ᔮᓱᐊᑉ ᐊᒡᓚᖏᑦ 11:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ, ᐃᓴᕆᐊᓕᒥᐅᓪᓗ ᑐᖁᕅᓚᐅᕐᐳᑦ ᒪᓕᒡᓗᑎᒃ ᒥᔅᕆᐸᑦ-ᒤᒻᒧᑦ ᓮᑐᓂᒧᓪᓗ, ᓯᕿᓂᐅᑉ ᓄᐃᕕᖓᓄᑦ ᒥᔅᐱᐅᑉ ᓇᕐᓴᖓ ᑎᑭᓪᓗᒍ; ᐅᓇᑍᓐᓇᓚᐅᕐᐰᓪᓗ, ᐊᑕᖏᕐᓗᒋᑦ ᑐᖁᔪᐃᓐᓇᐅᓚᐅᖃᕐᑎᓐᓇᒋᑦ.

ᔮᓱᐊᑉ ᐊᒡᓚᖏᑦ 11:8 Iomraidhean Croise

ᒨᓯᓯ ᓯᕗᓪᓖᑦ 10:15

ᑬᓇᓂᐅᑉ ᐃᕐᓂᖏᑦ ᐅᑯᐊᖑᕗᑦ; ᓮᑐᓂ, ᐊᖓᔪᒃᓯᕐᐹᖁᑎᖓ, ᕼᐃᑎᓗ.

ᒨᓯᓯ ᓯᕗᓪᓖᑦ 49:13

ᓯᐳᓗᓂ ᓄᓇᖃᕈᒫᕐᐳᖅ ᑕᕆᐅᑉ ᑭᒡᓕᖓᓂ; ᐅᒥᐊᕐᔪᐊᓄᑦ ᑭᓴᕐᕕᑦᓯᐊᖑᔪᒫᕐᐳᖅ, ᓄᓇᖓᑕᓗ ᑭᒡᓕᖓ ᓮᑐᓂᒧᑦ ᑎᑭᐅᑎᓯᒪᔪᒫᕐᐳᖅ.

ᓴᒧᐃᓕ ᐂᑉᐸᖏᑦ 24:6

ᑲᔪᓯᓪᓗᑎᒡᓗ ᒋᓕᐊᑎᒧᑦ, ᑲᑎᓯᒧᑦ ᕼᐃᑍᑎᒥᐅᑦ ᓄᓇᖓᓄᑦ; ᑕᕝᕙᓐᖓᑦ ᑖᓐᒨᓚᐅᕐᐳᑦ, ᑖᓐᒥᓪᓗ ᓴᖑᓪᓗᑎᒃ ᓮᑐᓂᒧᐊᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 23:4

ᓮᑐᓂᒥ ᐃᒡᓗᒐᓴᒡᔪᐊᖃᕐᑐᓯ ᑲᓐᖑᓇᕐᑐᒥᒃ ᐊᑐᕐᐳᓯ! ᑕᕆᐅᑉ ᐃᒪᕐᔪᐊᓪᓗ ᐃᑎᔪᑦ ᓇᕐᕈᒋᓪᓗᓯ ᐅᖃᕐᐳᑦ, “ᕿᑐᕐᖓᕐᑖᓚᐅᕐᓯᒪᓐᖏᓚᖓ: ᐱᕈᕐᓮᓚᐅᕐᓯᒪᓇᖓᓗ ᐊᖑᑎᓂᒃ ᐊᕐᓇᓂᒡᓗ.”

