ᔮᓱᐊᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔮᓱᐊᑉ ᐊᒡᓚᖏᑦ 1:7 Iomraidhean Croise

ᐊᑕᓃᑦ ᓯᕗᓪᓖᑦ 2:2

“ᓄᓇᒥᐅᑍᑦ ᐱᐅᓯᖏᑎᑐᑦ ᑐᖁᔭᕆᐊᑭᒡᓕᒐᒪ. ᓴᓐᖏᔫᓕᕆᑦ, ᐊᖑᑎᒻᒪᕆᐅᓂᕐᓂᒃ ᑕᑯᒃᓴᐅᑎᑦᓯᓗᑎᑦ.

ᐊᑕᓃᑦ ᓯᕗᓪᓖᑦ 2:3

ᒪᓕᑦᓯᐊᕐᓗᑎᓪᓗ ᐊᑕᓂᐅᑉ ᒎᑎᕕᑦ ᐱᖁᔨᓂᖓᓂᒃ, ᑖᑦᓱᒪ ᐊᑐᕐᑕᐅᖁᔭᖓᓂᒃ ᐃᓅᓗᑎᑦ ᒪᓕᒐᒃᓴᐅᖁᔭᖏᓪᓗ ᓈᓚᑦᓯᐊᕐᓗᒋᑦ, ᐱᖁᔭᓕᐊᕆᓯᒪᔪᓪᓗ, ᐊᑐᕐᑕᐅᖁᔭᖏᓪᓗ, ᐅᖃᐅᓯᕆᓯᒪᔭᖏᓪᓗ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ, ᑍᒤᒃᑯᕕᑦ ᑕᕝᕙ ᐱᓇᓱᐊᕐᑕᓕᒫᕐᓂ ᐱᔪᓐᓇᑦᓯᐊᕐᓂᐊᕐᐳᑎᑦ ᓇᒧᓐᖓᕋᓗᐊᕈᕕᑦ.

ᐊᑕᓃᑦ ᐂᑉᐸᖏᑦ 22:2

ᔫᓮᐊ ᐊᑕᓂᐅᑉ ᓵᖓᓂ ᐱᐅᔪᒥᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐱᓂᐊᕐᓂᕆᓚᐅᕐᑕᖏᑎᑐᑦ, ᓴᖑᓚᐅᖏᓚᕐᓗ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.

ᑯᕉᓂᑲ ᓯᕗᓪᓖᑦ 22:13

ᑕᕝᕙ ᐱᕙᓪᓕᐊᓕᕈᒫᕐᐳᑎᑦ ᒪᓕᑦᓯᐊᕈᕕᑦ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᒨᓯᓯᒧᑦ ᑐᓂᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ. ᓲᖑᑦᓯᐊᕆᑦ, ᓯᕘᕋᖏᓪᓗᑎᓪᓗ. ᑲᑉᐱᐊᓱᖏᓪᓗᑎᑦ; ᓴᐱᕐᑍᓕᒋᑦ.

ᑯᕉᓂᑲ ᐂᑉᐸᖏᑦ 15:7

ᐃᕝᕕᓪᓕ, ᓴᐱᓕᕐᑍᓕᒋᑦ! ᐱᔪᓐᓇᕐᓃᓪᓗ ᓴᓐᖐᓕᑎᑦᑍᓕᒍᒃ, ᐱᓂᐊᕐᓂᑎᑦ ᐊᑭᓕᕐᑕᐅᔪᒫᕐᒪᑕ.”

ᑯᕉᓂᑲ ᐂᑉᐸᖏᑦ 26:5

ᒎᑎᒥᒃ ᑕᑎᖃᓚᐅᕐᐳᖅ ᓴᑲᕅᐊ ᐃᓅᑎᓪᓗᒍ, ᑖᑦᓱᒪ ᐃᓱᒻᒥᕐᑐᖃᑦᑕᓚᐅᕐᒪᒍ ᒎᑎᒥᒃ ᓯᕘᕋᒋᔭᖃᖁᓪᓗᒍ; ᐊᑕᓂᕐᒥᒃ ᑕᑎᖃᕐᓂᓕᒫᖓᓂ, ᒎᑎᐅᑉ ᐱᕙᓪᓕᐊᑎᑦᓯᐊᓚᐅᕐᐹ.

