ᐃᕐᓂᖓᓄᑦ, ᑭᕆᐊᑦ-ᐊᕋᐸᒥᒃ ᑖᓐᓇ ᕼᐃᐸᕋᓐᖑᕗᖅ, (ᑖᓐᓇ ᐋᕐᐸ ᐊᓇᑭᒃᑯᑦ ᐊᑖᑕᒋᓚᐅᕐᐹᑦ).

ᔮᓱᐊᑉ ᐊᒡᓚᖏᑦ 21:11

ᑐᓂᔭᐅᕗᑦ ᐃᒡᓗᒐᓴᖕᓂᒃ ᑭᕆᐊᑦ-ᐊᕋᐸᒥᒃ (ᑖᓐᓇ ᐋᕐᐸ ᐋᓇᑭᐅᑉ ᐊᑖᑕᒋᓚᐅᕐᑕᖓ), ᒫᓐᓇ ᑍᔭᐅᔪᖅ ᕼᐃᐸᕋᓐᒥᒃ, ᔫᑕᐅᑉ ᓄᓇᖓᓂ ᖃᖅᑲᓃᑦᑐᖅ, ᓄᓇ ᐱᕈᕐᑐᓕᒃ ᐊᕙᑖᓃᑦᑐᖅ ᐃᓚᒋᔭᐅᑎᓪᓗᒍ.

ᔮᓱᐊᑉ ᐊᒡᓚᖏᑦ 21:12

ᐃᒡᓗᒐᓮᓪᓕ ᐱᕈᕐᓰᕕᖏᑦ ᑕᕝᕙᓃᑦᑐᖅ ᓄᓇᓖᓪᓗ ᑐᓂᔭᐅᔭᕇᕐᓯᒪᕗᑦ ᑬᓚᐱᐅᑉ ᐃᕐᓂᖓᓄᑦ ᔨᐳᓂᐊᒧᑦ ᐱᖁᑎᒋᔭᐅᓪᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 1:20

ᒨᓯᓯᐅᑉ ᐱᖁᔨᓂᕆᓚᐅᕐᑕᖓ ᒪᓕᒡᓗᒍ ᕼᐃᐸᕋᓐ ᑐᓂᔭᐅᓚᐅᕐᐳᖅ ᑬᓚᐱᒧᑦ, ᓵᓚᖃᓚᐅᕐᒪᑦ ᐊᐅᓪᓚᕐᑎᑦᓯᓪᓗᓂ ᐱᖓᓱᐃᓂᒃ ᐃᓚᒌᓂᒃ ᐊᓇᑭᐅᑉ ᑭᖑᕚᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 3:11

ᓄᓇᒥᓗ ᐅᓇᑕᕐᓂᖃᕈᓃᓚᐅᕐᐳᑦ ᐊᕐᕌᒍᓂᒃ 40ᓂᒃ, ᑭᖑᓂᐊᒍᓪᓗ ᐅᑎᓂ-ᐅᓪ ᑮᓇᑦᔨᐅᑉ ᐃᕐᓂᖓ ᑐᖁᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 3:30

ᐅᓪᓗᒥᒃ ᑍᑦᓱᒪᓂ ᐃᓴᕆᐊᓕᒥᐅᑦ ᓵᓚᖃᓚᐅᕐᐳᑦ ᒧᐊᐱᒥᐅᓂᒃ, ᓄᓇᖓᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 80ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 5:31

ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ. ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ! ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 8:28

ᒥᑎᐊᓂᒥᐅᑦ ᓵᓚᐅᕗᑦ ᐃᓴᕆᐊᓕᒥᐅᓄᑦ, ᓯᕘᕋᓇᕈᓃᓚᐅᕐᐳᑦ ᒪᑭᒃᑲᓐᓂᕈᓐᓃᕐᓗᑎᒡᓗ. ᓄᓇᒥᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 40ᓂᒃ ᒋᑎᐅᓂᐅᑉ ᑐᖁᓂᖓ ᑎᑭᓪᓗᒍ.

ᓴᒧᐃᓕ ᓯᕗᓪᓖᑦ 30:31

ᕼᐃᐸᕋᓐᒥᐅᓄᑦ, ᓄᓇᓕᓕᒫᓄᑦ ᑐᓂᓯᓚᐅᕐᐳᑦ ᑍᕕᑎᐅᑉ ᐃᓚᖏᑕᓗ ᐅᐸᖃᑦᑕᓚᐅᕐᑕᓕᒫᖏᓐᓄᑦ.