ᓴᑲᕅᐊᐅᑉ ᐊᒡᓚᖏᑦ 9:2

ᕼᐊᒫᑎᒥᐅᓪᓗ ᐊᑭᕋᕐᑐᕈᒫᕆᕔᑦ ᓯᓚᑖᓂᑦᑐᓪᓗ ᑍᕆ ᓮᑐᓂᓗ, ᐃᓄᖏᑦ ᓯᓚᑐᔫᒐᓗᐊᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 10:20

ᔮᓱᐊᒃᑯᓪᓕ ᐃᓚᖏᓪᓗ ᐃᓴᕆᐊᓕᒥᐅᑦ ᑐᖁᕅᕕᒡᔪᐊᓚᐅᕐᐳᑦ ᑖᒃᑯᓂᖓ, ᓄᖒᑦᓯᓚᐅᖏᓐᓂᓕᒫᒥᖕᓂ, ᐊᒥᐊᒃᑯᖏᓪᓕ ᕿᒫᕗᑦ ᐃᒡᓗᒐᓴᖕᓄᑦ ᐊᕙᓗᓕᐅᕐᓯᒪᔪᓄᑦ,

ᔮᓱᐊᑉ ᐊᒡᓚᖏᑦ 11:3

ᐅᖃᕆᐊᕐᑐᕐᑎᑦᓯᓚᐅᕆᕗᖅ ᑬᓇᓂᒥᐅᓄᑦ ᔪᐊᕐᑕᓂᐅᓪᓗ ᑰᖓᑕ ᓯᓈᓃᑦᑐᓄᑦ, ᐊᒧᕅᒥᐅᓄᑦ, ᕼᐃᑍᑎᒥᐅᓄᑦ, ᐱᕆᔧᑎᒥᐅᓄᑦ, ᔨᐳᓮᑎᒥᐅᓄᑦ ᖃᖅᑲᓃᑦᑐᓄᑦ, ᕼᐃᕔᑎᑎᒥᐅᓄᓪᓗ ᓄᓇᓕᖕᓄᑦ ᓇᑎᕐᓇᒥ ᖃᖅᑲᐅᑉ ᕼᐊᕐᒪᓐ ᐊᑖᓃᑦᑐᓄᑦ ᒥᔅᐸᒥᐅᑦ ᓄᓇᖓᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 11:7

ᑍᒤᒻᒪᑦ ᔮᓱᐊᑉ ᐅᓇᑕᕐᑐᒃᓴᖁᑎᓕᒫᓂᓗ ᐃᓚᒋᓪᓗᒋᑦ ᐅᓇᑕᕈᓐᓇᕐᑐᑦ, ᐅᐸᓗᐃᓪᓗᓂᒋᑦ ᐅᓇᑕᕐᐰᑦ ᒥᕉᒻ ᑰᒐᓛᖓᓂ.

ᔮᓱᐊᑉ ᐊᒡᓚᖏᑦ 13:6

ᓮᑐᓂᒥᐅᑦ ᓄᓇᖁᑎᓕᒫᖓ ᓄᓇᖃᕐᑐᓪᓗ ᖃᖅᑲᓕᖕᓂ ᓕᐸᓇᓂᐅᑉ ᖃᖅᑲᖏᑕ ᒥᔅᕆᐸᑦ-ᒤᒻᓗ ᐊᑯᓐᓂᖓᓂ, ᐃᓄᖏᑦ ᓇᖕᒥᓂᖅ ᓯᖏᑦᓱᒫᕐᐸᒃᑲ ᐃᓴᕆᐊᓕᒥᐅᑦ ᐱᕙᓪᓕᐊᖁᓪᓗᒋᑦ; ᓄᓇᖓ ᐃᓴᕆᐊᓕᒥᐅᑦ ᐊᕕᒃᑐᕆᐊᖃᕈᒫᕐᐹᑦ ᓇᓚᐅᑦᓵᕈᑎᑎᒍᑦ, ᑍᒫᒃ ᑎᓕᓚᐅᕋᒃᑭᑦ.

ᔮᓱᐊᑉ ᐊᒡᓚᖏᑦ 19:28

ᐃᑉᐳᕌᓐ, ᕅᕼᐊᑉ, ᕼᐊᒪᓐ, ᑲᓇ, ᐊᒻᒪ ᓮᑐᓂ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.