ᔮᓱᐊᑉ ᐊᒡᓚᖏᑦ 10:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᐅᓪᓗ ᐊᒧᕅᑎᒥᐅᑦ ᐅᐃᒪᔮᕐᑎᓚᐅᕐᐰᑦ ᑕᑯᑐᐊᕐᒪᑕ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ, ᐃᓴᕆᐊᓕᒥᐅᓂᑦ ᒋᐱᐅᓂᒥ ᐅᓄᕐᑐᐊᓗᐃᑦ ᑐᖁᕋᕐᑕᐅᓚᐅᕐᐳᑦ, ᒪᓕᒃᑕᐅᓪᓗᑎᒡᓗ ᐊᖅᑯᑎᒃᑯᑦ ᖃᖅᑲᒥᑦ ᐱᑦ-ᕼᐅᕋᓐᒧᑦ ᑐᕌᕐᑐᒃᑯᑦ, ᐅᓇᑍᓐᓇᓚᐅᕐᐰᓪᓗ ᐊᔨᑲᒧᑦ ᒪᑮᑕᒧᓪᓗ ᑎᑭᓪᓗᑎᒃ.

ᔮᓱᐊᑉ ᐊᒡᓚᖏᑦ 10:10 Iomraidhean Croise

ᓴᒧᐃᓕ ᐂᑉᐸᖏᑦ 22:15

ᖃᕐᔪᒥᓄᑦ ᐱᓯᒋᐊᕐᒪᑦ, ᐊᑭᕋᖏᑦ ᓯᐊᒻᒪᕐᐳᑦ; ᑲᓪᓕᕐᒧᑦ ᕿᒪᒃᓯᑎᑉᐰᑦ ᐅᓪᓚᒃᓯᓪᓗᑎᒃ.

ᐊᑕᓃᑦ ᓯᕗᓪᓖᑦ 9:17

ᓲᓗᒨᓂᐅᑉ ᑖᓐᓇ ᐃᒡᓗᒐᓴᒃ ᒋᔨᕆ ᓴᓇᒃᑲᓐᓂᓚᐅᕐᐹ) ᐊᑐᕐᓗᓂ ᐊᑭᓕᕐᓱᕐᑕᐅᖏᑦᑐᓂᒃ, ᓲᓗᒨᓂᓗ ᓴᓇᒃᑲᓐᓂᓚᐅᕆᕗᖅ ᐊᒃᐸᓯᖕᓂᓴᐅᔪᓂᒃ ᐱᑦ-ᕼᐅᕋᓐᒥᒃ,

ᑯᕉᓂᑲ ᐂᑉᐸᖏᑦ 14:12

ᑕᕝᕙ ᐊᑕᓂᐅᑉ ᐃᑎᐅᐱᐊᒥᐅᑦ ᐂᓴᒃᑯᑦ ᔫᑕᒃᑯᓪᓗ ᐊᖅᑯᑎᒋᓪᓗᒋᑦ ᓵᓚᒋᕔᑦ, ᐃᑎᐅᐱᐊᒥᐅᓪᓗ ᕿᒪᒃᓯᕗᑦ.

ᑯᕉᓂᑲ ᐂᑉᐸᖏᑦ 25:13

ᐅᓇᑕᕐᑐᒃᓮᓪᓕ ᐊᒪᔧᐊᐅᑉ ᐅᑎᕐᑎᓚᐅᕐᑕᖏᑦ, ᐃᓚᐅᖁᓇᒋᑦ ᐅᓇᑕᕐᑐᓄᑦ, ᐋᑎᕆᔭᕐᑐᕐᐳᑦ ᔫᑕᐅᑉ ᐃᒡᓗᒐᓴᖏᓐᓄᑦ, ᓴᒥᐊᕆᐊᒥᑦ ᐱᒋᐊᕐᓗᑎᒃ ᐱᑦ-ᕼᐅᕋᓐ ᑎᑭᓪᓗᒍ, ᑐᖁᑦᓯᕗᓪᓗ 3,000ᓂᒃ ᑖᒃᑯᓇᓂ, ᐱᖁᑎᖏᓐᓂᒡᓗ ᐅᓄᕐᑐᓂᒃ ᑎᒍᓯᓪᓗᑎᒃ.

ᐃᓐᖏᕈᑎᑦ 18:14

ᖃᕐᔪᒥᓄᓪᓗ ᐱᑎᒃᓴᓚᐅᕐᐳᖅ ᐊᑭᕋᕐᑐᕐᑐᑦ ᐊᕕᑎᓪᓗᒋᑦ, ᖃᐅᒻᒫᓪᓚᒃᑐᓄᑦ ᐅᓄᕐᑐᓄᑦ ᓵᓚᒋᕔᑦ.

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᐃᓐᖏᕈᑎᑦ 68:14

ᐊᔪᒐᖃᖏᑦᑑᓪᓕ ᐊᖓᔪᖅᑳᕐᔪᐊᑦ ᓯᐊᒻᒪᕐᑎᒻᒪᒋᑦ ᑕᕝᕙᓐᖓᑦ, ᐊᐳᒻᒥᒃ ᒪᓂᖅᑲᒦᑦᑐᒥᒃ ᐊᑦᔨᖃᓚᐅᕐᐳᖅ ᔭᓪᒨᓂᒦᑦᑐᒥᒃ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᐂᓮᐊᓯᐅᑉ ᐊᒡᓚᖏᑦ 28:21

ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 34:7

ᐅᓇᑕᕕᒃᔪᐊᓕᕐᑎᓪᓗᒋᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑎᖁᑎᖏᑦ ᔨᕉᓴᓕᒥᐅᓂᒃ ᔫᑕᒥᐅᓂᒡᓗ ᖃᓂᒋᔭᖏᓐᓃᕐᑐᓂᒡᓗ ᓄᓇᓕᖕᓂᒃ, ᓱᓕ ᓚᑮᓯᓗ ᐊᔨᑲᓗ ᓄᓇᓕᖏᒃ ᓴᐴᓗᑕᓖᒃ ᐊᒥᐊᒃᑯᑑᓕᓚᐅᕐᐴᒃ ᔫᑕᒥᐅᑦ ᓄᓇᖁᑎᓕᒫᖏᓐᓂ.

ᓴᑲᕅᐊᐅᑉ ᐊᒡᓚᖏᑦ 14:3

ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᐅᓇᑕᕆᐊᕐᑐᕐᓯᒪᔪᑦ ᐅᓇᑕᕐᕕᒋᓕᕈᒫᕐᐰᑦ, ᐅᓇᑕᕐᓂᕐᒥ ᐅᓇᑕᐅᑦᔨᖃᑦᑕᕐᓯᒪᒐᒥ.

ᒨᓯᓯ ᑕᓪᓕᒪᖏᑦ 7:23

ᐊᑕᓂᐅᓪᓕ ᒎᑎᑦᓯ ᐊᑭᕋᕐᑐᕐᑎᓯ ᐃᓕᑦᓯᓐᓄᑦ ᑐᓂᓂᐊᕐᐰᑦ, ᑐᑮᕈᑎᑎᓪᓗᓂᒋᓪᓗ ᓄᖑᑕᐅᓚᐅᖅᑳᕐᑎᓐᓇᒋᑦ.

ᔮᓱᐊᑉ ᐊᒡᓚᖏᑦ 10:11

ᐊᒧᕅᑎᒥᐅᑦ ᕿᒫᑎᓪᓗᒋᑦ ᐃᓴᕆᐊᓕᒥᐅᓂᒃ, ᐊᖅᑲᕐᑎᓕᕐᑎᓪᓗᒋᑦ ᐱᑦ-ᕼᐅᕋᓐᒥᑦ, ᐊᑕᓂᖅ ᓇᑕᖅᑯᕐᓇᕐᔪᐊᓂᒃ ᐊᖏᔫᑎᓂᒃ ᕿᓚᖕᒥᑦ ᑲᑕᒐᕐᑎᑦᓯᕗᖅ ᓄᓇ ᐊᔨᑲ ᑎᑭᓪᓗᒍ, ᑖᒃᑯᐊᓗ ᑐᖁᑕᐅᓚᐅᕐᐳᑦ ᑕᒪᒃᑯᓄᖓ; ᓇᑕᖅᑯᕐᓇᕐᔪᐊᓄᑦ ᑐᖁᑕᐅᔪᑦ ᐅᓄᕐᓂᕐᓴᐅᓚᐅᕐᐳᖅ ᐃᓴᕆᐊᓕᒥᐅᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ.

