ᔮᓱᐊᑉ ᐊᒡᓚᖏᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᖁᓂᖓᑕ ᑭᖑᓂᐊᒍᑦ, ᐊᑕᓂᖅ ᐅᖃᕐᐳᖅ ᒨᓯᓯᐅᑉ ᐃᑲᔪᕐᑎᖓᓄᑦ, ᔮᓱᐊᒧᑦ ᓈᓂᐅᑉ ᐃᕐᓂᖓᓄᑦ.

ᔮᓱᐊᑉ ᐊᒡᓚᖏᑦ 1:1 Iomraidhean Croise

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 3:11

ᔨᕼᐅᓴᐸᑎᐅᑉ ᐊᐱᕆᓕᕐᐰᑦ, “ᐊᑕᓂᐅᑉ ᐅᖃᕐᑎᖓᓂᒃ ᑕᒪᓃᑦᑐᖃᓐᖏᓛᖅ, ᐊᑕᓂᖅ ᖃᐅᔨᒋᐊᕐᕕᒋᓂᐊᕋᑦᑎᒍ ᑖᓐᓇ ᐊᖅᑯᑎᒋᓗᒍ?” ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᓐᓂᒃ ᓂᓪᓕᕐᑐᖃᕐᐳᖅ, “ᐃᓔᓴ ᓴᕚᑎᐅᑉ ᐃᕐᓂᖓ ᑕᒫᓃᑦᑐᒐᓗᐊᖅ, ᐃᓔᑦᔭᐅᑉ ᐊᒡᒐᖏᓐᓄᑦ ᐃᒥᕐᒥᒃ ᑯᕕᓯᕙᓚᐅᕐᑐᖅ.”

ᓂᕼᐃᒤᐊᐅᑉ ᐊᒡᓚᖏᑦ 8:17

ᐃᓄᓕᒫᑦ ᑎᒍᔭᐅᓯᒪᕕᖕᒥᑦ ᐅᑎᓚᐅᕐᑐᑦ ᓴᓇᓚᐅᕐᐳᑦ ᖁᓕᓯᒪᔪᓂᒃ ᓯᓂᒃᑕᕐᕕᒃᓴᓂᒃ ᐊᖏᕐᕋᕆᓕᕐᓗᒍᓗ. ᑕᒪᓐᓇ ᐊᑐᕐᑕᐅᓕᑍᓐᓇᓚᐅᕐᐳᖅ ᓯᕗᓪᓕᕐᐹᒥᒃ ᑍᑦᓱᒪᓂ ᐊᑐᕐᑕᐅᕙᓚᐅᕐᓯᒪᖕᒪᑦ ᔩᓱᐊᑉ ᓈᓂᐅᑉ ᐃᕐᓂᖓᑕ ᐅᓪᓗᖏᓐᓂ. ᐊᖏᔪᒥᒃ ᖁᕕᐊᓱᒡᓗᑎᒃ ᐊᓕᐊᓁᒍᓱᒃᑐᐊᓘᓚᐅᕐᐳᑦ.

ᒨᓯᓯ ᐂᑉᐸᖏᑦ 24:13

ᑕᕝᕙ ᒨᓯᓯ ᐸᕐᓇᓕᕐᐳᖅ ᐱᔨᓂ ᔮᓱᐊ ᐃᓚᒋᓪᓗᒍ, ᒨᓯᓯᓗ ᖃᖅᑲᒧᑦ ᒪᔪᕋᕐᐳᖅ ᒎᑎᐅᑉ ᖃᖅᑲᖁᑎᖓᓄᑦ.

ᒨᓯᓯ ᓯᑕᒪᖏᑦ 11:28

ᔮᓱᐊᓕ ᓈᓂᐅᑉ ᐃᕐᓂᖓ, ᒨᓯᓯᐅᑉ ᐃᑲᔪᕐᑎᖓ, ᓂᕈᐊᕐᓯᒪᓪᓚᕆᒃᑕᖓ, ᑭᐅᕗᖅ ᐅᖃᕐᓗᓂ, “ᐊᖓᔪᖅᑳᒃ ᒨᓯᓯ, ᑍᒤᓕᐅᖁᓐᖏᓚᐅᒃᑭᒃ!”

