ᔮᓱᐊᑉ ᐊᒡᓚᖏᑦ 11:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᔮᓱᐊᑉ ᓄᓇᓕᒫᖅ ᐊᑕᖏᕐᓗᒍ ᓄᓇᑖᕆᕚ, ᖃᖅᑬᑦ ᓇᑎᕐᓁᓪᓗ ᑕᕐᕋᒥᐅᓄᑦ ᓯᕿᓂᕐᒥᐅᓄᑦ ᓂᒋᑉᒥ ᒎᓯᓂᐅᑉ ᖃᓂᒋᔭᓕᒫᖏᑦ ᓄᓇᓗ ᐸᓂᕐᑐᖅ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᔪᐊᕐᑕᓂᐅᓪᓗ ᓇᕐᓴᖓ.

ᔮᓱᐊᑉ ᐊᒡᓚᖏᑦ 11:16 Iomraidhean Croise

ᐃᓐᖏᕈᑎᑦ 105:44

ᑐᓂᓯᕕᒋᓚᐅᕐᐰᓪᓗ ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᓄᓇᖓᓐᓂᒃ; ᑕᒫᓂ ᓄᓇᖃᓚᐅᕐᑐᑦ ᐱᖁᑎᖏᓐᓂᒃ ᐱᑖᖁᓪᓗᒋᑦ ᓇᖕᒥᓂᕐᑖᕆᓗᒋᑦ,

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᐃᓯᑭᐊᓕᐅᑉ ᐊᒡᓚᖏᑦ 17:23

ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:8

ᐃᓕᑦᓯᓕ, ᐃᓴᕆᐊᓕᐅᑉ ᖃᖅᑲᖏᑦ, ᓇᐹᕐᑐᑎᑦ ᐱᕈᕐᕕᐅᓕᕈᒫᕆᕗᑦ, ᐸᐅᕐᖓᕐᑖᖃᑦᑕᓕᕐᓗᑎᒡᓗ ᐃᓄᖁᑎᒪ ᐃᓴᕆᐊᓕᒥᐅᑉ ᓂᕿᒃᓴᖏᓐᓂᒃ; ᒫᓐᓇᒃᑯᑦ ᐊᖏᕐᕋᕆᐊᒃᓕᖕᒪᑕ.

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᔮᓱᐊᑉ ᐊᒡᓚᖏᑦ 10:40

ᑕᕝᕙ ᔮᓱᐊᑉ ᓄᓇᓕᓕᒫᑦ ᓵᓚᒋᓚᐅᕐᐰᑦ, ᐊᖓᔪᖅᑳᕐᔪᐊᑦ ᖃᖅᑲᓃᑦᑐᑦ ᓵᓚᒋᓪᓗᒋᑦ, ᓯᕿᓂᐅᓪᓗ ᓄᐃᕕᐊᓃᑦᑐᑦ ᓂᒋᑉᒥ ᓯᕕᖓᔪᓂ ᓄᓇᓖᑦ, ᓯᕿᓂᐅᓪᓗ ᓂᐱᕕᐊᓃᑦᑐᑦ ᖃᖅᑲᓃᑦᑐᑦ, ᐊᒡᓛᑦ ᓯᕿᓂᐅᑉ ᓇᓛᓃᑦᑐᑦ ᓄᓇᒥ ᐸᓂᕐᑐᒥ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓚᐅᓐᖏᓔᑦ; ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᑍᒤᓕᐅᖁᓚᐅᕐᒪᒍ.

ᔮᓱᐊᑉ ᐊᒡᓚᖏᑦ 10:41

ᔮᓱᐊᓪᓗ ᐃᓚᒋᔭᖏᑕᓗ ᓵᓚᒋᓚᐅᕐᐰᑦ ᑲᑎᓯ-ᐸᕐᓂᐊᒥᑦ ᒑᓴᒧᑦ ᐃᒪᐅᑉ ᓯᓈᓄᑦ ᑎᑭᓪᓗᒋᑦ, ᒎᓯᓂᐅᓪᓗ ᓄᓇᓕᓕᒫᖓ ᐱᖃᓯᐅᑎᓪᓗᒍ, ᑕᑉᐸᐅᖓᓕᒫᖅ ᓯᕿᓂᐅᑉ ᑕᕐᕌᖓᓄᑦ ᒋᐱᐅᓂ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 11:15

ᐊᑕᓂᐅᑉ ᐱᔨᓂ ᒨᓯᓯ ᑎᓕᓚᐅᕐᒪᒍ, ᑍᒤᒻᒪᑦ ᒨᓯᓯᐅᑉ ᔮᓱᐊ ᑎᓕᓚᐅᕐᐹ, ᔮᓱᐊᓪᓗ ᓈᓚᒃᓗᒋᑦ ᐱᓇᓱᐊᓚᐅᕐᐳᖅ; ᐊᑕᓂᐅᑉ ᑎᓕᓯᑦᔪᑎᒋᓚᐅᕐᑕᓕᒫᖏᑦ ᒨᓯᓯᒧᑦ ᐱᓇᓱᐊᕐᑍᓐᓇᕆᓚᐅᕐᐰᑦ.

