ᔫᓇᐅᑉ ᐊᒡᓚᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.

ᔫᓇᐅᑉ ᐊᒡᓚᖏᑦ 3:5 Iomraidhean Croise

ᐊᑕᓃᑦ ᐂᑉᐸᖏᑦ 19:1

ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᓂᑳᕐᑕᖏᓐᓂᒃ ᑐᓴᕇᕋᒥ ᐊᓐᓄᕌᓂ ᐊᓕᒃᐰᑦ, ᕿᒃᓵᒃᑐᕐᓯᐅᑎᓂᒡᓗ ᐊᑎᓪᓗᓂ, ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᐳᖅ.

ᑯᕉᓂᑲ ᐂᑉᐸᖏᑦ 20:3

ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᐄᓱᕋᐅᑉ ᐊᒡᓚᖏᑦ 8:21

ᑰᖕᒥ ᓴᓇᔭᐅᓯᒪᔪᒥ ᐊᕼᐋᕙᒥ ᐱᖁᔨᓚᐅᕐᐳᖓ ᓂᕆᑦᑍᓕᖁᓪᓗᑕ ᒥᑭᓕᑎᕐᓗᑕᓗ ᓇᖕᒥᓂᑦᑎᓐᓂᒃ ᒎᑎᑦᑕ ᓵᖓᓂ, ᑕᓯᐅᕐᑕᐅᔪᒪᓪᓗᑕ ᐃᖏᕐᕋᓂᑦᑎᓐᓂ ᓴᐳᑎᔭᐅᓯᒪᖁᓪᓗᑕᓗ ᕿᑐᕐᖓᕗᑦ ᐱᖁᑎᕗᓪᓗ ᑖᑦᓱᒧᖓ.

ᐃᔅᑕᐅᑉ ᐊᒡᓚᖏᑦ 4:1

ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ;

ᒨᓯᓯ ᐂᑉᐸᖏᑦ 33:6

ᑍᒤᒻᒪᑦ ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦ ᐱᐅᓴᐅᑎᒐᓚᖕᓂᒃ ᐊᑐᕐᑐᖃᓚᐅᕈᓐᓁᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 36:9

ᔫᓮᐊᐅᑉ ᐃᕐᓂᖓᑕ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓂᖓᑕ ᔨᕉᓴᓕᒥ ᑕᓪᓕᒪᒋᓕᕐᑕᖓᓐᓂ ᑕᖅᑭᖏᑕ 9ᖓᓐᓂ, ᐃᓄᐃᑦ ᓂᕆᑦᑍᓕᕗᑦ ᐊᑕᓂᕐᒧᑦ ᓈᒻᒪᒋᔭᐅᔪᒪᓪᓗᑎᒃ, ᑕᒪᓐᓇᓗ ᓂᕆᑦᑍᓕᕕᐅᓚᐅᕐᐳᖅ ᔨᕉᓴᓕᒥᐅᓕᒫᓄᑦ ᔫᑕᒥᐅᓄᓪᓗ ᓄᓇᓕᖕᓂᑦ ᑎᑭᓯᒪᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 42:1

ᐅᓇᑕᕐᑐᒃᓮᑦ ᐊᖓᔪᖅᑳᖏᑦ ᔪᕼᐋᓇᓂᓗ ᑲᕆᐊᑉ ᐃᕐᓂᖓ, ᐊᔭᕅᐊᓗ ᕼᐅᓮᐊᐅᑉ ᐃᕐᓂᖓ ᔨᕆᒤᐊᒧᐊᕐᐳᑦ ᐃᓄᑐᐃᓐᓇᕐᓂᒃ ᐃᓚᖃᕐᓗᑎᒃ ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᖅ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 42:8

ᔪᕼᐋᓇᓂᒃᑯᑦ ᑲᕆᐊᑉ ᐃᕐᓂᖓ ᐅᓇᑕᕐᑐᒃᓮᓪᓗ ᐊᖓᔪᖅᑳᒻᒪᕆᖏᑦ ᐃᓚᒋᔭᖏᑦ, ᐃᓄᐃᓪᓗ ᐱᓪᓚᕆᐅᖏᑦᑐᑦ ᐱᓪᓚᕇᓪᓗ ᔨᕆᒤᐊᐅᑉ ᑲᑎᖁᕔᑦ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᔫᓇᐅᑉ ᐊᒡᓚᖏᑦ 3:7

