ᔮᓱᐊᑉ ᐊᒡᓚᖏᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒋᐸᐅᓕᐅᑉ ᑭᖑᕚᖓᑕ ᓄᓇᖓ, ᓕᐸᓇᓂᒥᐅᓕᒫᓪᓗ ᓯᕿᓂᐅᑉ ᓄᐃᕕᖓᓄᑦ, ᐰᓕ-ᒑᑦᒥᑦ ᐱᒋᐊᕐᓗᒍ, ᖃᖅᑲᐅᑉ ᕼᐊᕐᒪᓂᐅᑉ ᓯᕿᓂᖓᓂᑦ, ᕼᐊᒫᑎᒧᑦ ᐃᑎᕆᐊᕐᕕᖓ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:5 Iomraidhean Croise

ᐊᑕᓃᑦ ᓯᕗᓪᓖᑦ 5:18

ᓲᓗᒨᓂᐅᑉ ᕼᐂᕋᒻᓗ ᓴᓇᔨᖁᑎᖏᑦ ᐃᒡᓗᒐᓴᖕᓂ ᒋᐸᐅᓕᒥᐅᑍᑦ ᐅᔭᕋᒃᔪᐊᓂᒃ ᐋᖅᑭᒃᓱᐃᕗᑦ ᐱᐅᔪᒻᒪᕆᖕᓂᒃ ᕿᔪᖕᓂᒡᓗ ᑐᒃᓯᐊᕐᕕᒡᔪᐊᒧᑦ ᐃᓚᒋᔭᐅᓂᐊᕐᑐᓂᒃ.

ᐊᑕᓃᑦ ᓯᕗᓪᓖᑦ 8:65

ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ.

ᐃᓐᖏᕈᑎᑦ 83:7

ᒋᐸᐅᓕᒥᐅᑦ ᐊᒧᓁᒥᐅᓪᓗ ᐊᒫᓕᑬᒥᐅᓪᓗ, ᐱᓕᔅᑎᐊᒥᐅᓪᓗ ᑍᕆᒥᐅᓂᒃ ᐃᓚᖃᕐᓗᑎᒃ;

ᐂᓮᐊᓯᐅᑉ ᐊᒡᓚᖏᑦ 10:9

ᑳᓪᓄ ᑳᕐᓯᒥᓯᑐᑦ ᑍᒤᓐᖏᓛᖅ? ᕼᐊᒫᑎ ᐋᕐᐹᑎᑐᑦ ᑍᒤᓐᖏᓛᖅ? ᓴᒥᐊᕆᐊ ᑕᒫᓯᑰᓯᑐᑦ ᑍᒤᓐᖏᓛᖅ?

ᔨᕆᒤᐊᐅᑉ ᐊᒡᓚᖏᑦ 52:9

ᔨᑎᑬᐊᓗ ᑎᒍᔭᐅᕗᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓇᔪᕐᑕᖓᓄᑦ ᐋᑕᐅᕗᖅ ᕆᑉᓚᒦᑎᓪᓗᒍ ᕼᐊᒫᑎᐅᑉ ᓄᓇᖓᓂ, ᐃᖅᑲᕐᑐᕐᐹᓗ.

ᐃᓯᑭᐊᓕᐅᑉ ᐊᒡᓚᖏᑦ 27:9

ᐊᖓᔪᖅᑳᖃᕐᐳᓯ ᕿᔪᓕᕆᔨᖁᑎᖃᕐᓗᓯᓗ ᐃᓕᓐᓂᐊᕐᓯᒪᑦᓯᐊᕐᑐᓂᒃ ᒋᐸᐅᓕᒥᑦ ᐱᓯᒪᔪᓂᒃ; ᐅᒥᐊᕐᑐᕐᑎᖁᑎᖃᐅᕐᓗᓯᓗ ᓇᑭᑐᐃᓐᓇᖅ ᐅᒥᐊᕐᑐᕐᑎᒋᔭᐅᕙᖕᓂᑯᓂᒃ, ᓂᐅᕕᕐᕕᖁᑎᑦᓯᓐᓂᒃ ᒪᑭᑕᑎᑦᓯᑦᓯᐊᕈᓐᓇᕐᑐᓂᒃ.

ᐂᒨᓯᐅᑉ ᐊᒡᓚᖏᑦ 6:2

ᐂᓕᕆᑦᓯ ᐃᒡᓗᒐᓴᖕᓄᑦ ᑳᓪᓂᒧᑦ ᑕᑯᓗᓯᐅᒡᓗ, ᑍᑲᓐᖓᓪᓗ ᐃᒡᓗᒐᓴᒡᔪᐊᓄᑦ ᕼᐊᒫᑎᒧᑦ; ᑕᐅᓄᖓᓗ ᐃᒡᓗᒐᓴᖕᓄᑦ ᒑᑎᒧᑦ ᐱᓕᔅᑍᓂᒥᐅᓄᑦ. ᐊᖓᔪᖅᑲᐅᕕᖏᑦ ᐱᐅᓂᕐᓴᐅᕚ ᐊᖓᔪᖅᑲᐅᕕᑦᓯᓐᓂᑦ? ᓄᓇᖁᑎᖏᓪᓗ ᐊᖏᓂᕐᓴᐅᕚᑦ ᓄᓇᖁᑎᑦᓯᓃᑦ?

