ᔮᓱᐊᑉ ᐊᒡᓚᖏᑦ 13:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᕉᐱᓂᐅᑉ ᑭᖑᕚᖏᑦ ᒑᑎᐅᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓄᓇᑖᕇᓚᐅᕐᓯᒪᖕᒪᑕ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᒪᒋᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓂ ᓄᓇᑖᕐᓯᒪᖕᒪᑕ.

ᔮᓱᐊᑉ ᐊᒡᓚᖏᑦ 13:8 Iomraidhean Croise

ᒨᓯᓯ ᓯᑕᒪᖏᑦ 32:19

ᓄᓇᑖᖃᑎᒋᓂᐊᖏᓐᓇᑦᑎᒍ ᔪᐊᕐᑕᓂᐅᑉ ᐊᑭᐊᓂ ᐅᖓᑖᓂᓘᓐᓃᑦ, ᓄᓇᑖᕆᔭᒃᓴᕗᑦ ᑕᒫᓃᒻᒪᑦ ᔪᐊᕐᑕᓂᐅᑉ ᑕᓕᕐᐱᖓᓂ.”

ᒨᓯᓯ ᑕᓪᓕᒪᖏᑦ 3:8

“ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖕᓂᑦ ᒪᕐᕉᖕᓂᑦ ᐊᒧᕅᑎᒥᐅᖕᓂᑦ ᓄᓇᑖᓚᐅᕐᐳᒍᑦ ᑰᑉ ᔪᐊᕐᑕᓂᐅᑉ ᑕᓕᕐᐱᐊᓃᑦᑐᓕᒫᖅ ᐊᑕᖏᕐᓗᒍ, ᐋᕐᓄᓂᐅᑉ ᑰᖓᓂᑦ ᐱᒋᐊᕐᓗᒍ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 12:1

ᐅᑯᐊ ᑕᕝᕙ ᑕᒫᓂ ᓄᓇᓕᖕᓂ ᐊᖓᔪᖅᑳᕐᔪᐊᕆᔭᐅᓚᐅᕐᑐᑦ, ᐃᓴᕆᐊᓕᒥᐅᓄᑦ ᓵᓚᐅᓚᐅᕐᑐᑦ, ᓄᓇᖓᓐᓂᒡᓗ ᓄᓇᖃᓕᕐᓗᑎᒃ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᖓᓃᑐᒥᒃ, ᐱᒋᐊᕐᓗᓂ ᐋᕐᓄᓂᐅᑉ ᓇᕐᓴᖓᓂᑦ ᑲᖏᒧᑦ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 12:6

ᑖᒃᑯᐊᒃ ᐊᖓᔪᖅᑳᕐᔪᐊᑦ ᒨᓯᓯᐅᑉ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ; ᒨᓯᓯ ᐊᑕᓂᐅᑉ ᐱᔨᖓ ᓄᓇᑖᕐᑎᑦᓯᓚᐅᕐᐳᖅ ᑕᒪᑐᒥᖓ ᕉᐱᓂᐅᑉ ᑭᖑᕚᖏᓐᓂᒃ, ᒑᑎᐅᓪᓗ ᑭᖑᕚᖏᓐᓂᒃ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓂᒃ, ᓄᓇᒥᒃ ᑕᒪᑐᒥᖓ ᓇᖕᒥᓂᖃᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 13:7

ᑍᒤᒻᒪᑦ ᒫᓐᓇ, ᓄᓇ ᐊᕕᒃᑐᕐᑕᐅᑎᓕᕈᒃ ᑭᖑᕚᕇᓄᑦ 9ᓄᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓄᑦ, ᓇᖕᒥᓂᕐᑖᕆᔭᐅᖁᓪᓗᒍ.”

ᔮᓱᐊᑉ ᐊᒡᓚᖏᑦ 13:9

ᓄᓇᖁᑎᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᖅ ᐃᓚᒋᔭᐅᓪᓗᓂ ᒪᓂᕅᓐᓇᕐᒥᐅᑦ ᒥᑎᐸᒥᑦ ᐱᒋᐊᕐᓗᓂ ᑎᐴᓂᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 22:4

ᒫᓐᓇᓕ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ, ᒥᕐᖑᐃᕐᓯᕐᕕᖕᒥᒃ ᑐᓂᓚᐅᕐᐰᑦ ᐃᓴᕆᐊᓕᒥᐅᖑᖃᑎᓯ; ᑕᒪᓐᓇ ᐊᖏᕈᑎᒋᓯᒪᖕᒪᒍ ᑖᒃᑯᓄᖓ; ᑍᒤᒻᒪᑦ, ᐊᖏᕐᕋᓕᕆᑦᓯ ᓄᓇᒧᑦ ᓇᖕᒥᓂᕐᑖᕆᓚᐅᕐᑕᑦᓯᓐᓄᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖓᓄᑦ ᓄᓇᒧᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 4:12

ᕉᐱᓂᐅᑉ ᑭᖑᕚᖏᑦ, ᒑᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑦᑕ ᐊᕝᕙᖏᑦ ᑖᒃᑯᐊ ᐅᓇᑕᐅᑎᓖᑦ ᐃᑳᖅᑳᓚᐅᕐᐳᑦ ᐊᑐᐃᓐᓇᐅᓪᓗᑎᒃ ᐅᓇᑕᕐᓂᕐᒧᑦ, ᒨᓯᓯᐅᑉ ᑍᒫᒃ ᐅᖃᐅᑎᓚᐅᕐᓯᒪᖕᒪᒋᑦ.

ᓴᒧᐃᓕ ᓯᕗᓪᓖᑦ 13:7

ᐊᓯᖏᑦ ᔪᐊᕐᑕᓂᐅᑉ ᑰᖓᒍᑦ ᐃᑳᕐᐳᑦ ᒑᓪᓗ ᒋᓕᐊᑎᓪᓗ ᓄᓇᖓᓄᑦ. ᓴᐅᓕᓕ ᓱᓕ ᒋᐅᓪᒐᐅᓪᒦᑉᐳᖅ, ᐃᓚᒋᔭᖏᓪᓗ ᐃᓄᐃᑦ ᑕᕝᕙᓃᑉᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ.