ᔮᓱᐊᑉ ᐊᒡᓚᖏᑦ 10:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᔮᓱᐊᓪᓗ ᐅᖃᐅᑎᕔᑦ, “ᑲᑉᐱᐊᓱᒐᓯ, ᓴᐱᕐᑍᓕᒋᑦᓯᓗ; ᓴᓐᖏᔫᓗᓯ ᓯᕘᕋᔪᐃᑦᑑᒋᑦᓯ; ᑍᒫᒃ ᑕᕝᕙ ᐊᑕᓂᐅᑉ ᐱᓇᓱᐊᕐᕕᒋᖃᑦᑕᕐᓂᐊᕐᐰᑦ ᐊᑭᕋᓕᒫᓯ ᐅᓇᑕᕐᑕᓯ.”

ᔮᓱᐊᑉ ᐊᒡᓚᖏᑦ 10:25 Iomraidhean Croise

ᐃᓐᖏᕈᑎᑦ 63:9

ᐅᕙᓐᓂᒡᓕ ᑐᖁᑦᓯᔪᒪᓪᓗᑎᒃ ᕿᓂᕐᑐᑦ ᓄᓇᒧᑦ ᐊᒃᐸᓯᖕᓂᕐᓴᒧᑦ ᐂᔪᒫᕐᐳᑦ.

ᐃᓐᖏᕈᑎᑦ 77:11

ᐊᑕᓂᐅᑉ ᐱᓂᐊᕐᓂᕆᓯᒪᔭᖏᑦ ᐳᐃᒍᕐᓂᐊᓐᖏᓚᒃᑲ; ᐃᓛᒃ, ᑍᑦᓱᒪᓂᐊᓗᒃ ᑲᒪᓇᕐᑐᓕᓂᑎᑦ ᐃᖅᑲᐅᒪᔪᒪᕙᒃᑲ.

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:10

ᑖᑦᓱᒪ ᓴᐳᑎᓚᐅᕐᐹᑎᒍᑦ ᑐᖁᒦᓐᓇᕐᑐᓂᑦ, ᓱᓕᓗ ᓴᐳᑎᓂᐊᕆᕚᑎᒍᑦ; ᑖᑦᓱᒪᓐᖓᑦ ᓂᕆᐅᒃᐳᒍᑦ ᓱᓕ ᓴᐳᑎᓯᒪᓂᐊᕐᒪᑎᒍᑦ.

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᔮᓱᐊᑉ ᐊᒡᓚᖏᑦ 1:6

ᓲᖑᓂᖃᓕᕆᑦ ᖁᓚᖏᓪᓗᑎᓪᓗ; ᓯᕗᓕᕐᑎᐅᓛᕋᕕᑦ ᐃᓄᖕᓄᑦ ᓄᓇᑖᓕᕐᑎᓪᓗᒋᑦ ᑕᒪᓐᓇ ᑍᒫᒃ ᓯᕗᓕᖏᓐᓄᑦ ᐊᖏᕈᑎᒋᓚᐅᕋᒃᑯ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᔮᓱᐊᑉ ᐊᒡᓚᖏᑦ 10:8

ᐊᑕᓂᕐᓗ ᔮᓱᐊᒧᑦ ᐅᖃᕐᐳᖅ, “ᑲᑉᐱᐊᒋᑦᑍᓕᒃᑭᑦ, ᑐᓂᓯᕕᒋᔭᕇᕐᐸᒋᑦ ᓵᓚᖃᕐᓂᕐᒥᒃ ᑖᒃᑯᓂᖓ; ᐊᑕᐅᓯᕐᒧᓪᓘᓐᓃᑦ ᐊᑭᒪᔭᐅᓂᐊᓐᖏᓚᑎᑦ.”

ᓴᒧᐃᓕ ᓯᕗᓪᓖᑦ 17:37

ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.”