ᔮᓱᐊᑉ ᐊᒡᓚᖏᑦ 10:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒋᐱᐅᓂᒥᐅᓪᓗ ᐅᖃᕆᐊᕐᑐᕐᑎᑦᓯᕗᑦ ᔮᓱᐊᒧᑦ ᑕᖕᒫᕐᓯᒪᑎᓪᓗᒋᑦ ᒋᐅᓪᒐᐅᓪᒥ ᐅᖃᕐᓗᑎᒃ: “ᑲᒪᒋᖏᑦᑑᑦᑍᓕᑎᒍᑦ ᐊᖓᔪᖅᑳᒃ; ᕾᑦᓴᐅᑎᒋᓚᐅᕆᑦ ᐃᑲᔪᕆᐊᕐᓗᑕ, ᐱᐅᓕᓚᐅᕐᑎᒍᑦ ᐊᒧᕅᑎᒥᐅᑦ ᐊᖓᔪᖅᑳᕐᔪᐊᓕᒫᖏᑦ ᖃᖅᑲᒥᐅᑍᑦ ᑕᐱᕇᒃᓗᑎᒃ ᐅᓇᑕᕆᐊᓕᕐᒪᑕ ᐅᕙᑦᑎᓐᓂᒃ.”

ᔮᓱᐊᑉ ᐊᒡᓚᖏᑦ 10:6 Iomraidhean Croise

ᐊᑕᓃᑦ ᐂᑉᐸᖏᑦ 4:24

ᐊᕐᓇᐅᑉ ᓯᐅᑎᖅᑯᕐᑐᔪᖅ ᐃᒃᓯᕙᐅᑦᓯᕋᒥᐅᒃ ᐱᔨ ᐅᖃᐅᑎᕚ, “ᓯᕗᓪᓕᐅᓕᕆᑦ, ᐅᕙᓐᓂᒃ ᐃᓱᒪᖏᓪᓗᑎᑦ ᐅᑕᖅᑭᖃᑦᑕᕐᑍᓕᒋᑦ, ᐅᖃᕐᓂᐊᕐᐳᖓ ᐅᑕᕿᔭᐅᔪᒪᓕᕈᒪ.”

ᐃᓐᖏᕈᑎᑦ 125:2

ᔨᕉᓴᓕᒻ ᖃᖅᑲᓄᑦ ᐅᖓᓗᔭᐅᓯᒪᖕᒪᑦ, ᑍᒫᑦᓮᓐᓇᕐᑕᐅᖅ ᐊᑕᓂᐅᑉ ᐃᓄᖁᑎᓂ ᐅᖓᓗᓯᒪᒋᕔᑦ, ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᒨᓯᓯ ᓯᑕᒪᖏᑦ 13:29

ᐊᒪᓕᑬᑎᑦ ᓄᓇᖃᕐᐳᑦ ᓯᕿᓂᐅᑉ ᓇᓛᓂ ᓂᒋᑉᒥ; ᕼᐃᑍᑎᑦ, ᔨᐳᓮᑎᑦ, ᐊᒧᕅᑎᓪᓗ ᓄᓇᖃᕐᐳᑦ ᖃᖅᑲᓂ; ᑬᓇᓂᒥᐅᑦ ᓄᓇᖃᕐᐳᑦ ᐃᒪᐅᑉ ᓯᓈᓂ ᑰᓪᓗ ᔪᐊᕐᑕᓂᐅᑉ ᓯᓈᓂ.”

ᓘᑲᓯᐅᑉ ᐊᒡᓚᖏᑦ 1:39

ᐅᓪᓗᐃᑦ ᑖᒃᑯᐊ ᑭᖑᓂᑦᓯᐊᖓᑦᑎᒍᑦ ᒥᐊᕆ ᐸᕐᓇᓕᕐᐳᖅ ᑐᐊᕕᕐᓗᓂ ᐂᓕᕐᐳᖅ ᓄᓇᒧᑦ ᖃᖅᑲᓕᖕᒧᑦ, ᔫᑕᐅᑉ ᐃᒡᓗᒐᓴᖏᓐᓄᑦ,

ᒨᓯᓯ ᑕᓪᓕᒪᖏᑦ 1:15

ᑕᕝᕙ ᐃᓕᑦᓯᓐᓂᑦ ᓯᓚᑐᔪᓂᒃ ᖃᐅᔨᒪᑦᓯᐊᕐᑐᓂᒡᓗ ᑕᓯᐅᕐᑎᐅᓂᐊᕐᑐᓂᒃ ᓂᕈᐊᓚᐅᕐᐳᓯ ᑭᖑᕚᕇᖑᔪᓂᑦ ᐱᓯᒪᔪᓂᒃ, ᑖᒃᑯᐊᓗ ᐃᓕᑦᓯᓐᓄᑦ ᐊᖓᔪᖅᑳᕈᕐᑎᓚᐅᕐᐸᒃᑲ. ᐃᓚᖏᑦ ᑲᒪᓂᐊᓕᕐᓗᑎᒃ ᐃᓄᖕᓄᑦ 1,000ᓄᑦ, ᐃᓚᖏᓪᓗ 100ᓄᑦ ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ. ᐊᓯᖏᓐᓂᒃᑕᐅᖅ ᐊᖓᔪᖅᑳᖑᓂᐊᕐᑐᓂᒃ ᑭᖑᕚᕇᓂ ᑎᓕᓯᓚᐅᕆᕗᖓ.