ᒨᓯᓯ ᓯᑕᒪᖏᑦ 13:21

ᐂᓚᐅᕐᐳᑦ ᐃᔨᕋᕐᑐᕐᓗᑎᒃ ᓄᓇ ᕿᒥᕐᕈᔭᕐᑐᕐᓗᒍ ᐃᓄᖃᖏᑦᑐᒥᑦ ᔨᓐᒥᒃ ᐊᑎᓕᖕᒥᑦ ᐱᒋᐊᕐᓗᑎᒃ ᕅᕼᐊᐱ ᑎᑭᓪᓗᒍ, ᕼᐊᒫᑎ ᐃᑎᕐᑕᕐᕕᐅᑉ ᖃᓂᑕᖓᓂ.

ᒨᓯᓯ ᓯᑕᒪᖏᑦ 34:8

ᖃᖅᑲᖅ ᕼᐆᕆᒥᑦ ᑭᒡᓕᖓᓂᒃ ᓇᓗᓁᕐᓯᓗᓯ ᕼᐊᒫᑎᐅᑉ ᐃᑎᕆᐊᕐᕕᖓ ᑎᑭᓪᓗᒍ; ᑭᒡᓕᓕᐅᕐᑕᓯ ᔨᑖᑎ ᑐᕌᕐᓗᒍ;

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᒨᓯᓯ ᑕᓪᓕᒪᖏᑦ 3:25

ᐊᑕᓃᖅ, ᐃᑳᕈᓐᓇᕐᑎᓚᐅᓐᖓ ᑰᖕᒥᒃ ᔪᐊᕐᑕᓂᒥᒃ, ᓄᓇᓗ ᐱᕈᕐᑐᖃᑦᓯᐊᕐᑐᖅ ᑕᑯᓗᒍ ᑕᒪᑐᒪ ᑰᑉ ᐊᑭᐊᓃᑦᑐᖅ, ᖃᖅᑬᓪᓗ ᑕᑯᒥᓇᕐᓂᐊᓗᖏᓐᓂᒃ ᑕᑯᑎᓪᓗᖓ ᓕᐸᓇᓂᐅᓪᓗ ᖃᖅᑲᖏᓐᓂᒃ.’

ᔮᓱᐊᑉ ᐊᒡᓚᖏᑦ 11:17

ᓄᓇᖁᑎᖓ ᑎᑭᐅᒪᕗᖅ ᖃᖅᑲᒥᑦ ᕼᐊᓚᒃᒥᑦ ᐱᒋᐊᕐᓗᒍ ᓰᐊᕆᐅᑉ ᒥᒃᓵᓄᑦ, ᐰᓕ-ᒑᑦᒧᑦ ᑎᑭᓪᓗᒍ, ᓕᐸᓇᓂᐅᑉ ᓇᕐᓴᖓᓄᑦ ᖃᖅᑲᒧᑦ ᕼᐊᕐᒪᓐ ᓯᕿᓂᖓᓄᑦ. ᐊᖓᔪᖅᑳᕐᔪᐊᓕᒫᖏᑦ ᓵᓚᒋᓚᐅᕐᐰᑦ, ᑐᖁᓪᓗᒋᓪᓗ.

ᔮᓱᐊᑉ ᐊᒡᓚᖏᑦ 11:3

ᐅᖃᕆᐊᕐᑐᕐᑎᑦᓯᓚᐅᕆᕗᖅ ᑬᓇᓂᒥᐅᓄᑦ ᔪᐊᕐᑕᓂᐅᓪᓗ ᑰᖓᑕ ᓯᓈᓃᑦᑐᓄᑦ, ᐊᒧᕅᒥᐅᓄᑦ, ᕼᐃᑍᑎᒥᐅᓄᑦ, ᐱᕆᔧᑎᒥᐅᓄᑦ, ᔨᐳᓮᑎᒥᐅᓄᑦ ᖃᖅᑲᓃᑦᑐᓄᑦ, ᕼᐃᕔᑎᑎᒥᐅᓄᓪᓗ ᓄᓇᓕᖕᓄᑦ ᓇᑎᕐᓇᒥ ᖃᖅᑲᐅᑉ ᕼᐊᕐᒪᓐ ᐊᑖᓃᑦᑐᓄᑦ ᒥᔅᐸᒥᐅᑦ ᓄᓇᖓᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 12:7

ᔮᓱᐊᑉ ᐃᓴᕆᐊᓕᒥᐅᓪᓗ ᐃᓄᖏᑕ ᐊᖓᔪᖅᑳᕐᔪᐊᓕᒫᑦ ᔪᐊᕐᑕᓂᐅᑉ ᓯᕿᓂᖓᑕ ᓂᐱᕕᐊᑕ ᓇᓛᓂ ᓄᓇᖃᕐᑐᑦ ᓵᓚᒋᓚᐅᕐᐰᑦ, ᐱᒋᐊᕐᓗᑎᒃ ᐰᓕ-ᒑᑦᒥᑦ ᓕᐸᓇᓂᐅᑉ ᓇᕐᓴᖓᓂᑦ ᖃᖅᑲᒧᑦ ᕼᐊᓚᒃᒧᑦ ᑎᑭᓪᓗᒍ, ᓰᐊᕆᐅᑉ ᖃᓂᒋᔮᓄᑦ, ᔮᓱᐊᑉ ᓄᓇ ᑕᒪᓐᓇ ᐊᕕᒃᑐᕐᑕᐅᑎᓚᐅᕐᐹ ᑭᖑᕚᕇᓄᑦ ᓇᖕᒥᓂᕐᑕᕆᔭᐅᖁᓪᓗᒍ.