ᔫᐱᐅᑉ ᐊᒡᓚᖏᑦ 1:8

ᐊᑕᓂᐅᓪᓗ ᐊᐱᕆᕚ, “ᐱᔨᒐ ᔫᐱ ᐃᒃᐱᒋᓯᒪᕕᐅᒃ? ᓄᓇᕐᔪᐊᓕᒫᒥ ᑖᑦᓱᑐᓇᖅ ᓱᖁᓯᔪᐃᑦᑑᑎᒋᔪᒥᒃ ᐱᑕᖃᓐᖏᓚᖅ ᐃᓄᑦᓯᐊᕙᐅᑎᒋᔪᖃᕋᓂᓗ, ᑖᑦᓱᒪ ᑐᒃᓯᐊᕐᕕᒋᖃᑦᑕᕐᐹᖓ ᑲᒪᑦᓯᐊᕋᓱᐊᕐᓗᓂᓗ ᐱᐅᖏᑦᑐᒥᒃ ᖃᓄᑐᐃᓐᓇᑦᓯᐊᖅ ᐊᑐᕐᑍᓕᓪᓗᓂ.”

ᐃᓐᖏᕈᑎᑦ 80:19

ᐋᖅᑭᓚᐅᕐᒥᑎᒍᑦ, ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:27

ᓇᓪᓕᐊᓐᓄᑐᐃᓐᓇᖅ ᓴᐅᒥᒧᑦ ᑕᓕᕐᐱᒧᓪᓗ ᓴᖑᑦᑍᓕᓗᑎᑦ; ᐱᐅᖏᑦᑐᑦ ᐊᖅᑯᑎᖕᓃᑦᑐᑦ ᓴᓂᖅᑯᑉᐸᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᑖᓂᐊᓕᐅᑉ ᐊᒡᓚᖏᑦ 10:19

ᐅᖃᐅᑎᓪᓗᖓᓗ, “ᑲᑉᐱᐊᓱᖏᓪᓗᑎᑦ, ᐊᒃᓱᐊᓗᒃ ᐅᐱᒋᔭᐅᑦᓯᐊᕐᐳᑎᑦ, ᓮᓪᓕᓕᕆᑦ! ᓴᓐᖏᔫᓕᕆᑦ! ᓴᓐᖏᔫᓕᕆᑦ!” ᐅᖃᕐᕕᒋᖕᒪᖓ, ᓄᑭᒃᑖᓚᐅᕐᐳᖓ ᐅᖃᕐᓗᖓᓗ, “ᐊᑕᓂᕋ ᐅᖃᓕᕆᑦ, ᓄᑭᒃᑖᕐᑎᒃᑲᕕᖓ.”

ᒨᓯᓯ ᓯᑕᒪᖏᑦ 27:23

ᑕᕝᕙᓂ ᐸᑎᒻᒥᓪᓗᒍ ᐃᓂᒋᓂᐊᕐᑕᖓᓂᒃ ᐃᓂᑖᕐᑎᑉᐹ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 11:8

“ᐱᖁᔭᓕᒫᑦ ᒪᓕᒃᑕᒃᓴᕆᕙᓯ ᐃᓕᑦᓯᓐᓄᑦ ᐅᓪᓗᒥ ᑐᓂᓯᒪᔭᒃᑲ. ᓴᓐᖏᔫᖁᓪᓗᓯ, ᓄᓇᒧᓪᓗ ᐃᑳᕈᓐᓇᖁᓪᓗᓯ ᓄᓇᑖᕆᐊᕐᑐᕐᓗᓯ ᑕᒪᑐᒥᖓ ᐃᑎᑐᐃᓐᓇᕆᐊᖃᓕᕐᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 12:32

“ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 28:14

ᑍᒪᓐᖓᑦ ᓈᓚᑦᓯᐊᕆᐊᖃᕐᐸᓯ ᓈᓚᖏᑦᑑᑦᑍᓕᓗᒋᑦ ᓇᓪᓕᐊᓐᓄᓪᓘᓐᓃᑦ ᓴᐅᒥᒧᑦ ᑕᓕᕐᐱᒧᓪᓘᓐᓃᑦ ᓴᖑᑦᑍᓕᓗᓯ, ᒎᑎᐅᓪᓗ ᐊᓯᖏᓐᓂᒃ ᒎᑎᒋᔭᐅᔪᓂᒃ ᑐᒃᓯᐊᕐᕕᖃᕋᓱᒃᑐᒃᓴᐅᓐᖏᓚᓯ.”

ᒨᓯᓯ ᑕᓪᓕᒪᖏᑦ 29:8

ᓄᓇᖏᓪᓗ ᓄᓇᑖᕆᓚᐅᕐᐸᕗᑦ, ᐊᕕᒃᑕᐅᑎᓪᓗᒋᓪᓗ ᑭᖑᕚᕇᓄᑦ ᕉᐱᓂᒃᑯᓐᓄᑦ, ᒑᑎᒃᑯᓐᓄᓪᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᓐᓄᑦ.

ᒨᓯᓯ ᑕᓪᓕᒪᖏᑦ 29:9

ᑍᒤᒻᒪᑦ ᑲᒪᑦᓯᐊᕐᓗᓯ ᐊᖏᖃᑎᒌᒍᑕᐅᓯᒪᔫᑉ ᓇᓗᓁᕐᓯᒪᓂᓕᒫᖏᑦ ᓈᓚᒋᐊᖃᕐᐸᓯ, ᐱᔪᓐᓇᑦᓯᐊᖁᓪᓗᓯ ᐃᓘᓐᓈᒍᑦ ᐱᓇᓱᐊᕐᑕᑦᓯᒍᑦ.

ᒨᓯᓯ ᑕᓪᓕᒪᖏᑦ 31:7

ᑕᕝᕙ ᒨᓯᓯᐅᑉ ᔮᓱᐊ ᕾᖁᕚ, ᐅᖃᐅᑎᓪᓗᒍᓗ ᐃᓄᓕᒫᑦ ᐃᓴᕆᐊᓕᒥᐅᑦ ᑐᓵᑎᓪᓗᒋᑦ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᕝᕕᐅᒐᕕᑦ ᑕᓯᐅᕐᓯᔪᒃᓴᐅᔪᑎᑦ ᐅᑯᓂᖓ ᐃᓄᖕᓂᒃ ᓄᓇᒥᒃ ᓄᓇᑖᕆᐊᕐᑐᓕᕐᑎᓪᓗᒋᑦ ᐊᑕᓂᐅᑉ ᐅᖃᕕᒡᓗᓂ ᐊᖏᕈᑎᒋᓯᒪᓚᐅᕐᑕᖓᓂᒃ ᓯᕗᓕᕕᓂᖏᓐᓄᑦ, ᓄᓇᑖᕆᓂᐊᕐᑕᖏᓐᓄᓪᓗ ᑕᓯᐅᕐᑕᒃᓴᕆᕙᑎᑦ.

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᒨᓯᓯ ᑕᓪᓕᒪᖏᑦ 5:32

“ᐃᓴᕆᐊᓕᒥᐅᖑᔪᓯ, ᐃᒃᐱᒍᓱᑦᓯᐊᕆᐊᖃᕐᐳᓯ ᐱᓇᓱᐊᖁᓪᓗᓯ ᐊᑕᓂᐅᑉ ᒎᑎᑦᓯ ᐱᖁᔨᓂᖏᓐᓂᒃ. ᓇᓪᓕᐊᓐᓂᒡᓘᓐᓃᑦ ᐱᖁᔭᖏᓐᓂᒃ ᓈᓚᖏᑦᑑᔪᒃᓴᐅᓐᖏᓚᓯ.

ᔮᓱᐊᑉ ᐊᒡᓚᖏᑦ 1:1

ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᖁᓂᖓᑕ ᑭᖑᓂᐊᒍᑦ, ᐊᑕᓂᖅ ᐅᖃᕐᐳᖅ ᒨᓯᓯᐅᑉ ᐃᑲᔪᕐᑎᖓᓄᑦ, ᔮᓱᐊᒧᑦ ᓈᓂᐅᑉ ᐃᕐᓂᖓᓄᑦ.

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᔮᓱᐊᑉ ᐊᒡᓚᖏᑦ 11:15

ᐊᑕᓂᐅᑉ ᐱᔨᓂ ᒨᓯᓯ ᑎᓕᓚᐅᕐᒪᒍ, ᑍᒤᒻᒪᑦ ᒨᓯᓯᐅᑉ ᔮᓱᐊ ᑎᓕᓚᐅᕐᐹ, ᔮᓱᐊᓪᓗ ᓈᓚᒃᓗᒋᑦ ᐱᓇᓱᐊᓚᐅᕐᐳᖅ; ᐊᑕᓂᐅᑉ ᑎᓕᓯᑦᔪᑎᒋᓚᐅᕐᑕᓕᒫᖏᑦ ᒨᓯᓯᒧᑦ ᐱᓇᓱᐊᕐᑍᓐᓇᕆᓚᐅᕐᐰᑦ.

ᔮᓱᐊᑉ ᐊᒡᓚᖏᑦ 23:6

ᑍᒤᒻᒪᑦ ᑲᒪᑦᓯᐊᕐᑐᒃᓴᐅᕗᓯ ᓈᓚᑦᓯᐊᕐᓗᒋᓪᓗ ᐱᓇᓱᐊᕐᓗᒋᑦ ᑎᑎᕋᕐᑕᐅᓯᒪᔪᓕᒫᑦ ᐊᒡᓚᖕᓂ ᒨᓯᓯᐅᑉ ᐱᖁᔭᖏᓐᓂ, ᓇᓪᓕᐊᓐᓄᓪᓘᓐᓃᑦ ᓴᖑᑦᑍᓕᒋᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ,