20 ᐱᑦ-ᐱᐅᕋᓗ, ᒪᔪᖅᑬᓪᓗ ᖃᖅᑲᒥ ᐱᔅᒐᒦᑦᑐᑦ, ᐱᑦ-ᔨᓯᒫᔅᓗ.
ᑍᒤᒻᒪᑦ ᒧᐊᐱᒥᐅᑦ ᓴᐴᓗᑕᖏᑦ ᐃᒡᓗᒐᓴᒡᔪᐊᖏᑕ ᓯᓈᓃᑦᑐᑦ ᐊᖕᒪᕈᒫᕐᐸᒃᑲ, ᓄᓇᓕᒡᔪᐊᑦ ᐅᐱᓐᓇᐅᑎᒋᔭᖏᑦ ᐱᑦ-ᔨᓯᒫᔅ, ᐰᓕ-ᒥᐅᓂᓗ, ᑭᕆᐊᑍᒥᓗ.
ᑍᒤᒻᒪᑦ ᐃᓴᕆᐊᓕᒥᐅᑦ ᑐᒃᓯᐊᖃᑕᐅᓕᓚᐅᕐᐳᑦ ᐰᓕ-ᐱᐅᕆᒥ, ᐊᑕᓂᐅᓪᓗ ᓂᓐᖓᐅᓯᖓ ᐆᒻᒪᕐᐳᖅ ᐃᓴᕆᐊᓕᒥᐅᓄᑦ.
ᔪᐊᕐᑕᓂᐅᑉ ᓯᓈᓂ ᑕᖕᒫᕐᓯᒪᓚᐅᕐᐳᑦ, ᐱᑦ-ᔨᓯᒫᒥᑦ ᐱᒋᐊᕐᓗᑎᒃ ᐊᐱᐅᓪ-ᓯᑎᒻ ᐊᑬᓯᐊ ᒍᕉᕝ ᑎᑭᓪᓗᒍ ᒧᐊᐱᐅᑉ ᓇᑎᕐᓇᖓᓂ.
ᓴᐅᒥᐊᓃᑦᑐᕐᓕ ᓄᓇᑖᕆᔭᖓᑦᑕ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐱᒋᐊᕐᕕᖃᕆᕗᖅ ᔪᐊᕐᑕᓂᐅᑉ ᑰᖓᓄᑦ ᑎᑭᐅᒪᓪᓗᒍ, ᓯᓂᕆᑎᒥᑦ ᑕᓯᕐᒥᑦ ᐱᒋᐊᕐᓗᓂ ᑕᓕᕐᐱᐊᒍᑦ ᑕᐅᓄᖓ ᐃᒪᕐᒧᑦ ᑕᕆᐅᕐᒧᑦ ᑎᑭᐅᒪᓪᓗᓂ ᓯᑭᓂᐅᑉ ᓇᓛᓃᑦᑐᒧᑦ ᑕᓕᕐᐱᐊᓄᓪᓗ ᐱᔅᒐᐅᑉ ᖃᖅᑲᖓᑕ ᑭᒡᓕᖓᓄᑦ ᑎᑭᐅᒪᓪᓗᓂ.
ᑰᑉ ᔪᐊᕐᑕᓂᐅᑉ ᐊᑭᐊᓃᓕᕐᑎᓪᓗᒋᑦ ᓄᓇᓖᑦ ᐱᑦ-ᐱᐅᕋᐅᑉ ᐊᑭᐊᓂ, ᓄᓇᒥ ᓮᕼᐆᓂᒥ ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᓇᖁᑎᖓᓂ, ᕼᐃᓴᐸᓂᒥ ᓄᓇᖃᕐᓗᓂ ᐊᐅᓚᑦᓯᓚᐅᕐᑑᑉ, ᑖᒃᑯᐊ ᒨᓯᓯᒃᑯᑦ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᑕᖓᑦᑕ ᐄᑦᔨᑉᑎᒥᑦ ᐊᐅᓪᓚᕐᓯᒪᓂᖓᑕ ᑭᖑᓂᖓᓂ.
ᐅᑯᐊᓗ ᔪᐊᕐᑕᓂᐅᑉ ᑰᖓ ᓯᓂᕆᑎᐅᑉ ᑕᓯᖓᓂᑦ ᐱᒋᐊᕐᓗᒍ ᓯᕿᓂᕐᒧᑦ ᐱᑦ-ᔨᓯᒫᔅ ᑎᑭᓪᓗᒍ, ᑕᓯᐅᑉ ᑕᕆᐅᑉ ᓯᕿᓂᖓᑕ ᓄᐃᕕᐊᓃᑦᑐᒧᑦ, ᖃᖅᑲᐅᑉ ᐱᔅᒐᐅᑉ ᐅᕕᖓᓂᖓᑕ ᑭᒡᓕᖓᓄᑦ ᑎᑭᓪᓗᒍ.
ᑭᕆᐊᑍᒥᓗ, ᓯᑉᒪᓗ, ᔨᕆᑎ-ᓴᕼᐊᓗ ᓇᕐᓴᐅᑉ ᖃᖅᑲᖓᓃᑦᑐᖅ,
ᐊᒻᒪ ᒪᓂᕅᓐᓇᕐᒦᑦᑐᑦ ᐃᒡᓗᒐᓮᑦ, ᐊᒧᕅᒥᐅᑕᐅᓪᓗ ᐊᖓᔪᖅᑳᕐᔪᐊᑉ ᓮᕼᐆᓂᐅᑉ ᐊᖓᔪᖅᑲᐅᕕᓕᒫᖓ, ᐊᐅᓚᑦᓯᓚᐅᕐᑐᖅ ᕼᐃᓴᐸᓂᒥ, ᑖᓐᓇ ᒨᓯᓯᐅᑉ ᓵᓚᒋᓚᐅᕐᒪᒍ ᐊᐅᓚᑦᓯᔨᐅᓚᐅᕐᑐᓪᓗ ᒥᑎᐊᓂᒥ, ᐃᕕ, ᕆᑭᒻᓗ, ᔫᕆᓗ, ᕼᐊᕆᓗ, ᕆᐸᓗ, ᑖᒃᑯᐊ ᐊᐅᓚᑦᓯᓚᐅᕐᑐᓕᒫᑦ ᓄᓇᓕᖕᓂ ᓯᕼᐊᓐᒥ.