ᒨᓯᓯ ᓯᑕᒪᖏᑦ 12:7

ᒨᓯᓯᒧᓪᓕ ᐱᔨᓐᓄᑦ ᑍᒤᓕᐅᕐᐸᓐᖏᓚᖓ; ᑖᓐᓇ ᓱᖁᓯᔪᐃᑦᑑᖕᒪᑦ ᐃᒡᓗᓐᓂ.

ᒨᓯᓯ ᓯᑕᒪᖏᑦ 13:16

ᑖᒃᑯᐊ ᑕᕝᕙ ᐊᖑᑎᑦ ᐊᑎᖏᑦ ᒨᓯᓯᐅᑉ ᑎᓕᓚᐅᕐᑕᖏᑦ ᐃᔨᕋᕐᑐᕐᓗᑎᒃ ᓄᓇᒥᒃ ᕿᒥᕐᕈᔭᕐᑐᖁᓪᓗᒋᑦ. ᒨᓯᓯᐅᓪᓗ ᕼᐆᓯᐊ ᓈᓂᐅᑉ ᐃᕐᓂᖓ ᐊᑎᕐᑖᕐᑎᑉᐹ ᔮᓱᐊᒥᒃ.

ᒨᓯᓯ ᓯᑕᒪᖏᑦ 13:8

ᐃᕗᕅᒥᐅᑉ ᑭᖑᕚᖏᓐᓂᑦ, ᕼᐆᓯᐊ ᓈᓂᐅᑉ ᐃᕐᓂᖓ;

ᓘᑲᓯᐅᑉ ᐊᒡᓚᖏᑦ 16:10

ᒥᑭᔪᑯᓗᖕᒥᒃ ᑲᒪᑦᓯᐊᕐᑐᖅ, ᐊᖏᔪᓂᒃ ᑲᒪᑦᓯᐊᕈᓐᓇᕐᐳᖅ; ᒥᑭᔪᑯᓗᖕᓂᒃ ᑲᒪᑦᓯᐊᖏᑦᑐᖅ ᐊᖏᔪᓂᒃ ᑲᒪᑦᓯᐊᕈᓐᓇᖏᓐᓂᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 7:45

ᑭᖑᓂᖓᒍᑦ ᓯᕗᓕᕕᓂᑦᑕ ᑐᐱᖅ ᑖᓐᓇ ᐱᓚᐅᕆᕚᑦ ᓯᕗᓕᕕᓂᕐᒥᖕᓂᑦ, ᐊᒡᔭᓚᐅᕆᕚᓪᓗ ᔮᓱᐊ ᐃᓚᒋᓪᓗᒍ ᓄᓇᑖᓕᕋᒥᒃ ᓄᓇᓕᑐᖃᕐᓂᒃ ᒎᑎ ᐊᐅᓪᓚᕐᑎᑦᓯᖔᕐᑎᓪᓗᒍ. ᑕᒫᓃᓕᓚᐅᕐᐳᖅ ᑍᕕᑎ ᑎᑭᓪᓗᒍ.

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᒨᓯᓯ ᑕᓪᓕᒪᖏᑦ 1:38

ᔮᓱᐊᓕ ᓈᓂᐅᑉ ᐃᕐᓂᖓ, ᐃᑲᔪᕐᑎᒋᔧᑦ, ᓴᐱᖁᓇᒍ ᑲᔪᖏᕐᓴᕐᓂᐊᕐᐸᑦ; ᑖᑦᓱᒪ ᐃᓴᕆᐊᓕᒥᐅᑦ ᑕᓯᐅᕐᓂᐊᕐᒪᒋᑦ ᓄᓇᒧᑦ ᑕᕝᕗᖓ ᐃᑎᕐᑎᓪᓗᒋᑦ.’

ᒨᓯᓯ ᑕᓪᓕᒪᖏᑦ 31:23

ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”

ᒨᓯᓯ ᑕᓪᓕᒪᖏᑦ 31:3

ᐊᑕᓂᕐᓕ ᒎᑎᓯ ᓯᕗᓂᑦᓯᓐᓃᓐᓂᐊᕐᐳᖅ ᑕᒫᓂᓗ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᓄᖑᑎᑦᓱᒫᕐᐰᑦ, ᓄᓇᖏᓐᓂᒃ ᓄᓇᑖᖔᖁᓪᓗᓯ; ᔮᓱᐊᓗ ᑕᓯᐅᕐᑎᒋᓂᐊᕐᐸᓯ, ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.

ᒨᓯᓯ ᑕᓪᓕᒪᖏᑦ 33:1

ᐅᑯᐊ ᑕᕝᕙ ᒨᓯᓯᐅᑉ ᒎᑎᐅᑉ ᐃᓄᖁᑎᖓᑕ ᓮᒻᒪᕐᑎᑦᓯᑦᔪᑎᒋᓚᐅᕐᑕᖏᑦ, ᐃᓴᕆᐊᓕᒥᐅᓄᑦ ᑐᖁᓚᐅᖅᑳᕋᓂ.

ᒨᓯᓯ ᑕᓪᓕᒪᖏᑦ 34:12

ᐊᔪᒐᖃᖏᑦᑐᓕᓂᕐᔪᐊᓂᒡᓗ ᐱᓂᐊᕐᓂᕐᓂᒡᓗ ᑕᑕᓐᓇᕐᑐᓂᒃ ᒨᓯᓯᐅᑉ ᐱᓇᓱᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 34:5

ᑕᕝᕙ ᒨᓯᓯ ᐊᑕᓂᐅᑉ ᐱᔨᖓ ᑐᖁᓚᐅᕐᐳᖅ ᓄᓇᒥ ᑕᒫᓂ ᒧᐊᐱᒥ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 34:9

ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.

ᑍᑑᓯᒧᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔨᖓᓂᑦ ᔩᓱᓯᐅᓪᓗ ᙭ᔅᑑᓯᐅᑉ ᐋᐴᓯᑕᓕᖓᓂᑦ, ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓱᓕᔪᒥᒡᓗ ᖃᐅᔨᓯᒪᔪᓄᑦ ᐊᑕᐅᓯᐅᓕᖓᑎᑦᓯᔪᒧᑦ ᐅᒃᐱᕐᓂᑦᑎᓐᓄᓪᓗ.

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.

ᔮᓱᐊᑉ ᐊᒡᓚᖏᑦ 1:15

ᓄᓇᖃᓕᕐᐸᑕ ᑭᓯᐊᓂ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᑕ ᓇᓛᓂ ᒎᑎᐅᑉ ᑐᓂᓚᐅᕐᑕᖓᓂᒃ ᑖᒃᑯᓄᖓ ᐃᓕᑦᓯᓐᓄᓪᓗ; ᓄᓇᑖᕈᒫᕆᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᑖᒃᑯᓄᖓ, ᑕᕝᕙ ᐅᑎᕈᒫᕐᐳᓯ ᓄᓇᖁᑎᑦᓯᓐᓄᑦ ᓄᓇᑖᕆᓗᒍᓗ ᓄᓇ ᑕᒪᓐᓇ ᒨᓯᓯᐅᑉ ᐊᑕᓂᐅᑉ ᐱᔨᖓᑕ ᑐᓂᓚᐅᕐᑕᖓ ᔪᐊᕐᑕᓂᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ.”

ᔮᓱᐊᑉ ᐊᒡᓚᖏᑦ 1:2

ᐅᖃᕐᓗᓂ, “ᐱᔨᒐ ᒨᓯᓯ ᑐᖁᖕᒪᑦ ᐊᑐᐃᓐᓇᐅᓕᕆᑦ, ᐃᓴᕆᐊᓕᒥᐅᓄᑦ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᓄᓇᒧᑦ ᑐᓂᓯᒪᔭᓐᓄᑦ ᑖᒃᑯᓄᖓ ᐃᓴᕆᐊᓕᒥᐅᓄᑦ.

ᔮᓱᐊᑉ ᐊᒡᓚᖏᑦ 12:6

ᑖᒃᑯᐊᒃ ᐊᖓᔪᖅᑳᕐᔪᐊᑦ ᒨᓯᓯᐅᑉ ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ; ᒨᓯᓯ ᐊᑕᓂᐅᑉ ᐱᔨᖓ ᓄᓇᑖᕐᑎᑦᓯᓚᐅᕐᐳᖅ ᑕᒪᑐᒥᖓ ᕉᐱᓂᐅᑉ ᑭᖑᕚᖏᓐᓂᒃ, ᒑᑎᐅᓪᓗ ᑭᖑᕚᖏᓐᓂᒃ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓂᒃ, ᓄᓇᒥᒃ ᑕᒪᑐᒥᖓ ᓇᖕᒥᓂᖃᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.