ᐱᖁᔨᑦᔪᑎᓕᐅᕐᐳᕐᓗ ᒪᓕᒃᑕᐅᔭᕆᐊᖃᕐᑐᓂᒃ ᓂᓂᕕᒥᐅᑦ ᐃᓄᖏᓪᓄᑦ ᐃᒤᓕᔪᓂᒃ: “ᐃᓄᐃᓪᓘᓐᓃᑦ ᓂᕐᔪᑎᓪᓘᓐᓃᑦ ᐃᒻᒧᒃᓯᐅᒊᓪᓘᓐᓃᑦ ᓰᐱᓪᓘᓐᓃᑦ ᓂᕆᔪᒃᓴᐅᓐᖏᓚᑦ ᓱᓇᒥᒡᓘᓐᓃᑦ, ᐃᒥᕐᑐᒃᓴᐅᓇᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 12:41

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓂᓂᕕᒥᐅᑦ ᐃᓄᖏᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᓂᒃ ᐃᖅᑲᕐᑐᐃᓗᑎᒃ ᐃᒋᑕᒃᓴᕈᕐᑎᑦᓯᓗᑎᒡᓗ; ᐊᔪᕐᓂᕐᒥᖕᓂᑦ ᖃᕿᐊᓕᓚᐅᕐᒪᑕ ᔫᓇ ᓇᓚᐅᑦᑍᔪᖅ ᐅᖃᓪᓚᒃᑎᓪᓗᒍ ᑐᓴᕋᒥᒃ; ᑕᑯᒋᑦ, ᐅᖃᐅᑎᕙᑦᓯ, ᑕᕝᕙᓃᑦᑐᖃᕐᐳᖅ ᔫᓇᒥᑦ ᐊᔪᖏᓐᓂᕐᓴᐅᔪᒥᒃ!

ᓘᑲᓯᐅᑉ ᐊᒡᓚᖏᑦ 11:32

ᐅᓪᓗᒥ ᐃᖅᑲᕐᑐᐃᕕᖕᒥ ᓂᓂᕕᒥᐅᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᑦ ᐃᖅᑲᕐᑐᕐᓗᒋᑦ ᓱᒋᐊᕐᑕᐅᖁᓪᓗᒋᑦ; ᑍᒃᑯᐊ ᓂᓂᕕᒥᐅᑦ ᖃᕿᐊᓕᓚᐅᕐᒪᑕ ᐱᐅᖏᑦᑐᓕᓂᕐᒥᖕᓂᒃ ᓇᓚᐅᑦᑍᔪᖅ ᔫᓇ ᐊᔪᕆᕐᑐᐃᑎᓪᓗᒍ ᑐᓵᒐᒥᒃ, ᑕᑯᒋᑦ ᐅᖃᐅᑎᕙᑦᓯ ᔫᓇᒥᑦ ᐊᖏᓂᕐᓴᒥᒃ ᐅᕙᓃᑦᑐᖃᕐᐳᖅ!”

ᐋᐴᓯᑕᓖᑦ ᐱᓂᐊᕐᓂᖏᑦ 27:25

ᑕᒪᓐᓇ ᐱᓪᓗᒍ ᓇᖏᐊᕐᑍᓕᒋᑦᓯ, ᒎᑎ ᐅᒃᐱᕆᒐᒃᑯ, ᐅᖃᐅᓯᕆᔭᖓ ᓱᓕᓂᐊᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:10

ᐃᓄᓕᒫᑦ ᑕᕝᕙᓃᑦᑐᑦ ᐱᓪᓚᕆᐅᔪᑦ ᐃᓄᑐᐃᓐᓁᓪᓗ ᑖᑦᓱᒥᖓ ᓈᓚᑦᓯᐊᕐᐳᑦ, ᐅᖃᕐᓗᑎᒃ, “ᐊᖑᑦ ᐅᓇ ᒎᑎᒥᓐᖔᕐᓯᒪᔪᒥᒃ ᐱᔪᓐᓇᕐᓂᕐᔪᐊᓕᒃ ᑖᓐᓇᐅᕗᖅ ᐱᔪᓐᓇᕐᓂᐊᓗᖕᒥᒃ ᑍᔭᐅᕙᒃᑐᖅ.”

ᐄᑉᕈᐃᓄᑦ 11:1

ᐅᒃᐱᕐᓂᖅ ᖁᓚᖏᓐᓂᐅᕗᖅ ᓂᕆᐅᒋᔭᒃᓴᓂᒃ, ᓱᓕᔪᕐᓴᕐᓂᐅᓪᓗᓂᓗ ᑕᑯᒃᓴᐅᖏᑦᑐᓂᒃ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”