ᔮᓱᐊᑉ ᐊᒡᓚᖏᑦ 12:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᑯᐊ ᑕᕝᕙ ᑕᒫᓂ ᓄᓇᓕᖕᓂ ᐊᖓᔪᖅᑳᕐᔪᐊᕆᔭᐅᓚᐅᕐᑐᑦ, ᐃᓴᕆᐊᓕᒥᐅᓄᑦ ᓵᓚᐅᓚᐅᕐᑐᑦ, ᓄᓇᖓᓐᓂᒡᓗ ᓄᓇᖃᓕᕐᓗᑎᒃ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᖓᓃᑐᒥᒃ, ᐱᒋᐊᕐᓗᓂ ᐋᕐᓄᓂᐅᑉ ᓇᕐᓴᖓᓂᑦ ᑲᖏᒧᑦ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 12:1 Iomraidhean Croise

ᐊᑕᓃᑦ ᓯᕗᓪᓖᑦ 4:19

ᒋᐸ ᐅᕆᐅᑉ ᐃᕐᓂᖓ ᐊᖓᔪᖅᑳᖑᑎᓪᓗᒍ ᒋᓕᐊᑎᐅᑉ ᓄᓇᖓᓄᑦ. ᑖᓐᓇ ᐊᖓᔪᖅᑳᕐᔪᐊᕐᒧᑦ ᐊᐅᓚᑕᐅᓚᐅᕐᓯᒪᔪᖅ: ᓮᕼᐆᓂᒧᑦ ᐊᒧᕅᑎᒥᐅᑕᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐋᒡᒧᑦ ᐹᓴᓂᒥᐅᑕᕐᒧᑦ. ᑖᒃᑯᐊ 12ᖑᔪᑦ ᐊᓯᐊᑎᒍᑦ ᐊᖓᔪᖅᑳᕐᑕᖃᕆᓪᓗᓂ ᑖᒃᑯᓄᖓᓕᒫᖅ ᓄᓇᓕᓕᒫᓄᑦ.

ᐃᓐᖏᕈᑎᑦ 133:3

ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 136:21

ᓄᓇᒋᔭᖏᓪᓗ ᑐᓂᓚᐅᕐᐰᑦ ᑭᖑᕐᖑᑎᔭᐅᖁᓪᓗᒋᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 89:12

ᐅᓐᓄᐊᓪᓗᐊᖅ ᐅᓪᓗᓪᓗᐊᕐᓗ, ᐱᓐᖑᕐᑎᓯᒪᕚᒃᑭᒃ; ᖃᖅᑳᒃ ᑍᐸᕆ ᕼᐊᕐᒪᓂᓗ ᖁᕕᐊᓱᒡᓗᑎᒃ ᐊᑎᕐᓂᖅ ᓂᕐᑐᐃᕘᒃ.

ᐂᓮᐊᓯᐅᑉ ᐊᒡᓚᖏᑦ 16:2

ᑎᖕᒥᐊᑎᑐᑦ ᐃᕙᕕᖕᒥᖕᓂᑦ ᑎᖏᑎᑕᐅᓯᒪᔪᑎᑐᑦ ᑍᒤᑦᓱᒫᕐᐳᑦ, ᒧᐊᐱᐅᑉ ᐸᓂᖏᑦ ᑰᖕᒥ ᐋᕐᓄᓂᒥ ᐅᑕᖅᑭᓗᑎᒃ ᐃᑳᕐᕕᖕᓂ.

ᒨᓯᓯ ᓯᑕᒪᖏᑦ 21:13

ᑕᕝᕙᖓᓪᓗ ᐊᐅᓪᓚᕋᒥᒃ, ᐋᕐᓄᓂᐅᑉ ᐃᑎᕕᐊᓄᑦ ᑕᖕᒫᕐᐳᑦ, ᑖᓐᓇ ᐃᓄᖃᖏᑦᑐᒦᑦᑐᖅ ᐊᒧᕅᑎᑦ ᓄᓇᖓᓄᑦ ᑎᑭᐅᒪᔪᖅ; ᓄᓇ ᐋᕐᓄᓂ ᒧᐊᐱᐅᑉ ᑭᒡᓕᖓᓃᒻᒪᑦ, ᒧᐊᐱᐅᑉ ᐊᒧᕅᑎᓪᓗ ᐊᑯᓐᓂᖓᓂ.

