ᔫᓇᐅᑉ ᐊᒡᓚᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᕙᖓᓕ ᑐᓂᓯᕕᒋᔪᒪᕙᒋᑦ ᖁᔭᓕᓂᕐᒥᒃ ᓂᐱᖃᕐᓗᖓ, ᐊᑭᓖᔪᒪᕗᖓᓗ ᐊᖏᕈᑎᒋᓚᐅᕐᑕᓐᓂᒃ. ᐱᐅᓕᔭᐅᓂᖅ ᐊᑕᓂᕐᒥᑦ ᐱᕗᖅ!”

ᔫᓇᐅᑉ ᐊᒡᓚᖏᑦ 2:9 Iomraidhean Croise

ᒨᓯᓯ ᓯᕗᓪᓖᑦ 35:3

ᑕᕝᕙᓐᖓᑦ ᐊᐅᓪᓚᕐᓂᐊᓕᕋᑦᑕ ᐱᑎᓕᒧᓐᖓᐅᓗᑕ, ᑍᑲᓂ ᑐᓂᕐᕈᓯᕐᕕᓕᐅᕐᓂᐊᕋᒪ ᒎᑎᒧᑦ ᐅᕙᓐᓂᒃ ᑐᓴᓚᐅᕐᑐᒧᑦ ᐃᓱᒪᔮᕐᓇᕐᑐᒦᑎᓪᓗᖓ ᐅᕙᓐᓂᒡᓗ ᐃᓚᕾᓐᓇᖃᑦᑕᕐᑐᒧᑦ ᓇᒧᓐᖓᕋᓗᐊᕌᖓᒪ.”

ᓴᒧᐃᓕ ᐂᑉᐸᖏᑦ 15:7

ᐊᕐᕌᒍᐃᑦ ᓯᑕᒪᑦ ᐊᓂᒍᕐᑎᓪᓗᒋᑦ ᐋᑉᓴᓚᒻ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ ᐅᖃᕐᐳᖅ, “ᐊᖓᔪᖅᑳᒃ, ᕼᐃᐸᕋᓐᒧᐊᕈᓐᓇᕐᑎᓚᐅᓐᖓ ᐊᖏᕈᑎᒋᓯᒪᔭᓐᓂᒃ ᑲᔪᓯᑎᑦᓯᓗᖓ ᑐᓂᓯᔪᓐᓇᖁᓪᓗᖓ ᐊᑕᓂᕐᒧᑦ.

ᔫᐱᐅᑉ ᐊᒡᓚᖏᑦ 22:27

ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 27:1

ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?

ᐃᓐᖏᕈᑎᑦ 3:8

ᐱᐅᓕᕐᓯᓂᖅ ᐊᑕᓂᐅᑉ ᐱᒋᕚ, ᓮᒻᒪᕐᑎᑦᓯᓃᓪᓗ ᐃᓄᖁᑎᖕᓃᑉᐳᖅ. ᓰᓚ

ᐃᓐᖏᕈᑎᑦ 50:14

ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ, ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.

ᐃᓐᖏᕈᑎᑦ 50:23

ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”

ᐃᓐᖏᕈᑎᑦ 68:20

ᒎᑎᕗᑦ, ᒎᑎᐅᕗᖅ ᐱᐅᓕᔨ; ᒎᑎᓗ ᐊᑕᓂᖅ, ᐱᖃᕐᐳᖅ ᑐᖁᒥᒃ ᕿᒫᔪᓐᓇᕐᓂᕐᒥᒃ.

ᐃᓐᖏᕈᑎᑦ 95:2

ᖁᔭᓕᓗᑕ ᑖᑦᓱᒪ ᓇᔪᕐᑕᖓᓄᐊᓕᕐᑕ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐃᓐᖏᕐᓗᑕ ᓂᕐᑐᐃᓗᑕ ᑖᑦᓱᒥᖓ!

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 4:22

ᑐᒃᓯᐊᕐᕕᒋᔭᓯ ᖃᐅᔨᒪᖏᓐᓇᓯᐅᒃ; ᐅᕙᒍᓪᓕ ᖃᐅᔨᒪᕗᒍᑦ ᑐᒃᓯᐊᕐᕕᒋᔭᑦᑎᓐᓂᒃ, ᔫᑎᓂᑦ ᐱᐅᓕᔭᐅᓂᖅ ᐱᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᒨᓯᓯ ᑕᓪᓕᒪᖏᑦ 23:18

ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ.

ᐄᑉᕈᐃᓄᑦ 13:15

ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:10

ᓂᐱᖅᑯᕐᑐᓪᓗᑎᒡᓗ ᐅᖃᕐᐳᑦ, “ᐱᐅᓕᔭᐅᓂᖅ ᒎᑎᑦᑎᓐᓂᑦ ᐱᕗᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᑦ ᓄᕐᕋᐅᔭᕐᒥᓪᓗ!”

ᓴᒧᐃᓕ ᓯᕗᓪᓖᑦ 12:21

ᓴᖑᑦᑍᓕᒋᑦᓯ ᓱᓇᐅᖏᑦᑐᓄᓪᓗ ᐱᓇᓱᐊᓕᕐᑍᓕᓗᓯ ᐃᓕᑦᓯᓐᓂᒃ ᐃᑲᔪᕈᓐᓇᖏᒻᒪᑕ ᐱᐅᓕᒃᓯᔪᓐᓇᕋᑎᒡᓗ, ᑕᒪᓐᓇ ᑍᒤᓕᐅᕐᓂᖅ ᐊᑑᑎᖃᖏᒻᒪᑦ.