ᔮᓱᐊᑉ ᐊᒡᓚᖏᑦ 11:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓴᕆᐊᓕᒥᐅᓪᓗ ᑎᒍᓯᓚᐅᕐᐳᑦ ᐃᒡᓗᒐᓴᖕᒥᐅᑦ ᐆᒪᔪᖁᑎᖏᓐᓂᒃ ᐱᖁᑎᖏᓐᓂᒡᓗ ᐱᑖᕆᓚᐅᕐᐰᑦ ᓵᓚᖃᐅᓯᐊᕆᓪᓗᒋᑦ; ᐃᓄᓕᒫᖏᓪᓕ ᑐᖁᓚᐅᕐᐰᑦ, ᐊᑕᖏᑦᓯᐊᕐᓗᒋᑦ ᐊᒥᐊᒃᑯᖃᕈᓐᓃᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 11:14 Iomraidhean Croise

ᑯᕉᓂᑲ ᐂᑉᐸᖏᑦ 20:25

ᔨᕼᐆᓴᐸᑦᑯᑦ ᐃᓚᖏᓪᓗ ᑎᑭᓐᓇᒥᒃ ᓇᒡᕚᕐᑕᕆᐊᓕᓚᐅᕐᐳᑦ ᑖᒃᑯᓇᓐᖓᑦ, ᓇᓂᓯᕗᓪᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᕐᔪᐊᓂᒃ, ᓂᕿᓂᒃ, ᐊᓐᓄᕌᓂᒡᓗ, ᐱᔪᒥᓇᕐᑐᓂᒡᓗ ᐱᖁᑎᓂᒃ, ᓄᐊᑦᓯᓚᐅᕐᐳᑦ ᐱᑖᕆᓂᐊᕐᑕᒥᖕᓂᒃ ᐅᓄᕐᑐᕐᔪᐊᓂᒃ ᐊᒡᔭᕐᓯᔪᓐᓁᓪᓕᑐᐃᓐᓇᕐᓗᑎᒃ. ᐅᓪᓗᓂᒃ ᐱᖓᓱᓂᒃ ᓇᒡᕚᕐᑕᓚᐅᕐᐳᑦ ᐱᑖᕐᑐᕐᓗᑎᒃ, ᐅᓄᕐᑐᕐᔪᐊᖑᓚᐅᕐᒪᑕ.

ᒨᓯᓯ ᓯᑕᒪᖏᑦ 31:9

ᐃᓴᕆᐊᓕᒥᐅᑦ ᒥᑎᐊᓂᒥᐅᓂᒃ ᐊᕐᓇᓕᒫᓂᒃ ᑎᒍᓯᓚᐅᕐᐳᑦ ᐊᐅᓪᓚᕈᑎᓪᓗᒋᑦ, ᕿᑐᕐᖓᑯᓗᖏᓪᓗ, ᐆᒪᔪᖁᑎᓕᒫᖏᓪᓗ, ᓰᐱᖁᑎᖏᓪᓗ, ᐱᖁᑎᓕᒫᖏᓪᓗ.

ᒨᓯᓯ ᑕᓪᓕᒪᖏᑦ 20:14

ᐊᕐᓁᓪᓕ ᕿᑐᕐᖓᖏᓪᓗ, ᐆᒪᔪᖁᑎᖏᓪᓗ ᓱᓇᑐᐃᓐᓇᓕᒫᖏᓪᓗ ᑕᕝᕙᓂ ᐃᒡᓗᒐᓴᒡᔪᐊᓃᑦᑐᑦ ᐱᑖᕆᔭᒃᓴᕆᕙᓯ. ᐊᑭᕋᑦᓯ ᐱᖁᑎᓕᒫᑦᓯᐊᖏᑦ ᐊᑕᖏᕐᓗᒋᑦ ᐱᑖᕆᔪᓐᓇᕐᐸᓯ. ᐊᑕᓂᐅᑉ ᒎᑎᑦᓯ ᑐᓂᓯᒪᖕᒪᒋᑦ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 20:16

“ᓄᓇᒋᓕᕐᑕᑦᓯᓐᓂᓕ ᐃᒡᓗᒐᓮᑦ ᓵᓚᒋᒍᑦᓯᐅᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᐃᓄᓕᒫᖏᑦ ᐊᓂᕐᓂᖃᕐᑐᓕᒫᑦ ᑐᖁᑕᒃᓴᕆᕙᓯ.

ᔮᓱᐊᑉ ᐊᒡᓚᖏᑦ 10:40

ᑕᕝᕙ ᔮᓱᐊᑉ ᓄᓇᓕᓕᒫᑦ ᓵᓚᒋᓚᐅᕐᐰᑦ, ᐊᖓᔪᖅᑳᕐᔪᐊᑦ ᖃᖅᑲᓃᑦᑐᑦ ᓵᓚᒋᓪᓗᒋᑦ, ᓯᕿᓂᐅᓪᓗ ᓄᐃᕕᐊᓃᑦᑐᑦ ᓂᒋᑉᒥ ᓯᕕᖓᔪᓂ ᓄᓇᓖᑦ, ᓯᕿᓂᐅᓪᓗ ᓂᐱᕕᐊᓃᑦᑐᑦ ᖃᖅᑲᓃᑦᑐᑦ, ᐊᒡᓛᑦ ᓯᕿᓂᐅᑉ ᓇᓛᓃᑦᑐᑦ ᓄᓇᒥ ᐸᓂᕐᑐᒥ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓚᐅᓐᖏᓔᑦ; ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᑍᒤᓕᐅᖁᓚᐅᕐᒪᒍ.

ᔮᓱᐊᑉ ᐊᒡᓚᖏᑦ 11:11

ᑕᕝᕙᓃᑦᑐᓕᒫᑦ ᐃᓄᖏᑦ ᑐᖁᑉᐰᑦ, ᐊᑕᖏᑦᓯᐊᕐᓗᑎᒃ ᑐᖁᑕᐅᓚᐅᕐᐳᑦ; ᐊᓂᕐᓂᖃᕐᑐᓕᒫᑦ ᓄᖑᑕᐅᓚᐅᕐᐳᑦ, ᐃᒡᓗᒐᓮᓪᓗ ᕼᐂᔭ ᐃᑯᐊᓪᓚᒃᑎᓚᐅᕐᐰᑦ.

ᔮᓱᐊᑉ ᐊᒡᓚᖏᑦ 11:13

ᐃᓴᕆᐊᓕᒥᐅᓪᓕ ᐃᑯᐊᓪᓔᓚᐅᓐᖏᓚᑦ ᐃᒡᓗᒐᓴᕕᓃᑦ ᐃᓂᖏᓐᓂ ᐃᒡᓗᒐᓴᓕᐅᕐᓯᒪᔪᓂᒃ, ᕼᐂᔭ ᑖᓐᓇᑐᐊᖅ; ᔮᓱᐊᑉ ᐃᑯᐊᓪᓚᒃᑕᑐᐊᕆᓚᐅᕐᐹ.

ᔮᓱᐊᑉ ᐊᒡᓚᖏᑦ 11:15

ᐊᑕᓂᐅᑉ ᐱᔨᓂ ᒨᓯᓯ ᑎᓕᓚᐅᕐᒪᒍ, ᑍᒤᒻᒪᑦ ᒨᓯᓯᐅᑉ ᔮᓱᐊ ᑎᓕᓚᐅᕐᐹ, ᔮᓱᐊᓪᓗ ᓈᓚᒃᓗᒋᑦ ᐱᓇᓱᐊᓚᐅᕐᐳᖅ; ᐊᑕᓂᐅᑉ ᑎᓕᓯᑦᔪᑎᒋᓚᐅᕐᑕᓕᒫᖏᑦ ᒨᓯᓯᒧᑦ ᐱᓇᓱᐊᕐᑍᓐᓇᕆᓚᐅᕐᐰᑦ.

ᔮᓱᐊᑉ ᐊᒡᓚᖏᑦ 8:2

ᐱᓂᐊᕐᓂᖃᕐᑐᒃᓴᐅᕗᓯ ᐂᑉ ᐊᖓᔪᖅᑳᕐᔪᐊᖓᓄᑦ ᑍᒫᑦᓮᓐᓇᖅ ᔨᕆᑰᑉ ᐊᖓᔪᖅᑳᕐᔪᐊᖓᓂᒃ ᐱᓂᐊᕐᕕᖃᓚᐅᕐᓂᑦᓯᑐᑦ; ᑭᓯᐊᓂᓕ ᑕᒪᑐᒪᓂ ᐱᖁᑎᖏᑦ ᐱᔪᓐᓇᕐᓂᐊᕐᐸᓯ ᐆᒪᔪᖁᑎᖏᓪᓗ ᓇᖕᒥᓂᕐᑖᕆᓗᒋᑦ; ᐅᓇᑕᕆᐊᓕᕐᓯᐅᒃ ᐃᒡᓗᒐᓮᑦ ᐅᐸᓗᐃᓗᒋᑦ ᑐᓄᐊᓂᑦ.”

ᔮᓱᐊᑉ ᐊᒡᓚᖏᑦ 8:27

ᐃᓴᕆᐊᓕᒥᐅᑦ ᐃᒡᓗᒐᓴᖕᓃᑦᑐᓂᒃ ᐆᒪᔪᓂᒃ ᐱᖁᑎᓂᒡᓗ ᐱᓚᐅᕐᐳᑦ, ᐊᑕᓂᐅᑉ ᑍᒫᒃ ᔮᓱᐊ ᐅᖃᐅᑎᓚᐅᕐᒪᒍ.