ᔮᓱᐊᑉ ᐊᒡᓚᖏᑦ 10:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᓵᓚᖃᕐᑎᒻᒪᒋᑦ ᐊᒧᕅᑎᒥᐅᓂᒃ, ᔮᓱᐊ ᐃᓴᕆᐊᓕᒥᐅᓕᒫᑦ ᖃᐅᔨᑎᓪᓗᒋᑦ ᐊᑕᓂᕐᒧᑦ ᐅᖃᕐᐳᖅ, “ᓯᕿᓃᖅ ᓄᖅᑲᕆᑦ ᒋᐱᐅᓂᐅᑉ ᖁᓛᓄᑦ; ᑕᖅᑮᕐᓗ ᓄᖅᑲᖓᓗᑎᑦ ᐂᔭᓚᓐ ᓇᕐᓴᖓᑕ ᓇᓛᓂ.”

ᔮᓱᐊᑉ ᐊᒡᓚᖏᑦ 10:12 Iomraidhean Croise

ᓴᒧᐃᓕ ᐂᑉᐸᖏᑦ 2:12

ᐋᑉᓄ ᓂᕆᐅᑉ ᐃᕐᓂᖓ, ᐃᔅᐳᓴᐅᓪᓗ ᓴᐅᓕᐅᑉ ᐃᕐᓂᖓᑕ ᐊᖓᔪᖅᑳᖁᑎᖏᑦ ᒪᕼᐊᓁᒥᑦ ᒋᐱᐅᓂᒧᑦ ᐂᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 20:10

ᕼᐃᓯᑬᐊᐅᑉ ᑭᐅᕚ, “ᑕᕐᕋᖅ ᐃᖏᕐᕋᒃᐹᑦ ᓯᕗᒧᑦ ᐊᓪᓗᕐᓂᕐᓂᒃ ᖁᓕᓂᒃ ᐱᔭᕐᓂᓗᐊᕐᒪᑦ; ᖃᓄᐃᒻᒪᓪᓕ ᐊᓪᓗᕐᓂᕐᓂᒃ ᖁᓕᓂᒃ ᐅᑎᒧᖔᖅ ᐃᖏᕐᕋᓗᓂ.”

ᐊᑕᓃᑦ ᐂᑉᐸᖏᑦ 20:11

ᐂᓮᐊᓯ ᐊᑕᓂᕐᒧᑦ ᑐᒃᓯᐊᕐᐳᖅ; ᑕᕝᕙ ᐊᑕᓂᐅᑉ ᑕᕋᖅ ᐅᑎᒧᑦ ᖁᓕᓂᒃ ᐊᓪᓗᕐᓂᕐᓂᒃ ᐃᖏᕐᕋᑎᑉᐹ, ᐂᕼᐊᓯᐅᑉ ᓯᕿᓂᐅᑉ ᑕᕐᕋᖓᓄᑦ ᖃᐅᔨᓴᐅᑎᓕᐊᕆᓯᒪᔭᖓᓄᑦ ᐃᑲᕐᕋᕐᓯᐅᑎᒧᑦ.

ᐊᑕᓃᑦ ᐂᑉᐸᖏᑦ 20:9

ᐂᓮᐊᓯᐅᑉ ᑭᐅᕚ, “ᐃᒫᒃ ᐃᓕᖕᓄᑦ ᓇᓗᓁᒃᑯᑕᖃᕐᐳᖅ ᐊᑕᓂᕐᒥᑦ, ᐊᑕᓂᐅᑉ ᐱᓂᐊᕐᓂᕆᓂᐊᕐᑕᖓ ᐊᖏᕐᓯᒪᓂᕐᒥᓄᑦ: ᐊᓪᓗᕐᓂᕐᓂᒃ ᖁᓕᓂᒃ ᑕᕐᕋᖅ ᓯᕗᒻᒧᑦ ᐃᖏᕐᕋᖁᕕᐅᒃ, ᐅᕝᕙᓗ ᑭᖑᒧᑦ ᖁᓕᓂᒃ ᐃᖏᕐᕋᖁᕕᐅᒃ?”

