ᔮᓱᐊᑉ ᐊᒡᓚᖏᑦ 13:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᒨᓯᓯᓕ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ ᓄᓇᒥᒃ ᑭᖑᕐᖑᑎᔭᐅᔪᒃᓴᒥᒃ; ᐅᖃᐅᑎᓚᐅᕐᐰᓪᓕ ᑐᓂᕐᕈᑏᑦ ᐃᓚᖏᓐᓂᒃ ᐱᖃᑦᑕᖁᓪᓗᒋᑦ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓄᑦ ᑐᓂᔭᐅᔪᓂᑦ, ᑕᒪᓐᓇ ᑭᖑᕐᖑᑎᔭᒃᓴᐅᖁᓪᓗᒍ ᑖᒃᑯᓄᖓ.

ᔮᓱᐊᑉ ᐊᒡᓚᖏᑦ 13:33 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 44:28

“ᑭᖑᕐᖑᑎᔭᒃᓴᖃᕐᑐᒃᓴᐅᓐᖏᓚᑦ; ᐅᕙᖓ ᑖᒃᑯᓄᖓ ᑭᖑᕐᖑᑎᔭᒃᓴᕆᔭᐅᒐᒪ; ᓄᓇᖁᑎᑖᕐᑎᑕᒃᓴᕆᓐᖏᓚᑎᑦ ᐃᓴᕆᐊᓕᒥᐅᑦ ᓄᓇᖓᓂ; ᐅᕙᖓ ᑖᒃᑯᓇᓐᖓᑦ ᐱᖁᑎᒋᔭᐅᒐᒪ.

ᒨᓯᓯ ᓯᑕᒪᖏᑦ 18:20

ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᒨᓯᓯ ᑕᓪᓕᒪᖏᑦ 10:9

ᑍᒤᒻᒪᑦ ᑕᕝᕙ ᑖᒃᑯᐊ ᓕᕔᒃᑯᑦ ᑭᖑᕚᖏᑦ ᓄᓇᖁᑎᑖᕐᓯᒪᖏᑦᑐᑑᕗᑦ ᐊᓯᖏᑎᑐᑦ ᑭᖑᕚᕇᑎᑐᑦ; ᑭᓯᐊᓂᓕ ᐱᑎᑕᐅᖔᓚᐅᕐᐳᑦ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᑍᒫᒃ ᐊᑕᓂᖅ ᒎᑎᓯ ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.)

ᔮᓱᐊᑉ ᐊᒡᓚᖏᑦ 13:14

ᒨᓯᓯᓕ ᓕᕔᑦ ᑭᖑᕚᖏᓐᓂᒃ ᓄᓇᑖᕐᑎᑦᓯᓚᐅᓐᖏᓚᖅ, ᑍᒫᒃ ᐊᑕᓂᐅᑉ ᐅᖃᐅᑎᓚᐅᕐᒪᒍ, ᐃᓴᕆᐊᓕᒥᐅᓪᓕ ᐊᑕᓂᖓᓄᑦ ᒎᑎᒧᑦ ᑐᓂᕐᕈᓯᕐᓂᒃᑯᑦ ᐃᑯᐊᓚᑎᑦᓯᓪᓗᑎᒃ ᑕᒪᑐᒥᖓ ᑭᖑᕐᖑᑦᔨᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 13:32

ᑍᒫᒃ ᑕᕝᕙ ᒨᓯᓯᐅᑉ ᓄᓁᑦ ᐊᕕᒃᑐᕐᑕᐅᑎᓚᐅᕐᐰᑦ ᔨᕆᑰᑉ ᓯᕿᓂᖓᑕ ᓄᐃᕕᐊᓃᑦᑐᑦ ᔪᐊᕐᑕᓂᐅᑉ ᐊᑭᐊᓂ, ᒧᐊᐱᒥᐅᑦ ᓇᑎᕐᓇᖏᓐᓃᑐᑦ.

ᔮᓱᐊᑉ ᐊᒡᓚᖏᑦ 18:7

ᓕᕔᒃᑯᓪᓕ ᑭᓯᐊᓂ ᓄᓇᑖᕐᓂᐊᓐᖏᓚᑦ ᐊᑯᓐᓇᑦᓯᓐᓂ, ᐱᔭᒃᓴᖃᕐᒪᑕᓕ ᐊᑕᓂᕐᒥᒃ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑕᒪᓐᓇ ᑭᖑᕐᖑᑎᔭᒃᓴᕆᖕᒪᒍ; ᐅᑯᐊᓗ ᐃᓚᒌᑦ ᒑᑦ, ᕉᐱᓂᓗ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᑖᕇᕐᓯᒪᓕᕐᒪᑕ ᓄᓇᒥᒃ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓃᑦᑐᒥᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᑕᖓᓂᒃ.”