ᔫᓇᐅᑉ ᐊᒡᓚᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓱᒪᓚᐅᕐᐳᖓᓗ ᐃᒋᑕᐅᓇᓱᒋᓪᓗᖓ ᐃᔨᕕᑦ ᓵᖓᓂᑦ; ᐃᒡᓗᒐᓴᒡᔪᐊᖁᑎᑎᓪᓗ ᐃᑦᔪᕐᓁᑦᑐᑦ ᑕᑯᓚᐅᕐᓯᒪᓂᐊᕋᓱᒋᔪᓐᓃᓚᐅᕐᐸᒃᑲ.

ᔫᓇᐅᑉ ᐊᒡᓚᖏᑦ 2:4 Iomraidhean Croise

ᐊᑕᓃᑦ ᓯᕗᓪᓖᑦ 8:42

ᑐᓴᕈᒫᕐᒪᑕ ᐊᑎᕐᐱᑦ ᐱᓪᓚᕆᐊᓘᓂᖓᓂᒃ, ᐊᔪᒐᖃᖏᑦᑐᐊᓘᓂᕐᓂᒡᓗ, ᐱᓇᓱᐊᕈᓐᓇᕐᓂᕐᓂᒡᓗ, ᑎᑭᓪᓗᑎᒃ ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ,

ᐊᑕᓃᑦ ᓯᕗᓪᓖᑦ 8:48

ᐱᕕᒡᓗᑎᒃ ᖃᕿᐊᓕᕐᐸᑕ ᐃᓱᒪᑎᒃ ᑕᒫᑦ ᐊᑐᕐᓗᒍ ᐆᒻᒪᑎᑎᒡᓗ ᑕᒫᑦ ᐊᑐᕐᓗᒍ ᐊᑭᕋᖏᑕ ᓄᓇᖓᓃᓪᓗᑎᒃ, ᑖᒃᑯᓂᖓ ᑎᒍᓯᓯᒪᔪᓂ, ᑐᒃᓯᐊᕐᐸᑕ ᓄᓇᑎᒃ ᓵᓐᖓᓗᒍ ᑐᓂᓚᐅᕐᑕᕐᓄᑦ ᓯᕗᓕᖏᓐᓄᑦ, ᐅᕗᖓᓗ ᐃᒡᓗᒐᓴᖕᓄᑦ ᓂᕈᐊᓚᐅᕐᑕᕐᓄᑦ, ᐃᒡᓗᒧᓪᓗ ᐅᕗᖓ ᐊᑏᑦ ᐃᓂᖃᖁᓪᓗᒍ ᓴᓇᓚᐅᕐᑕᓐᓄᑦ;

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᑯᕉᓂᑲ ᐂᑉᐸᖏᑦ 6:38

ᖃᕿᐊᓕᕐᐸᑕ ᐃᓕᖕᓄᑦ ᐆᒻᒪᑎᒥᖕᓄᑦ ᑕᒤᓐᓄᑦ ᑕᕐᓂᕐᒥᖕᓄᓪᓗ ᑕᒤᓐᓄᑦ ᓄᓇᒥ ᑎᒍᔭᐅᓯᒪᕕᖕᒥᖕᓂ, ᐊᐅᓪᓚᕈᑦᔭᐅᓯᒪᒋᔭᒥᖕᓂ, ᑐᒃᓯᐊᓕᕐᐸᑕ ᓄᓇᖏᑦᑕ ᓇᓛᓄᑦ, ᑐᓂᓚᐅᕐᑕᕐᓄᑦ ᓯᕗᓕᕆᓚᐅᕐᑕᖏᓐᓄᑦ, ᐃᒡᓗᒐᓴᖕᓄᑦ ᓂᕈᐊᕐᓯᒪᔭᕐᓄᑦ, ᐃᒡᓗᒧᓪᓗ ᓴᓇᓚᐅᕐᑕᓐᓄᑦ ᐊᑎᕐᓄᑦ,

ᐃᓐᖏᕈᑎᑦ 31:22

ᐅᐃᒪᔮᕐᓗᖓ ᐅᖃᓚᐅᕋᒪ, “ᐃᕝᕕᑦ ᐃᔨᖕᓂᑦ ᑕᕐᕆᓯᒪᕗᖓ”; ᕿᓄᒐᒪᓕ ᓂᐱᒐ ᑐᓴᓚᐅᕐᐸᑦ ᓂᓪᓕᐊᓕᕋᒪ ᐃᓕᖕᓄᑦ.

ᐃᓐᖏᕈᑎᑦ 42:8

ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.

ᐃᓐᖏᕈᑎᑦ 5:7

ᐅᕙᖓᓕ, ᐃᒡᓗᖕᓄᑦ ᐃᑎᕈᒪᕗᖓ, ᓇᒡᓕᒍᓱᖕᓂᕐᔪᐊᑦ ᐊᒥᒐᖏᑦᑐᑦ ᐱᔪᓐᓇᐅᑎᒋᓗᒍ; ᐃᓕᖕᓂᒃ ᓯᕘᕋᓂᕐᒧᑦ, ᑐᒃᓯᐊᕐᓂᕐᒧᑦ ᐱᔨᑦᓯᕈᒪᕙᒋᑦ, ᑐᒃᓯᐊᕐᕕᒡᔪᐊᖁᑎᕕᑦ ᐃᑦᔪᕐᓁᑦᑑᑉ ᓇᓛᓄᑦ ᓵᓐᖓᓗᖓ.

ᐃᓐᖏᕈᑎᑦ 88:6

ᐃᑎᕐᓴᒧᑦ ᐊᑦᓯᖕᓂᕐᐹᒧᑦ ᐃᓕᓯᒪᕙᕐᒪ, ᑕᕝᕗᖓ ᑖᕐᑑᑉ ᐃᑎᔫᓪᓗ ᐃᓂᖓᓄᑦ.

ᐃᓐᖏᕈᑎᑦ 88:7

ᓂᓐᖓᐅᒪᓂᕐᐱᑦ ᐊᖏᔪᒥᒃ ᐊᒃᑐᐊᕚᖓ, ᐋᓐᓂᐊᑎᑉᐸᕐᒪᓗ ᑕᒤᓐᓄᑦ ᓯᖁᒥᑦᓯᓂᕐᓄᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 38:17

ᐃᓛᒃ ᐱᕚᓪᓕᕈᓐᓇᖁᓪᓗᖓ ᓂᓐᖓᐅᒪᓂᕐᔪᐊᖃᓚᐅᕐᐳᖓ; ᓇᒡᓕᖕᓂᕐᓄᓪᓕ ᓴᐳᑎᓚᐅᕐᐸᕐᒪ ᐃᑎᕐᓴᒥᑦ ᐊᓯᕈᕐᑕᐅᕕᖕᒥᑦ.

ᐂᓮᐊᓯᐅᑉ ᐊᒡᓚᖏᑦ 49:14

ᓮᐅᓂᓕ ᐅᖃᕐᐳᖅ, “ᐊᑕᓂᐅᑉ ᕿᒪᖕᒪᖓ, ᐊᑕᓂᕐᒪᓗ ᐳᐃᒍᕐᓗᓂᖓ.”

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 7:15

ᐃᒋᓐᓂᐊᕐᐸᑦᓯ ᓵᓐᓂᑦ, ᖃᑕᓐᖑᑎᑦᓯᑐᑦ ᐃᕗᕅᒥᐅᑎᑐᑦ ᑖᒃᑯᐊ ᑭᖑᕚᕇᓕᒫᑦ ᐃᒋᓚᐅᕋᒃᑭᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:54

ᐃᒪᕐᒧᑦ ᑎᑭᑕᐅᒐᒪ ᐃᓅᕕᒃᓴᖃᕋᓱᒋᔪᓐᓃᓚᐅᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 37:11

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᒃᑯᐊ ᓴᐅᓃᑦ ᐃᓴᕆᐊᓕᐅᑉ ᑭᖑᕚᓕᒫᕆᕔᑦ. ᑕᑯᒋᑦ, ᐅᖃᖃᑦᑕᕐᐳᑦ, ‘ᓴᐅᓂᕗᑦ ᐸᓂᕐᓯᒪᓕᕐᐳᑦ, ᓂᕆᐅᒋᔭᒃᓴᖃᕈᓐᓃᕐᓗᑕᓗ; ᓯᕗᓂᒃᓴᖃᕈᓐᓃᕐᐳᒍᑦ.’

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᔫᓇᐅᑉ ᐊᒡᓚᖏᑦ 2:7

ᑕᕐᓂᕐᒪ ᑲᑉᐱᐊᓱᒃᑐᐊᓘᓂᖓᓂᑦ ᐃᓗᓐᓂ ᐊᑕᓂᖅ ᐃᖅᑲᕐᐸᕋ; ᑐᒃᓯᐊᕐᓂᕋᓗ ᑎᑭᑉᐳᖅ ᐃᓕᖕᓄᑦ ᑐᒃᓯᐊᕐᕕᒃᔪᐊᖁᑎᖕᓄᑦ ᐃᑦᔪᕐᓁᑦᑐᒧᑦ.