ᑯᕉᓂᑲ ᓯᕗᓪᓖᑦ 8:13

ᐱᕅᐊᓗ ᓰᒪᓗ, ᐊᖓᔪᖅᑳᖑᔫᒃ ᐊᑖᑕᖏᑕ ᐃᓚᖏᓐᓂ ᐂᔭᓚᓐᒥ ᓄᓇᖃᕐᑐᓂ, ᐅᓇᑕᕐᓗᑎᒃ ᓯᖏᑦᓯᓚᐅᕐᑐᑦ ᑕᕝᕙᓂ ᓄᓇᖃᕐᑐᓂᒃ ᒑᑎᒥᐅᓂᒃ.

ᑯᕉᓂᑲ ᐂᑉᐸᖏᑦ 11:10

ᔫᕋ, ᐂᔭᓚᓐ, ᕼᐃᐸᕋᓐᓗ, ᑖᒃᑯᐊ ᔫᑕᒦᑦᑐᑦ ᐱᓐᔭᒥᓂᒥᓗ ᐃᒡᓗᒐᓮᑦ ᓴᐴᓗᑕᖃᓕᕐᐳᑦ.

ᔫᐱᐅᑉ ᐊᒡᓚᖏᑦ 9:7

ᓯᕿᓂᖅ ᑍᒤᖁᑐᐊᕐᐸᒍ ᓴᖅᑭᖏᑦᓱᓐᓇᕐᐳᖅ; ᐅᓪᓗᕆᐊᓪᓗ ᖃᐅᒻᒪᒃᑎᑦᑍᓕᔪᓐᓇᕐᓗᓂᒋᑦ ᐅᓐᓄᒃᑯᑦ;

ᐃᓐᖏᕈᑎᑦ 148:3

ᓯᕿᓃᖅ ᑕᖅᑮᕐᓗ, ᑖᓐᓇ ᓂᕐᑐᕐᓯᐅᒃ! ᐅᓪᓗᕆᐊᖑᔪᓯ ᖃᐅᒻᒪᕆᒃᑐᓯ, ᓂᕐᑐᕐᓯᐅᒃ!

ᐃᓐᖏᕈᑎᑦ 19:4

ᓂᐱᖏᑦ ᐂᕗᑦ ᓄᓇᕐᔪᐊᒧᑦ ᑕᒤᓐᓄᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ. ᑕᕝᕙᓂ ᑕᑯᒃᓴᐅᔪᓂ ᓯᕿᓂᖅ ᑐᐱᓕᐅᕐᐹ,

ᐃᓐᖏᕈᑎᑦ 74:16

ᐅᓪᓗᖅ ᐱᒋᕙᑦ, ᐅᓐᓄᐊᕐᓗᑦᑕᐅᖅ ᐱᒋᒋᕙᑦ; ᑕᖅᑭᖅ ᓯᕿᓂᕐᓗ ᐸᕐᓇᒃᓯᒪᕙᑎᑦ ᐃᓂᑖᕐᑎᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 28:21

ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 38:8

ᑕᑯᒋᑦ ᓯᕿᓂᕐᒧᑦ ᖃᐅᔨᓴᐅᑎᐅᑉ ᑕᕐᕋᖓ ᐂᕼᐊᓯᐅᑉ ᓴᓇᓚᐅᕐᑕᖓ ᐊᓪᓗᕐᓂᕐᓂᒃ ᖁᓕᓂᒃ ᐅᑎᕆᐊᕐᑎᑦᓱᒪᕙᕋ.” ᑍᒤᒻᒪᑦ ᓯᕿᓂᐅᑉ ᑕᕐᕋᖓ ᐅᑎᕆᐊᓚᐅᕐᐳᖅ ᐊᓪᓗᕐᓂᕐᓂᒃ ᖁᓕᓂᒃ ᓯᕗᒧᐊᒡᕕᒋᓚᐅᕐᑕᒥᓂᑦ.