ᔮᓱᐊᑉ ᐊᒡᓚᖏᑦ 11:2

ᐊᖓᔪᖅᑳᕐᔪᐊᓄᓪᓗ ᑕᕐᕋᒦᑦᑐᓄᑦ ᖃᖅᑲᒥᐅᓄᑦ ᔪᐊᕐᑕᓂᐅᓪᓗ ᓇᑎᕐᓇᖓᓃᑦᑐᓄᑦ ᓯᓂᕆᑎᐅᑉ ᓯᕿᓂᖓᓄᑦ, ᓇᑎᕐᓇᒦᑦᑐᓄᓪᓗ ᓇᐴᑦ-ᑐᐊᕆᐅᑉ ᓯᓈᓃᑦᑐᓄᑦ.

ᔮᓱᐊᑉ ᐊᒡᓚᖏᑦ 11:21

ᑍᑦᓱᒪᓂᐅᑎᓪᓗᒍ ᔮᓱᐊ ᐂᕗᖅ ᐊᓯᕈᐃᓪᓗᓂᓗ ᐃᓄᒃᐸᖕᓂᒃ ᑍᔭᐅᔪᓂᒃ ᐊᓇᑭᒥᐅᓂᒃ ᓄᓇᖃᕐᑐᓂᒃ ᖃᖅᑲᓂ, ᕼᐃᐸᕋᓐᒥ, ᑎᐱᕆᒥ, ᐊᓈᑉᒥ, ᔫᑕᐅᓪᓗ ᖃᖅᑲᓕᒫᖏᓐᓂ ᓄᓇᖃᕐᑐᓂᒃ, ᐃᓴᕆᐊᓕᐅᓪᓗ ᖃᖅᑲᓕᒫᖏᓐᓂ ᓄᓇᖃᕐᑐᓂᒃ; ᔮᓱᐊᑉ ᐊᓯᕈᕐᑍᓐᓇᕆᓚᐅᕐᐰᑦ ᐃᒡᓗᒐᓴᓕᒫᖏᓪᓗ.

ᔮᓱᐊᑉ ᐊᒡᓚᖏᑦ 12:8

ᖃᖅᑲᓃᑦᑐᓂᒃ ᐃᓚᖃᕐᓗᓂ, ᓯᕿᓂᐅᑉ ᓂᐱᕕᐊᓂᑦ ᖃᖅᑬᑦ ᓇᑎᕐᓇᖏᓐᓄᑦ, ᔪᐊᕐᑕᓂᐅᑉ ᓇᕐᓴᖓ ᓇᑎᕐᓇᖏᓪᓗ ᓯᕿᓂᐅᑉ ᓄᐃᕕᐊᓂᑦᑐᓄᑦ ᒪᔪᖅᑲᓄᑦ ᓯᕿᓂᕐᒦᑦᑐᒧᑦ ᓄᓇᒧᑦ ᓂᒋᑉᒧᑦ ᐸᓂᕐᑐᒧᑦ ᑎᑭᓪᓗᒍ, ᑕᒪᓐᓇ ᓄᓇᒋᔭᐅᓯᒪᔪᖅ ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᑬᓇᓂᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᑦ, ᔨᐳᓮᑎᒥᐅᓄᓪᓗ.

ᔮᓱᐊᑉ ᐊᒡᓚᖏᑦ 9:1

ᐃᓴᕆᐊᓕᒥᐅᑦ ᓵᓚᖃᕐᓂᖓᑦ ᑐᓴᐅᒪᔭᐅᓕᕐᐳᖅ ᐊᖓᔪᖅᑳᕐᔪᐊᓕᒫᓄᑦ ᔪᐊᕐᑕᓂᐅᑉ ᖃᖅᑲᖏᓐᓃᑦᑐᓄᑦ, ᓇᑎᕐᓇᒦᑦᑐᓄᑦ ᒥᑎᑎᕆᓂᐊᑉ ᑕᕆᐅᖓᑕ ᓯᓈᖓᓃᑦᑐᓕᒫᓄᓪᓗ ᓕᐸᓇᓂ ᑎᑭᓪᓗᒍ, ᕼᐃᑍᑎᒥᐅᑦ, ᐊᒧᕅᑎᒥᐅᑦ, ᑬᓇᓂᒥᐅᑦ, ᐱᕆᔧᑎᒥᐅᑦ, ᕼᐃᕔᑎᑎᒥᐅᑦ, ᔨᐳᓮᑎᒥᐅᓄᓪᓗ.