ᔮᓱᐊᑉ ᐊᒡᓚᖏᑦ 11:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᔮᓱᐊᓪᓗ ᓵᓚᒋᓚᐅᕐᐰᑦ ᐃᒡᓗᒐᓴᓕᒫᑦ ᐊᖓᔪᖅᑳᕐᔪᐊᓕᒫᖏᓪᓗ, ᐊᑕᖏᕐᓗᒋᓪᓗ ᑐᖁᓚᐅᕐᐰᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᓯᒪᖕᒪᒍ.

ᔮᓱᐊᑉ ᐊᒡᓚᖏᑦ 11:12 Iomraidhean Croise

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 10:20

ᔮᓱᐊᒃᑯᓪᓕ ᐃᓚᖏᓪᓗ ᐃᓴᕆᐊᓕᒥᐅᑦ ᑐᖁᕅᕕᒡᔪᐊᓚᐅᕐᐳᑦ ᑖᒃᑯᓂᖓ, ᓄᖒᑦᓯᓚᐅᖏᓐᓂᓕᒫᒥᖕᓂ, ᐊᒥᐊᒃᑯᖏᓪᓕ ᕿᒫᕗᑦ ᐃᒡᓗᒐᓴᖕᓄᑦ ᐊᕙᓗᓕᐅᕐᓯᒪᔪᓄᑦ,

ᔮᓱᐊᑉ ᐊᒡᓚᖏᑦ 10:28

ᔮᓱᐊᓗ ᐅᓇᑕᕆᐊᐳᖅ ᒪᑮᑕᒥᐅᓪᓗ ᓵᓚᒋᓪᓗᒋᑦ ᐅᓪᓗᒥ ᑕᕝᕙᓂ, ᐊᖓᔪᖅᑳᕐᔪᐊᖓᓪᓗ ᐃᒡᓗᒐᓴᖕᒥᐅᓕᒫᓪᓗ ᓄᖑᑦᓯᐊᕐᓗᒋᑦ ᑐᖁᕋᓚᐅᕐᐰᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑕᖃᓚᐅᓐᖏᓚᖅ; ᒪᑮᑕᒥᐅᑦ ᐊᖓᔪᖅᑳᕐᔪᐊᖓ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:30

ᐊᑕᓂᐅᑉ ᐃᓴᕆᐊᓕᒥᐅᑦ ᓵᓚᖃᕐᑎᓚᐅᕐᐰᑦ ᐃᒡᓗᒐᓴᖕᓂᒃ ᑖᒃᑯᓂᖓ ᐊᖓᔪᖅᑳᕐᔪᐊᖏᓐᓂᒡᓗ; ᔮᓱᐊᓗ ᐊᑕᐅᓯᕐᒥᒡᓘᓐᓃᑦ ᐃᓅᓕᒃᓯᓚᐅᓐᖏᓚᖅ, ᑐᖁᑍᓐᓇᕆᓚᐅᕐᐰᑦ; ᐊᖓᔪᖅᑳᕐᔪᐊᖓᓪᓗ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:32

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ ᓚᑮᓯᒥᐅᓂᒃ, ᐅᓇᑕᕐᓂᖏᑕ ᐅᓪᓘᑉ ᐂᑉᐸᖓᓂ, ᑍᒫᑦᓮᓐᓇᖅ ᐱᓚᐅᕋᒥᒃ ᓕᑉᓇᒥ, ᐊᑕᐅᓯᕐᒥᒡᓘᓐᓃᑦ ᐃᓅᓕᒃᓯᓚᐅᓐᖏᓚᖅ, ᐃᒡᓗᒐᓴᖕᓃᑦᑐᓕᒫᑦ ᑐᖁᑉᐰᑦ.

ᔮᓱᐊᑉ ᐊᒡᓚᖏᑦ 10:35

ᓵᓚᒋᕚᓪᓗ ᐅᓪᓗᒥ ᑍᑦᓱᒪᓂᑦᓮᓐᓇᖅ; ᐃᓄᓕᒫᖏᓪᓗ ᑐᖁᕋᕐᐰᑦ ᐅᓪᓗᒥ ᑖᑦᓱᒪᓂ, ᑍᒫᑦᓮᓐᓇᖅ ᑍᒤᓚᐅᕋᒥᒃ ᓚᑮᓯᒥᐅᓄᑦ.

ᔮᓱᐊᑉ ᐊᒡᓚᖏᑦ 10:37

ᓵᓚᒋᕔᓪᓗ, ᐊᖓᔪᖅᑳᕐᔪᐊᖓᓗ ᑐᖁᑉᐹ ᐃᒡᓗᒐᓴᖕᓃᑦᑐᓪᓗ ᓄᓇᓖᓪᓗ ᖃᓂᒋᔭᖓᓃᑦᑐᓕᒫᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᖃᓚᐅᓐᖏᓚᖅ, ᑍᒫᑦᓮᓐᓇᖅ ᑍᒤᓚᐅᕋᒥ ᐃᒡᓚᓐᒧᑦ, ᐊᓯᕈᓚᐅᕐᐹ ᐃᓄᓕᒫᖏᓪᓗ ᓄᖑᓪᓗᒋᑦ.

ᔮᓱᐊᑉ ᐊᒡᓚᖏᑦ 11:13

ᐃᓴᕆᐊᓕᒥᐅᓪᓕ ᐃᑯᐊᓪᓔᓚᐅᓐᖏᓚᑦ ᐃᒡᓗᒐᓴᕕᓃᑦ ᐃᓂᖏᓐᓂ ᐃᒡᓗᒐᓴᓕᐅᕐᓯᒪᔪᓂᒃ, ᕼᐂᔭ ᑖᓐᓇᑐᐊᖅ; ᔮᓱᐊᑉ ᐃᑯᐊᓪᓚᒃᑕᑐᐊᕆᓚᐅᕐᐹ.

ᔮᓱᐊᑉ ᐊᒡᓚᖏᑦ 11:15

ᐊᑕᓂᐅᑉ ᐱᔨᓂ ᒨᓯᓯ ᑎᓕᓚᐅᕐᒪᒍ, ᑍᒤᒻᒪᑦ ᒨᓯᓯᐅᑉ ᔮᓱᐊ ᑎᓕᓚᐅᕐᐹ, ᔮᓱᐊᓪᓗ ᓈᓚᒃᓗᒋᑦ ᐱᓇᓱᐊᓚᐅᕐᐳᖅ; ᐊᑕᓂᐅᑉ ᑎᓕᓯᑦᔪᑎᒋᓚᐅᕐᑕᓕᒫᖏᑦ ᒨᓯᓯᒧᑦ ᐱᓇᓱᐊᕐᑍᓐᓇᕆᓚᐅᕐᐰᑦ.

ᔮᓱᐊᑉ ᐊᒡᓚᖏᑦ 13:6

ᓮᑐᓂᒥᐅᑦ ᓄᓇᖁᑎᓕᒫᖓ ᓄᓇᖃᕐᑐᓪᓗ ᖃᖅᑲᓕᖕᓂ ᓕᐸᓇᓂᐅᑉ ᖃᖅᑲᖏᑕ ᒥᔅᕆᐸᑦ-ᒤᒻᓗ ᐊᑯᓐᓂᖓᓂ, ᐃᓄᖏᑦ ᓇᖕᒥᓂᖅ ᓯᖏᑦᓱᒫᕐᐸᒃᑲ ᐃᓴᕆᐊᓕᒥᐅᑦ ᐱᕙᓪᓕᐊᖁᓪᓗᒋᑦ; ᓄᓇᖓ ᐃᓴᕆᐊᓕᒥᐅᑦ ᐊᕕᒃᑐᕆᐊᖃᕈᒫᕐᐹᑦ ᓇᓚᐅᑦᓵᕈᑎᑎᒍᑦ, ᑍᒫᒃ ᑎᓕᓚᐅᕋᒃᑭᑦ.

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.

ᔮᓱᐊᑉ ᐊᒡᓚᖏᑦ 8:31

ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᓴᓇᖁᔨᓚᐅᕐᓂᖓᓂᒃ ᑲᔪᓯᑎᑦᓯᓪᓗᓂ ᑎᓕᓯᑦᔪᑎᒋᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᑍᒫᒃ ᒨᓯᓯᐅᑉ ᐱᖁᔭᖏᓐᓂ ᑎᑎᕋᕐᓯᒪᖕᒪᑦ: “ᑐᓂᕐᕈᓯᕐᕕᒃ ᓇᑲᑎᕐᑕᐅᓯᒪᖏᑦᑐᓂᒃ ᐅᔭᕋᖃᕆᐊᖃᕐᐳᖅ, ᓴᕕᕋᔭᖕᓄᑦ ᓴᓇᕐᕈᑎᓄᑦ ᐊᒃᑐᕐᑕᐅᓯᒪᖏᓪᓗᑎᒃ.” ᖄᖓᓂ ᑐᓂᕐᕈᓯᓚᐅᕐᐳᖅ ᐃᑯᐊᓚᑎᑦᓯᓪᓗᑎᒃ ᐊᑕᓂᕐᒧᑦ, ᑐᓂᕐᕈᓯᕐᓗᑎᒡᓗ ᓮᒻᒪᕐᑎᑕᐅᓂᕐᒧᑦ ᑐᓂᕐᕈᑎᒥᒃ.

ᔮᓱᐊᑉ ᐊᒡᓚᖏᑦ 8:8

ᐃᒡᓗᒐᓮᑦ ᓵᓚᒋᒍᑦᓯᐅᒃ ᐃᑯᐊᓪᓚᒃᑎᓐᓂᐊᕐᐸᓯ ᐊᑕᓂᖅ ᑍᒫᒃ ᑎᓕᓯᓚᐅᕐᒪᑦ; ᑖᒃᑯᐊ ᑕᕝᕙ ᑎᓕᓯᑦᔪᑎᒋᔭᒃᑲ ᐃᓕᑦᓯᓐᓄᑦ.”

ᔮᓱᐊᑉ ᐊᒡᓚᖏᑦ 9:24

ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ.