ᔮᓱᐊᑉ ᐊᒡᓚᖏᑦ 13:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓄᓇᖁᑎᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᖅ ᐃᓚᒋᔭᐅᓪᓗᓂ ᒪᓂᕅᓐᓇᕐᒥᐅᑦ ᒥᑎᐸᒥᑦ ᐱᒋᐊᕐᓗᓂ ᑎᐴᓂᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:9 Iomraidhean Croise

ᓴᒧᐃᓕ ᐂᑉᐸᖏᑦ 24:5

ᔪᐊᕐᑕᓂᐅᑉ ᑰᖓᓂᒃ ᐃᑳᕋᒥᒃ ᑕᖕᒫᓚᐅᕐᐳᑦ ᐊᕈᐃᕆᐅᑉ ᓯᕿᓂᖓᓂ, ᐃᒡᓗᒐᓴᒡᔪᐊᓂ ᓇᕐᓴᐅᑉ ᕿᑎᐊᓃᑦᑐᒥ, ᒑᑦ ᓄᓇᖓᓂᑦ ᑍᑲᓐᖓᑦ ᐱᓪᓗᑎᒃ ᔧᔨᕆᒧᐊᓚᐅᕐᐳᑦ.

ᑯᕉᓂᑲ ᓯᕗᓪᓖᑦ 19:7

ᐊᑭᓖᕗᑦ ᐊᑐᕈᒪᓪᓗᑎᒃ 32,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, ᒫᑲᐅᑉ ᐊᖓᔪᖅᑳᕐᔪᐊᖓ ᐱᖃᑕᐅᓪᓗᓂ ᐅᓇᑕᕐᑐᒃᓴᖁᑎᖏᓪᓗ, ᑕᖕᒫᕐᐳᓪᓗ ᒥᑎᐸᐅᑉ ᖃᓂᒋᔮᓂ. ᐊᒧᓁᑎᒥᐅᓪᓗ ᐃᒡᓗᒐᓴᖕᓂᓐᖔᕐᓗᑎᒃ ᐅᓇᑕᕆᐊᓕᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 11:25

ᐃᓄᐃᑦ ᐅᓄᕐᑐᑦ ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᕈᕐᓰᕕᖁᑎᖏᑕ ᖃᓂᒋᔭᖓᓂ, ᔫᑕᐅᑉ ᑭᖑᕚᖏᑕ ᐃᓚᖏᑦ ᓄᓇᖃᓚᐅᕐᐳᑦ ᑭᕆᐊᑦ-ᐊᕋᐸᒥ ᖃᓂᒋᔭᓂᓗ ᓄᓇᓕᐅᔪᓂ, ᑎᐴᓂᒥᓗ ᖃᓂᒋᔮᓂᓗ ᓄᓇᓕᐅᔪᓂ, ᔨᑲᐱᔨᐅᓪᒥᓗ ᖃᓂᒋᔭᓂᓗ ᓄᓇᓕᐅᔪᓂ;

ᐂᓮᐊᓯᐅᑉ ᐊᒡᓚᖏᑦ 15:2

ᑎᐴᓂᒥᐅᑦ ᒎᑎᓐᖑᐊᒥᖕᓄᑦ ᑐᒃᓯᐊᕐᕕᖕᒥᖕᓄᑦ ᒪᔪᕋᕐᐳᑦ ᐱᖒᑉ ᖄᖓᓃᑦᑐᒧᑦ ᕿᐊᔭᕐᑐᕐᓗᑎᒃ; ᒧᐊᐱᒥᐅᑦ ᓂᐱᖅᑯᕐᑐᓪᓗᑎᒃ ᕿᐊᖓᔭᒃᐳᑦ ᓂᐴᒥᐅᓂᒃ ᒥᑎᐸᒥᐅᓂᒡᓗ ᐱᑦᔪᑎᖃᕐᓗᑎᒃ. ᓂᐊᖁᑎᒃ ᓴᓕᕔᑦ ᐅᓐᖏᔭᕐᓗᑎᒡᓗ ᕿᒃᓵᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 48:18

ᑎᐴᓂᒥ ᓄᓇᖃᕐᑐᓯ, ᓂᕐᑐᕐᓇᕐᕕᑦᓯᓐᓂᑦ ᐊᖅᑲᕐᓗᓯ, ᒪᓂᖅᑲᒥ ᓄᓇᔭᖃᖏᑦᑐᒥ ᐃᒃᓯᕚᓕᕆᑦᓯ, ᒧᐊᐱᒥᐅᓂᒃ ᐊᓯᕈᐃᔭᕐᑐᕐᑐᓄᑦ ᑎᑭᑕᐅᓕᕐᐳᓯ, ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᔪᑦ ᓯᖁᑦᑎᕐᑕᐅᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 48:22

ᑎᐴᓂᒥᐅᓄᑦ, ᓂᐴᒥᐅᓄᑦ, ᐱᑦ-ᑍᑉᓚᑍᒻᒥᐅᓄᓪᓗ,

ᔨᕆᒤᐊᐅᑉ ᐊᒡᓚᖏᑦ 48:8

ᐊᓯᕈᐃᔨ ᑎᑭᑦᓱᒫᕐᒪᑦ ᓄᓇᓕᓕᒫᓄᑦ, ᓄᓇᓕᖕᓂᒃ ᑎᑭᑕᐅᖏᑦᑐᖃᕐᓂᐊᓐᖏᓚᖅ, ᓇᕐᓴᖅ ᓇᔪᕐᑕᓕᒫᖓᑦ ᐱᐅᔪᓐᓃᕐᑎᑕᐅᔪᒫᕐᐳᖅ, ᓇᑎᕐᓈᕐᓗ ᐊᓯᕈᕐᑕᐅᖕᒥᓗᓂ, ᐊᑕᓂᖅ ᑍᒫᒃ ᐅᖃᕐᐳᖅ.

ᒨᓯᓯ ᓯᑕᒪᖏᑦ 21:30

ᐅᕙᒍᓪᓕ ᓵᓚᒋᓚᐅᕐᐸᕗᑦ; ᕼᐃᓴᐸᓂ ᐊᓯᕈᕐᓯᒪᕗᖅ ᑎᐴᓂ ᑎᑭᓪᓗᒍ. ᓄᓇ ᓯᖁᑦᑎᓚᐅᕐᐸᕗᑦ ᓅᐸ ᑎᑭᓪᓗᒍ, ᑕᒪᓐᓇ ᑎᑭᐅᒪᔪᖅ ᒥᑎᐸ ᑎᑭᓪᓗᒍ.”

ᒨᓯᓯ ᑕᓪᓕᒪᖏᑦ 2:36

ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 3:12

“ᑍᑦᓱᒪᓂᐅᑎᓪᓗᒍᓕ ᓄᓇᑖᕋᑦᑕ ᑕᒪᑐᒥᖓ, ᑕᒪᓐᓇ ᓄᓇᑖᕆᔭᐅᑎᓚᐅᕐᐸᕋ ᐊᒡᒍᕐᑕᐅᑎᓪᓗᒍ ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᓚᐅᕐᐳᖅ ᓄᓇᓕᖕᓂᑦ ᐊᕈᐃᕆᒥᐅᓂᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᑕ ᖃᓂᒋᔮᓄᑦ ᑎᑭᓯᒪᓪᓗᓂ ᓄᓇᓖᓪᓗ ᒋᓕᐊᑎᐅᑉ ᖃᖅᑲᖏᑦ ᐱᖃᓯᐅᑎᒐᓚᒃᓱᒋᑦ, ᐃᒡᓗᒐᓴᖏᓪᓗ ᐱᖃᓯᐅᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 3:16

ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᑎᓚᐅᕆᕙᕋ ᓄᓇᒥᑦ ᒋᓕᐊᑎᒥᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᓄᑦ ᑎᑭᓪᓗᒍ. ᑕᒪᑐᒪ ᑰᑉ ᕿᑎᖓᓂᑦ ᐱᒋᐊᕐᓗᒍ ᑕᒪᓐᓇ ᓯᕿᓂᐅᑉ ᓇᓛᓃᓐᓂᕐᐹᑉ ᑭᒡᓕᒋᔭᐅᓚᐅᕐᐳᖅ, ᑕᒫᓐᖓᓪᓗ ᐱᒋᐊᕐᓗᒍ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐃᓱᒋᓚᐅᕆᕚ ᔭᐴᑭᐅᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᖓᑕ ᑭᒡᓕᒋᓚᐅᕐᑕᖓᑕ ᐃᓚᖓᓄᑦ ᑎᑭᐅᒪᓪᓗᓂ.

ᔮᓱᐊᑉ ᐊᒡᓚᖏᑦ 12:2

ᐊᖓᔪᖅᑳᕐᔪᐊᖅ ᓮᕼᐆᓂᒥᒃ ᐊᒧᕅᑎᑦ ᐊᖓᔪᖅᑳᕐᔪᐊᖓᑦ ᐊᐅᓚᑦᓯᔪᖅ ᕼᐃᓴᐸᓂᒥᒃ, ᐊᖓᔪᖅᑲᐅᓂᖓ ᐊᐅᓚᑦᓯᕕᖃᓚᐅᕐᐳᖅ ᐊᕈᐃᕆᒥ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ ᐃᒡᓗᒐᓴᖕᓂᑦ ᓇᕐᓴᐅᑉ ᕿᑎᐊᓃᑦᑐᒥᑦ, ᔭᐴᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᒋᓚᐅᕐᒪᒍ, ᒋᓕᐊᑎᐅᑉ ᕿᑎᖅᑲᓕᒫᖓ,

ᔮᓱᐊᑉ ᐊᒡᓚᖏᑦ 13:10

ᑎᑭᐅᒪᓪᓗᓂ ᐊᒧᕅᑎᑦ ᓄᓇᖓᑕ ᑭᒡᓕᖓᓄᑦ ᐃᒡᓗᒐᓮᓪᓗ ᐊᐅᓚᑕᐅᓯᒪᔪᑦ ᐊᖓᔪᖅᑳᕐᔪᐊᒧᑦ ᓮᕼᐆᓂᒧᑦ ᐊᒧᓁᑎᒥᐅᑕᕐᒧᑦ, ᐊᐅᓚᑦᓯᕕᖃᕐᑐᒧᑦ ᕼᐊᓴᐸᓂᒥ.

ᔮᓱᐊᑉ ᐊᒡᓚᖏᑦ 13:16

ᓄᓇᑖᕆᔭᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓃᑦᑐᒥᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᑦ, ᐃᓚᑲᕐᓗᑎᒃ ᒪᓂᕅᓐᓇᕐᒦᑦᑐᓂᒃ ᒥᑎᐸᒦᑦᑐᓂᒃ.

ᔮᓱᐊᑉ ᐊᒡᓚᖏᑦ 13:8

ᕉᐱᓂᐅᑉ ᑭᖑᕚᖏᑦ ᒑᑎᐅᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓄᓇᑖᕇᓚᐅᕐᓯᒪᖕᒪᑕ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᒪᒋᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓂ ᓄᓇᑖᕐᓯᒪᖕᒪᑕ.