ᔫᓇᐅᑉ ᐊᒡᓚᖏᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐊᑕᓂᖅ ᑐᒃᓯᐊᕐᕕᒋᕙᕋ ᐅᖁᒤᒃᓴᕐᓂᓐᓂᑦ, ᑭᐅᕚᖓᓗ; ᑐᖁᖓᔪᑦ ᐃᓂᖓᓐᓂᑦ ᑐᒃᓯᐊᕐᐳᖓ, ᓂᐱᓐᓂᒡᓗ ᑐᓴᕐᐳᖅ.

ᔫᓇᐅᑉ ᐊᒡᓚᖏᑦ 2:2 Iomraidhean Croise

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᐃᓐᖏᕈᑎᑦ 116:3

ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.

ᐃᓐᖏᕈᑎᑦ 120:1

ᐃᓱᒪᔮᓕᕐᑎᓪᓗᖓ ᐊᑕᓂᕐᒧᑦ ᓂᓪᓕᐊᓚᐅᕐᐳᖓ, ᑖᑦᓱᒪᓗ ᑭᐅᓚᐅᕐᐹᖓ.

ᐃᓐᖏᕈᑎᑦ 16:10

ᑕᕐᓂᕋ ᑐᖁᖓᔪᑦ ᐃᓂᖓᓃᑦᓮᓐᓇᕐᓂᐊᓐᖏᓚᖅ, ᐃᑦᔪᕐᓁᑦᑐᖁᑎᕕᓪᓗ ᑎᒥᖓ ᓱᕈᕐᓂᕐᒥᒃ ᖃᐅᔨᑎᓐᓂᐊᓐᖏᓚᑦ.

ᐃᓐᖏᕈᑎᑦ 22:24

ᖁᔭᓈᕐᓯᖏᒻᒪᑦ ᓇᕐᕈᓇᓂᓗ ᑲᑉᐱᐊᓱᒃᑎᑕᐅᔪᑦ ᑲᑉᐱᐊᓱᒃᑎᑕᐅᓂᖏᓐᓂᒃ; ᑮᓇᓂᓗ ᐃᔨᓚᐅᓐᖏᓛ ᑖᒃᑯᓇᓐᖓᑦ; ᓂᓪᓕᐊᓕᕐᐸᑕᓕ ᑐᓴᕐᐰᑦ.

ᐃᓐᖏᕈᑎᑦ 34:6

ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 4:1

ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ.

ᐃᓐᖏᕈᑎᑦ 61:2

ᓄᓇᕐᔪᐊᑉ ᐃᓱᐊᓂᑦ ᓂᓪᓕᐊᕕᒋᕙᒋᑦ, ᐆᒻᒪᑎᒐ ᓵᓚᐅᓯᒪᑎᓪᓗᒍ; ᑕᓯᐅᓚᐅᓐᖓ ᕾᕐᑐᒧᑦ ᐅᕙᓐᓂᑦ ᐳᕐᑐᓂᕐᓴᒧᑦ.

ᐃᓐᖏᕈᑎᑦ 65:2

ᑐᓵᔪᑎᑦ ᑐᒃᓯᐊᕐᓂᕐᓂᒃ, ᑎᒥᖃᕐᑐᓕᒫᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 86:13

ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 14:9

“ᑐᖁᖓᔪᑦ ᓇᔪᒐᖓ ᐅᓇᓃᑦᑐᖅ ᐸᕐᓇᓕᕐᐳᖅ ᐃᓕᖕᓂᒃ ᐸᕐᕆᐊᕈᒪᓪᓗᓂ ᕾᓕᕈᕕᑦ, ᑐᖁᖓᔪᑦ ᑕᕐᓂᖏᑦ ᑐᐹᕐᓴᓕᕐᐰᑦ, ᐊᖓᔪᖅᑳᕐᔪᐊᕕᓃᑦ ᓄᓇᕐᔪᐊᕐᒥ; ᐃᒃᓯᕙᐅᑕᕐᔪᐊᒥᖕᓂᑦ ᓂᑯᕕᐅᖅᑲᓕᕐᐳᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᕐᔪᐊᕕᓂᖏᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:55

ᐊᑕᓃᖅ, ᐃᓗᖏᕐᑐᕐᓗᖓ ᕿᓄᕕᒋᓚᐅᕐᐸᒋᑦ ᐃᑎᕐᓴᒦᕝᕕᒋᔭᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 26:20

ᑐᖁᖓᔪᑦ ᐃᓂᖏᓐᓄᑦ ᑲᑕᒃᑎᑦᓱᒫᕐᐸᒋᑦ ᐃᑎᕐᓴᒧᑦ, ᐃᓄᖕᓄᑦ ᓯᕗᓪᓕᕕᓂᕐᓄᑦ, ᑕᕝᕙᓃᖁᓪᓗᑎᑦ ᓄᓇᕐᔪᐊᑉ ᐊᑖᓂ, ᑐᖁᖓᔪᑦ ᐊᑯᕐᖓᓐᓂ, ᐃᑎᕐᓴᒥ ᐃᓂᖃᕐᑐᓂ, ᓄᓇᓕᖕᓄᑦ ᐃᓚᒋᔭᐅᔪᓐᓃᑯᓪᓗᓯ ᐃᓅᔪᓂᓗ ᐃᓂᒃᓴᖃᕈᓐᓁᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 31:14

ᑕᒪᑐᒪ ᑭᖑᓂᖓᒍᑦ ᓇᐹᕐᑐᖃᕐᓂᐊᕈᓐᓁᕐᐳᖅ ᑍᒫᒃ ᑕᑭᑎᒋᔪᒥᒃ ᓄᕗᔭᓄᑦ ᑎᑭᐅᑎᔪᓐᓇᕐᑐᒥᒃ, ᐃᒪᖃᑦᓯᐊᕐᑐᒥ ᐱᕈᕋᓗᐊᕈᑎᒃ ᑍᒫᒃ ᑕᑭᑎᒋᔪᖃᓚᐅᕐᓯᒪᑦᔮᔪᓐᓃᕐᐳᖅ; ᑐᖁᔪᒃᓮᓐᓇᐅᓕᕐᒪᑕ, ᓄᓇᕐᔪᐊᕐᒥᐅᑦ ᐃᓄᖏᑎᑐᑦ, ᑐᖁᖓᔪᑦ ᐃᓂᖓᓄᐊᕐᐸᒃᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 12:40

ᔫᓇ ᐃᒪᕐᒥᐅᑖᓘᑉ ᐃᓗᐊᓃᓚᐅᕐᒪᑦ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ, ᑍᒫᒃᑕᐅᖅ ᐃᓅᑉ ᐃᕐᓂᖓ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ ᓄᓇᕐᔪᐊᑉ ᐃᑎᓂᖓᑕ ᐃᓗᐊᓃᑦᓱᒫᕆᕗᖅ.

ᓘᑲᓯᐅᑉ ᐊᒡᓚᖏᑦ 11:10

ᓇᓪᓕᐊᑦ ᐱᔪᒪᔪᖅ ᑐᓂᓯᕕᐅᓂᐊᕐᒪᑦ, ᕿᓂᕐᑐᕐᓗ ᓇᓂᓯᓂᐊᕐᒪᑦ, ᑎᒡᓗᒃᑐᕐᑐᕐᓗ ᒪᑐᐃᕈᑦᔭᐅᓂᐊᕐᒪᑦ.

ᓘᑲᓯᐅᑉ ᐊᒡᓚᖏᑦ 22:44

ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:27

ᑐᖁᖓᔪᑦ ᐃᓂᖓᓄᑦ ᑕᕐᓂᕋ ᕿᒪᖕᓂᐊᖏᓐᓇᕕᐅᒃ, ᐃᑦᔪᕐᓁᑦᑐᖁᑏᑦ ᐃᒍᓇᖁᓂᐊᓐᖏᓚᑦ ᐃᓗᕕᕐᒥ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᓴᒧᐃᓕ ᓯᕗᓪᓖᑦ 1:16

ᐱᔩᑦ ᓱᓇᐅᖏᑦᑑᓇᓱᒋᓂᐊᕐᓇᒍ, ᑍᒫᒃ ᑐᒃᓯᐊᓚᐅᕐᐳᖓ ᐊᖏᔪᒥᒃ ᐊᑲᐅᖏᑦᔪᑎᖃᕋᒪ ᕿᒃᓵᕕᒡᔪᐊᕐᓗᖓᓗ.”

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.