ᒨᓯᓯ ᓯᑕᒪᖏᑦ 21:21

ᐃᓴᕆᐊᓕᒥᐅᓪᓗ ᐅᖃᕆᐊᕐᑐᕐᑐᓂᒃ ᑎᓕᓯᓕᕐᐳᑦ ᐊᖓᔪᖅᑳᕐᔪᐊᒧᑦ ᓮᕼᐆᓂᒧᑦ ᐊᒧᕅᑎᑦ ᐊᖓᔪᖅᑳᕐᔪᐊᖓᓐᓄᑦ, ᐅᖃᕐᓗᑎᒃ,

ᒨᓯᓯ ᓯᑕᒪᖏᑦ 21:24

ᐃᓴᕆᐊᓕᒥᐅᓪᓕ ᓴᕕᒡᔪᐊᒧᑦ ᓵᓚᒋᕚᑦ, ᓄᓇᖁᑎᖓᓂᒡᓗ ᐊᕐᓵᕐᓗᒋᑦ ᐋᕐᓄᓂᒥᑦ ᔭᐴᒃ ᑎᑭᓪᓗᒍ, ᐊᒧᓁᑎᒥ ᓄᓇᖃᕐᑐᑦ ᑭᒡᓕᖓᓄᑦ ᑕᒪᓐᓇ ᓴᐴᓗᑕᖃᓚᐅᕐᒪᑦ.

ᒨᓯᓯ ᓯᑕᒪᖏᑦ 32:19

ᓄᓇᑖᖃᑎᒋᓂᐊᖏᓐᓇᑦᑎᒍ ᔪᐊᕐᑕᓂᐅᑉ ᐊᑭᐊᓂ ᐅᖓᑖᓂᓘᓐᓃᑦ, ᓄᓇᑖᕆᔭᒃᓴᕗᑦ ᑕᒫᓃᒻᒪᑦ ᔪᐊᕐᑕᓂᐅᑉ ᑕᓕᕐᐱᖓᓂ.”

ᒨᓯᓯ ᓯᑕᒪᖏᑦ 32:32

ᐃᑳᖃᑕᐅᔪᒪᕗᒍᑦ ᐅᓇᑕᐅᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓵᖓᓂ ᑬᓇᓂᐅᑉ ᓄᓇᖓᓄᑦ, ᑭᓯᐊᓂᓕ ᓄᓇᑖᕆᔪᒪᔭᕗᑦ ᑲᔪᓯᖁᕙᕗᑦ ᔪᐊᕐᑕᓂᐅᑉ ᐊᑭᐊᓃᑦᑐᖅ.”

ᒨᓯᓯ ᓯᑕᒪᖏᑦ 32:33

ᑍᒤᒻᒪᑦ ᒑᑎᐅᑉ ᑭᖑᕚᖏᑦ, ᕉᐱᓂᐅᓪᓗ ᑭᖑᕚᖏᑦ ᒫᓇᓯᐅᓪᓗ ᔫᓯᐱᐅᑉ ᐃᕐᓂᖓᑕ ᑭᖑᕚᖏᑕ ᐊᕝᕙᖏᑦ, ᒨᓯᓯᐅᑉ ᑐᓂᓯᕕᒋᕔᑦ ᐊᒧᕅᑎᑦ ᐊᖓᔪᖅᑳᕐᔪᐊᕕᓂᖓᑦᑕ ᓮᕼᐆᓂᐅᑉ ᐊᖓᔪᖅᑲᐅᕕᕕᓂᖓᓂᒃ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᕕᓂᖓᑦᑕ ᐋᒡ ᐊᖓᔪᖅᑲᐅᕕᕕᓂᖓᓂᒃ, ᐃᒡᓗᒐᓴᒡᔪᐊᖏᓐᓂᒃ ᓄᓇᐅᑉ ᐃᓱᖏᑕ ᓇᓗᓁᕐᓯᒪᓂᖏᑦ ᑎᑭᓪᓗᒋᑦ, ᐃᒡᓗᒐᓴᒡᔪᐊᓂᒡᓗ ᓄᓇᐅᑉ ᓯᓚᑖᓃᑦᑐᓂᒃ.

ᒨᓯᓯ ᑕᓪᓕᒪᖏᑦ 2:24

“ᓄᓇᓖᓪᓕ ᒧᐊᐱᒥᐅᑦ ᖄᖏᕋᑦᑎᒋᒃ, ᐊᑕᓂᐅᑉ ᐅᖃᐅᑎᕚᑎᒍᑦ, ‘ᒫᓐᓇ ᐋᕐᓄᓂᐅᑉ ᑰᖓ ᐃᑳᓕᕐᓯᐅᒃ. ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ ᓮᕼᐆᓂ ᕼᐃᓴᐸᓂᒥ ᓄᓇᓕᒃ ᐃᓕᑦᓯᓐᓄᑦ ᑐᓂᕙᕋ, ᓄᓇᖓᓗ ᐱᖃᓯᐅᑎᓪᓗᒍ. ᐅᓇᑕᕆᐊᓕᕐᓯᐅᒃ, ᓄᓇᖓᓗ ᓄᓇᑖᕆᓗᒍ.

