ᔮᓱᐊᑉ ᐊᒡᓚᖏᑦ 11:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᑲᑉᐱᐊᒋᑦᑍᓕᒃᑭᑦ, ᑍᒤᓪᓗᐊᓕᕐᐸᑦ ᖃᐅᒃᐸᑦ ᑐᖁᑦᓱᒫᕐᐸᒃᑲ ᐊᑕᖏᕐᓗᒋᑦ, ᐃᓴᕆᐊᓕᒥᐅᑦ ᐱᓪᓗᒋᑦ; ᕿᒻᒥᕐᔪᐊᖏᑦ ᓂᐅᕈᕐᑕᕐᓗᒋᑦ ᑐᓯᐊᓕᕐᑎᓛᕐᐸᑎᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒡᓗᒋᑦ.”

ᔮᓱᐊᑉ ᐊᒡᓚᖏᑦ 11:6 Iomraidhean Croise

ᓴᒧᐃᓕ ᐂᑉᐸᖏᑦ 8:4

ᑍᕕᑎᐅᓪᓗ ᑎᒍᓚᐅᕐᐰᑦ 1,700ᐃᑦ ᕿᒻᒥᕐᔪᐊᒃᑰᕐᑏᑦ, 20,000ᐃᓪᓗ ᐅᓇᑕᕐᑐᒃᓮᑦ ᐱᓱᒃᑏᑦ; 100ᓂᒡᓗ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑎᒍᓯᓚᐅᕐᐳᖅ ᐊᓯᓕᒫᖏᑦ ᑭᖑᓪᓖᖏᑕ ᓄᑭᖏᑦ ᓱᒃᑯᑎᕐᓗᒋᑦ.

ᐊᑕᓃᑦ ᐂᑉᐸᖏᑦ 6:16

ᒎᑎᐅᑉ ᐃᓄᖁᑎᖓ ᐅᖃᕐᐳᖅ, “ᑲᑉᐱᐊᓱᖏᓪᓗᑎᑦ, ᑍᒃᑯᓇᖓᑦ ᐅᓄᕐᓂᕐᓴᓂᒃ ᐃᓚᖃᕐᐳᒍᑦ.”

ᑯᕉᓂᑲ ᐂᑉᐸᖏᑦ 20:16

ᖃᐅᒃᐸᑦ ᐊᑎᕐᕕᒋᓛᕐᐸᓯ ᐅᓇᑕᕆᐊᕐᓗᒋᑦ; ᑕᑯᒋᑦ, ᒪᔪᕋᓛᕐᐳᑦ ᒪᔪᖅᑲᒥ ᔨᑦᔨᒥ; ᑕᑯᓛᕐᐸᓯ ᓇᕐᓴᐅᑉ ᐃᓱᐊᓂ, ᐃᓄᖃᖏᑦᑐᒥ ᔨᕈᐃᓕᐅᑉ ᖃᓂᒋᔮᓂ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:9

ᐅᓇᑕᕐᓃᑦ ᓄᖅᑲᕐᑎᑉᐰᑦ ᓄᓇᕐᔪᐊᓕᒫᒥ; ᐱᑎᒃᓰᑦ ᓇᐱᕔᑦ ᓇᐅᒃᑯᑏᓪᓗ ᑭᐱᓪᓗᒋᑦ ᒪᕐᕉᓕᕔᑦ. ᓴᐴᓗᑍᓪᓗ ᐃᑯᐊᓪᓚᒃᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:7

ᐃᓱᐊᕐᑐᖅ ᐸᓯᔭᒃᓴᐅᓇᓂ ᐃᓅᕗᖅ, ᕿᑐᕐᖓᖏᑦ ᓮᒻᒪᕐᑎᑕᐅᓯᒪᓗᑎᒃ ᑭᖑᓂᖓᓂ ᐃᓅᓂᐊᕐᐳᑦ!

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐃᓯᑭᐊᓕᐅᑉ ᐊᒡᓚᖏᑦ 39:9

ᐃᓴᕆᐊᓕᐅᑉ ᓄᓇᖓᓂ ᐃᒡᓗᒐᓴᒡᔪᐊᕐᒥᐅᑦ ᓱᒋᐅᑎᕕᓂᕐᓂᒃ ᕿᔪᒃᓴᕐᑖᖃᑦᑕᕈᒫᕐᐳᑦ ᐃᑯᐊᓚᑎᑦᓯᕙᒡᓗᑎᒃ, ᓴᐴᓗᑕᕐᓂᒃ ᐊᒡᕖᕋᐅᑎᓂᒡᓗ, ᐱᑎᒃᓯᓂᒃ ᖃᕐᔪᓂᒡᓗ, ᖃᓗᒋᐊᓂᒃ ᐊᓇᐅᑕᓂᒡᓗ, ᑕᒪᒃᑯᓂᖓᓗ ᕿᔪᖃᕐᓗᑎᒃ ᐃᑯᐊᓚᑦᓯᖃᑦᑕᕈᒫᕐᐳᑦ ᐊᕐᕌᒍᓂᒃ 7ᓂᒃ;

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᓇᕼᐅᒥᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐊᑭᕋᕐᑐᕐᓗᑎᑦ ᓵᓕᕐᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᕐᐸᒃᑲ ᐳᔫᓕᕐᓗᑎᒃ, ᐅᓇᑕᕐᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᕐᑕᓕᒫᑎᑦ ᓄᖅᑲᕐᑎᑦᓱᒫᕐᐸᒃᑲ, ᐅᖃᕆᐊᕐᑐᕐᑎᑕᓯᓗ ᑐᓴᕐᓴᐅᖃᑦᑕᕐᓂᐊᕈᓐᓃᕐᐳᖅ.

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᔮᓱᐊᑉ ᐊᒡᓚᖏᑦ 10:8

ᐊᑕᓂᕐᓗ ᔮᓱᐊᒧᑦ ᐅᖃᕐᐳᖅ, “ᑲᑉᐱᐊᒋᑦᑍᓕᒃᑭᑦ, ᑐᓂᓯᕕᒋᔭᕇᕐᐸᒋᑦ ᓵᓚᖃᕐᓂᕐᒥᒃ ᑖᒃᑯᓂᖓ; ᐊᑕᐅᓯᕐᒧᓪᓘᓐᓃᑦ ᐊᑭᒪᔭᐅᓂᐊᓐᖏᓚᑎᑦ.”

ᔮᓱᐊᑉ ᐊᒡᓚᖏᑦ 11:5

ᑖᒃᑯᐊᓕᒫᓪᓗ ᐊᖓᔪᖅᑳᕐᔪᐊᑦ ᐃᓚᒌᓕᕐᐳᑦ ᑲᑎᓪᓗᑎᒃ, ᑕᖕᒫᓚᐅᕐᐳᓪᓗ ᒥᕉᒻ ᑰᒐᓛᖓᓂ, ᐅᓇᑕᕆᐊᕐᐸᓪᓕᐊᓪᓗᑎᒃ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 11:7

ᑍᒤᒻᒪᑦ ᔮᓱᐊᑉ ᐅᓇᑕᕐᑐᒃᓴᖁᑎᓕᒫᓂᓗ ᐃᓚᒋᓪᓗᒋᑦ ᐅᓇᑕᕈᓐᓇᕐᑐᑦ, ᐅᐸᓗᐃᓪᓗᓂᒋᑦ ᐅᓇᑕᕐᐰᑦ ᒥᕉᒻ ᑰᒐᓛᖓᓂ.

ᔮᓱᐊᑉ ᐊᒡᓚᖏᑦ 11:9

ᔮᓱᐊᓪᓗ ᐱᓂᐊᕐᕕᒋᓚᐅᕐᐰᑦ ᐊᑕᓂᕐᒧᑦ ᑎᓕᔭᐅᓂᓂ ᒪᓕᒡᓗᒍ; ᕿᒻᒥᕐᔪᐊᖏᑕ ᓂᐅᖏᑦ ᐃᑭᓕᕐᓱᓚᐅᕐᐰᑦ ᑐᓯᐊᓕᕐᑎᓪᓗᒋᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒃᓗᒋᑦ.

ᔮᓱᐊᑉ ᐊᒡᓚᖏᑦ 3:5

ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ; ᖃᐅᒃᐸᑦ ᐊᑕᓂᖅ ᑲᒪᓇᕐᑐᒥᒃ ᐱᓇᓱᐊᕐᓂᐊᕐᒪᑦ ᐃᓕᑦᓯᓐᓂ.”

ᐃᓗᐊᕐᓮᔩᑦ ᐊᒡᓚᖏᑦ 20:28

ᐱᓂᕼᐋᓯᓗ, ᐃᓕᓯᕆᐅᑉ ᐃᕐᓂᖓ ᐂᕉᓂᐅᑉ ᐃᕐᖑᑕᖓ, ᑲᒪᔨᐅᓚᐅᕐᐳᖅ ᐅᓪᓗᓂ ᑍᒃᑯᓇᓂ), ᐅᖃᕐᓗᓂ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ, ᐅᕝᕙᓘᓐᓃᑦ ᓄᖅᑲᕆᐊᖃᓕᕐᐱᑖ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕆᑦᓯ, ᖃᐅᒃᐸᑦ ᓵᓚᖃᕐᑎᓐᓂᐊᕐᐸᑦᓯ.”

ᐃᓗᐊᕐᓮᔩᑦ ᐊᒡᓚᖏᑦ 7:9

ᑍᑦᓱᒪᓂ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᒪᑭᓕᕆᑦ ᐅᓇᑕᕆᐊᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ; ᓵᓚᖃᕐᑎᑦᑕᕇᕋᒃᑭᑦ.

ᓴᒧᐃᓕ ᓯᕗᓪᓖᑦ 11:9

ᐅᖃᕐᐳᓪᓗ ᐅᖃᕆᐊᕐᑐᕐᓯᒪᔪᓄᑦ ᔭᐲᓯ-ᒋᓖᑎᒥᑦ, “ᐃᓅᖃᑎᓯ ᐅᖃᐅᑎᓯᒋᒃ ᖃᐅᒃᐸᑦ ᑍᒤᓪᓗᐊᓕᕐᐸᑦ ᐃᑲᔪᕆᐊᕐᑕᐅᔪᒫᕐᐳᑦ.” ᔭᐲᓯᒥᐅᓪᓕ ᑕᒪᑐᒥᖓ ᑐᓴᕋᒥᒃ ᖁᕕᐊᓱᒻᒪᕆᓕᕐᐳᑦ.