ᔮᓱᐊᑉ ᐊᒡᓚᖏᑦ 10:5

ᑍᒤᒻᒪᑦ ᑖᒃᑯᐊ ᐊᖓᔪᖅᑳᕐᔪᐊᑦ ᑕᓪᓕᒪᑦ ᐊᒧᕅᑎᒥᐅᑦ, ᑲᑎᓚᐅᕐᐳᑦ ᐃᓚᒌᓕᕐᓗᑎᒃ, ᔨᕉᓴᓕᒥᐅᑦ ᐊᖓᔪᖅᑳᕐᔪᐊᖓ, ᕼᐃᐸᕋᓐ ᐊᖓᔪᖅᑳᕐᔪᐊᖓ, ᔭᕐᒨᑎᒥᐅᑦ ᐊᖓᔪᖅᑳᕐᔪᐊᖓ, ᓚᑮᓯᒥᐅᑦ ᐊᖓᔪᖅᑳᕐᔪᐊᖓ, ᐃᒡᓚᓐ ᐊᖓᔪᖅᑳᕐᔪᐊᖓ, ᒋᐱᐅᓂ ᓴᓂᐊᓂ ᑕᖕᒫᕐᐳᑦ ᐅᓇᑕᕈᒪᓪᓗᒍ, ᐅᓇᑕᓕᓚᐅᕐᐳᓪᓗ.

ᔮᓱᐊᑉ ᐊᒡᓚᖏᑦ 10:7

ᔮᓱᐊᓗ ᐅᓇᑕᕐᑎᖁᑎᒥᓂᒃ ᐱᓯᑎᐅᓂᕐᐹᓂᒃ ᐱᖃᑎᖃᕐᓗᓂ ᐊᐅᓪᓚᕐᐳᖅ ᒋᐅᓪᒐᐅᓪᒥᑦ.

ᔮᓱᐊᑉ ᐊᒡᓚᖏᑦ 21:11

ᑐᓂᔭᐅᕗᑦ ᐃᒡᓗᒐᓴᖕᓂᒃ ᑭᕆᐊᑦ-ᐊᕋᐸᒥᒃ (ᑖᓐᓇ ᐋᕐᐸ ᐋᓇᑭᐅᑉ ᐊᑖᑕᒋᓚᐅᕐᑕᖓ), ᒫᓐᓇ ᑍᔭᐅᔪᖅ ᕼᐃᐸᕋᓐᒥᒃ, ᔫᑕᐅᑉ ᓄᓇᖓᓂ ᖃᖅᑲᓃᑦᑐᖅ, ᓄᓇ ᐱᕈᕐᑐᓕᒃ ᐊᕙᑖᓃᑦᑐᖅ ᐃᓚᒋᔭᐅᑎᓪᓗᒍ.

ᔮᓱᐊᑉ ᐊᒡᓚᖏᑦ 5:10

ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.

ᔮᓱᐊᑉ ᐊᒡᓚᖏᑦ 9:15

ᔮᓱᐊ ᐊᖏᖃᑎᖃᓚᐅᕐᐳᖅ ᐃᓚᓐᓈᕆᔪᒪᓪᓗᒋᑦ, ᑐᖁᑕᐅᖁᓇᒋᓪᓗ; ᐃᓴᕆᐊᓕᒥᐅᓪᓗ ᓯᕗᓕᕐᑎᖏᑦ ᐊᖏᒻᒪᕆᓚᐅᕐᐳᑦ ᐃᓚᓐᓈᖃᕈᒪᓪᓗᑎᒃ ᑖᒃᑯᓂᖓ.

ᔮᓱᐊᑉ ᐊᒡᓚᖏᑦ 9:6

ᔮᓱᐊᓪᓗ ᑕᖕᒫᕐᓯᒪᕕᖓᓄᑦ ᒋᐅᓪᒐᐅᓪᒧᑦ ᐂᕗᑦ, ᐅᖃᕐᓗᑎᒡᓗ ᔮᓱᐊᒧᑦ ᐃᓴᕆᐊᓕᒥᐅᓄᓪᓗ, “ᐅᖓᓯᒃᑐᒥᑦ ᓄᓇᒥᑦ ᐱᕗᒍᑦ; ᐊᖏᖃᑎᖃᕈᒪᒐᑦᑕ ᐃᓕᑦᓯᓐᓂᒃ.”

ᔮᓱᐊᑉ ᐊᒡᓚᖏᑦ 9:8

ᑖᒃᑯᐊ ᔮᓱᐊᒧᑦ ᐅᖃᕐᐳᑦ, “ᐃᓱᒤᓐᓇᕐᕈᑕᐅᕗᒍᑦ ᐃᓕᖕᓄᑦ.” ᔮᓱᐊᑉ ᐅᖃᐅᑎᕔᑦ, “ᑭᓇᒃᑯᒥᐅᑕᐅᕕᓰ? ᓇᑭᓪᓗ ᐱᓯᒪᕕᓰ?”