ᔮᓱᐊᑉ ᐊᒡᓚᖏᑦ 13:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᒋᓕᐊᑎᐅᓪᓗ ᕿᑎᖅᑲᓕᒫᖓ, ᐱᖃᓯᐅᑎᓪᓗᒋᑦ ᐋᔅᑕᕉᑎᓗ, ᐃᑐᕆᐂᓗ, ᐃᒡᓗᒐᓮᓪᓗ ᐋᒡ ᐊᖓᔪᖅᑲᐅᕕᖓᓃᑦᑐᑦ ᐹᓴᓂᒥᐅᑦ ᐊᖓᔪᖅᑳᕐᔪᐊᖓᑦᑕ, ᑖᒃᑯᐊᓕᒫᑦ ᑐᓂᔭᐅᕗᑦ ᒪᑬᕆᐅᑉ ᑭᖑᕚᖏᑕ ᐊᕝᕙᖏᓐᓄᑦ ᒫᓇᓯᐅᑉ ᐃᕐᓂᖓᓄᑦ, ᑭᖑᕚᕇᖑᓂᖏᑦ ᒪᓕᒡᓗᒋᑦ ᐊᕕᒃᑐᕐᑕᐅᖁᓪᓗᒍ.

ᔮᓱᐊᑉ ᐊᒡᓚᖏᑦ 13:31 Iomraidhean Croise

ᑯᕉᓂᑲ ᓯᕗᓪᓖᑦ 6:71

ᒫᓇᓯᐅᑉ ᑭᖑᕚᖏᑕ ᕿᑎᖅᑲᖏᓐᓂᑦ ᒌᕐᓲᒥᐅᑦ ᑐᓂᔭᐅᕗᑦ: ᒎᓚᓐᒥᒃ ᐰᓴᓐᒦᑦᑐᒥᒃ ᓄᓇᖓᓂᒡᓗ ᓂᕿᒃᓴᓕᖕᒥᒃ ᐋᔅᑕᕉᑎᒥᒡᓗ ᓄᓇᖓᓂᒡᓗ ᓂᕿᒃᓴᓕᖕᒥᒃ.

ᐃᓐᖏᕈᑎᑦ 60:7

ᒋᓕᐊᑎ ᐱᒋᕙᕋ; ᒫᓇᓯᓗ ᐱᒋᕙᕋ; ᐃᕗᕅᒥ ᓇᓴᕆᕙᕋ; ᔫᑕᓗ ᐱᖁᔭᓐᓂᒃ ᑎᒃᑯᐊᕐᓯᑦᔪᑎᒋᕙᕋ.

ᐃᓯᑭᐊᓕᐅᑉ ᐊᒡᓚᖏᑦ 48:4

ᓈᑉᑕᓕᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᓂ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᐊᖓᓪᓗᓂ, ᑕᒪᓐᓇ ᒫᓇᓯᐅᑉ ᑭᖑᕚᖏᓐᓄᑦ ᓄᓇᒋᔭᐅᕗᖅ.

ᔮᓱᐊᑉ ᐊᒡᓚᖏᑦ 12:4

ᓵᓚᖃᓚᐅᕆᕗᑦ ᐊᖓᔪᖅᑳᕐᔪᐊᒥᒃ ᐋᒡᒥᒃ ᐹᓴᓂᒥᐅᑕᕐᒥᒃ, ᐃᓄᒃᐸᖕᓄᑦ ᕆᐰᒻᓄᑦ ᐊᒥᐊᒃᑯᒋᔭᐅᔪᒥᒃ; ᐊᐅᓚᑦᓯᔪᖅ ᐋᔅᑕᕉᑎᒥᑦ ᐃᑐᕆᐂᒥᒡᓗ.

ᔮᓱᐊᑉ ᐊᒡᓚᖏᑦ 13:12

ᐋᒡ ᐊᖓᔪᖅᑲᐅᕕᓕᒫᖓ ᐹᓴᓂᒦᑦᑐᖅ, ᐊᐅᓚᑦᓯᔪᖅ ᐋᔅᑕᕉᑎᒥ ᐃᑐᕆᐂᒥᓗ, ᕆᐰᒥᐅᓂᑦ ᐃᓄᒃᐸᖕᓂᑦ ᐊᒥᐊᒃᑯᑑᓕᕐᑐᖅ; ᑖᒃᑯᐊ ᒨᓯᓯᐅᑉ ᓵᓚᒋᓚᐅᕐᓯᒪᕔᑦ ᓄᓇᖏᓐᓂᒡᓗ ᐊᕐᓵᕐᓗᒋᑦ.

ᔮᓱᐊᑉ ᐊᒡᓚᖏᑦ 13:32

ᑍᒫᒃ ᑕᕝᕙ ᒨᓯᓯᐅᑉ ᓄᓁᑦ ᐊᕕᒃᑐᕐᑕᐅᑎᓚᐅᕐᐰᑦ ᔨᕆᑰᑉ ᓯᕿᓂᖓᑕ ᓄᐃᕕᐊᓃᑦᑐᑦ ᔪᐊᕐᑕᓂᐅᑉ ᐊᑭᐊᓂ, ᒧᐊᐱᒥᐅᑦ ᓇᑎᕐᓇᖏᓐᓃᑐᑦ.

ᔮᓱᐊᑉ ᐊᒡᓚᖏᑦ 17:5

ᑍᒤᒻᒪᑦ ᒫᓇᓯ ᑐᓂᔭᐅᒃᑲᓐᓂᓚᐅᕐᐳᖅ ᓄᓇᓕᖕᓂᒃ ᖁᓕᓂᒃ, ᒋᓕᐊᑎᐅᓪᓗ ᐹᓴᓂᐅᓪᓗ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᑦ ᐊᓯᖏᓐᓂᒃ.

ᔮᓱᐊᑉ ᐊᒡᓚᖏᑦ 17:6

ᑖᒃᑯᐊ ᐊᕐᓁᑦ ᑭᖑᕚᖏᑦ ᐊᖑᑎᓄᑦ ᑐᓂᔭᐅᔪᓂᒃ ᓄᓇᒥᒃ ᑭᖑᕐᖑᑦᔨᖃᑕᐅᓚᐅᕐᒪᑕ, ᒋᓕᐊᑎᐅᓪᓕ ᓄᓇᖓ ᑐᓂᔭᐅᕗᖅ ᒫᓇᓯᐅᑉ ᑭᖑᕚᖏᑕ ᐃᓚᖏᓐᓄᑦ.

ᔮᓱᐊᑉ ᐊᒡᓚᖏᑦ 9:10

ᐱᓂᐊᕐᓂᕆᓚᐅᕐᑕᖓᓂᒡᓗ ᐊᖓᔪᖅᑳᕐᔪᐊᖕᓄᑦ ᒪᕐᕉᖕᓄᑦ ᐊᒧᕅᒥᐅᑕᓄᑦ ᔪᐊᕐᑕᓂᐅᑉ ᐊᑭᐊᓃᑦᑐᓄᑦ, ᐊᖓᔪᖅᑲᕐᔪᐊᖅ ᓮᕼᐆᓂ ᕼᐃᓴᐸᓂᒥᐅᑕᖅ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᖓ ᐋᒡ, ᓄᓇᖃᓚᐅᕐᑐᖅ ᐋᔅᑕᕉᑎᒥ.

ᐃᓗᐊᕐᓮᔩᑦ ᐊᒡᓚᖏᑦ 10:6

ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 5:17

ᒋᓕᐊᑎᒥᐅᑦ ᔪᐊᕐᑕᓂᐅᑉ ᐊᑭᐊᓃᖏᓐᓇᓚᐅᕐᐳᑦ; ᑖᓐᓗ ᑭᖑᕚᖏᑦ ᓱᖕᒪᑦ ᐅᒥᐊᕐᔪᐊᓂᒃ ᓇᔪᕐᑎᖃᕋᓱᐊᓚᐅᕐᐹᑦ? ᐋᓱᕆᐅᑉ ᑭᖑᕚᖏᑦ ᐃᒪᐅᑉ ᓯᓈᓂ ᓄᖅᑲᖓᓚᐅᕐᐳᑦ ᐅᒥᐊᕐᔪᐊᑦ ᓄᓇᓕᐊᕐᕕᖏᓐᓂ.

ᓴᒧᐃᓕ ᓯᕗᓪᓖᑦ 12:10

ᕿᐊᓪᓗᑎᒡᓗ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐃᓕᖕᓂᑦ ᕿᒪᕉᑎᓚᐅᕐᐳᒍᑦ ᐊᑕᓃᖅ, ᒎᑎᓐᖑᐊᓄᓪᓗ ᑐᒃᓯᐊᓚᐅᕐᐳᒍᑦ ᐰᓕᒧᑦ ᐋᔅᑕᕉᑎᒧᓪᓗ; ᒫᓐᓇᓕ ᐱᐅᓕᓚᐅᕐᑎᒍᑦ ᐊᑭᕋᑦᑎᓐᓂᑦ, ᐃᓕᖕᓂᒡᓗ ᐱᔨᑦᓯᓕᕐᓂᐊᕐᐳᒍᑦ!’

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”