ᔮᓱᐊᑉ ᐊᒡᓚᖏᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑖᒃᑯᐊᒃ ᐊᖓᔪᖅᑳᕐᔪᐊᑦ ᒨᓯᓯᐅᑉ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ; ᒨᓯᓯ ᐊᑕᓂᐅᑉ ᐱᔨᖓ ᓄᓇᑖᕐᑎᑦᓯᓚᐅᕐᐳᖅ ᑕᒪᑐᒥᖓ ᕉᐱᓂᐅᑉ ᑭᖑᕚᖏᓐᓂᒃ, ᒑᑎᐅᓪᓗ ᑭᖑᕚᖏᓐᓂᒃ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓂᒃ, ᓄᓇᒥᒃ ᑕᒪᑐᒥᖓ ᓇᖕᒥᓂᖃᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 12:6 Iomraidhean Croise

ᐊᑕᓃᑦ ᓯᕗᓪᓖᑦ 4:19

ᒋᐸ ᐅᕆᐅᑉ ᐃᕐᓂᖓ ᐊᖓᔪᖅᑳᖑᑎᓪᓗᒍ ᒋᓕᐊᑎᐅᑉ ᓄᓇᖓᓄᑦ. ᑖᓐᓇ ᐊᖓᔪᖅᑳᕐᔪᐊᕐᒧᑦ ᐊᐅᓚᑕᐅᓚᐅᕐᓯᒪᔪᖅ: ᓮᕼᐆᓂᒧᑦ ᐊᒧᕅᑎᒥᐅᑕᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐋᒡᒧᑦ ᐹᓴᓂᒥᐅᑕᕐᒧᑦ. ᑖᒃᑯᐊ 12ᖑᔪᑦ ᐊᓯᐊᑎᒍᑦ ᐊᖓᔪᖅᑳᕐᑕᖃᕆᓪᓗᓂ ᑖᒃᑯᓄᖓᓕᒫᖅ ᓄᓇᓕᓕᒫᓄᑦ.

ᒨᓯᓯ ᓯᑕᒪᖏᑦ 32:29

ᒨᓯᓯᐅᓪᓗ ᐅᖃᐅᑎᕔᑦ: “ᒑᑎᐅᑉ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᔪᐊᕐᑕᓂᐅᑉ ᐊᑭᐊᓄᑦ ᐃᑳᖃᑎᒋᒍᑦᓯᒋᒃ, ᐊᖑᑎᓕᒫᑦ ᐅᓇᑕᕐᓂᕐᒧᑦ ᐅᐸᓗᖎᕐᓯᒪᓗᑎᒃ ᐊᑕᓂᐅᑉ ᓵᖓᓂ, ᓄᓇᒥᒃ ᓇᔪᕐᑕᑦᓯᓐᓂᒃ ᓵᓚᖃᕈᑦᓯ, ᑖᒃᑯᐊ ᓄᓇᒥᒃ ᒋᓕᐊᑎᒥᒃ ᓄᓇᖁᑎᑖᕐᑎᑦᓴᕆᐊᖃᕐᐸᓯ.

ᒨᓯᓯ ᓯᑕᒪᖏᑦ 32:32

ᐃᑳᖃᑕᐅᔪᒪᕗᒍᑦ ᐅᓇᑕᐅᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓵᖓᓂ ᑬᓇᓂᐅᑉ ᓄᓇᖓᓄᑦ, ᑭᓯᐊᓂᓕ ᓄᓇᑖᕆᔪᒪᔭᕗᑦ ᑲᔪᓯᖁᕙᕗᑦ ᔪᐊᕐᑕᓂᐅᑉ ᐊᑭᐊᓃᑦᑐᖅ.”

ᒨᓯᓯ ᓯᑕᒪᖏᑦ 32:33

ᑍᒤᒻᒪᑦ ᒑᑎᐅᑉ ᑭᖑᕚᖏᑦ, ᕉᐱᓂᐅᓪᓗ ᑭᖑᕚᖏᑦ ᒫᓇᓯᐅᓪᓗ ᔫᓯᐱᐅᑉ ᐃᕐᓂᖓᑕ ᑭᖑᕚᖏᑕ ᐊᕝᕙᖏᑦ, ᒨᓯᓯᐅᑉ ᑐᓂᓯᕕᒋᕔᑦ ᐊᒧᕅᑎᑦ ᐊᖓᔪᖅᑳᕐᔪᐊᕕᓂᖓᑦᑕ ᓮᕼᐆᓂᐅᑉ ᐊᖓᔪᖅᑲᐅᕕᕕᓂᖓᓂᒃ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᕕᓂᖓᑦᑕ ᐋᒡ ᐊᖓᔪᖅᑲᐅᕕᕕᓂᖓᓂᒃ, ᐃᒡᓗᒐᓴᒡᔪᐊᖏᓐᓂᒃ ᓄᓇᐅᑉ ᐃᓱᖏᑕ ᓇᓗᓁᕐᓯᒪᓂᖏᑦ ᑎᑭᓪᓗᒋᑦ, ᐃᒡᓗᒐᓴᒡᔪᐊᓂᒡᓗ ᓄᓇᐅᑉ ᓯᓚᑖᓃᑦᑐᓂᒃ.

ᔮᓱᐊᑉ ᐊᒡᓚᖏᑦ 14:3

ᒨᓯᓯ ᑐᓂᓯᔭᕇᓚᐅᕐᒪᑦ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᓄᑦ ᒪᕐᕉᐃᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ; ᓕᕔᓪᓕ ᑭᖑᕚᖏᑦ ᑭᖑᕐᖑᑎᔭᒃᓴᖏᓐᓂᒃ ᑐᓂᓯᕕᒋᓚᐅᓐᖏᓔᑦ.

ᔮᓱᐊᑉ ᐊᒡᓚᖏᑦ 18:7

ᓕᕔᒃᑯᓪᓕ ᑭᓯᐊᓂ ᓄᓇᑖᕐᓂᐊᓐᖏᓚᑦ ᐊᑯᓐᓇᑦᓯᓐᓂ, ᐱᔭᒃᓴᖃᕐᒪᑕᓕ ᐊᑕᓂᕐᒥᒃ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑕᒪᓐᓇ ᑭᖑᕐᖑᑎᔭᒃᓴᕆᖕᒪᒍ; ᐅᑯᐊᓗ ᐃᓚᒌᑦ ᒑᑦ, ᕉᐱᓂᓗ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᑖᕇᕐᓯᒪᓕᕐᒪᑕ ᓄᓇᒥᒃ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓃᑦᑐᒥᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᑕᖓᓂᒃ.”

ᔮᓱᐊᑉ ᐊᒡᓚᖏᑦ 22:4

ᒫᓐᓇᓕ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ, ᒥᕐᖑᐃᕐᓯᕐᕕᖕᒥᒃ ᑐᓂᓚᐅᕐᐰᑦ ᐃᓴᕆᐊᓕᒥᐅᖑᖃᑎᓯ; ᑕᒪᓐᓇ ᐊᖏᕈᑎᒋᓯᒪᖕᒪᒍ ᑖᒃᑯᓄᖓ; ᑍᒤᒻᒪᑦ, ᐊᖏᕐᕋᓕᕆᑦᓯ ᓄᓇᒧᑦ ᓇᖕᒥᓂᕐᑖᕆᓚᐅᕐᑕᑦᓯᓐᓄᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖓᓄᑦ ᓄᓇᒧᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᒧᑦ.