ᔮᓱᐊᑉ ᐊᒡᓚᖏᑦ 11:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓄᓇᖁᑎᖓ ᑎᑭᐅᒪᕗᖅ ᖃᖅᑲᒥᑦ ᕼᐊᓚᒃᒥᑦ ᐱᒋᐊᕐᓗᒍ ᓰᐊᕆᐅᑉ ᒥᒃᓵᓄᑦ, ᐰᓕ-ᒑᑦᒧᑦ ᑎᑭᓪᓗᒍ, ᓕᐸᓇᓂᐅᑉ ᓇᕐᓴᖓᓄᑦ ᖃᖅᑲᒧᑦ ᕼᐊᕐᒪᓐ ᓯᕿᓂᖓᓄᑦ. ᐊᖓᔪᖅᑳᕐᔪᐊᓕᒫᖏᑦ ᓵᓚᒋᓚᐅᕐᐰᑦ, ᑐᖁᓪᓗᒋᓪᓗ.

ᔮᓱᐊᑉ ᐊᒡᓚᖏᑦ 11:17 Iomraidhean Croise

ᒨᓯᓯ ᓯᕗᓪᓖᑦ 32:3

ᔧᑯᓗ ᑎᓕᓯᕗᖅ ᓯᕗᓂᕐᒥᓂ ᐅᖃᕆᐊᕐᑐᕐᑐᖃᖁᓪᓗᒍ ᐊᖓᔪᒥᓄᑦ ᐄᓴᒧᑦ ᓄᓇᒧᑦ ᓰᐊᕆᒧᑦ ᐄᑐᒥᒦᑦᑐᒧᑦ.

ᐃᓐᖏᕈᑎᑦ 89:12

ᐅᓐᓄᐊᓪᓗᐊᖅ ᐅᓪᓗᓪᓗᐊᕐᓗ, ᐱᓐᖑᕐᑎᓯᒪᕚᒃᑭᒃ; ᖃᖅᑳᒃ ᑍᐸᕆ ᕼᐊᕐᒪᓂᓗ ᖁᕕᐊᓱᒡᓗᑎᒃ ᐊᑎᕐᓂᖅ ᓂᕐᑐᐃᕘᒃ.

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᒨᓯᓯ ᑕᓪᓕᒪᖏᑦ 2:1

“ᑕᕝᕙ ᐅᑎᒧᑦ ᐊᐅᓪᓚᓕᓚᐅᕐᐳᒍᑦ, ᐃᖏᕐᕋᓕᕐᓗᑕᓗ ᐃᓄᖃᖏᑦᑐᒧᑦ ᐃᒪᐅᑉ ᐊᐅᐸᓗᒃᑕᐅᑉ ᓇᓛᓄᑦ, ᑍᒫᒃ ᐊᑕᓂᐅᑉ ᐱᖁᓚᐅᕐᒪᑎᒍᑦ, ᑕᕝᕙᓂᓗ ᓄᓇᖃᓕᓚᐅᕐᐳᒍᑦ ᐊᑯᓂᒐᓚᒃ ᓰᐊᕆᐅᑉ ᖃᖅᑲᖏᓐᓂ.

ᒨᓯᓯ ᑕᓪᓕᒪᖏᑦ 3:9

(ᖃᖅᑲᖅ ᕼᐊᕐᒪᓐ ᓮᑑᓂᐊᒥᐅᓂᑦ ᐊᑎᖃᕐᑎᑕᐅᓚᐅᕐᐳᖅ ᓯᕅᐊᓂᒥᒃ, ᐊᒧᕅᑎᒥᐅᓂᑦ ᐊᑎᖃᕐᑎᑕᐅᒋᓪᓗᓂ ᓯᓂᐊᕐᒥᒃ.)

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᒨᓯᓯ ᑕᓪᓕᒪᖏᑦ 7:24

ᐊᖓᔪᖅᑳᕐᔪᐊᖏᓪᓗ ᐃᓕᑦᓯᓐᓄᑦ ᑐᓂᓂᐊᕐᐰᑦ, ᑕᕝᕙ ᑐᖁᓐᓂᐊᕐᐸᓯ, ᐳᐃᒍᕐᑕᐅᓂᐊᕐᐳᓪᓗ ᓄᓇᕐᔪᐊᕐᒥᐅᓄᑦ. ᓇᓪᓕᐊᓐᓄᓪᓘᓐᓃᑦ ᓄᖅᑲᕐᑎᑕᐅᔪᓐᓇᕐᓂᐊᓐᖏᓚᓯ; ᑕᒪᒃᑯᓂᖓ ᓄᖒᑦᓯᓚᐅᖏᓐᓂᑦᓯᓐᓂ.

ᔮᓱᐊᑉ ᐊᒡᓚᖏᑦ 1:4

ᓄᓇᖁᑎᓯ ᑭᒡᓕᖓ ᐃᓱᖃᕈᒫᕐᐳᖅ ᓕᐸᓇᓂᒥᑦ ᐃᓄᖃᔪᐃᑦᑐᒧᑦ ᑰᖕᒧᑦ ᑎᑭᓪᓗᒍ ᑍᔭᐅᔪᒧᑦ ᐃᕗᕅᑎᒧᑦ, ᕼᐃᑍᑎᐅᓪᓗ ᓄᓇᓕᒫᖓᓂᑦ ᐃᒪᕐᔪᐊᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 11:18

ᔮᓱᐊᑉ ᐊᑯᓂᐊᓗᒃ ᐅᓇᑕᖃᑎᒋᓚᐅᕐᐰᑦ ᑖᒃᑯᐊ ᐊᖓᔪᖅᑳᕐᔪᐊᓕᒫᑦ.

ᔮᓱᐊᑉ ᐊᒡᓚᖏᑦ 11:3

ᐅᖃᕆᐊᕐᑐᕐᑎᑦᓯᓚᐅᕆᕗᖅ ᑬᓇᓂᒥᐅᓄᑦ ᔪᐊᕐᑕᓂᐅᓪᓗ ᑰᖓᑕ ᓯᓈᓃᑦᑐᓄᑦ, ᐊᒧᕅᒥᐅᓄᑦ, ᕼᐃᑍᑎᒥᐅᓄᑦ, ᐱᕆᔧᑎᒥᐅᓄᑦ, ᔨᐳᓮᑎᒥᐅᓄᑦ ᖃᖅᑲᓃᑦᑐᓄᑦ, ᕼᐃᕔᑎᑎᒥᐅᓄᓪᓗ ᓄᓇᓕᖕᓄᑦ ᓇᑎᕐᓇᒥ ᖃᖅᑲᐅᑉ ᕼᐊᕐᒪᓐ ᐊᑖᓃᑦᑐᓄᑦ ᒥᔅᐸᒥᐅᑦ ᓄᓇᖓᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 13:5

ᒋᐸᐅᓕᐅᑉ ᑭᖑᕚᖓᑕ ᓄᓇᖓ, ᓕᐸᓇᓂᒥᐅᓕᒫᓪᓗ ᓯᕿᓂᐅᑉ ᓄᐃᕕᖓᓄᑦ, ᐰᓕ-ᒑᑦᒥᑦ ᐱᒋᐊᕐᓗᒍ, ᖃᖅᑲᐅᑉ ᕼᐊᕐᒪᓂᐅᑉ ᓯᕿᓂᖓᓂᑦ, ᕼᐊᒫᑎᒧᑦ ᐃᑎᕆᐊᕐᕕᖓ ᑎᑭᓪᓗᒍ.