ᒨᓯᓯ ᑕᓪᓕᒪᖏᑦ 2:32

ᓮᕼᐆᓂ ᑕᕝᕙ ᐊᖑᑎᖁᑎᓕᒫᒥᓂᒃ ᐃᓚᖃᕐᓗᓂ ᐅᕙᑦᑎᓐᓂᒃ ᐅᓇᑕᕋᓱᐊᓕᓚᐅᕐᐳᖅ ᓄᓇᐅᑉ ᔧᕼᐋᓯᐅᑉ ᖃᓂᒋᔮᓂ,

ᒨᓯᓯ ᑕᓪᓕᒪᖏᑦ 3:1

“ᑭᖑᓂᖓᒍᑦ ᐅᓐᓄᐊᓪᓗᐊᑉ ᓇᓛᓄᑦ ᐂᕙᓪᓕᐊᓚᐅᕐᐳᖑᑦ ᓄᓇᓖᑦ ᐹᓴᓂᒥᒃ ᐊᑎᓕᐅᑉ ᓇᓛᓄᑦ, ᐊᖓᔪᖅᑳᕐᔪᐊᕐᓗ ᐋᒡ ᐅᐸᒍᑎᓚᐅᕐᐳᖅ ᐅᕙᑦᑎᓐᓄᑦ ᐃᓄᖁᑎᓕᒫᓂ ᐃᓚᒋᓪᓗᒋᑦ ᐅᓇᑕᕆᐊᕐᑐᕐᓗᓂ ᐅᕙᑦᑎᓐᓂᒃ ᓄᓇᓖᑦ ᐃᑐᕆᐂᒥᐅᑦ ᖃᓂᒋᔮᓂ.

ᒨᓯᓯ ᑕᓪᓕᒪᖏᑦ 4:44

ᐅᑯᐊ ᑕᕝᕙ ᒎᑎᐅᑉ ᐱᖁᔭᖏᑦ ᒨᓯᓯᐅᑉ ᑐᓂᓚᐅᕐᑕᖏᑦ ᐃᓴᕆᐊᓕᒥᐅᓄᑦ.

ᒨᓯᓯ ᑕᓪᓕᒪᖏᑦ 4:46

ᑰᑉ ᔪᐊᕐᑕᓂᐅᑉ ᐊᑭᐊᓃᓕᕐᑎᓪᓗᒋᑦ ᓄᓇᓖᑦ ᐱᑦ-ᐱᐅᕋᐅᑉ ᐊᑭᐊᓂ, ᓄᓇᒥ ᓮᕼᐆᓂᒥ ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᓇᖁᑎᖓᓂ, ᕼᐃᓴᐸᓂᒥ ᓄᓇᖃᕐᓗᓂ ᐊᐅᓚᑦᓯᓚᐅᕐᑑᑉ, ᑖᒃᑯᐊ ᒨᓯᓯᒃᑯᑦ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᑕᖓᑦᑕ ᐄᑦᔨᑉᑎᒥᑦ ᐊᐅᓪᓚᕐᓯᒪᓂᖓᑕ ᑭᖑᓂᖓᓂ.

ᒨᓯᓯ ᑕᓪᓕᒪᖏᑦ 4:48

ᑕᒪᓐᓇ ᓄᓇ ᐊᕈᐃᕆᒥᑦ ᓄᓇᒥᑦ ᐱᒋᐊᕐᓯᒪᓚᐅᕐᐳᖅ, ᐋᕐᓄᓂᐅᑉ ᑰᖓᑕ ᑭᒡᓕᖓᓄᑦ ᑎᑭᓯᒪᓪᓗᓂ, ᑕᑉᐸᐅᖓᓕᒫᖅ ᓮᕆᐅᓂᐅᑉ ᖃᖅᑲᖓᓄᑦ ᑎᑭᓪᓗᒍ, ᑍᔭᐅᔪᒧᑦ ᕼᐊᕐᒪᓂᐅᑉ ᖃᖅᑲᖓᓂᒃ.

ᔮᓱᐊᑉ ᐊᒡᓚᖏᑦ 1:15

ᓄᓇᖃᓕᕐᐸᑕ ᑭᓯᐊᓂ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᑕ ᓇᓛᓂ ᒎᑎᐅᑉ ᑐᓂᓚᐅᕐᑕᖓᓂᒃ ᑖᒃᑯᓄᖓ ᐃᓕᑦᓯᓐᓄᓪᓗ; ᓄᓇᑖᕈᒫᕆᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᑖᒃᑯᓄᖓ, ᑕᕝᕙ ᐅᑎᕈᒫᕐᐳᓯ ᓄᓇᖁᑎᑦᓯᓐᓄᑦ ᓄᓇᑖᕆᓗᒍᓗ ᓄᓇ ᑕᒪᓐᓇ ᒨᓯᓯᐅᑉ ᐊᑕᓂᐅᑉ ᐱᔨᖓᑕ ᑐᓂᓚᐅᕐᑕᖓ ᔪᐊᕐᑕᓂᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ.”