ᐂᓮᐊᓯᐅᑉ ᐊᒡᓚᖏᑦ 60:20

ᓯᕿᓂᓯ ᓂᐱᔪᐃᑦᑑᓕᕈᒫᕐᐳᖅ, ᑕᖅᑭᕐᓗ ᑕᕐᕆᑉᐸᒍᓐᓃᕐᓗᓂ; ᐊᑕᓂᐅᑉ ᖃᐅᒪᓂᖓᑕ ᐃᓱᖃᖏᑦᑐᒧᑦ ᖃᐅᒪᑎᑦᓱᒫᕐᐹᓯ, ᐅᓪᓗᐃᑦ ᕿᒃᓵᒡᕕᒋᓚᐅᕐᑕᓯ ᐃᓱᓕᑦᓱᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 28:1

ᐊᕐᕌᒍᒥ ᑕᕝᕙᓂᑦᓮᓐᓇᖅ, ᑕᖅᑮᑦ ᑕᓪᓕᒪᖓᓐᓂ ᐊᕐᕌᒍᐃᑦ ᓯᑕᒪᒋᓕᕐᑕᖓᓐᓂ, ᔨᑎᑬᐊ ᐊᖓᔪᖅᑳᕐᔪᐊᖑᓕᓵᕐᑎᓪᓗᒍ ᔫᑕᒥ, ᐱᔪᖃᓛᕐᑐᒥᒃ ᐅᖃᕐᑎ ᕼᐊᓇᓁᐊ ᐊᔾᔪᕆᐅᑉ ᐃᕐᓂᖓ ᒋᐱᐅᓂᒥᐅᑕᖅ ᐅᕙᓐᓄᑦ ᐅᖃᕐᐳᖅ ᐊᑕᓂᐅᑉ ᐃᒡᓗᖓᓂ ᑐᓂᕐᕈᓯᕐᑎᑦᓯᔩᑦ ᐃᓄᐃᓪᓗ ᑐᓵᑎᓪᓗᒋᑦ,

ᐂᒨᓯᐅᑉ ᐊᒡᓚᖏᑦ 2:9

“ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 8:9

ᐊᑕᓂᖅ ᒎᑎ ᐅᖃᕐᐳᖅ, “ᐃᒤᑦᓱᒫᕐᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᕐᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᕐᓯᑎᑦᓱᒫᕐᐸᕋ ᐅᓪᓘᑎᓪᓗᒍ.

ᕼᐊᐸᑲᐅᑉ ᐊᒡᓚᖏᑦ 2:20

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓂ ᐃᑦᔪᕐᓁᑦᑐᒦᑉᐳᖅ; ᓄᓇᕐᔪᐊᕐᒥᐅᓕᒫᑦ ᓂᐸᖏᕐᓕᑦ ᑖᑦᓱᒪ ᓵᖓᓂ.

ᕼᐊᐸᑲᐅᑉ ᐊᒡᓚᖏᑦ 3:11

ᖃᕐᔪᕕᑦ ᓱᒃᑲᓕᓂᕐᒧᑦ ᖃᐅᒻᒪᓪᓚᖕᓂᖏᓐᓂ ᖃᓗᒋᐊᕐᐱᓪᓗ ᓱᒃᑲᓂᖏᑕ ᕿᓪᓛᒋᕐᓂᖏᓐᓂ, ᓯᕿᓂᖅ ᑕᖅᑭᕐᓗ ᐃᓂᒥᖕᓂ ᓄᖅᑲᖓᓚᐅᕐᐴᒃ.

ᓴᑲᕅᐊᐅᑉ ᐊᒡᓚᖏᑦ 2:13

ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”

ᒨᓯᓯ ᑕᓪᓕᒪᖏᑦ 17:3

ᑐᒃᓯᐊᖃᑦᑕᓕᕐᑐᖃᕐᐸᑦ ᐱᔨᑦᓯᓕᕐᑐᖃᕐᐸᓪᓗ ᒎᑎᓐᖑᐊᓄᑦ ᐅᕝᕙᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᐅᓪᓗᕆᐊᓄᓪᓘᓐᓃᑦ, ᐊᑕᓂᐅᑉ ᐱᖁᔨᑦᔪᑎᒋᓯᒪᔭᖓᓄᑦ ᐊᑭᕋᕐᑐᕐᑐᓂᒃ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 10:13

ᑕᕝᕙ ᓯᕿᓂᖅ ᓄᖅᑲᖓᓚᐅᕐᐳᖅ, ᑕᖅᑭᕐᓗ ᐊᐅᓚᑦᔭᓚᐅᓐᖏᓚᖅ, ᑖᒃᑯᐊ ᐃᓅᖃᑎᒌᒡᔪᐊᑦ ᓵᓚᖃᓚᐅᖅᑳᕐᑎᓐᓇᒋᑦ ᐊᑭᕋᒥᖕᓂᒃ. ᑕᒪᓐᓇᓗ ᑎᑎᕋᕐᑕᐅᓯᒪᕗᑦ ᔧᓵᑉ ᐊᒡᓚᖏᓐᓂ, ᓯᕿᓂᖅ ᓄᖅᑲᖓᓚᐅᐳᖅ ᕿᓚᐅᑉ ᕿᑎᐊᓂ, ᓂᐱᓚᐅᓐᖏᓚᕐᓗ ᐅᓪᓗᓕᒫᖅ ᓈᓪᓗᒍ.

ᔮᓱᐊᑉ ᐊᒡᓚᖏᑦ 19:42

ᓵ-ᐊᓚᐱᓐ, ᐂᔭᓚᓐ, ᐂᑕᓚ,

ᔮᓱᐊᑉ ᐊᒡᓚᖏᑦ 21:24

ᐂᔭᓚᓐ ᐱᕈᕐᓰᕕᖏᓪᓗ, ᒑᑎ-ᕆᒪᓐᓗ ᐱᕈᕐᓰᕕᖏᓪᓗ ᐃᒡᓗᒐᓮᑦ ᓯᑕᒪᑦ;

ᐃᓗᐊᕐᓮᔩᑦ ᐊᒡᓚᖏᑦ 12:12

ᐃᓘᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐂᔭᓚᓐᓂᒥ ᓯᐳᓗᓂᐅᑉ ᓄᓇᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 5:20

ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ, ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.

ᓴᒧᐃᓕ ᓯᕗᓪᓖᑦ 12:18

ᑕᕝᕙ ᓴᒧᐃᓕ ᑐᒃᓯᐊᓕᕐᐳᖅ ᐊᑕᓂᕐᒧᑦ, ᐊᑕᓂᕐᓗ ᑲᓪᓕᓕᕐᑎᑦᓯᕗᖅ ᓯᓚᓗᓕᕐᑎᓪᓗᒍᓗ ᐅᓪᓗᒥ ᑕᕝᕙᓂ; ᐃᓄᓕᒫᓪᓗ ᑲᑉᐱᐊᓱᓕᕐᐳᑦ ᐊᑕᓂᕐᒥᒃ ᓴᒧᐃᓕᒥᒡᓗ.

ᓴᒧᐃᓕ ᓯᕗᓪᓖᑦ 14:31

ᐅᓪᓗᒥ ᑍᑦᓱᒪᓂ ᐃᓴᕆᐊᓕᒥᐅᑦ ᓵᓚᖃᕐᐳᑦ ᐱᓕᔅᑍᓂᒥᐅᓂᒃ, ᐅᓇᑍᓐᓇᕐᓗᑎᒃ ᒥᒃᒫᔅᒥᑦ ᐂᔭᓚᓐᒧᑦ ᑎᑭᓪᓗᒍ. ᐃᓴᕆᐊᓕᒥᐅᓪᓗ ᓄᑮᕈᑎᓕᓚᐅᕐᐳᑦ;