ᔮᓱᐊᑉ ᐊᒡᓚᖏᑦ 10:28

ᔮᓱᐊᓗ ᐅᓇᑕᕆᐊᐳᖅ ᒪᑮᑕᒥᐅᓪᓗ ᓵᓚᒋᓪᓗᒋᑦ ᐅᓪᓗᒥ ᑕᕝᕙᓂ, ᐊᖓᔪᖅᑳᕐᔪᐊᖓᓪᓗ ᐃᒡᓗᒐᓴᖕᒥᐅᓕᒫᓪᓗ ᓄᖑᑦᓯᐊᕐᓗᒋᑦ ᑐᖁᕋᓚᐅᕐᐰᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑕᖃᓚᐅᓐᖏᓚᖅ; ᒪᑮᑕᒥᐅᑦ ᐊᖓᔪᖅᑳᕐᔪᐊᖓ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:9

ᐅᓐᓄᐊᓕᒫᖅ ᔮᓱᐊᒃᑯᑦ ᒋᐅᓪᒐᐅᓪᒥᑦ ᒋᐱᐊᓐᒧᐊᕋᓱᓚᐅᕐᐳᑦ, ᐅᐸᓗᐃᓪᓗᒋᓪᓗ ᐊᒧᕅᑎᒥᐅᑦ ᐅᓇᑕᓕᕐᐰᑦ.

ᔮᓱᐊᑉ ᐊᒡᓚᖏᑦ 11:8

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ, ᐃᓴᕆᐊᓕᒥᐅᓪᓗ ᑐᖁᕅᓚᐅᕐᐳᑦ ᒪᓕᒡᓗᑎᒃ ᒥᔅᕆᐸᑦ-ᒤᒻᒧᑦ ᓮᑐᓂᒧᓪᓗ, ᓯᕿᓂᐅᑉ ᓄᐃᕕᖓᓄᑦ ᒥᔅᐱᐅᑉ ᓇᕐᓴᖓ ᑎᑭᓪᓗᒍ; ᐅᓇᑍᓐᓇᓚᐅᕐᐰᓪᓗ, ᐊᑕᖏᕐᓗᒋᑦ ᑐᖁᔪᐃᓐᓇᐅᓚᐅᖃᕐᑎᓐᓇᒋᑦ.

ᔮᓱᐊᑉ ᐊᒡᓚᖏᑦ 12:16

ᒪᑮᑕᒥᐅᑦ ᐊᖓᔪᖅᑳᕐᔪᐊᖓᑦ, ᐱᑎᓕᒥᐅᑦ ᐊᖓᔪᖅᑳᕐᔪᐊᖓᑦ;

ᔮᓱᐊᑉ ᐊᒡᓚᖏᑦ 15:35

ᔭᕐᒨᑎ, ᐊᑑᓚᒻ, ᓲᑯ, ᐊᔨᑲ,

ᔮᓱᐊᑉ ᐊᒡᓚᖏᑦ 15:41

ᒋᑎᕉᑎ, ᐱᑦ-ᑕᒑᓐ, ᓈᒪ, ᒪᑮᑕᓗ: ᑖᒃᑯᐊ ᐃᒡᓗᒐᓮᑦ 16ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.

ᔮᓱᐊᑉ ᐊᒡᓚᖏᑦ 16:3

ᑕᕝᕙᓐᖓᓪᓗ ᑲᔪᓯᓪᓗᓂ ᓴᐅᒥᖕᒧᑦ ᔭᑉᓕᑍᑎᒥᐅᑦ ᓄᓇᖓᓄᑦ, ᑎᑭᐅᒪᓪᓗᓂ ᐱᑦ-ᕼᐅᕋᓐᒧᑦ, ᑍᑲᓐᖓᓪᓗ ᑲᔪᓯᕗᖅ ᒋᔨᕆᒧᑦ, ᒥᑎᑎᕇᓂᐊᑉ ᑕᕆᐅᖓᓄᑦ ᐃᓱᖃᕐᓗᓂ.

ᔮᓱᐊᑉ ᐊᒡᓚᖏᑦ 16:5

ᐃᕗᕅᑎᒥᐅᑦ ᓄᓇᑖᓚᐅᕐᐳᑦ ᐅᑯᓂᖓ: ᓄᓇᖁᑎᖓ ᑭᒡᓕᖃᕐᐳᖅ ᐊᑕᕉᑎ-ᐊᑕᕆᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᖁᑦᑎᖕᓂᕐᓴᒧᑦ ᐱᑦ-ᕼᐅᕋᓐᒧᑦ.

ᔮᓱᐊᑉ ᐊᒡᓚᖏᑦ 21:22

ᑭᑉᔭ-ᐂᒻ ᐱᕈᕐᓰᕕᖏᓪᓗ, ᐱᑦ-ᕼᐅᕋᓐᓗ ᐱᕈᕐᓰᕕᖏᓪᓗ: ᑖᒃᑯᐊ ᐃᒡᓗᒐᓮᑦ ᓯᑕᒪᑦ;

ᐃᓗᐊᕐᓮᔩᑦ ᐊᒡᓚᖏᑦ 4:15

ᐊᑕᓂᐅᑉ ᓴᖑᑎᓚᐅᕐᐹ ᓯᓰᕋ ᐊᒃᓴᓗᐊᓕᓕᒫᖏᓪᓗ ᐅᓇᑕᕐᑐᒃᓴᖁᑎᖏᓪᓗ ᐸᕌᒃᒧᑦ ᑖᑦᓱᒪᓗ ᓵᓚᒋᓚᐅᕐᐰᑦ ᓴᕕᒡᔪᐊᒧᑦ; ᓯᓰᕋ ᐊᒃᓴᓗᐊᓕᖕᒥᓂᑦ ᓂᐅᓪᓗᓂ ᕿᒫᓚᐅᕐᐳᖅ ᐊᕐᐸᖏᕐᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 4:16

ᐸᕌᒃᓕ ᐊᒃᓴᓗᐊᓖᑦ ᐅᓇᑕᕐᑐᒃᓮᓪᓗ ᒪᓕᓚᐅᕐᐰᑦ ᕼᐊᕈᓯᑎ-ᕼᐊᒍᔨᒻ ᑎᑭᓪᓗᒍ, ᓯᓰᕋᐅᑉ ᐅᓇᑕᕐᑐᒃᓴᖁᑎᖏᑦ ᑐᖁᑕᐅᓚᐅᕐᐳᑦ ᓴᕕᒡᔪᐊᒧᑦ, ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᔭᐅᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 5:20

ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ, ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.

ᓴᒧᐃᓕ ᓯᕗᓪᓖᑦ 13:18

ᐃᓚᖏᑦ ᐱᑦ-ᕼᐅᕋᐅᑉ ᓇᓛᓄᑦ ᐂᓕᕐᐳᑦ, ᐱᖓᔪᖏᑦ ᔨᐳᐃᒻ ᓇᕐᓴᖓᓄᑦ ᐅᔭᐅᒪᔪᒧᑦ ᓄᓇᐅᑉ ᑭᒡᓕᖓᓄᓐᖓᐅᕗᑦ ᐃᓄᖃᔪᐃᑦᑐᒦᑦᑐᒧᑦ.

ᓴᒧᐃᓕ ᓯᕗᓪᓖᑦ 17:1

ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᕐᐸᓪᓕᐊᓪᓗᑎᒃ; ᑲᑎᕗᑦ ᓄᓇᒥ ᓲᑯᒥ, ᔫᑕᐅᑉ ᓄᓇᖓᓃᑦᑐᒥ; ᑕᖕᒫᕐᐳᓪᓗ ᓲᑰᓪᓗ ᐊᔨᑲᐅᓪᓗ ᐊᑯᓐᓂᖓᓂ, ᐃᐱᔅ-ᑕᒥᒻᒥ.