ᔮᓱᐊᑉ ᐊᒡᓚᖏᑦ 11:17

ᓄᓇᖁᑎᖓ ᑎᑭᐅᒪᕗᖅ ᖃᖅᑲᒥᑦ ᕼᐊᓚᒃᒥᑦ ᐱᒋᐊᕐᓗᒍ ᓰᐊᕆᐅᑉ ᒥᒃᓵᓄᑦ, ᐰᓕ-ᒑᑦᒧᑦ ᑎᑭᓪᓗᒍ, ᓕᐸᓇᓂᐅᑉ ᓇᕐᓴᖓᓄᑦ ᖃᖅᑲᒧᑦ ᕼᐊᕐᒪᓐ ᓯᕿᓂᖓᓄᑦ. ᐊᖓᔪᖅᑳᕐᔪᐊᓕᒫᖏᑦ ᓵᓚᒋᓚᐅᕐᐰᑦ, ᑐᖁᓪᓗᒋᓪᓗ.

ᔮᓱᐊᑉ ᐊᒡᓚᖏᑦ 11:3

ᐅᖃᕆᐊᕐᑐᕐᑎᑦᓯᓚᐅᕆᕗᖅ ᑬᓇᓂᒥᐅᓄᑦ ᔪᐊᕐᑕᓂᐅᓪᓗ ᑰᖓᑕ ᓯᓈᓃᑦᑐᓄᑦ, ᐊᒧᕅᒥᐅᓄᑦ, ᕼᐃᑍᑎᒥᐅᓄᑦ, ᐱᕆᔧᑎᒥᐅᓄᑦ, ᔨᐳᓮᑎᒥᐅᓄᑦ ᖃᖅᑲᓃᑦᑐᓄᑦ, ᕼᐃᕔᑎᑎᒥᐅᓄᓪᓗ ᓄᓇᓕᖕᓄᑦ ᓇᑎᕐᓇᒥ ᖃᖅᑲᐅᑉ ᕼᐊᕐᒪᓐ ᐊᑖᓃᑦᑐᓄᑦ ᒥᔅᐸᒥᐅᑦ ᓄᓇᖓᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 13:8

ᕉᐱᓂᐅᑉ ᑭᖑᕚᖏᑦ ᒑᑎᐅᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓄᓇᑖᕇᓚᐅᕐᓯᒪᖕᒪᑕ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᒪᒋᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓂ ᓄᓇᑖᕐᓯᒪᖕᒪᑕ.

ᔮᓱᐊᑉ ᐊᒡᓚᖏᑦ 22:4

ᒫᓐᓇᓕ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ, ᒥᕐᖑᐃᕐᓯᕐᕕᖕᒥᒃ ᑐᓂᓚᐅᕐᐰᑦ ᐃᓴᕆᐊᓕᒥᐅᖑᖃᑎᓯ; ᑕᒪᓐᓇ ᐊᖏᕈᑎᒋᓯᒪᖕᒪᒍ ᑖᒃᑯᓄᖓ; ᑍᒤᒻᒪᑦ, ᐊᖏᕐᕋᓕᕆᑦᓯ ᓄᓇᒧᑦ ᓇᖕᒥᓂᕐᑖᕆᓚᐅᕐᑕᑦᓯᓐᓄᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖓᓄᑦ ᓄᓇᒧᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 11:18

ᐃᓄᖃᖏᑦᑐᒃᑯᓪᓕ ᐃᖏᕐᕋᓚᐅᕐᐳᑦ, ᓂᒍᕐᓗᑎᒃ ᐄᑐᒥᐅᑉ ᓄᓇᖓᓂᒃ ᒧᐊᐱᐅᓪᓗ ᓄᓇᖓᓂᒃ, ᒧᐊᐱᐅᑉ ᓯᕿᓐᓂᓕᕐᕕᐊᑕ ᓇᓛᓄᑦ ᑎᑭᓪᓗᑎᒃ, ᐋᕐᓄᓂᐅᑉ ᑰᖓᑕ ᐊᑭᐊᓂ ᑕᖕᒫᓚᐅᕐᐳᑦ. ᒧᐊᐱᒥᐅᑦ ᓄᓇᖁᑎᖓ ᐃᑎᕐᕕᒋᓚᐅᓐᖏᓛᑦ, ᐋᕐᓄᓂᐅᑉ ᑰᖓ ᐃᑳᓚᐅᓐᖏᓛᑦ ᒧᐊᐱᒥᐅᑦ ᓄᓇᖁᑎᖓᑕ ᑭᒡᓕᒋᓚᐅᕐᒪᒍ.